លក្ខខណ្ឌសេវា Visa Checkout

សំខាន់ ៖ សូមអានលក្ខខណ្ឌសេវា («លក្ខខណ្ឌ») Visa Checkout ខាងក្រោមដោយប្រុងប្រយ័ត្ន។ Visa Checkout គឺជាឈ្មោះថ្មីមួយសម្រាប់សេវាដែលមានឈ្មោះពីមុនហៅថា V.ME ពី Visa ហើយលោកអ្នកអាចបន្តមើលឃើញឈ្មោះទាំងពីរត្រូវបានប្រើក្នុងពេលមួយរយៈ។ លោកអ្នកបានទទួលស្គាល់ថាលោកអ្នកយល់ និងឯកភាពទៅនឹងលក្ខខណ្ឌទាំងអស់នេះ បើសិនជាលោកអ្នកបានបង្កើតគណនី Visa Checkout ឬប្រើ Visa Checkout ឬបានចុចលើប៊ូតុង «ខ្ញុំយល់ព្រម» ឬសូចនាករប្រហាក់ប្រហែលដែលទាក់ទងទៅនឹងការប្រើ Visa Checkout ហើយលក្ខខណ្ឌទាំងនេះជំនួសលក្ខខណ្ឌមុនៗទាំងអស់ដែលទាក់ទងនឹង V.ME ពី Visa និង Visa Checkout ។

Visa Checkout ត្រូវបានប្រតិបត្តិការដោយក្រុមហ៊ុន Visa U.S.A. និងសាខារបស់ខ្លួន។ ដូចបានប្រើនៅក្នុងលក្ខខណ្ឌទាំងនេះ "Visa", "យើងខ្ញុំ", "យើង" ឬសព្វនាមស្រដៀងគ្នាសំដៅទៅលើអង្គភាព Visa ដែលផ្តល់សេវា Visa Checkout ជូនលោកអ្នក ដោយអាស្រ័យទៅលើទីលំនៅរបស់លោកអ្នក ដូចមានចែងនៅក្នុងផ្នែក 19.h ខាងក្រោម។

ដូចបានប្រើនៅក្នុងលក្ខខណ្ឌទាំងនេះ ពាក្យ "Visa Checkout" មានអត្ថន័យទាំងអស់ដូចតទៅ ៖ លក្ខណៈពិសេសរបស់ Visa Checkout ទាំងអស់ ទាំងមុខងារ និងសេវា ដែលមាននៅពេលបច្ចុប្បន្ន ឬបន្ថែមនាពេលអនាគត មិនថាមានតាមរយៈគេហទំព័រ Visa Checkout ឬគេហទំព័រទូរស័ព្ទដែលត្រូវបានប្រតិបត្តិការជាដូម៉េន ឬដូម៉េនរង ("គេហទំព័រ") ឬតាមរយៈកម្មវិធី ឬមុខងារដែលត្រូវបានផ្តល់ជូនដោយធនាគារចេញប័ណ្ណ ឬស្ថាប័នទូទាត់ប្រាក់ អ្នកជំនួញ ឬភាគីទីបីណាមួយ (ជារួម "សេវា")។ រូបសញ្ញា ការរចនា អត្ថបទ រូបភាព វីដេអូ ក្រាហ្វិក កម្មវិធី ឬខ្លឹមសារ និងសម្ភារៈផ្សេងៗរបស់ Visa ឬ របស់អ្នកផ្តល់អាជ្ញាប័ណ្ណរបស់ខ្លួន ដែលមានតាមរយៈ Visa Checkout និងការជ្រើស និងការរៀបចំ (ជារួម "មាតិកា"); ហើយផ្នែករឹង ឬហាតវែរ កម្មវិធីសូហ្វវែរ និងបណ្តាញដែលទាក់ទងជាមួយការផ្តល់ជូនសេវា Visa Checkout ដល់លោកអ្នក (ជារួម "ប្រព័ន្ធ Visa Checkout")។

Visa Checkout ផ្តល់ជូនលោកអ្នកនូវ (i) សមត្ថភាពក្នុងការផ្ទុកគណនី និងព័ត៌មានពាក់ព័ន្ធផ្សេងៗទៀត ដូចជា អាសយដ្ឋានទូទាត់ប្រាក់ និងដឹកជញ្ជូន ("ព័ត៌មានប័ណ្ណលម្អិត") សម្រាប់ប័ណ្ណឥណទាន ឥណពន្ធ ប័ណ្ណបង់ប្រាក់ជាមុន និងប័ណ្ណឬវិធីបង់ប្រាក់ផ្សេងៗទៀតដែល Visa បានសម្រេចថា មានលក្ខណៈសម្បត្តិគ្រប់គ្រាន់ដើម្បីប្រើប្រាស់ជាមួយសេវា Visa Checkout ("ប័ណ្ណដែលមានលក្ខណៈសម្បត្តិគ្រប់គ្រាន់") ដើម្បីបង្កើតគណនី Visa Checkout («គណនី»); និង (ii) សមត្ថភាពក្នុងការប្រើសេវា Visa Checkout ជាវិធីគិតប្រាក់ជាមួយអ្នកជំនួញដែលមានសញ្ញា Visa Checkout ។

នៅពេលលោកអ្នកប្រើប្រាស់សេវា Visa Checkout ជាវិធីគិតប្រាក់ យើងខ្ញុំនឹងបញ្ជូនព័ត៌មានជាក់លាក់មួយចំនួនទៅកាន់អ្នកជំនួញដើម្បីផ្ទៀងផ្ទាត់ភាពត្រឹមត្រូវរបស់លោកអ្នក និងប័ណ្ណដែលមានលក្ខណៈសម្បត្តិគ្រប់គ្រាន់សម្រាប់ប្រតិបត្តិការ និងអនុញ្ញាតឲ្យអ្នកជំនួញធ្វើដំណើរការលើប្រតិបត្តិការ។ លោកអ្នកឯកភាពថាអ្នកជំនួញអាចបញ្ជូនព័ត៌មានអំពីប្រតិបត្តិការទៅកាន់បណ្តាញ ដែលអនុវត្តសម្រាប់ប័ណ្ណដែលមានលក្ខណៈសម្បត្តិគ្រប់គ្រាន់របស់លោកអ្នក និងឯកភាពថាប្រតិបត្តិការរបស់លោកអ្នកនឹងត្រូវបានបង់ប្រាក់សម្រាប់ការប្រើប្រាស់ប័ណ្ណ ដែលមានលក្ខណៈសម្បត្តិគ្រប់គ្រាន់ដែលលោកអ្នកបានជ្រើសរើស។ ទោះបីជា Visa Checkout ជួយសម្រួលប្រតិបត្តិការក៏ដោយ ក៏ Visa មិនមែនជាភាគីពាក់ព័ន្ធនឹងប្រតិបត្តិទិញលក់ដែរ ហើយការជាវ ឬការប្រគល់ត្រឡប់នូវទំនិញ ឬសេវាពីអ្នកជំនួញដែលទាក់ទងនឹងការប្រើប្រាស់សេវា Visa Checkout គឺរវាងលោកអ្នក និងអ្នកជំនួញសុទ្ធសាធ។ បើសិនជាលោកអ្នកទាមទារសងប្រាក់វិញ ឬការត្រឡប់នូវប្រតិបត្តិការណាមួយដែលបានធ្វើឡើងដោយប្រើសេវា លោកអ្នកត្រូវតែទាក់ទងអ្នកជំនួញដែលអនុវត្ត និង/ឬ ស្ថាប័នហិរញ្ញវត្ថុ ឬអង្គភាពផ្សេងៗដែលចេញប័ណ្ណហើយមានលក្ខណៈសម្បត្តិគ្រប់គ្រាន់ ( "អ្នកចេញប័ណ្ណ"នីមួយៗ) ដែលលោកអ្នកប្រើសម្រាប់ប្រតិបត្តិការ។ សូមចងចាំថា Visa មិនមែនជាភាគីពាក់ព័ន្ធនឹងប្រតិបត្តិការឡើយ ដូច្នេះ Visa មិនអាចដោះស្រាយបញ្ហាផ្សេងៗដែលលោកអ្នកមានជាមួយប្រតិបត្តិការទេ។

លោកអ្នកទទួលស្គាល់ថាព័ត៌មានលម្អិតរបស់ប័ណ្ណដែលបានផ្ទុកនៅក្នុងគណនីរបស់លោកអ្នក ឬដែលត្រូវបានផ្តល់ជូនតាមរយៈការប្រើសេវា ត្រូវបានផ្តល់ជូនដោយលោកអ្នក និងមានផ្ទុកព័ត៌មានហិរញ្ញវត្ថុផ្ទាល់ខ្លួន។ លោកអ្នកអាចប្រើតែប័ណ្ណដែលទាក់ទងជាមួយសេវា បើសិនជាអ្នកចេញប័ណ្ណរបស់លោកអ្នកចាត់ទុកលោកអ្នកថាជាម្ចាស់ប័ណ្ណបឋម ឬបន្ទាប់បន្សំ ហើយឈ្មោះរបស់លោកអ្នកត្រូវបានសរសេរនៅលើប័ណ្ណ។ លោកអ្នកទទួលស្គាល់ និងឯកភាពថា លោកអ្នកទទួលខុសត្រូវទាំងស្រុងទៅលើភាពពេញលេញ និងភាពត្រឹមត្រូវនៃព័ត៌មានលម្អិតរបស់ប័ណ្ណ និងព័ត៌មានផ្សេងៗទៀត ដែលលោកអ្នកផ្ទុកនៅក្នុងគណនីរបស់លោកអ្នក ឬផ្តល់តាមរយៈការប្រើប្រាស់សេវា។ ទោះបីជា Visa អាចធ្វើការត្រួតពិនិត្យសុពលភាពមួយចំនួនទៅលើព័ត៌មានលម្អិតរបស់ប័ណ្ណ Visa ក៏ Visa មិនទទួលខុសត្រូវលើភាពត្រឹមត្រូវនៃព័ត៌មានលម្អិតប័ណ្ណ ឬព័ត៌មានផ្សេងៗទៀតដែលលោកអ្នកផ្តល់ជូនឡើយ រាប់បញ្ចូលទាំង ថាតើព័ត៌មានលម្អិតរបស់ប័ណ្ណមានលក្ខណៈថ្មីៗ និងមានបច្ចុប្បន្នភាពឬយ៉ាងណា។ ទោះជាយ៉ាងណាក្តី លោកអ្នកឯកភាពថា បើសិនជាអ្នកចេញប័ណ្ណរបស់លោកអ្នកមានសិទ្ធិផ្តល់ព័ត៌មានប័ណ្ណដែលមានបច្ចុប្បន្នភាព និងមានលក្ខណៈសម្បត្តិគ្រប់គ្រាន់របស់លោកអ្នក (ដូចជាលេខប័ណ្ណថ្មី ឬកាលបរិច្ឆេទផុតកំណត់) ទៅកាន់ភាគីទីបី អ្នកចេញប័ណ្ណរបស់លោកអ្នកក៏អាចផ្តល់ព័ត៌មាននោះមកយើងខ្ញុំផងដែរ។ ជារឿយៗ យើងខ្ញុំអាចស្នើសុំព័ត៌មានបន្ថែមពីលោកអ្នក ដែលលោកអ្នកត្រូវតែផ្តល់ជូនដើម្បីបន្តប្រើសេវាមួយឬច្រើន។

