VisaVue® Online

ប្រមូលព័ត៌មានពីទិន្នន័យប្រតិបត្តិការ និងគំរូស្តង់ដារយ៉ាងរហ័ស និងងាយស្រួល

ទទួលបានព័ត៌មានជាមួយទិន្នន័យ

VisaVue® Online (VVO) ដាក់ប្រតិបត្តិការ និងទិន្នន័យគំរូចុងក្រោយពីបណ្តាញទូទាត់អេឡិចត្រូនិចធំបំផុតក្នុងពិភពលោក* ទៅក្នុងដៃរបស់លោកអ្នក។

VVO ធ្វើឱ្យលោកអ្នកងាយស្រួលមើលព័ត៌មានលម្អិតអំពីផលប័ត្ររបស់លោកអ្នក ដោយប្រមូលទិន្នន័យប្រតិបត្តិការ រួចបកស្រាយ និងចេញជារបាយការណ៍ដែលងាយយល់។ VVO បង្ហាញពីទិន្នន័យដែលស៊ីជម្រៅ នៅលើរបាយការណ៍ដែលងាយយល់។ លោកអ្នកអាចចូលប្រើបណ្ណាល័យនៃទម្រង់របាយការណ៍ ដែលធ្វើរួចជាស្រេច ដោយគ្រាន់តែចុច កែសម្រួល ឬបង្កើតថ្មីដោយខ្លួនឯង។

* ផ្អែកលើទំហំបរិមាណនៃការទូទាត់ បរិមាណសរុប ចំនួនប្រតិបត្តិការ និងចំនួនប័ណ្ណដែលប្រើប្រាស់

អត្ថប្រយោជន៍

ក្នុងនាមជាធនាគារចេញម៉ាស៊ីនឆូតប័ណ្ណ លោកអ្នកអាចគ្រប់គ្រងសកម្មភាពប្រតិបត្តិការ Visa របស់អ្នកជំនួញ ដើម្បីជួយវិភាគចំណាយ ដែលអ្នកជំនួញរបស់លោកអ្នកត្រូវបង់ទៅធនាគារចេញប័ណ្ណ និងស្វែងរកឱកាសទីផ្សារ។ លោកអ្នកក៏អាចវិភាគទិន្នន័យប្រតិបតិ្តការដើម្បីពិនិត្យព័ត៌មានអំពីការគិតថ្លៃត្រឡប់មកអ្នកជំនួញវិញ ការទាមទារសំណងពីធនាគារចេញប័ណ្ណ ការក្លែងបន្លំ និងតម្លៃផ្សេងៗ។

ក្នុងនាមជាធនាគារចេញប័ណ្ណ លោកអ្នកអាចប្រៀបធៀបការអនុវត្តរបស់លោកអ្នកជាមួយនឹងក្រុមគំរូដែលមានភូមិសាស្ត្រខុសៗគ្នា។ លោកអ្នកអាចបែងចែកប្រភេទអ្នកកាន់ប័ណ្ណដោយផ្អែកលើទម្លាប់ចំណាយបានយ៉ាងឆាប់រហ័ស និងងាយស្រួលបំផុត ហើយលោកអ្នកអាចប្រើព័ត៌មានទាំងនេះដើម្បីកែប្រែកម្មវិធីសហយីហោ ឬកម្មវិធីបង់ប្រាក់ជាមុន និងការធ្វើទីផ្សារដើម្បីបង្កើនប្រាក់ចំណេញ។ លោកអ្នកក៏អាចពិនិត្យមើលទិន្នន័យប្រតិបត្ដិការ រួមទាំង ព័ត៌មានសម្រាប់ការអនុញ្ញាត ការក្លែងបន្លំ ព័ត៌មានអំពីតម្លៃ និងទិន្នន័យអំពីដំណើរការលើកលែង។

កម្មវិធីគ្រប់គ្រងផលប័ត្រគឺជាឧបករណ៍វិភាគដ៏មានអនុភាព ដែលផ្តល់នូវភាពងាយស្រួលដើម្បីបង្កើតគណនីផលប័ត្រ ផ្អែកលើលក្ខណៈវិនិច្ឆ័យដែលលោកអ្នកកំណត់។ លោកអ្នកអាចកំណត់ និងរៀបចំក្រុមគណនីរបស់អ្នកកាន់ប័ណ្ណសម្រាប់របាយការណ៍វិភាគពិសេសដើម្បីប្រើប្រាស់ក្នុងគោលបំណងផ្សេងៗ។ របាយការណ៍អាចផ្អែកលើលក្ខណៈផ្សេងៗគ្នា ឧទាហរណ៍ ឥរិយាបថនៃការចំណាយនៅក្នុងផ្នែកទីផ្សារណាមួយ ឬរបស់អ្នកជំនួញណាមួយ។ លើសពីនេះទៀត កម្មវិធីគ្រប់គ្រងផលប័ត្រអនុញ្ញាតឲ្យលោកអ្នកបញ្ចូលបញ្ជីអ្នកកាន់ប័ណ្ណដើម្បីបង្កើត និងផ្សព្វផ្សាយយុទ្ធនាការ ដោយផ្អែកលើការចុះឈ្មោះប័ណ្ណ ការរក្សាទុក និងការប្រើប្រាស់ប័ណ្ណជាដើម។

