ការទូទាត់ដោយប្រើកូដ QR របស់ Visa អាចឱ្យអតិថិជន និងអ្នកជំនួញផ្ញើ និងទទួលការទូទាត់ដោយផ្ទាល់ពីគណនីប័ណ្ណ Visa បង់ប្រាក់ជាមុន ប័ណ្ណឥណពន្ធ ឬឥណទានរបស់ពួកគេ។ ការទូទាត់ដោយប្រើកូដ QR របស់ Visa អាចដំណើរការបានលើទូរស័ព្ទឆ្លាតវៃដែលមានអ៊ីនធឺណិត (2G, 3G ឬ 4G) ក៏ដូចជាទូរស័ព្ទទំនើបដែលមាន USSD ។ ដូច្នេះ ស្ទើរតែគ្រប់គ្នាអាចប្រើកម្មវិធីនេះបាន។ លើសពីនេះ វាមិនត្រូវការឧបករណ៍បន្ថែមនោះទេ។ ទីបំផុត វិធីដ៏សាមញ្ញសម្រាប់អ្នកជំនួញក្នុងការទទួលយកការទូទាត់តាមទូរស័ព្ទចល័ត ដើម្បីឱ្យអតិថិជនអាចបង់ប្រាក់បានជាមួយ ៖
សាមញ្ញ
អ្នកជំនួញគ្រាន់តែទាញយកកម្មវិធីទូរស័ព្ទរបស់ធនាគារ និងដំឡើងគណនីរបស់ខ្លួន។ មិនតម្រូវឱ្យមានឧបករណ៍ ឬហេដ្ឋារចនាសម្ព័ន្ធផ្សេងទៀតបន្ថែមទេ។
សន្តិសុខ
ការទូទាត់ត្រូវបានការពារដោយប្រព័ន្ធឌីជីថលដ៏មានសុវត្ថិភាព ហើយទាមទារឱ្យមានការផ្ទៀងផ្ទាត់ត្រឹមត្រូវ និងការយល់ព្រមដើម្បីអាចទូទាត់បាន។ មានន័យថាគ្មានប្រតិបត្តិការណាមួយអាចត្រូវបានធ្វើឡើងដោយគ្មានការព្រមព្រៀងពីអតិថិជន និងអ្នកជំនួញនោះទេ។
គ្រប់គ្រង
អតិថិជន"ធ្វើការទូទាត់"ទៅឱ្យអ្នកជំនួញ ដោយមិនចាំបាច់បង្ហាញលេខគណនី ឬលេខប័ណ្ណនោះទេ។ អ្នកជំនួញនឹងទទួលបានទឹកប្រាក់ដោយផ្ទាល់នៅក្នុងគណនីអ្នកជំនួញ Visa បានយ៉ាងងាយ។
របៀបដែលការទូទាត់ដោយប្រើកូដ QR របស់ Visa ជួយធនាគារចេញប័ណ្ណ
តាមរយៈការផ្ដល់ជូននូវវិធីទូទាត់តាមទូរស័ព្ទដែលរហ័ស ងាយស្រួល និងសុវត្ថិភាពដល់ម្ចាស់ប័ណ្ណរបស់លោកអ្នក ដំណោះស្រាយការទូទាត់ដោយប្រើកូដ QR របស់ Visa អាចជួយលោកអ្នក ៖
- បង្កើនការប្រើប្រាស់ប័ណ្ណ
- ពង្រឹងភក្តីភាពរបស់អតិថិជន
- ជួយឱ្យការអនុវត្តផលប័ត្រទាំងមូលប្រសើរឡើង
របៀបដែលដំណោះស្រាយការទូទាត់ដោយប្រើកូដ QR របស់ Visa ជួយធនាគារចេញម៉ាស៊ីនឆូតប័ណ្ណ
តាមរយៈការផ្ដល់ជូននូវវិធីថ្មី និងងាយស្រួលដើម្បីទទួលយកការទូទាត់តាមទូរស័ព្ទចល័តដល់អ្នកជំនួញក្នុងការធ្វើឱ្យអាជីវកម្មរបស់គេរីកចម្រើន ហើយអនុញ្ញាតឱ្យលោកអ្នក ៖
- បន្ថែមដំណោះស្រាយដ៏សំខាន់ដល់ការផ្ដល់ជូនសេវាកម្មរបស់លោកអ្នក
- បង្កើនប្រតិបត្តិការ និងការលក់
- ពង្រឹងទំនាក់ទំនងដៃគូជំនួញរបស់លោកអ្នក
