• សុវត្ថិភាពក្នុងការទិញទំនិញតាមអ៊ីនធឺណិត

    មិនព្រួយបារម្ភជាមួយនឹង Verified by Visa

ទិញទំនិញតាមអ៊ីនធឺណិតដោយសុវត្ថិភាព

Verified by Visa ផ្ដល់នូវទំនុកចិត្តបន្ថែមទៀតសម្រាប់អ្នកទិញទំនិញតាមអ៊ីនធឺណិត។ វាគឺជាប្រព័ន្ធផ្ទៀងផ្ទាត់ពាក្យសម្ងាត់ ដែលរចនាឡើងដើម្បីបញ្ជាក់ពីអត្តសញ្ញាណរបស់អ្នកកាន់ប័ណ្ណ នៅពេលដែលប័ណ្ណ Visa ត្រូវបានប្រើប្រាស់នៅលើបណ្ដាញអ៊ីនធឺណិត។

ដោយមានការស្នើសុំពាក្យសម្ងាត់ ដែលមានតែម្ចាស់ប័ណ្ណម្នាក់ប៉ុណ្ណោះដឹង ធនាគារអាចបញ្ជាក់ថា អ្នកកាន់ប័ណ្ណពិតប្រាកដកំពុងបញ្ចូលព័ត៌មានលម្អិតអំពីកាតរបស់ពួកគេទៅក្នុងគេហទំព័រពាណិជ្ជកម្មអេឡិចត្រូនិក។ ពាក្យសម្ងាត់អាចជាពាក្យដែលលោកអ្នកបង្កើតឡើង ហើយត្រូវចងចាំវា ឬអាចជាលេខកូដ ដែលធនាគារផ្ញើមកលោកអ្នកតាមរយៈសារ SMS នៅពេលដែលលោកអ្នកបម្រុងនឹងធ្វើការទូទាត់លើបណ្តាញអ៊ីនធឺណិត​។ វាជួយការពារការក្លែងបន្លំ និងផ្តល់ជូននូវសុវត្ថិភាពក្នុងដំណើរការបង់ប្រាក់​ ជាពិសេស នៅពេលគេប្រើប្រាស់វាភ្ជាប់ជាមួយនឹងវិធីសាស្រ្តការពារសុវត្ថិភាពផ្សេងទៀត ដែលផ្តល់ជូនដោយ Visa ។

របៀបដែលវាដំណើរការ

An image of a hand holding a payment card in front of a laptop, used for safe online shopping.

ចុះឈ្មោះ

លោកអ្នក​អាចចុះឈ្មោះសម្រាប់ Verified by Visa តាមរយៈធនាគារ ដែលចេញប័ណ្ណ Visa របស់លោកអ្នក ដោយចំណាយពេលតែប៉ុន្មាននាទីតែប៉ុណ្ណោះ។ នៅពេលប្រើប្រាស់ប័ណ្ណ Verified by Visa ការពារលោកអ្នកនៅគ្រប់បណ្តាញហាងតាមអ៊ីនធឺណិតដែលប្រើប្រាស់ Visa ទាំងអស់។ នៅពេលដែលលោកអ្នកទិញទំនិញតាមអ៊ីនធឺណិតពីអ្នកជំនួញ ប័ណ្ណរបស់លោកអ្នកនឹងត្រូវបានទទួលស្គាល់ដោយស្វ័យប្រវត្តិថា ត្រូវបានការពារដោយ Verified by Visa ។

An image of a phone with bank details on the screen, representing a secure online shopping transaction.

ពាក្យសម្ងាត់តែមួយដង

នៅលើគេហទំព័រក្នុងផ្នែក Verified by Visa លោកអ្នកនឹងត្រូវឆ្លើយតបនឹងសំណួរដើម្បីបញ្ជាក់ភាពត្រឹមត្រូវ ដោយបញ្ចូលពាក្យសម្ងាត់ Verified by Visa របស់លោកអ្នក ឬពាក្យសម្ងាត់តែមួយដងដែលធនាគារចេញជូនលោកអ្នក។