Visa Checkout មិនមែនជាគណនីធនាគារ ឬគណនីបង់ប្រាក់ឡើយ និងមិនផ្តល់ជូនឥណទានណាមួយដល់លោកអ្នក ឬដល់អ្នកជំនួញនោះទេ។ ប្រតិបត្តិការទាំងឡាយណាដែលលោកអ្នកប្រើនៅក្នុងសេវានឹងមានបង្ហាញនៅក្នុងគណនីទាក់ទងនឹងប័ណ្ណដែលមានលក្ខណៈសម្បត្តិគ្រប់គ្រាន់ ដែលលោកអ្នកប្រើប្រាស់សម្រាប់ប្រតិបត្តិការ។ ការបង់ប្រាក់ពីគណនីនោះគឺរវាងលោកអ្នក និងអ្នកចេញប័ណ្ណដែលមានលក្ខណៈសម្បត្តិគ្រប់គ្រាន់សុទ្ធសាធ។

នៅក្នុងឆន្ទានុសិទ្ធិរបស់ខ្លួន Visa អាចបញ្ចប់ ផ្លាស់ប្តូរ កែប្រែ បញ្ឈប់បណ្តោះអាសន្ន ធ្វើការកែលម្អ ឬបញ្ឈប់ទិដ្ឋភាពណាមួយឬទាំងស្រុងរបស់ Visa Checkout ជាបណ្តោះអាសន្ន ឬជាអចិន្ត្រៃយ៍ ដោយរាប់បញ្ចូលទាំងប្រភេទសេវាណាមួយ នៅគ្រប់ពេលវេលាដោយមាន ឬពុំមានការជូនដំណឹងជាមុនទៅលោកអ្នក ហើយលោកអ្នកឯកភាពថា Visa មិនមានទំនួលខុសត្រូវទៅលើលោកអ្នក ឬភាគីទីបីណាមួយចំពោះលទ្ធផលនៃការធ្វើសកម្មភាពទាំងនេះឡើយ។

សេវាជាក់លាក់មួយចំនួនអាចមានលក្ខខណ្ឌ ឬគោលនយោបាយបន្ថែមដែលជាក់លាក់សម្រាប់សេវានោះ ("លក្ខខណ្ឌសេវា")។ លក្ខខណ្ឌសេវាដែលអនុវត្តនឹងត្រូវបានផ្តល់ជូនលោកអ្នកមុនការប្រើប្រាស់សេវាដែលត្រូវការលក្ខខណ្ឌបន្ថែមនោះ។ លុះត្រាតែមានចែងផ្សេងពីនេះ លក្ខខណ្ឌសេវាទាំងអស់ត្រូវបានបញ្ចូលជាឯកសារយោងទៅក្នុងលក្ខខណ្ឌទាំងនេះ និងបង្កើតជាផ្នែកមួយនៃលក្ខខណ្ឌទាំងនេះ។ បើសិនជាមានការប៉ះទង្គិចរវាងលក្ខខណ្ឌទាំងនេះ និងលក្ខខណ្ឌសេវាណាមួយ លក្ខខណ្ឌសេវានឹងគ្រប់គ្រងទាំងស្រុងទាក់ទងនឹងសេវានោះ។

មិនមែនគ្រប់សេវាទាំងអស់សុទ្ធតែអាចប្រើបានសម្រាប់គណនី ឬប័ណ្ណដែលមានលក្ខណៈសម្បត្តិគ្រប់គ្រាន់ទាំងអស់ឡើយ។ លើសពីនេះ ក្នុងឆន្ទានុសិទ្ធិរបស់ខ្លួន Visa អាចដកប័ណ្ណដែលមានលក្ខណៈសម្បត្តិគ្រប់គ្រាន់ចេញពីគណនី ឬរារាំងមិនឲ្យប័ណ្ណដែលមានលក្ខណៈសម្បត្តិគ្រប់គ្រាន់ចុះឈ្មោះនៅក្នុងគណនី ហើយ Visa ក៏អាចកែសម្រួលនៅគ្រប់ពេលវេលាទៅលើភាពមានលក្ខណៈសម្បត្តិគ្រប់គ្រាន់របស់ប័ណ្ណឥណពន្ធ និងប័ណ្ណបង់ប្រាក់ជាមុនជាក់លាក់ ឬទូទៅ និងប័ណ្ណ ឬវិធីបង់ប្រាក់ផ្សេងៗទៀតដែលបង្កើតបានជាប័ណ្ណដែលមានលក្ខណៈសម្បត្តិគ្រប់គ្រាន់។

សេវា Visa Checkout អាចប្រើបានសម្រាប់តែបុគ្គលដែល ៖

(I) ជាពលរដ្ឋដែលមានទីលំនៅនៅក្នុងដែនសមត្ថកិច្ចមួយក្នុងចំណោមខាងក្រោម ៖ អាហ្សង់ទីន អូស្ត្រាលី ប្រេស៊ីល កាណាដា ឈីលី ចិន កូឡុំប៊ី ហុងកុង ម៉ាឡេស៊ី ម៉ិចស៊ីច នូវែលហ្សេឡង់ ប៉េរូ សិង្ហបុរី អាហ្វ្រិកខាងត្បូង សហរដ្ឋអាមេរិក (រាប់បញ្ចូលទាំងព័រតូរីកូ) ឬអារ៉ាប់រួម ដោយប្រទេសនីមួយអាចប្រើសេវាបាន

(ii) មានអាយុស្របច្បាប់នៅក្នុងដែនសមត្ថកិច្ចរបស់ខ្លួន ខេត្ត ឬដែនដីនៃទីលំនៅ និង

(Iii) ម្ចាស់ប័ណ្ណបឋម ឬអ្នកប្រើដែលមានសិទ្ធិប្រើប័ណ្ណដែលមានលក្ខណៈសម្បត្តិគ្រប់គ្រាន់មួយឬច្រើន និងមានកិត្តិនាមល្អទាក់ទងនឹងគណនីប័ណ្ណដែលមានលក្ខណៈសម្បត្តិគ្រប់គ្រាន់របស់ខ្លួន។

ប្រសិនបើលោកអ្នកជ្រើសរើសចុះឈ្មោះបង្កើតគណនី លោកអ្នកឯកភាពផ្តល់ជូនយើងខ្ញុំនូវព័ត៌មានពិត ត្រឹមត្រូវ មានបច្ចុប្បន្នភាព និងពេញលេញអំពីខ្លួនអ្នក និងផ្តល់ដំណឹងដល់យើងខ្ញុំប្រសិនបើមានការប្រែប្រួលទៅលើព័ត៌មានទាំងនោះ។ លោកអ្នកទទួលស្គាល់ និងឯកភាពថា Visa នឹងមិនមានទំនួលខុសត្រូវទៅលើបញ្ហាដែលទាក់ទង ឬកើតឡើងពីការបរាជ័យរបស់លោកអ្នកក្នុងការបំពេញព័ត៌មានឱ្យបានត្រឹមត្រូវ រាប់បញ្ចូលទាំងការបរាជ័យរបស់លោកអ្នកក្នុងការទទួលព័ត៌មាន និងបច្ចុប្បន្នភាពសំខាន់ៗអំពីសេវា។ ប្រសិនបើ Visa មានមូលដ្ឋានសមហេតុផលក្នុងការសង្ស័យថា ព័ត៌មានណាមួយដែលលោកអ្នកផ្តល់ជូនយើងខ្ញុំមិនពិត មិនត្រឹមត្រូវ ឬមិនពេញលេញ Visa អាចព្យួរ ឬបិទគណនីរបស់លោកអ្នក និងបដិសេធចំពោះការប្រើប្រាស់របស់លោកអ្នកនាពេលបច្ចុប្បន្ន ឬអនាគតណាមួយ ឬទាំងអស់ទៅលើសេវា (ឬផ្នែកណាមួយ)។

ជាផ្នែកមួយនៃការចុះឈ្មោះគណនីរបស់លោកអ្នក លោកអ្នកត្រូវបានតម្រូវឲ្យបង្កើតឈ្មោះអ្នកប្រើ និងពាក្យសម្ងាត់។ ទិន្នន័យទាំងនេះត្រូវបានប្រើដើម្បីផ្ទៀងផ្ទាត់ភាពត្រឹមត្រូវរបស់លោកអ្នកនៅពេលដែលលោកអ្នកប្រើប្រាស់សេវា។ វាដើរតួជាហត្ថលេខារបស់លោកអ្នក។ ក្នុងការការពារលោកអ្នក លោកអ្នកគួរតែចងចាំឈ្មោះអ្នកប្រើ ពាក្យសម្ងាត់ និងចម្លើយរបស់លោកអ្នកចំពោះសំណួរសន្តិសុខ បើសិនជាមាន និងមិនគួរកត់ត្រាព័ត៌មានទាំងនោះនៅលើ ឬជាមួយកុំព្យូទ័រផ្ទាល់ខ្លួន ថេប្លិត ឧបករណ៍ចល័ត ឬឧបករណ៍ផ្សេងៗដែលត្រូវបានប្រើដើម្បីដំណើរការសេវាឡើយ។ លោកអ្នកទទួលខុសត្រូវលើការការពារភាពសម្ងាត់នៃឈ្មោះអ្នកប្រើ និងពាក្យសម្ងាត់របស់លោកអ្នក។ វាជាការសំខាន់ដែលលោកអ្នកធ្វើដូច្នេះ ព្រោះយើងខ្ញុំមិនទទួលខុសត្រូវលើការបាត់បង់ផ្សេងៗដែលលោកអ្នកអាចជួបប្រទះ ជាលទ្ធផលនៃការប្រើប្រាស់គណនីរបស់លោកអ្នក ដោយគ្មានការអនុញ្ញាត និងអាស្រ័យលើកាលៈទេសៈមួយចំនួន អ្នកចេញប័ណ្ណរបស់លោកអ្នកអាចឲ្យលោកអ្នកទទួលខុសត្រូវលើការប្រើប្រាស់ដែលគ្មានការអនុញ្ញាតទៅលើគណនីប័ណ្ណ ដែលមានលក្ខណៈសម្បត្តិគ្រប់គ្រាន់។ លោកអ្នកឯកភាពជូនដំណឹងដល់ Visa ភ្លាមៗអំពីការប្រើប្រាស់ដែលគ្មានការអនុញ្ញាតផ្សេងៗទៅលើឈ្មោះអ្នកប្រើ ឬពាក្យសម្ងាត់ ឬការរំលោភបំពានសន្តិសុខជាក់ស្តែង ឬបម្រុងនឹងកើតឡើងណាមួយទៅលើគណនីរបស់លោកអ្នក។

