អត្ថប្រយោជន៍ប័ណ្ណបន្ទះឈីប Visa

មានសុវត្ថិភាពខ្ពស់ មានភាពងាយស្រួល និងមានជម្រើសជាច្រើនសម្រាប់អ្នកកាន់ប័ណ្ណ។

ប័ណ្ណបន្ទះឈីប

ប័ណ្ណបន្ទះឈីបគឺជាប័ណ្ណទូទាត់​​ដែលមានបន្ទះឈីបមីក្រូបង្កប់នៅខាងក្នុង។ ថាមពលគណនារបស់បន្ទះឈីបមានន័យថា ប័ណ្ណឆ្លាតវៃទាំងនេះអាចផ្តល់ជូននូវ​ជម្រើស​ និងសេវាកម្មទូទាត់បែបថ្មី ជាមួយនឹងកម្រិតសន្តិសុខប្រសើរជាងមុន ប្រកបដោយ​ភាពងាយស្រួល។
Customer buying a coffee using a Visa chip card

សន្តិសុខដែលកាន់តែប្រសើរ

នៅពេលដែលប្រើ​ជាមួយ​លេខសម្ងាត់​ (PIN) ប័ណ្ណបន្ទះឈីបគឺជា​ដំណោះស្រាយដ៏ពិសេស​ ចំពោះករណីប័ណ្ណដែលត្រូវបានគេក្លែងបន្លំ បាត់ និងត្រូវចោរលួច។ បន្ទះឈីបទប់ស្កាត់​ប័ណ្ណពីការក្លែងបន្លំ ដោយ PIN អាចកំណត់អត្តសញ្ញាណម្ចាស់​ប័ណ្ណ និងទប់ស្កាត់​វាពីការប្រើ​ប្រាស់ដោយអ្នកដទៃ​ ក្នុងករណីប័ណ្ណបាត់ ឬត្រូវចោរលួច។ នៅពេលប័ណ្ណបន្ទះឈីបត្រូវបានប្រើប្រាស់​នៅម៉ាស៊ីនឆូតប័ណ្ណ សារអំពីប្រតិបត្តិការនឹងផ្ញើទៅកាន់ម្ចាស់ប័ណ្ណបន្ទះឈីប​ដើម្បីស្នើសុំអនុញ្ញាតប្រតិបត្តិការ ដោយមិនមាន​ទិន្នន័យណាមួយអាចប្រើ​ប្រាស់ដើម្បី​ក្លែងបន្លំ ឬធ្វើ​ប្រតិបត្តិការបន្ទះឈីបដោយគ្មានការអនុញ្ញាត តាមរយៈការប្រើ​​ទិន្នន័យពីប្រតិបត្តិការមុនឡើងវិញបានទេ។

Person using an ATM overseas with their Visa EMV chip card

ការប្រើ​ប័ណ្ណបន្ទះឈីបនៅក្រៅប្រទេស

បច្ចេកវិទ្យាប័ណ្ណបន្ទះឈីបកំពុងត្រូវបានប្រើ​ប្រាស់នៅទូទាំងអឺរ៉ុប និងអាស៊ី​ និង​ត្រូវបានបញ្ជាក់ពីឥទ្ធិពលដ៏ខ្លាំង​ក្នុងការកាត់បន្ថយការក្លែងបន្លំ។ ដោយប្រទេសជាច្រើនងាកទៅប្រើបច្ចេកវិទ្យាបន្ទះឈីប និង PIN ម្ចាស់ប័ណ្ណដែលធ្វើដំណើរនៅក្រៅប្រទេស​គួរតែដឹងថាតើធនាគារចេញប័ណ្ណរបស់ពួកគេកំណត់​ប័ណ្ណជាប្រភេទដែលប្រើ PIN ដែរឬទេ?​ បើបានកំណត់រួចហើយ ម្ចាស់ប័ណ្ណត្រូវប្រើ​ PIN នោះ ដើម្បីបញ្ជាក់​ប្រតិបត្តិការ​ប័ណ្ណបន្ទះឈីបរបស់ខ្លួន​។

Customer taking out their Visa EMV chip card to pay for a meal overseas

អត្ថប្រយោជន៍ផ្សេងទៀត​

បន្ថែមទៅលើ​ការការពារប្រឆាំងនឹងការក្លែងបន្លំ ប័ណ្ណបន្ទះឈីបជួយសម្របសម្រួល​កាបូបលុយរបស់លោកអ្នក​តាមរយៈលទ្ធភាពបញ្ចូល​មុខងារចម្រុះ​នៅលើប័ណ្ណតែមួយ ដូចជា កម្មវិធី​រង្វាន់​ ការបញ្ចុះតម្លៃ និងការផ្តល់ជូនពិសេសៗ​។

Customer making a payment at a small business using their Visa EMV chip card

EMV

EMV គឺពាក្យកាត់របស់ Europay, MasterCard, Visa, ដែលស្ថាប័នទាំងបីនេះបានអភិវឌ្ឍ និងបង្កើត​ EMV ជាស្តង់ដារសកល​ សម្រាប់ប្រតិបត្តិការឥណទាន និងឥណពន្ធ​ដែលផ្អែកលើបន្ទះឈីប។ ស្តង់ដារ EMV ជួយ​បង្កើនសន្តិសុខ និងលទ្ធភាព​អន្តរប្រតិបត្តិការសកលជាអតិបរមា ដើម្បីឱ្យប្រទេសនៅជុំវិញពិភពលោកបន្តទទួលយកប័ណ្ណ Visa ​។