សុពលភាព

នៅពេលលោកអ្នកបានបញ្ចូលលេខកូដ Verified by Visa រួចហើយ​​ លោកអ្នកគ្រាន់តែធ្វើតាមដំណាក់កាលដ៏ងាយស្រួលដើម្បីបញ្ចប់ប្រតិបត្តិការ។ ធនាគារចេញប័ណ្ណរបស់លោកអ្នកនឹងផ្ទៀងផ្ទាត់ការបញ្ចូលរបស់លោកអ្នក ហើយប្រតិបត្តិការនឹងបញ្ចប់នៅពេលការផ្ទៀងផ្ទាត់ទទួលបានជោគជ័យ។

សំណួរ + ចម្លើយ

គន្លឹះនៃការទិញទំនិញតាមអ៊ីនធឺណិត

  • ​ចុះឈ្មោះសម្រាប់ Verified by Visa​ - Verified by Visa គឺជាសេវាកម្មមួយដែលអនុញ្ញាតឱ្យលោកអ្នកប្រើពាក្យសម្ងាត់ ឬកូដដើម្បីការពារប័ណ្ណ Visa នៅពេលដែលលោកអ្នកទិញទំនិញតាមអ៊ីនធឺណិត។ វាផ្តល់ជូននូវការធានាបន្ថែមដែលបញ្ជាក់ថា មានតែលោកអ្នកប៉ុណ្ណោះដែលអាចប្រើប័ណ្ណ Visa បាន។ ធនាគារចេញប័ណ្ណមួយចំនួនអាចនឹងចុះឈ្មោះ Verified by Visa ទៅលើប័ណ្ណរបស់លោករួចជាស្រេច។ សូមសាកសួរទៅកាន់ជាមួយធនាគារចេញប័ណ្ណរបស់លោកអ្នកសម្រាប់ព័ត៌មានលម្អិត។ 
  • ទស្សនាគេហទំព័រសុវត្ថិភាព - ស្វែងរក "«s»" ក្រោយពាក្យ "http" ក្នុងគេហទំព័រ ឬ URL នៃហាងលក់ទំនិញតាមអ៊ីនធឺណិតដែលលោកអ្នកចូលមើល។ 
  • ​រក្សាពាក្យសម្ងាត់ជាអាថ៌កំបាំង - ហាងលក់ទំនិញតាមអ៊ីនធឺណិតមួយចំនួនតម្រូវឱ្យលោកអ្នកចុះឈ្មោះអ្នកប្រើប្រាស់ និងពាក្យសម្ងាត់មុនពេលទិញទំនិញ។ ដូចដែលលោកអ្នករក្សាទុកលេខកូដសម្ងាត់ម៉ាស៊ីន ATM ពាក្យសម្ងាត់ Verified by Visa របស់លោកអ្នកក៏ត្រូវតែរក្សាទុកឱ្យល្អដែរ។
  • ​ប្រៀបធៀប រួចទិញ​​ – ពិនិត្យមើលផលិតផលនិងតម្លៃនៅក្នុងហាងលក់ទំនិញតាមអ៊ីនធឺណិតមុនពេលទិញទំនិញ។ 
  • ការពារព័ត៌មានលម្អិតប័ណ្ណរបស់លោកអ្នក - សូមផ្ដល់ព័ត៌មានលម្អិតអំពីប័ណ្ណ Visa របស់លោកអ្នកនៅពេលទិញទំនិញតែប៉ុណ្ណោះ។ មិនត្រូវបង្ហាញព័ត៌មានទាំងនេះចំពោះហេតុផលផ្សេងពីនេះជាដាច់ខាត។ 
  • សូមពិនិត្យមើលគោលនយោបាយដឹកជញ្ជូន និងបង្វិលទំនិញទៅវិញ - មុនពេលបញ្ចប់ប្រតិបត្តិការទិញទំនិញតាមអ៊ីនធឺណិត​ សូមអានគោលនយោបាយការដឹកជញ្ជូន និងបង្វិលទំនិញទៅវិញ នៅលើគេហទំព័រហាងលក់ទំនិញតាមអ៊ីនធឺណិតនីមួយៗ។ ត្រូវដឹងថា លោកអ្នកអាចបង្វិលទំនិញទៅវិញបានឬទេ ហើយនរណាជាអ្នករ៉ាប់រងលើការចំណាយនៅពេលបង្វិលទៅវិញ។ 