លោកអ្នកទទួលខុសត្រូវលើការប្រើប្រាស់ទាំងអស់នៃគណនីរបស់លោកអ្នក និងដើម្បីធានាថាការប្រើ ឬការចូលដំណើរការគណនីរបស់លោកអ្នក និងការប្រើសេវាអនុលោមតាមលក្ខខណ្ឌទាំងនេះទាំងស្រុង។ លោកអ្នកទទួលស្គាល់ និងឯកភាពថាការប្រើប្រាស់ណាមួយនៃសេវាដែលកើតឡើងតាមរយៈឈ្មោះអ្នកប្រើ និងពាក្យសម្ងាត់របស់លោកអ្នកត្រូវបានចាត់ទុកថាជាសកម្មភាពរបស់លោកអ្នក និងឯកភាពថា Visa អាចសំអាងលើសកម្មភាពបែបនោះ។

យើងខ្ញុំពិនិត្យវិធានការសន្តិសុខសម្រាប់សេវាជាទៀងទាត់។ ទោះជាយ៉ាងណាក្តី យើងខ្ញុំមិនអាចធានាថា ព័ត៌មានដែលលោកអ្នកបញ្ជូនតាមអ៊ីនធឺណិតមានសុវត្ថិភាពទាំងស្រុងឡើយ។ នៅពេលលោកអ្នកដាក់ស្នើព័ត៌មានដោយប្រើសេវា លោកអ្នកយល់ព្រមថា លោកអ្នកធ្វើបែបនោះដោយទំនួលខុសត្រូវលោកអ្នកផ្ទាល់។

យើងខ្ញុំមិនធានាថា សេវាគ្មានវីរុស ឬការចូលដំណើរការសេវានឹងមិនមានការបង្អាក់ឡើយ។

លក្ខខណ្ឌទាំងនេះមិនធ្វើវិសោធនកម្ម ឬកែប្រែកិច្ចព្រមព្រៀងណាមួយជាមួយអ្នកចេញប័ណ្ណរបស់លោកអ្នកទាក់ទងនឹងប័ណ្ណដែលមានលក្ខណៈសម្បត្តិគ្រប់គ្រាន់ឡើយ ("កិច្ចព្រមព្រៀងម្ចាស់ប័ណ្ណ")។ នៅក្នុងករណីដែលមានភាពមិនត្រូវគ្នារវាងលក្ខខណ្ឌទាំងនេះ និងកិច្ចព្រមព្រៀងម្ចាស់ប័ណ្ណជាមួយអ្នកចេញប័ណ្ណរបស់លោកអ្នក លក្ខខណ្ឌទាំងនេះគ្រប់គ្រងទំនាក់ទំនងរវាងលោកអ្នកជាមួយ Visa ជុំវិញ Visa Checkout ទាំងស្រុង ហើយកិច្ចព្រមព្រៀងម្ចាស់ប័ណ្ណជាមួយអ្នកចេញប័ណ្ណរបស់លោកអ្នក គ្រប់គ្រងទំនាក់ទំនងរវាងលោកអ្នក និងអ្នកចេញប័ណ្ណរបស់លោកអ្នក។ លោកអ្នកទទួលខុសត្រូវលើការធានាថា ការប្រើប្រាស់សេវារបស់លោកអ្នកអនុលោមតាមកិច្ចព្រមព្រៀងម្ចាស់ប័ណ្ណណាមួយជាមួយអ្នកចេញប័ណ្ណរបស់លោកអ្នក។

លោកអ្នកទទួលខុសត្រូវទាំងស្រុងលើការទិញផ្នែករឹង ឬហាតវែរ ឧបករណ៍ កម្មវិធីសូហ្វវែរ ការចូលប្រើប្រព័ន្ធឥតខ្សែ និងអ៊ីនធឺណិត ធាតុផ្សេងៗទៀតដែលចាំបាច់សម្រាប់ឲ្យលោកអ្នកប្រើ ឬចូលដំណើរការ Visa Checkout និងរាល់តម្លៃ ការចំណាយ និងការគិតថ្លៃពាក់ព័ន្ធផ្សេងៗ។ លោកអ្នកក៏ទទួលខុសត្រូវទាំងស្រុងលើការប្រាក់ តម្លៃ ការគិតថ្លៃ ឬការចំណាយរបស់អ្នកចេញប័ណ្ណនៃប័ណ្ណដែលមានលក្ខណៈសម្បត្តិគ្រប់គ្រាន់ណាមួយ ដែលលោកអ្នកកំពុងប្រើពាក់ព័ន្ធនឹងសេវា និងសម្រាប់ពន្ធទាំងឡាយ ឬកាតព្វកិច្ចប្រកាសពន្ធពាក់ព័ន្ធនឹងការប្រើប្រាស់សេវារបស់លោកអ្នក។

គេហទំព័រ Visa Checkout អាចមានតំណភ្ជាប់ទៅកាន់បណ្តាញសង្គមពេញនិយមផ្សេងៗ ដែលអនុញ្ញាតឲ្យលោកអ្នក "ចូលចិត្ត" Visa Checkout ឬចុះផ្សាយ ឬផ្ញើសារអំពីបទពិសោធន៍របស់លោកអ្នកជាមួយ Visa Checkout ។ ប្រសិនបើលោកអ្នកជ្រើសរើសប្រើបណ្តាញសង្គមទាំងនេះ លោកអ្នកទទួលខុសត្រូវទាំងស្រុងលើការធានាថា ការប្រើប្រាស់គឺអនុលោមតាមច្បាប់ វិន័យ បទបញ្ជាដែលអនុវត្ត លក្ខខណ្ឌទាំងនេះ និងលក្ខខណ្ឌនិងការដាក់កំហិតផ្សេងៗរបស់បណ្តាញសង្គមជាក់លាក់។

គេហទំព័រ ឬគេហទំព័រលើទូរស័ព្ទរបស់ Visa Checkout ក៏មានផ្តល់ជម្រើសជូនលោកអ្នកក្នុងការផ្ញើអ៊ីម៉ែលទៅមនុស្សម្នាក់ទៀតអំពី Visa Checkout ផងដែរ។ ប្រសិនបើលោកអ្នកផ្តល់អាសយដ្ឋានអ៊ីម៉ែលរបស់បុគ្គលផ្សេងទៀតមកយើងខ្ញុំ លោកអ្នកតំណាង និងធានាថា លោកអ្នកមានសិទ្ធិធ្វើដូច្នោះ ហើយលោកអ្នកអនុញ្ញាតឲ្យយើងខ្ញុំផ្ញើអ៊ីម៉ែលតំណាងឲ្យលោកអ្នក។ បន្ថែមលើនេះ អ្នកទទួលត្រូវតែឆ្លើយតបតាមតម្រូវការនៃផ្នែក 4(i) និង 4(ii) ខាងលើ។ យើងខ្ញុំអាចជ្រើសរើសមិនបញ្ជូនអ៊ីម៉ែលណាមួយទៅកាន់អាសយដ្ឋានអ៊ីម៉ែល ដែលមាននៅលើបញ្ជី "កុំទំនាក់ទំនង" ឬ "កុំផ្ញើអ៊ីម៉ែល" របស់ Visa ឬបញ្ជីផ្សេងៗទៀតដែលអនុវត្ត។

សម្រាប់ព័ត៌មានអំពីការអនុវត្តឯកជនភាពរបស់ Visa ទាក់ទងនឹង Visa Checkout សូមអានគោលនយោបាយឯកជនភាព Visa Checkout ("គោលនយោបាយឯកជនភាព") ដែលមានតាមរយៈសេវា ឬនៅលើគេហទំព័រ។ គោលនយោបាយឯកជនភាពត្រូវបានបញ្ចូលទៅក្នុងលក្ខខណ្ឌទាំងនេះ និងពន្យល់ពីវិធីដែល Visa ប្រមូល ប្រើប្រាស់ និងចែករំលែកព័ត៌មានផ្ទាល់ខ្លួនរបស់អ្នកដែលពាក់ព័ន្ធនឹង Visa Checkout ។ ទាក់ទងជាមួយការបង្កើតគណនី ឬការប្រើប្រាស់សេវា លោកអ្នកបានចង្អុលបង្ហាញថា លោកអ្នកឯកភាពនឹងលក្ខខណ្ឌរបស់គោលនយោបាយឯកជនភាព។

លោកអ្នកអាចចូលដំណើរការ Visa Checkout ពីគេហទំព័រភាគីទីបី ដែលមានគោលនយោបាយឯកជនភាពផ្ទាល់ខ្លួនរបស់គេ ហើយភាគីទីបីទាំងនេះមិនស្ថិតក្រោមគោលនយោបាយឯកជនភាពនេះឡើយ។ យើងខ្ញុំសូមណែនាំឲ្យលោកអ្នកអានគោលនយោបាយឯកជនភាពដែលអនុវត្តចំពោះគេហទំព័រភាគីទីបីនីមួយៗ ដែលលោកអ្នកចូល។

សិទ្ធិភាពជាម្ចាស់កម្មសិទ្ធិទាំងអស់នៅក្នុង Visa Checkout ដោយរាប់បញ្ចូលទាំងខ្លឹមសារគឺត្រូវបានរក្សាដោយ Visa សាខារបស់ខ្លួន និងអ្នកផ្តល់អាជ្ញាប័ណ្ណរបស់ខ្លួន និងត្រូវបានការពារដោយច្បាប់កម្មសិទ្ធិបញ្ញា ស្លាកសញ្ញាពាណិជ្ជកម្ម និងសិទ្ធិម្ចាស់កម្មសិទ្ធិដែលអនុវត្ត (រាប់បញ្ចូលទាំងកម្មសិទ្ធិបញ្ញា) និងសិទ្ធិសញ្ញាអន្តរជាតិផ្សេងៗទៀត។ សិទ្ធិទាំងអស់ដែលមិនត្រូវបានផ្តល់ដោយចំហទៅលោកអ្នកតាមរយៈលក្ខខណ្ឌទាំងនេះត្រូវបានរក្សាដោយ Visa សាខា និងអ្នកផ្តល់អាជ្ញាប័ណ្ណរបស់ខ្លួន។ គ្មានចំណុចណាមួយនៅក្នុងលក្ខខណ្ឌទាំងនេះ ដែលផ្តល់ជូនលោកអ្នកនូវសិទ្ធិក្នុងការប្រើស្លាកសញ្ញាពាណិជ្ជកម្ម ម៉ាកសេវា រូបសញ្ញា ឬសញ្ញាប្រភពដើមរបស់ Visa សាខារបស់ខ្លួន ឬរបស់ភាគីទីបីណាមួយឡើយ។

Visa ផ្តល់ជូនលោកអ្នកនូវអាជ្ញាប័ណ្ណមានកម្រិត អាចយកត្រឡប់មកវិញ មិនផ្តាច់មុខ មិនអាចផ្តល់អាជ្ញាប័ណ្ណបន្ត និងមិនអាចផ្ទេរបានក្នុងការប្រើប្រាស់សេវា និងគេហទំព័រសម្រាប់ការប្រើប្រាស់ផ្ទាល់ខ្លួន និងមិនមែនដើម្បីពាណិជ្ជកម្ម ដោយអនុលោមយ៉ាងខ្ជាប់ខ្ជួនតាមលក្ខខណ្ឌទាំងនេះ ទោះជាយ៉ាងណា យើងខ្ញុំមិនហាមឃាត់លោកអ្នកមិនឲ្យប្រើប័ណ្ណដែលមានលក្ខណៈសម្បត្តិគ្រប់គ្រាន់ ដែលបានរក្សាទុកពាក់ព័ន្ធនឹងគណនីរបស់លោកអ្នកសម្រាប់គោលបំណងអាជីវកម្មឡើយ។ ក្នុងឆន្ទានុសិទ្ធិរបស់ខ្លួន Visa អាចព្យួរ បញ្ឈប់ ឬបញ្ចប់អាជ្ញាប័ណ្ណនេះបានគ្រប់ពេលវេលាដោយសារហេតុផលអ្វីក៏ដោយ។ សិទ្ធិទាំងអស់ដែលមិនត្រូវបានផ្តល់ដោយចំហទៅលោកអ្នកត្រូវបានរក្សាដោយ Visa សាខា ឬអ្នកផ្តល់អាជ្ញាប័ណ្ណរបស់ខ្លួន។

