ខណៈដែលទីផ្សារបន្ទះឈីបកំពុងរីកដុះដាល លោកអ្នកចាំបាច់ត្រូវតាមឲ្យទាន់។ Visa បាននាំពិភពលោកឲ្យងាកមកប្រើប្រាស់ប័ណ្ណបន្ទះឈីប ហើយយើងខ្ញុំត្រៀមខ្លួនរួចជាស្រេចដើម្បីប្រើប្រាស់ជំនាញរបស់យើង ជួយឲ្យអាជីវកម្មរបស់លោកអ្នកអាចផ្តល់ជូនបច្ចេកវិទ្យាបន្ទះឈីប។
ស្វែងយល់អំពីបច្ចេកវិទ្យាប័ណ្ណបន្ទះឈីបសម្រាប់ធនាគារចេញម៉ាស៊ីនឆូតប័ណ្ណ
អតិថិជន Visa ត្រូវតែគោរពតាមស្តង់ដារសន្តិសុខទិន្នន័យឧស្សាហកម្មប័ណ្ណទូទាត់ (PCI DSS) ដែលជាស្តង់ដារសន្តិសុខបង្កើតឡើងក្នុងគោលបំណង ជួយដល់អង្គភាពនានាឲ្យចេះការពារជាមុន ចំពោះទិន្នន័យគណនីអតិថិជន។ ធនាគារចេញម៉ាស៊ីនឆូតប័ណ្ណ Visa ដែលភ្ជាប់ដោយផ្ទាល់ទៅ VisaNet និង/ឬ
អ្នកដែលដំណើរការតាងនាមឲ្យអតិថិជន Visa ផ្សេងទៀត ត្រូវតែបង្ហាញពីការ អនុលោមតាម PCI DSS ទៅ Visa រៀងរាល់ 12 ខែម្តង។ Visa មានឆន្ទានុសិទ្ធិក្នុងការតម្រូវឲ្យធនាគារចេញម៉ាស៊ីនឆូតប័ណ្ណ ឬអ្នកផ្តល់សេវារបស់ខ្លួនបង្ហាញពីអនុលោមភាព។
ធនាគារចេញម៉ាស៊ីនឆូតប័ណ្ណដើរតួនាទីយ៉ាងសំខាន់នៅក្នុងហេដ្ឋារចនាសម្ព័ន្ធការទូទាត់សកល ហើយយើងខ្ញុំស្ថិតក្នុងទីតាំងដ៏ពិសេស ដើម្បីផ្តល់សេវាដំណោះស្រាយ និងព័ត៌មាន ដែលរួមចំណែកដល់ភាពជោគជ័យរបស់លោកអ្នក។ យើងខ្ញុំធ្វើការជាមួយលោកអ្នកដើម្បីពង្រីកផលប័ត្រអ្នកជំនួញ បង្កើនការទទួលយក និងកាត់បន្ថយការលំបាករបស់អ្នកជំនួញ។
VisaVue® Online (VVO) ដាក់ប្រតិបត្តិការ និងទិន្នន័យគំរូចុងក្រោយពីបណ្តាញទូទាត់អេឡិចត្រូនិកធំបំផុតក្នុងពិភពលោក* ទៅក្នុងដៃរបស់លោកអ្នក។ VVO ធ្វើឲ្យលោកអ្នកងាយស្រួលមើលព័ត៌មានលម្អិតអំពីផលប័ត្ររបស់លោកអ្នក ដោយប្រមូលទិន្នន័យប្រតិបត្តិការ រួចបកស្រាយ និងចេញជារបាយការណ៍ដែលងាយយល់។
ការរំលោះដែលបានរួមបញ្ចូលអនុញ្ញាតឲ្យមានការរំលោះឆាប់រហ័សនៅម៉ាស៊ីនឆូតប័ណ្ណ ដើម្បីបង្កើនបទពិសោធន៍ល្អសម្រាប់អតិថិជន។ តម្លៃត្រូវបានកាត់បន្ថយក្នុងពេលវេលាជាក់ស្តែង ដែលនេះគឺជាផ្នែកមួយនៃជំហាននៃការអនុញ្ញាត ហើយអតិថិជនបានទទួលដំណឹងនៅនឹងកន្លែង Check out តាមរយៈការទទួលសារ SMS ឬអ៊ីម៉ែល។
ចាប់ផ្តើមផ្តល់ដំណោះស្រាយនៅម៉ាស៊ីនឆូតប័ណ្ណ ដើម្បីអនុញ្ញាតឲ្យទទួលយកការទូទាត់តាមបច្ចេកវិទ្យាទូរស័ព្ទ NFC និង HCE។
ស្វែងយល់បន្ថែមអំពីស្តង់ដារសន្តិសុខទិន្នន័យសម្រាប់អ្នកផ្តល់សេវាកម្ម។
ធនាគារចេញម៉ាស៊ីនឆូតប័ណ្ណទាំងអស់ត្រូវតែគោរពតាមតម្រូវការដែលបានបញ្ជាក់នៅក្នុងស្តង់ដារហានិភ័យធនាគារចេញម៉ាស៊ីនឆូតប័ណ្ណសកលរបស់ Visa នៅពេលគ្រប់គ្រងទំនាក់ទំនងអ្នកជំនួញ និងភ្នាក់ងារភាគីទីបី។
Visa ផ្តល់ព័ត៌មានសំខាន់ទាក់ទងនឹងនិន្នាការសុវត្ថិភាព ទិន្នន័យចុងក្រោយបំផុត ការបំពានទិន្នន័យ និងភ្នាក់ងារចម្លងការវាយប្រហារ ឧត្តមានុវត្ត និង កម្មវិធីអនុលោមភាព Visa តាមរយៈសន្និសីទសិក្ខាសាលាតាមអ៊ីនធឺណិត និងវគ្គបណ្តុះបណ្តាលដែលមានជាហូរហែ។