ក្នុងនាមជាអ្នកប្រើប្រាស់អ្នកជំនួញដែលមានសហយីហោ (តម្រូវឲ្យមានការយល់ព្រមពីធនាគារចេញប័ណ្ណ) VVO អនុញ្ញាតឲ្យលោកអ្នកចូលប្រើប្រាស់របាយការណ៍រហ័សផ្សេងៗ ដែលមានបង្ហាញទិដ្ឋភាពប្រតិបត្តិការ Visa នៅក្នុងផលប័ត្រអតិថិជនរបស់លោកអ្នក។ របាយការណ៍រហ័ស និងងាយស្រួលប្រើទាំងនេះផ្តល់នូវព័ត៌មានជាច្រើនអំពីការអនុវត្ត ដោយមិនចាំបាច់មានបទពិសោធន៏គ្រប់គ្រងទិន្នន័យនោះទេ។ លោកអ្នកក៏ងាយស្រួលបង្កើតសំណួរផ្សេងៗ ដើម្បីឆ្លើយតបនឹងតម្រូវការវិភាគជាក់លាក់ណាមួយ។

កសាងអាជីវកម្មដោយផ្អែកលើទិន្នន័យជាក់លាក់ មិនមែនដោយការស្មានផ្តេសផ្តាសនោះទេ

វិភាគការប្រើប្រាស់ផលប័ត្រ Visa របស់លោកអ្នក

កំណត់ និងតាមដានសកម្មភាពរបស់អតិថិជន ដើម្បីវាស់វែងការអនុវត្ត - ដោយមើលតាមប្រភេទអ្នកជំនួញ ផលិតផល ភូមិសាស្ដ្រ ថ្លៃសេវាប្តូរប្រាក់ និងប្រភេទផ្សេងទៀត។

កំណត់ និងអភិវឌ្ឍឱកាសទីផ្សារ

Visa ប្តេជ្ញាពាំនាំមកនូវការទូទាត់ដ៏មានសុវត្ថិភាពប្រកបដោយភាពច្នៃប្រឌិតថ្មីៗសម្រាប់ម្ចាស់ប័ណ្ណ និងអ្នកជំនួញ។

ស្វែងយល់ពីទស្សនវិស័យ Visa

ទិន្នន័យក្រុមប្រៀបធៀបអាចឲ្យលោកអ្នកឃើញពីប្រតិបត្តិការផលប័ត្ររបស់លោកអ្នកប្រៀបធៀបទៅនឹងក្រុមគំរូដែលមានភូមិសាស្ត្រខុសៗគ្នា។

បង្កើត និងតាមដានក្រុមអតិថិជនអ្នកកាន់ប័ណ្ណ

បែងចែកអតិថិជនជាក្រុមដោយផ្អែកលើទម្លាប់ទិញខុសៗគ្នា។ បង្កើតប្រភេទក្រុមអតិថិជនសម្រាប់ការវិភាគក្នុងគោលបំណងនានាបានរហ័ស ដោយប្រើកម្មវិធីគ្រប់គ្រងផលប័ត្រ។

ឆាប់ទទួលបានទិន្នន័យ

អាចមើលរបាយការណ៍ចុងខែ ដោយចំណាយពេលតែប៉ុន្មានថ្ងៃប៉ុណ្ណោះ។

ព័ត៌មានអ្នកជំនួញ និងព័ត៌មានភូមិសាស្រ្ដដោយ Visa មានភាពច្បាស់លាស់

ដោយ «វិធាន» ត្រូវបានធ្វើបច្ចុប្បន្នដើម្បីផ្តល់ជូននូវព័ត៌មានអ្នកជំនួញ និងទីតាំងបានរឹតតែប្រសើរ។

មូលដ្ឋានទិន្ន័យលើអ៊ីនធឺណេតគ្រប់គ្រងដោយ Visa

គ្រប់គ្រងអាជីវកម្មរបស់លោកអ្នក ដោយមិនចាំបាច់គ្រប់គ្រងការផ្ទុកទិន្នន័យ។

របាយការណ៍ជារូបិយប័ណ្ណចម្រុះ

អាចប្តូររូបិយប័ណ្ណ និងវិភាគព័ត៌មានប្រតិបត្តិការរូបិយប័ណ្ណបានយ៉ាងល្អ។

ឧបករណ៍របាយការណ៍

របាយការណ៍រហ័ស

ផ្តល់ទិន្នន័យភ្លាមៗ ដោយគ្រាន់តែចុចលើរបាយការណ៍ និងការវិភាគជាទូទៅ។

អ្នកបង្កើតរបាយការណ៍

បង្កើតរបាយការណ៍ទៅតាមអ្វី ដែលលោកអ្នកចង់បាន ដោយប្រើការរចនាសម្បូរបែប និងលក្ខណៈពិសេសផ្សេង២។

របាយការណ៍ផ្ទាំងអន្តរកម្ម

ទទួលបានព័ត៌មានលម្អិតដោយគ្រាន់តែមើលទៅផ្ទាំងក្រាហ្វិក VVO ។

ទិន្នន័យប្រវត្តិសាស្ត្រ

ទទួលបានភ្លាមៗនូវទិន្ន័យអំពីកម្រិតផលប័ត្រក្នុងរយៈពេល 25 ខែ និងទិន្ន័យអំពីកម្រិតប្រតិបត្ដិការក្នុងរយៈពេល 13 ខែ។

ប្រើឧទាហរណ៍

សូមមើលវីដេអូដើម្បីស្វែងយល់ពីរបៀប ដែលទិន្នន័យពី VisaVue® Online អាចជួយឲ្យធនាគារបង្កើតទិន្នន័យស៊ីជម្រៅ ដើម្បីទាក់ទាញក្រុមគោលដៅអតិថិជន សម្រាប់អ្នកជំនួញលក់រាយទំនិញប្រណិត។

ស្វែងយល់បន្ថែមអំពី VisaVue® Online

ផ្ញើអ៊ីម៉ែលទៅការិយាល័យផលិតផល VVO របស់ Visa ប្រចាំតំបន់អាស៊ីប៉ាស៊ីហ្វិក តាមរយៈ [email protected]។

ទទួលបាន​ព័ត៌មាន​ជាមួយទិន្នន័យ