គោលនយោបាយរបស់ Visa គឺមិនទទួលយក ឬពិចារណាលើការដាក់ស្នើដោយឯកឯងដោយរាប់បញ្ចូល និងមិនដាក់កម្រិត ដូចជា គំនិត ការផ្តល់យោបល់ ឬសម្ភារៈតាមរយៈសេវា អ៊ីម៉ែល ឬមធ្យោបាយផ្សេងៗទៀត។ នេះគឺដើម្បីចៀសវាងការយល់ច្រឡំណាមួយ បើសិនជាការដាក់ស្នើរបស់លោកអ្នកស្រដៀងទៅនឹងអ្វីដែលយើងខ្ញុំបានបង្កើត ឬបានទទួលដោយឯករាជ្យ។ លោកអ្នកយល់ដឹងថាយើងខ្ញុំអាច ឬមិនអាចពិនិត្យការដាក់ស្នើដោយឯកឯង។ ទោះជាយ៉ាងណាក្តី បើសិនជាលោកអ្នកនៅតែដាក់ស្នើមកយើងខ្ញុំតាមរយៈសេវា អ៊ីម៉ែល ឬមធ្យោបាយផ្សេងៗ ការដាក់ស្នើដោយឯកឯងទាំងឡាយ ដែលលោកអ្នកផ្តល់ជូន Visa និងអ្នកចាត់តាំងរបស់យើងនូវការដាក់ស្នើដែលមិនគិតកម្រៃ បានបង់ថ្លៃពេញ អាចផ្ទេរបាន អាចផ្តល់អាជ្ញាប័ណ្ណបន្តបាន មិនផ្តាច់មុខ មិនអាចយកវិញបាន និរន្តកម្ម មិនដាក់កម្រិត អាជ្ញាប័ណ្ណសកលដើម្បីបោះពុម្ព ផ្ទេរ ធ្វើប្រតិបត្តិការ បង្ហាញ កែប្រែ បង្កើតកិច្ចការក្លាយចេញពី ឬប្រើការដាក់ស្នើនោះ ដោយរាប់បញ្ចូលទាំងកម្មសិទ្ធិបញ្ញាផ្សេងៗដែលមានអមជាមួយនឹងឈ្មោះ រូបភាព និងភាពស្រដៀងគ្នារបស់លោកអ្នកសម្រាប់គោលបំណងអ្វីក៏បាន ដោយរាប់បញ្ចូលនិងមិនដាក់កម្រិត ដូចជាការផ្សព្វផ្សាយពាណិជ្ជកម្ម និងការផ្តល់ជូនពិសេសផ្សេងៗ នៅក្នុងប្រព័ន្ធផ្សព្វផ្សាយនានានៅពេលនេះ ឬនៅពេលក្រោយដោយគ្មានប្រភព ការជូនដំណឹង ការអនុញ្ញាត ឬការតបស្នងទៅលោកអ្នកឡើយ។ ដោយពុំមានការដាក់កម្រិត លោកអ្នកឯកភាពថា Visa និងអ្នកចាត់តាំងរបស់ខ្លួនមានសិទ្ធិប្រើគំនិត គំរូ វិធីឬបច្ចេកទេសផ្សេងៗដោយសេរីដែលមានផ្ទុកនៅក្នុងការដាក់ស្នើនានា ដែលលោកអ្នកផ្ញើមកយើងខ្ញុំក្នុងគោលបំណងអ្វីក៏បានដោយរាប់បញ្ចូល និងមិនដាក់កម្រិតដូចជា ការបង្កើត និងផ្សព្វផ្សាយផលិតផលលើទីផ្សារ សេវា និងខ្លឹមសារដោយប្រើប្រាស់ការដាក់ស្នើ។

លោកអ្នកទទួលស្គាល់ថា ក្នុងនាមជាអ្នកប្រើ Visa Checkout លោកអ្នកកំពុងផ្តល់ការដាក់ស្នើរបស់លោកអ្នកក្នុងនាមជាខ្លួនលោកអ្នកផ្ទាល់ និងមិនតំណាងឲ្យក្រុមហ៊ុនណាមួយ ដែលលោកអ្នកបម្រើការ ឬក្រុមហ៊ុនដែលលោកអ្នកទាក់ទងជាមួយឡើយ។ លោកអ្នកតំណាង និងធានាថា លោកអ្នកជាម្ចាស់សម្ភារៈដែលលោកអ្នកដាក់ស្នើមកយើងខ្ញុំ និងធានាថាការដាក់ស្នើ និងការប្រើប្រាស់បន្តដោយ Visa ទៅលើសម្ភារៈគឺមិនបានរំលោភបំពានលើកម្មសិទ្ធិបញ្ញា ឬសិទ្ធិផ្សេងៗរបស់ភាគីទីបីណាមួយឡើយ។

លោកអ្នកឯកភាពថា លោកអ្នកនឹងគោរពតាមច្បាប់ វិន័យ និងបទបញ្ជាដែលអនុវត្ត និងតម្រូវការតាមផ្លូវច្បាប់ផ្សេងៗទៀត ដែលទាក់ទងនឹងការប្រើប្រាស់សេវា Visa Checkout របស់លោកអ្នក។ បន្ថែមលើនេះ លោកអ្នកឯកភាព ៖

មិនប្រើសេវា Visa Checkout ដោយរំលោភបំពានលើលក្ខខណ្ឌទាំងនេះ
មិនរំខាន ឬបង្អាក់ជាមួយសន្តិសុខ ឬប្រតិបត្តិការ ឬរំលោភបំពានលើសេវា Visa Checkout ឬផ្នែកណាមួយនៃសេវា Visa Checkout
មិនប៉ុនប៉ងទទួលយកការចូលដំណើរការដែលគ្មានការអនុញ្ញាតទៅក្នុងសេវា Visa Checkout ឬផ្នែកនៃ Visa Checkout ដែលត្រូវបានដាក់កម្រិតពីការចូលដំណើរការទូទៅ
មិនប្រើសេវា Visa Checkout នៅក្នុងរបៀបដែលអាចកំណត់ថាជាអ្វីដែលមិនពិតប្រាកដ និង/ឬ ធ្វើឲ្យខូចកេរ្តិ៍ឈ្មោះ រំលោភបំពាន សម្តីមិនសមរម្យ គួរឲ្យស្អប់ខ្ពើម បៀតបៀន អាសគ្រាម ប្រមាថ គំរាមកំហែង ការឈ្លានពានទៅលើភាពឯកជនរបស់បុគ្គលម្នាក់ ឬដោយរំលោភបំពានលើសិទ្ធិភាគីទីបីណាមួយ
មិនចម្លង Visa Checkout ក្នុងរូបភាពណាមួយ ឬផ្ទុក ឬបញ្ចូល Visa Checkout ទៅក្នុងប្រព័ន្ធទាញយកព័ត៌មាន អេឡិចត្រូនិក មេកានិក ឬក្នុងរូបភាពណាមួយឡើយ។
មិនចម្លង ប្រកួត ក្លូន ជួល ជួលឲ្យ លក់ ធ្វើអាជីវកម្ម កែប្រែ បំបែក ដោះចេញ ចែកចាយ រុះរើ ឬផ្ទេរ Visa Checkout ឬផ្នែកណាមួយ
មិនប្រើឧបករណ៍ កម្មវិធី ឬទម្លាប់ណាមួយដើម្បីបង្អាក់ ឬប៉ុនប៉ងបង្អាក់ដំណើរការសមស្របរបស់ Visa Checkout ឬធ្វើសកម្មភាពផ្សេងៗដែលដាក់បន្ទុកមិនសមស្រប ឬធ្ងន់ធ្ងរមកលើប្រព័ន្ធ Visa Checkout ដូចបានកំណត់ដោយ Visa ក្នុងឆន្ទានុសិទ្ធិរបស់ខ្លួន និង
អនុលោមតាមតម្រូវការផ្សេងៗនានា ការដាក់កម្រិត ឬដែនកំណត់ដែលដាក់ដោយ Visa ឬដោយអ្នកចេញប័ណ្ណរបស់លោកអ្នកជារឿយៗ។

Visa Checkout ទាំងមូលឬជាផ្នែកដោយរាប់បញ្ចូលទាំងសេវាទាំងអស់ត្រូវបានផ្តល់ឲ្យតាមមូលដ្ឋាន "ដូចមានស្រាប់" និង "ដូចអាចប្រើបាន" ដោយមិនមានការធានាណាមួយឡើយ រាប់បញ្ចូលទាំងការធានាចំណងជើង ការធានានៃពាណិជ្ជកម្ម ឬភាពសមស្របសម្រាប់គោលបំណងណាមួយ។