  • មិនត្រូវផ្ញើព័ត៌មានវិក្កយបត្រតាមអ៊ីម៉ែល - ព័ត៌មានដែលបានបញ្ជូនតាមអ៊ីនធឺណិត (ដូចជាអ៊ីមែល) មិនបានការពារពេញលេញពីការអានដោយភាគីខាងក្រៅឡើយ។ គេហទំព័រជាច្រើនរបស់អ្នកជំនួញល្បីតែងប្រើបច្ចេកវិទ្យាអ៊ីនគ្រីប ដែលនឹងការពារទិន្នន័យឯកជនរបស់លោកអ្នកពីការចូលលួចពីខាងក្រៅ ខណៈពេលលោកអ្នកធ្វើប្រតិបត្តិការលើបណ្តាញអ៊ីនធឺណិត។ 
  • ត្រូវរក្សាទុកឯកសារប្រតិបត្តិការរបស់លោកអ្នក - ដូចដែលលោកអ្នកបានរក្សាទុកវិក្កយបត្រតាមហាងដែរ លោកអ្នកគួរតែរក្សាទុកកំណត់ត្រាការទិញទំនិញតាមអ៊ីនធឺណិត។ ការរក្សាទុកប្រតិបត្តិការរបស់លោកអ្នកអាចជា ឯកសារអេឡិចត្រូនិក និង/ឬ ព្រីនក្រដាសបញ្ជាទិញ។ 
  • ពិនិត្យរបាយការណ៍គណនីប្រចាំខែឡើងវិញរបស់លោកអ្នកយ៉ាងហ្មត់ចត់ - ត្រួតពិនិត្យរបាយការណ៍ប្រចាំខែរបស់លោកអ្នក ជាពិសេស បន្ទាប់ពីការធ្វើដំណើរនៅក្រៅប្រទេស។ សូមពិនិត្យមើលប្រតិបតិ្តការទាំងអស់ សូម្បីតែចំណាយអស់តិចក៏ដោយ ព្រោះថាឧក្រិដ្ឋជនអាចសាកល្បងលួចគណនីដោយការទិញរបស់របរមានតម្លៃថោកជាជាងតម្លៃថ្លៃ។ ធ្វើការរាយការណ៍សកម្មភាពសង្ស័យភ្លាមៗដើម្បីការពារការក្លែងបន្លំណាមួយបន្ថែមទៀតតាមដែលអាចធ្វើទៅបាន។ ជូនដំណឹងដល់ស្ថាប័នហិរញ្ញវត្ថុរបស់លោកអ្នកភ្លាមៗ នូវរាល់សកម្មភាពអ៊ីម៉ែលដែលគួរឱ្យសង្ស័យណាមួយ។ 
  • សូមបើកមើល​ និងឆ្លើយតបអ៊ីម៉ែលដែលឆ្លងកាត់ការធ្វើតេស្តជាមូលដ្ឋានតែប៉ុណ្ណោះ * - តើអ៊ីម៉ែលនេះជារបស់អ្នកដែលលោកអ្នកធ្លាប់ស្គាល់ដែរឬទេ? តើលោកអ្នកធ្លាប់ទទួលអ៊ីម៉ែលពីអ្នកផ្ញើនេះពីមុនមកដែរឬទេ? តើលោកអ្នកបានរំពឹងថានឹងទទួលអ៊ីម៉ែលពីអ្នកផ្ញើម្នាក់នេះដោយភ្ជាប់ជាមួយនឹងឯកសារដែរឬទេ? តើអ៊ីម៉ែលពីអ្នកផ្ញើនេះមានការបញ្ជាក់មាតិកាក្នុងបន្ទាត់ប្រធានបទ និងឈ្មោះរបស់ឯកសារត្រឹមត្រូវដែរឬទេ? តើអ៊ីម៉ែលនេះមានផ្ទុកវីរុសដែរឬទេ?
    * ពី"«មគ្គុទ្ទេសក៏វិនិច្ឆ័យសម្រាប់អ្នកប្រើតាមផ្ទះ និងបុគ្គល»" ដោយសម្ព័ន្ធសន្តិសុខអ៊ីនធឺណិត។