ក្នុងកម្រិតពេញលេញដែលបានអនុញ្ញាតដោយច្បាប់ដែលអនុវត្ត លោកអ្នកទទួលស្គាល់ និងឯកភាពដោយចំហថា លោកអ្នកទទួលខុសត្រូវទាំងស្រុងលើហានិភ័យផ្សេងៗសម្រាប់ការប្រើប្រាស់ Visa Checkout និងលទ្ធផល និងការអនុវត្ត។ គ្មានករណីណាមួយ ឬក្រោមសកម្មភាពណាមួយ រាប់បញ្ចូលទាំងការធ្វេសប្រហែស ដែល Visa និងសាខារបស់ខ្លួន ព្រមទាំងមន្ត្រី នាយក អតិថិជន សមាជិក និយោជក ឬភ្នាក់ងារដែលបានអនុញ្ញាតរបស់ខ្លួន (ជារួម "ភាគី Visa ") ទទួលខុសត្រូវលើការខូចខាត ការអះអាង ឬការបាត់បង់ដែលកើតឡើង (ដោយរាប់បញ្ចូលទាំងការខូចខាតដោយផ្ទាល់ សំណង ចំណាយបន្ទាប់បន្សំ ដោយប្រយោល ពិសេស ការសងជម្ងឺចិត្ត ឬជាការព្រមាន) ឡើយ មិនថាកើតឡើងដោយរបៀបណា ឬស្ថិតក្រោមទ្រឹស្តីនៃការទទួលខុសត្រូវ ដែលកើតឡើងចេញពី ឬដោយទាក់ទងនឹង Visa Checkout និង/ឬ លក្ខខណ្ឌទាំងនេះ ទោះបីជាភាគី Visa ត្រូវបានណែនាំអំពីករណីអាចទៅរួចនៃការខូចខាត បណ្តឹង ឬការបាត់បង់ទាំងនោះក៏ដោយ។ ដោយគ្មានដែនកំណត់ទៅលើភាពទូទៅនៃចំណុចខាងក្រោម ភាគី Visa មិនត្រូវទទួលខុសត្រូវលើលោកអ្នក ឬភាគីទីបីណាមួយចំពោះ ៖ (I) ការប្រើប្រាស់របស់លោកអ្នក ឬការអសមត្ថភាពក្នុងការប្រើ Visa Checkout ដោយសារហេតុផលណាមួយ ដោយរាប់បញ្ចូលការបដិសេធរបស់អ្នកចេញប័ណ្ណរបស់លោកអ្នកក្នុងការអនុញ្ញាត ឬអ្នកជំនួញក្នុងការទទួលយក ប្រតិបត្តិការ Visa Checkout (II) ខ្លឹមសារដែលមានទាំងឡាយដែលទាក់ទងនឹង Visa Checkout (III) ទំនិញ សេវា ឬព័ត៌មានទាំងឡាយដែលបានជាវ ឬទទួលដែលទាក់ទងនឹង Visa Checkout ដោយរាប់បញ្ចូលទាំងការបរាជ័យរបស់លោកអ្នកក្នុងការទទួល ឬអសមត្ថភាពក្នុងការត្រឡប់ទំនិញ សេវា ឬព័ត៌មាននោះវិញ (IV) ជម្លោះរវាងលោកអ្នក និងអ្នកជំនួញ (V) ភាពមិនត្រឹមត្រូវ មិនពេញលេញ ឬព័ត៌មានមិនត្រឹមត្រូវណាមួយ ដែលមាននៅក្នុងព័ត៌មានដែលផ្តល់ជូនតាមរយៈ Visa Checkout (VI) ការចូលដំណើរការដែលមិនបានអនុញ្ញាត ឬការកែប្រែ ឬការបាត់បង់ ការផ្ទេរ ទិន្នន័យ ឬព័ត៌មានផ្សេងៗទៀតរបស់លោកអ្នកដែលត្រូវបានប្រមូល ផ្ទុក ឬផ្ញើពាក់ព័ន្ធនឹង Visa Checkout (VII) កំហុស ពេលវេលាប្រព័ន្ធមិនដំណើរការ ការដាច់បណ្តាញឬប្រព័ន្ធ ការខូចឯកសារឬការផ្អាកសេវា ឬ (VIII) ការប្រើប្រាស់ផ្សេងៗទៀតរបស់លោកអ្នកជាមួយ Visa Checkout ។ បន្ថែមលើនេះ ភាគី Visa មិនត្រូវទទួលខុសត្រូវឡើយ បើសិនជា Visa Checkout មិនអាចត្រូវបានផ្តល់ជូន (ឬជាផ្នែកណាមួយ) ឬចំពោះការបរាជ័យផ្សេងៗក្នុងការបំពេញកាតព្វកិច្ច ដែលមាននៅក្នុងលក្ខខណ្ឌទាំងនេះដោយសារការបរាជ័យនៃបរិក្ខារដោយផ្ទាល់ ឬប្រយោល បញ្ហាការបញ្ចូនឬផ្តល់ ឬជំលោះឧស្សាហកម្មផ្សេងៗ សង្គ្រាម គ្រោះមហន្តរាយធម្មជាតិ សកម្មភាពភារវកម្ម ការផ្ទុះ សកម្មភាពរបស់ព្រះជាម្ចាស់ ឬករណីផ្សេងៗដែលហួសពីការគ្រប់គ្រងរបស់យើង។

ដោយមិនគិតទៅលើចំណុចដែលមាននៅទីនេះ ការទទួលខុសត្រូវរួមរបស់ភាគី Visa ចំពោះលោកអ្នកដែលកើតពីមូលហេតុនៃសកម្មភាព គ្រប់ពេលវេលាត្រូវបានកំណត់តិចជាង (A) ការបាត់បង់ជាក់ស្តែងរបស់លោកអ្នក ឬ (B) $100 (400.000 រៀល)។

ដែនសមត្ថកិច្ចមួយចំនួនមិនអនុញ្ញាតការបដិសេធទទួលខុសត្រូវ ការលើកលែង ឬដែនកំណត់នៃការធានា ការទទួលខុសត្រូវ និងការខូចខាតជាក់លាក់ ដូច្នេះ ការបដិសេធទទួលខុសត្រូវ ការលើកលែង និងដែនកំណត់មួយចំនួនខាងលើអាចមិនអនុវត្តចំពោះលោកអ្នកទេ។ នៅក្នុងដែនសមត្ថកិច្ចបែបនោះ ការទទួលខុសត្រូវរបស់ Visa នឹងត្រូវបានកម្រិតទៅតាមដែនកំណត់ពេញលេញដែលអនុញ្ញាតដោយច្បាប់ដែលអនុវត្ត។

Visa មិនគាំទ្រ ឬ ឧបត្ថម្ភ និងមិនមានការទទួលខុសត្រូវចំពោះ ៖

(i) អ្នកចេញប័ណ្ណ ឬ អ្នកប្រតិបត្តិបណ្តាញបង់ប្រាក់ដែលលោកអ្នកប្រើប្រាស់ពាក់ព័ន្ធនឹងការទូទាត់ថ្លៃដោយ Visa (ii) ទំនិញ ឬ សេវា ដែលបានជាវដែលទាក់ទង Visa Checkout (iii) ការគោរព ឬ ការបំពេញ តាមការជាវទំនិញ ឬ សេវា ដែលពាក់ព័ន្ធនឹង Visa Checkout និង (iv) អ្នកជំនួញដែលមានទំនិញ ឬ សេវាដែលអាចនឹងជាវបានដែលពាក់ព័ន្ធនឹង Visa Checkout ។ ប្រសិនបើលោកអ្នកមានវិវាទជាមួយនឹងអ្នកជំនួញអំពីប្រតិបត្តិការដែលបានកើតឡើងពី Visa Checkout លោកអ្នកនឹងទទួលបន្ទុកធ្វើការដោះស្រាយវិវាទជាមួយអ្នកជំនួញនោះដោយផ្ទាល់។ ដោយសារដំណើរការមុខងារនៃសេវា Visa Checkout យើងខ្ញុំមិនមែនជាភាគីពាក់ព័ន្ធនឹងការជាវទំនិញទេ។

Visa Checkout អាចអោយលោកអ្នកធ្វើការតភ្ជាប់ ឬ ធ្វើការទាក់ទងដោយផ្ទាល់ទៅគេហទំព័រភាគីទីបី មាតិកា និងធនធាន ដែលរួមបញ្ចូលទាំងបណ្តាញសង្គម។ លោកអ្នកទទួលស្គាល់ថា Visa មិនមានការគ្រប់គ្រងទៅលើគេហទំព័រ មាតិកា ឬ ធនធានទាំងនោះទេ ដែលបានបង្កើតឡើងដោយក្រុមហ៊ុន ឬ បុគ្គលផ្សេងៗទៀតក្រៅពី Visa ។ លោកអ្នកទទួលស្គាល់ និង ព្រមព្រៀងថា Visa មិនមានការទទួលខុសត្រូវសម្រាប់គេហទំព័រ ឬ មាតិកា ឬ ធនធានដែលអាចរកបានទាំងនេះទេ។ លោកអ្នកក៏ទទួលស្គាល់ថា Visa មិនមានការទទួលខុសត្រូវតាមផ្លូវច្បាប់ចំពោះលោកអ្នក សម្រាប់ការបាត់បង់ ឬខូចខាតដែលកើតឡើងដោយសារលោកអ្នកប្រើប្រាស់សេវារបស់គេហទំព័រភាគីទីបី មាតិកា ឬ ធនធាន រួមបញ្ចូលទាំងការបាត់បង់ ឬ ខូចខាតដែលកើតឡើងដោយពាក់ព័ន្ធជាមួយនឹងដំណើរការ Visa Checkout ។

Visa មិនធានាតំណាងថា សេវា Visa Checkout អាចប្រើប្រាស់បានក្រៅពីតំបន់ ដែលមានរៀបរាប់នៅក្នុងផ្នែក 19.h ទេ។ ការចូលទៅប្រើសេវាពីទីកន្លែងណាមួយ ដែលសេវានោះខុសច្បាប់ ឬមានកំហិត គឺត្រូវបានហាមឃាត់។

ប្រសិនបើលោកអ្នកមិនយល់ព្រមជាមួយនឹងលក្ខខណ្ឌទាំងនេះទេ លោកអ្នកមិនត្រូវប្រើប្រាស់ Visa Checkout នោះទេ។ Visa រក្សាសិទ្ធដោយឆន្ទានុសិទ្ធិដើម្បីធ្វើការកែប្រែលក្ខខណ្ឌទាំងនេះនៅពេលណាមួយដោយមាន ឬមិនមានការជូនដំណឹងដល់លោកអ្នក។ យើងខ្ញុំនឹងធ្វើការផ្សព្វផ្សាយអំពីការកែប្រែដែលថ្មីបំផុតអំពីលក្ខខណ្ឌទាំងនេះនៅលើគេហទំព័ររបស់យើងខ្ញុំ។ Visa អាចធ្វើការផ្លាស់ប្តូរលក្ខខណ្ឌទាំងនេះដោយធ្វើការផ្សព្វផ្សាយអំពីកំណែថ្មីនៅលើគេហទំព័រ ដោយមិនមានការជូនដំណឹងដល់លោកអ្នក ហេតុនេះសូមធ្វើការពិនិត្យមើលលក្ខខណ្ឌរបស់យើងខ្ញុំជារឿយៗ។ កាលបរិច្ឆេទនៃការកែប្រែថ្មីជាងគេបង្អស់នឹងត្រូវកំណត់ទុកដោយកាលបរិច្ឆេទ "«ការធ្វើបច្ចុប្បន្នភាពចុងក្រោយ» " ដែលមាននៅខាងក្រោម។ ចំពោះវិសាលភាពពេញលេញដែលច្បាប់អនុញ្ញាត ការបន្តការប្រើប្រាស់ ឬការចូលរួមប្រើប្រាស់ Visa Checkout របស់លោកអ្នកបន្ទាប់ពីការកែប្រែទាំងនេះគឺបង្ហាញអំពីការទទួលយកនូវលក្ខខណ្ឌទាំងអស់ដែលបានធ្វើការកែប្រែរួច។

លោកអ្នកអាចលុបចោលការប្រើប្រាស់ Visa Checkout នៅពេលណាក៏បាន។ Visa អាចនឹងពន្យារ ឬ បញ្ឈប់ ឬ លុបចោលការប្រើប្រាស់របស់លោកអ្នកចំពោះ Visa Checkout នៅពេលណាមួយ ភ្លាមៗ និងមិនចាំបាច់មានការជូនដំណឹងដល់លោកអ្នក ឬមានកាតព្វកិច្ចក្នុងការជូនដំណឹងដល់លោកអ្នក ក្នុងករណី (i) លោកអ្នកបានបំពានលក្ខខណ្ឌទាំងនេះ ឬ (ii) សម្រាប់មូលហេតុផ្សេងៗណាមួយ ដោយឆន្ទានុសិទ្ធិរបស់ Visa ។ នៅពេលដែលឈប់បន្តការប្រើប្រាស់ ឬ លុបចោលការប្រើប្រាស់ Visa Checkout លោកអ្នកត្រូវលុបចោលនូវកម្មវិធី ដែលពាក់ព័ន្ធនឹង Visa Checkout ហើយត្រូវបំផ្លាញចោលរាល់ទិន្នន័យដែលទទួលបានដោយ Visa Checkout និងការចម្លងណាផ្សេងទៀតភ្លាមៗ។ លោកអ្នកយល់ព្រមថា Visa គប្បីមិនទទួលខុសត្រូវចំពោះលោកអ្នកសម្រាប់ការព្យួរ ការបញ្ចប់ ឬ លុប ផ្លាស់ប្តូរ ឬកែប្រែ ដោយការប្រើប្រាស់របស់លោកអ្នក ឬចូលប្រើ Visa Checkout ។ នៅពេលដែលលោកអ្នកលុបចោលការប្រើប្រាស់ លោកអ្នកនឹងទទួលខុសត្រូវសម្រាប់រាល់ការបង់ថ្លៃ និងកាតព្វកិច្ចដ៏ទៃទៀតនៅក្នុងលក្ខខណ្ឌទាំងនេះ។

ក. ចំណាំ

លោកអ្នកព្រមព្រៀងថា Visa អាចផ្តល់ឲ្យលោកអ្នកនូវការជូនដំណឹងនិងព័ត៌មានផ្សេងទៀតដែលទាក់ទងនឹង Visa Checkout តាមរយៈអ៊ីម៉ែល ការផ្សព្វផ្សាយនៅលើគេហទំព័រ ឬ របៀបផ្សេងៗទៀតនៃប្រព័ន្ធអេឡិចត្រូនិក ដែលស្របទៅតាមគោលនយោបាយទំនាក់ទំនងតាមប្រព័ន្ធអេឡិចត្រូនិករបស់ Visa ។ រាល់ទំនាក់ទំនងតាមប្រព័ន្ធអេឡិចត្រូនិកពីយើងទៅកាន់លោកអ្នកនឹងចាត់ទុកថាជាការទាក់ទង "ជាលាយលក្ខណ៍អក្សរ" ហើយចាត់ទុកថាបានបញ្ជូនទៅដល់លោកអ្នកមិនយឺតជាងកាលបរិច្ឆេទមុនពេលពិតប្រាកដ ដែលទទួលបាន ឬ 5 ថ្ងៃពីកាលបរិច្ឆេទនៃការផ្សព្វផ្សាយ ឬការចែកចាយ។

ខ. ការបោះបង់សិទ្ធិ

ការមិនបាន ឬ ការខកខានដើម្បីអនុវត្ត ឬ ប្រតិបត្តិទៅលើប្រការដែលមានចែង ឬ សិទ្ធិរបស់យើង ដែលមាននៅក្នុងលក្ខខណ្ឌទាំងនេះមិនចាត់ទុកជាការបោះបង់សិទ្ធចំពោះប្រការ ឬ សិទ្ធបែបនោះឡើយ។

គ. កិច្ចព្រមព្រៀងទាំងមូល

លក្ខខណ្ឌទាំងនេះ (រួមបញ្ចូលទាំងគោលនយោបាយឯកជនភាព និងការអនុវត្តលក្ខខណ្ឌសេវា ដែលមានចែងនៅក្នុងលក្ខខណ្ឌទាំងនេះ) បង្កើតឡើងនូវកិច្ចព្រមព្រៀងទាំងមូលរវាងលោកអ្នក និង Visa ដោយគោរពតាមការប្រើប្រាស់ Visa Checkout របស់លោកអ្នក។

ឃ. ខបំរុង

លោកអ្នកនិង Visa ព្រមព្រៀងគ្នាថា ប្រសិនបើប្រការណាមួយនៅក្នុងលក្ខខណ្ឌទាំងនេះដែលចាត់ទុកថាមិនស្របច្បាប់ មោឃៈ ឬដោយមូលហេតុផ្សេងទៀត ដែលមិនអាចអនុវត្តបានដោយតុលាការ ឬ សមត្ថកិច្ចផ្សេងទៀត ដូចនេះ ប្រការនោះនឹងចាត់ទុកថាជាខបំរុងពីលក្ខខណ្ឌទាំងនេះ ហើយនឹងមិនប៉ះពាល់ទៅដល់សុពលភាព និងការអនុវត្តបន្តចំពោះប្រការផ្សេងទៀតដែលនៅសល់ឡើយ។

ង. ការបកស្រាយ

ចំណងជើងគឺសម្រាប់តែភាពងាយស្រួលតែប៉ុណ្ណោះ ហើយមិនចាត់ទុកសម្រាប់គោលបំណងក្នុងការបកស្រាយទេ។ ពាក្យដែលរួមមាន "ទីនេះ" "ក្នុងនេះ"និង" ក្រោមនេះ" មានន័យ និង សំដៅទៅដល់លក្ខខណ្ឌទាំងនេះ ជាជាងផ្នែកណាមួយជាក់លាក់។ ពាក្យ "រួម" ដែលមានន័យ"រួមបញ្ចូល" មិនមានដែនកំណត់ នៅពេលដែលប្រើពាក្យ ក្នុងនេះ ឯកវចនៈនឹងត្រូវរួមបញ្ចូលទាំងពហុវចនៈ ហើយពហុវចនៈនឹងរួមបញ្ចូលទាំងឯកវចនៈ និងការប្រើប្រាស់ជាភេទណាមួយនឹងត្រូវរួមជាមួយរាល់ភេទទាំងអស់។

ច ទំនាក់ទំនងរបស់ភាគី

មិនមានអ្វីនៅក្នុងលក្ខខណ្ឌទាំងនេះដែលបានបកស្រាយថាជាការបង្កើតការរកស៊ីចូលហ៊ុនគ្នា ការសហការ ការធ្វើការងារ ឬជាភ្នាក់ងារដែលមានទំនាក់ទំនងរវាងលោកអ្នក និង Visa ហើយលោកអ្នកមិនមានអំណាចក្នុងការបង្កើតកាតព្វកិច្ចណាមួយ ឬធ្វើការតំណាងជំនួស Visa ឡើយ។

ឆ សំណងការខូចខាត

ចំពោះវិសាលភាពសម្រាប់ច្បាប់ដែលនឹងមានជាធរមាន លោកអ្នកយល់ព្រមថា នឹងសងការខូចខាត ការពារ និង មិនមានបំណងធ្វើអោយភាគី Visa អន្តរាយ ពី ការបាត់បង់ បំណុល ឬ ការទាមទារ រួមបញ្ចូលទាំងការចំណាយ និងសេវាកម្មសម្រាប់មេធាវី ដែលកើតមានឡើងពាក់ព័ន្ធនឹងការបំពានរបស់លោកអ្នកចំពោះលក្ខខណ្ឌទាំងនេះ។

ជ អង្គភាព Visa

ការប្រើប្រាស់ពាក្យដូចដែលមាននៅក្នុងលក្ខខណ្ឌទាំងនេះ "Visa", "យើងខ្ញុំ", "យើង" ឬសព្វនាមដែលប្រហាក់ប្រហែលដែលសំដៅដល់ (i) Visa U.S.A. Inc., ប្រសិនបើលោកអ្នកស្នាក់នៅសហរដ្ឋអាមេរិក (រួមបញ្ចូលទាំងព័រតូរីកូ), (ii) Visa Canada Corporation, ប្រសិនបើលោកអ្នករស់នៅប្រទេសកាណាដា (iii) Visa International Service Association, ប្រសិនបើលោកអ្នករស់នៅក្នុងប្រទេស អាហ្សង់ទីន ប្រេស៊ីល ឈីលី កូឡុំប៊ី ម៉ិកស៊ិច ប៉េរូ អាហ្រ្វិកខាងត្បូង ឬ ប្រទេសសហព័ន្ធអារ៉ាប់រួម និង (iv) Visa Worldwide Pte. បានកំណត់ ប្រសិនបើលោកអ្នករស់នៅក្នុងប្រទេស អូស្រ្តាលី ចិន ហុងកុង ម៉ាឡេស៊ី នូវែលហ្សេឡង់ ឬសឹង្ហបុរី។ "ភាគី Visa" សំដៅដល់ Visa U.S.A Inc., Visa Canada Corporation, Visa International Service Association, Visa Worldwide Pte. បានកំណត់ និងសាខាផ្សេងៗទៀត។

ឈ ការដោះស្រាយវិវាទ & ច្បាប់គ្រប់គ្រង

ក្នុងវិសាលភាពពេញលេញតម្រូវដោយច្បាប់ លោកអ្នកនិង Visa ព្រមព្រៀងគ្នាថា ៖

ប្រសិនបើលោកអ្នករស់នៅក្នុងប្រទេស អាហ្សង់ទីន, កូឡុំប៊ី, ម៉ិកស៊ិច, ប៉េរូ សហព័ន្ធអារ៉ាប់រួម ឬ សហរដ្ឋអាមេរិក ៖ ច្បាប់ដែលគ្រប់គ្រង និងច្បាប់អាជ្ញាកណ្តាលនឹងត្រូវយកមកអនុវត្តដូចជា ៖

ក្នុងផ្នែកនេះចែងអំពីច្បាប់មជ្ឈត្តកម្ម សូមអានច្បាប់នេះដោយប្រុងប្រយ័ត្នបំផុត វាផ្តល់ជូនលោកអ្នកអំពីការទាមទារទាក់ទងនឹង Visa Checkout ឬនៅក្នុងលក្ខខណ្ឌទាំងនេះដែលអាចដោះស្រាយបានដោយភ្ជាប់កាតព្វកិច្ចមជ្ឈត្តវិនិច្ឆ័យ។ នៅក្នុងមជ្ឈត្តកម្ម លោកអ្នកឬ Visa មិនមានសិទ្ធិក្នុងការទាមទារតាមផ្លូវតុលាការ ឬ តាមរយៈសវនាការតុលាការលើការទាមទារទេ។ ការទាមទារអាចធ្វើមជ្ឈត្តកម្មបានទៅលើមូលដ្ឋានឯកជនប៉ុណ្ណោះ។ សិទ្ធិក្នុងការត្រៀមមុនសវនាការ និង សិទ្ធិនៅក្នុងបណ្តឹងឧទ្ធរណ៍នឹងត្រូវបានកម្រិត ប៉ុន្តែមជ្ឈត្តកម្មអាចចេញសេចក្តីសម្រេចពាក់ព័ន្ធនឹងការខូចខាត និងការជួយសង្គ្រោះដែលមានចែងនៅក្នុងលក្ខខណ្ឌទាំងនេះ។

វិវាទណាមួយ ឬ ការទាមទារ ឬ ភាពចម្រូងចម្រាសដែលកើតឡើងពាក់ព័ន្ធនឹង Visa Checkout ឬ ក្នុងលក្ខខណ្ឌទាំងនេះ រួមបញ្ចូលទាំងទម្រង់ ការបកស្រាយ ការបំពាន ការអនុវត្តកាតព្វកិច្ច ការលុបចោល ការអនុវត្ត ការបកស្រាយ ឬ សុពលភាពនៃលក្ខខណ្ឌទាំងនេះ សុពលភាព និងការអនុវត្តនៃប្រការទាំងនេះ និងការសម្រេចទាក់ទងនឹងទំហំ ឬ ការអនុវត្តកិច្ចព្រមព្រៀងដើម្បីធ្វើមជ្ឈត្តកម្ម (វិវាទ) ដែលអាចជាកម្មវត្ថុសម្រាប់មជ្ឈត្តកម្ម នឹងត្រូវដោះស្រាយដោយផ្តាច់មុខទៅនឹងនីតិវិធិ និងប្រការនៃមជ្ឈត្តកម្ម ដែលមានចែងនៅក្នុងផ្នែកនេះ។ វិវាទដែលកើតមានឡើងរវាងលោកអ្នក និង Visa នឹងត្រូវបានដោះស្រាយតាមរយៈកាតព្វកិច្ចមជ្ឈត្តវិនិច្ឆ័យ លើកលែងតែ លោកអ្នកជាប្រជាពលរដ្ឋរបស់សហរដ្ឋអាមេរិក លោកអ្នកអាចធ្វើការទាមទារតាមរយៈតុលាការដោះស្រាយវិវាទនៃការទាមទារតូចតាច (ប្រសិនបើការទាមទាររបស់លោកអ្នកគោរពតាមលក្ខខណ្ឌនៃការទាមទារ)។ ប្រការនៃមជ្ឈត្តកម្មនឹងអនុវត្តតែចំពោះវិវាទជាមួយនឹង Visa ដែលទាក់ទងទៅនឹង Visa Checkout ប្រសិនបើវិវាទរបស់លោកអ្នកទាក់ទងទៅនឹងអ្នកចេញប័ណ្ណបង់ប្រាក់ លោកអ្នកត្រូវតែដោះស្រាយវិវាទនោះជាមួយនឹងអ្នកចេញប័ណ្ណរបស់លោកអ្នក។

បញ្ញត្តិគ្រប់គ្រងមជ្ឈត្តកម្មណាមួយរវាងលោកអ្នកនឹង Visa គឺមានចែងដូចខាងក្រោម ៖ មជ្ឈត្តកម្មនឹងត្រូវគ្រប់គ្រងដោយ JAMS ដែលតម្រូវដោយ នីតិវិធី និងច្បាប់មជ្ឈត្តកម្មទូលំទូលាយ ប្រសិនបើលោកអ្នករស់នៅសហរដ្ឋអាមេរិក និង ច្បាប់មជ្ឈត្តកម្មអន្តរជាតិ JAMS ប្រសិនបើលោកអ្នករស់នៅក្រៅពីសហរដ្ឋអាមេរិក ដែលមាននៅក្នុងបញ្ជីរៀបរាប់ក្នុងផ្នែកទី 1 ចំពោះវិសាលភាពនៃបញ្ញត្តិទាំងនោះមិនមានវិវាទផ្លូវច្បាប់ជាមួយនឹងប្រការនេះ។ លោកអ្នកអាចរកបាននូវច្បាប់ចម្លងនៃបញ្ញត្តិទាំងនេះដោយទាក់ទងទៅកាន់ JAMS តាមរយៈទូរស័ព្ទលេខ 1-800-352-5267 ឬតាមរយៈការសរសេរទៅកាន់ JAMS តាមអាសយដ្ឋាន 620 Eighth Avenue, 34th Floor, New York, NY 10018 ឬ តាមគេហទំព័រ www.jamsadr.com ឬ www.jamsinternational.com/ ។

ការទាមទារណាមួយនឹងត្រូវធ្វើមជ្ឈត្តកម្មចំពោះមូលដ្ឋានបុគ្គលប៉ុណ្ណោះ។ នេះមានន័យថា ទាំងលោកអ្នក និង Visa ត្រូវបានហាមឃាត់ក្នុងការចូលរួម ឬ រួបរួមការទាមទារដើម្បីធ្វើមជ្ឈត្តកម្មដោយអ្នកដទៃ ឬប្រឆាំងអ្នកដទៃ ហើយនឹងហាមឃាត់ពីការធ្វើមជ្ឈត្តកម្មចំពោះការទាមទារដែលធ្វើការតំណាង ឬជាសមាជិកនៃក្រុមមួយ។ មជ្ឈត្តកម្មនឹងត្រូវធ្វើឡើងមុនមជ្ឈត្តករម្នាក់។ មជ្ឈត្តកម្មនឹងត្រូវ (i) ធ្វើឡើងតាមរយៈទូរស័ព្ទ តាមប្រព័ន្ធអ៊ីនធឺណិត និង/ឬ ដោយការដាក់ពាក្យសុំធ្វើមជ្ឈត្តកម្មតាមរយៈការសរសេរ វិធីណាមួយនឹងត្រូវបានជ្រើសរើសដោយភាគីដែលចាប់ផ្តើមធ្វើមជ្ឈត្តកម្ម និង (ii) មិនមានការចូលរួមដែលលេចឡើងដោយឯកឯងចំពោះភាគី ឬ សាក្សី លុះត្រាតែបានព្រមព្រៀងគ្នាដោយភាគីណាមួយជាមុន។ ប្រជាពលរដ្ឋដែលរស់នៅក្នុងសហព័ន្ធអារ៉ាប់រួមនឹងត្រូវធ្វើមជ្ឈត្តកម្មនៅក្នុងទីក្រុងឌុយបៃ ឬនៅកន្លែងណាមួយផ្សេង ដែលមានការព្រមព្រៀងដោយភាគីទាំងពីរ។ មជ្ឈត្តករនឹងត្រូវបានជ្រើសរើសដោយមានការព្រមព្រៀងដោយលោកអ្នកនិង Visa ។ ប្រសិនបើលោកអ្នក និង Visa មិនអាចព្រមព្រៀងជ្រើសរើសយកមជ្ឈត្តករបាន មជ្ឈត្តករនឹងត្រូវបានជ្រើសតាំងដោយនីតិវីធិរបស់ JAMS ។ ប្រសិនបើមានហេតុណាមួយដែលវិវាទនឹងត្រូវបន្តធ្វើដោយតុលាការជាជាងដោយមជ្ឈត្តកម្ម យើងទាំងពីរព្រមព្រៀងគ្នាលះបង់សិទ្ធិទៅឲ្យគណៈវិនិច្ឆ័យ។

លោកអ្នកអាចជ្រើសតាំងមេធាវីបាន ប៉ុន្តែវាមិនមែនជាការតម្រូវឡើយ។ ភាគីនីមួយៗត្រូវទទួលខុសត្រូវទៅលើថ្លៃសេវាមេធាវីរៀងៗខ្លួន និង ការចំណាយ លុះត្រាតែមានសេចក្តីសម្រេចដោយមជ្ឈត្តករដោយច្បាប់ដែលអនុវត្ត។ ភាគីដែលចាប់ផ្តើមមជ្ឈត្តកម្មនឹងត្រូវបង់ថ្លៃសម្រាប់ការដាក់ពាក្យ (លុះត្រាតែមានការចែងផ្សេងដោយ JAMS ដោយមូលហេតុស្ថានភាពលំបាក)។ Visa នឹងបង់មុននូវសេវារដ្ឋបាល ការគ្រប់គ្រងសំណុំរឿង និង ថ្លៃសេវាមជ្ឈត្តករដែលទាក់ទងទៅនឹងមជ្ឈត្តកម្មនេះ តាមរយៈការបង់ថ្លៃទៅផ្ទាល់ទៅដល់ JAMS ។ នៅពេលបញ្ចប់មជ្ឈត្តកម្ម ថ្លៃដែលបានបង់ដោយ Visa អាចនឹងត្រូវបែងចែករវាងលោកអ្នក និង Visa ដោយការណែនាំរបស់មជ្ឈត្តករដែលស្របទៅតាមនីតិវិធិរបស់ JAMS ។

រាល់វិវាទគឺសម្រាប់មជ្ឈត្តករជាអ្នកសម្រេច រួមមានវិវាទទាក់ទងនឹងទំហំ និងការអនុវត្តនៃប្រការមជ្ឈត្តកម្មនេះ។ សេចក្តីសម្រេចណាមួយ ចេញដោយមជ្ឈត្តករជាសេចក្តីសម្រេចចុងក្រោយ។ ការវិនិច្ឆ័យទៅលើមជ្ឈត្តវិនិច្ឆ័យអាចត្រូវបានដាក់ជូនតុលាការណាមួយដែលមានសមត្ថកិច្ច។ ប្រការនេះមិនមានដកចេញនូវភាគីដែលដាក់ការរក្សាការពារជាមួយនឹងជំនួយរបស់មជ្ឈត្តកម្មពីតុលាការដែលមានសមត្ថកិច្ច។ ការទទួលខុសត្រូវតាមផ្លូវច្បាប់របស់ Visa នឹងត្រូវបានកម្រិតដូចមានចែងក្នុងផ្នែកទី 14 ខាងលើ ទៅនឹងវិសាលភាពទាំងស្រុង ដែលកំណត់ឡើងដោយច្បាប់។

ផ្នែកនេះ និង ប្រការមជ្ឈត្តកម្មនឹងមិនត្រូវបានលុបចោលដោយសារការលុបចោលគណនី Visa Checkout របស់លោកអ្នកនោះទេ។ ប្រសិនបើនៅក្នុងផ្នែកណាមួយនៃផ្នែកនេះ ក្រៅពីការបោះបង់សិទ្ធិធ្វើសកម្មភាព គឺចាត់ទុក ឬ មិនអាចអនុវត្តបានដោយសារមូលហេតុណាមួយ ផ្នែកផ្សេងៗទៀតដែលមាននៅតែអាចអនុវត្តបាន។ ប្រសិនបើការបោះបង់សិទ្ធធ្វើសកម្មភាពត្រូវបានចាត់ទុក ឬ មិនអាចធ្វើការអនុវត្តបានដោយមូលហេតុណាមួយនៅក្នុងសំណុំរឿងដែលទាក់ទងនឹងការធ្វើសកម្មភាពត្រូវបានចោទប្រកាន់ឡើង ប្រការដែលនៅសល់នៅក្នុងផ្នែកនេះនឹងមិនអាចអនុវត្តបានឡើយ។

លក្ខខណ្ឌនេះ និងសិទ្ធិរបស់ភាគីនៅក្រោមនេះនឹងត្រូវគ្រប់គ្រងដោយ និងបកស្រាយស្របតាមច្បាប់នៃរដ្ឋ Delaware មិនរាប់បញ្ចូលវិវាទច្បាប់ ឬ ជម្រើសនៃច្បាប់គ្រប់គ្រង។

ផ្នែកសេសសល់នៅក្នុងផ្នែកនេះ (1.) អនុវត្តចំពោះប្រជាពលរដ្ឋសហរដ្ឋអាមេរិក ៖
មជ្ឈត្តករមិនអាចចេញសេចក្តីសម្រេចដាក់ទោស ឬ ការសំណងនៃការខូចខាត លុះត្រាតែបានតម្រូវដោយច្បាប់ ឬ មជ្ឈត្តវិនិច្ឆ័យជាមុន ឬ មជ្ឈត្តករមិនអាចចេញសេចក្តីសម្រេចទៅលើសំណងការខូចខាតតិចតួច ដោយប្រយោល ឬសងជម្ងឺចិត្ត រួមទាំងសំណងសម្រាប់ការបាត់បង់ចំណូល ឬ ការខាតបង់ដោយភាគីទីបីឡើយ។ ភាគីទទួលស្គាល់ថា លក្ខខណ្ឌទាំងនេះបង្ហាញពីប្រតិបត្តិការមួយមានពាក់ព័ន្ធនឹងពាណិជ្ជកម្មឆ្លងរដ្ឋ។ ថ្វីបើមានប្រការដែលមានចែងក្នុងប្រការមុនជាមួយនឹងច្បាប់អចិន្ត្រៃយ៍ដែលអាចអនុវត្តបាន មជ្ឈត្តកម្មណាមួយ ដែលធ្វើឡើងស្របតាមលក្ខខណ្ឌ និងនៅក្នុងផ្នែកនេះនឹងត្រូវគ្រប់គ្រងដោ ច្បាប់សហព័ន្ធមជ្ឈត្តកម្ម (9 U.S.C, Secs. 1-16)។

ប្រសិនបើលោកអ្នកបានបង្កើតគណនី Visa Checkout មុននឹងការធ្វើបច្ចុប្បន្នភាពទៅលើលក្ខខណ្ឌទាំងនេះនៅថ្ងៃទី 27 ខែមករា ឆ្នាំ 2014 លោកអ្នកអាចជ្រើសរើសមិនទទួលយកប្រការមជ្ឈត្តកម្មដោយធ្វើការជូនដំណឹងជាលាយលក្ខណ៍អក្សរ («ការជូនដំណឹងអំពីការមិនទទួល») ទៅកាន់ Visa មុនថ្ងៃទី 31 ខែមីនា ថ្ងៃទី ឆ្នាំ 2015។ «ការជូនដំណឹងអំពីការមិនទទួល» របស់លោកអ្នកត្រូវបញ្ជូនទៅកាន់ Visa U.S.A Inc., ជូនចំពោះ ៖ Litigation, P.O. Box 8999, San Francisco, CA 94128-8999។ «ការជូនដំណឹងអំពីការមិនទទួល»របស់លោកអ្នកត្រូវតែមានហត្ថលេខា និងធ្វើការប្រកាសថា លោកអ្នកមិនព្រមព្រៀងទៅនឹងប្រការមជ្ឈត្តកម្មទៅនឹង Visa Checkout និងរួមបញ្ចូលទាំងព័ត៌មានទាក់ទងនឹងលោកអ្នក ដូចជា ឈ្មោះ អាសយដ្ឋាន លេខទូរស័ព្ទ និង ឈ្មោះអ្នកប្រើប្រាស់របស់លោកអ្នក។ នីតិវិធីខាងមុខនេះគឺជានីតិវិធីតែមួយដើម្បីលោកអ្នកអាចមិនទទួលយកនូវប្រការមជ្ឈត្តកម្មបាន។ ប្រការផ្សេងៗទៀតនៅក្នុងលក្ខខណ្ឌទាំងនេះនឹងបន្តអនុវត្តចំពោះលោកអ្នកទោះបីជាលោកអ្នកបានផ្តល់«ការជូនដំណឹងអំពីការមិនទទួល»ត្រឹមត្រូវក៏ដោយ។ ការមិនទទួលមិនមានអានុភាពចំពោះប្រការមជ្ឈត្តកម្មពីមុន ផ្សេងៗ ឬប្រការមជ្ឈត្តកម្មនាពេលអនាគតជាមួយនឹង Visa ឡើយ។

ប្រសិនបើលោកអ្នករស់នៅក្នុងប្រទេស ឈីលី ៖ (i) វិវាទណាមួយដែលកើតមានឡើង ការទាមទារសំណង ឬសកម្មភាពដែលកើតចេញឡើង ឬ ជាមួយទំនាក់ទំនងនឹងលក្ខខណ្ឌទាំងនេះ ឬ Visa Checkout នឹងត្រូវគ្រប់គ្រងដោយ និង បកស្រាយនៅក្រោមច្បាប់នៃរដ្ឋ Delaware លើកលែងតែប្រការដែលទាក់ទងនឹងវិវាទច្បាប់ប៉ុណ្ណោះ និង (ii) វិវាទណាមួយ ការទាមទារ ឬសកម្មភពដែលកើតឡើងពាក់ព័ន្ធនឹងលក្ខខណ្ឌទាំងនេះ ឬ Visa Checkout នឹងត្រូវគ្រប់គ្រងផ្តាច់មុខដោយតុលាការសហរដ្ឋ និង តុលាការរដ្ឋដែលស្ថិតនៅក្នុងរដ្ឋ Delaware ។

ប្រសិនបើលោកអ្នកជារស់នៅក្នុងប្រទេសអូស្ត្រាលី ចិន ហុងកុង ម៉ាឡេស៊ី នូវែលហ្សេឡង់ឬ សិង្ហបុរី ៖ (i) វិវាទណាមួយដែលកើតមានឡើង ការទាមទារសំណង ឬសកម្មភាពដែលកើតចេញឡើង ឬ ជាមួយនឹងទំនាក់ទំនងនឹងលក្ខខណ្ឌទាំងនេះ ឬ Visa Checkout នឹងត្រូវគ្រប់គ្រងដោយ និង បកស្រាយនៅក្រោមច្បាប់នៃប្រទេស សិង្ហបុរី លើកលែងតែប្រការដែលទាក់ទងនឹងវិវាទច្បាប់ប៉ុណ្ណោះ និង (ii) វិវាទណាមួយ ការទាមទារ ឬ សកម្មភាពដែលកើតឡើង ដែលពាក់ព័ន្ធនឹងលក្ខខណ្ឌទាំងនេះ ឬ Visa Checkout នឹងត្រូវគ្រប់គ្រងផ្តាច់មុខដោយតុលាការសហរដ្ឋ និង តុលាការរដ្ឋដែលស្ថិតនៅប្រទេស សិង្ហបុរី។
ប្រសិនបើអ្នករស់នៅក្នុងប្រទេស ប្រេស៊ីល៖ វិវាទណាមួយដែលកើតមានឡើង ការទាមទារសំណង ឬសកម្មភាពដែលកើតចេញឡើង ឬ ពាក់ព័ន្ធនឹងលក្ខខណ្ឌទាំងនេះ ឬ Visa Checkout នឹងត្រូវគ្រប់គ្រងដោយ និង ការបកស្រាយនៅក្រោមច្បាប់នៃប្រទេស ប្រេស៊ីល លើកលែងតែប្រការដែលទាក់ទងនឹងវិវាទច្បាប់។
ប្រសិនបើលោកអ្នករស់នៅក្នុងប្រទេស កាណាដា ៖ (i) ប្រសិនបើលោកអ្នករស់នៅក្នុងរដ្ឋQuebec វិវាទណាមួយ ឬការទាមទារសំណង ឬ សកម្មភាពដែលកើតមានឡើងជាមួយនឹងទំនាក់ទំនងនឹងលក្ខខណ្ឌទាំងនេះ ឬ Visa Checkout នឹងត្រូវគ្រប់គ្រងដោយ និងបកស្រាយនៅក្រោមច្បាប់នៃរដ្ឋ Ontario ក្រៅពីវិវាទដែលពាក់ព័ន្ធនឹវិវាទច្បាប់ និង វិវាទ ការទាមទារសំណង ឬ សកម្មភាពដែលកើតចេញឡើងដែលមានទំនាក់ទំនងជាមួយនឹងលក្ខខណ្ឌ ឬ Visa Checkout នឹងត្រូវដោះស្រាយផ្តាច់មុខនៅក្នុងតុលាការរដ្ឋ Toronto, Ontario ឬ (ii) ប្រសិនបើលោកអ្នករស់នៅក្នុងរដ្ឋ Quebec វិវាទណាមួយ ការទាមទារសំណង ឬសកម្មភាពដែលកើតចេញឡើងដែលមានទំនាក់ទំនងជាមួយនឹងលក្ខខណ្ឌ ឬ Visa Checkout នឹងត្រូវគ្រប់គ្រងដោយច្បាប់នៃរដ្ឋ Quebec លើកលែងតែវិវាទដែលទាក់ទងនឹងច្បាប់ និង វិវាទ និង ការទាមទារសំណង ឬ សកម្មភាពដែលកើតចេញឡើងដែលមានទំនាក់ទំនងជាមួយនឹងលក្ខខណ្ឌ ឬ Visa Checkout នឹងត្រូវដោះស្រាយផ្តាច់មុខដោយតុលាការដែលមាននៅក្នុងក្រុង Montreal រដ្ឋ Quebec ។ លោកអ្នក និង Visa លើកលែងជាពិសេសពីការអនុវត្តលក្ខខណ្ឌទាំងនេះទៅនឹងអនុសញ្ញាអង្គការសហប្រជាជាតិសម្រាប់ការលក់ទំនិញជាអន្តរជាតិ។
ប្រសិនបើលោកអ្នកជាអ្នករស់នៅក្នុងប្រទេស អាព្រិចខាងត្បូង វិវាទណាមួយកើតឡើង ការទាមទារ ឬបញ្ហាណាផ្សេងទៀតដែលកើតមានឡើងពាក់ព័ន្ធនឹងលក្ខខណ្ឌទាំងនេះ ឬ Visa Checkout នឹងត្រូវដោះស្រាយដោយផ្តាច់មុខដោយមជ្ឈត្តកម្មស្របទៅតាមបញ្ញតិ្តនៃ មូលនិធិមជ្ឈត្តកម្មនៃប្រទេសអាហ្វ្រិកភាគខាងត្បូង (“AFSA”)។ មជ្ឈត្តកម្មបែបនេះនឹងត្រូវធ្វើឡើងសម្រាប់ជាការដោះស្រាយចុងក្រោយស្របទៅតាមបញ្ញត្តិនៃ AFSA ដោយមជ្ឈត្តករដែលចាត់តាំងដោយ AFSA ។ មជ្ឈត្តកម្មណាមួយបែបនេះនឹងត្រូវធ្វើឡើងនៅក្នុងប្រទេសអាព្រិចខាងត្បូង ដែលនឹងត្រូវយល់ព្រមដោយគូភាគី ហើយប្រសិនបើគ្មានការព្រមព្រៀងអំពីទីកន្លែងសម្រាប់មជ្ឈត្តកម្មក្នុងរយៈពេល 14 ថ្ងៃនៃការណែនាំដោយ AFSA ទេ ដំណើរការបន្ទាប់នឹងធ្វើនៅក្នុង Johannesburg ។ លក្ខខណ្ឌទាំងនេះ និងសិទ្ធិរបស់គូភាគីនៅក្រោមនេះនឹងត្រូវគ្រប់គ្រង និង បកស្រាយស្របទៅតាមច្បាប់នៃរដ្ឋ Delaware នៅក្នុងសហរដ្ឋអាមេរិចដែលផ្តាច់មុខទៅលើវិវាទ ឬ ការជ្រើសរើសច្បាប់។

ញ ការផ្ទេរឈ្មោះ

លោកអ្នកមិនអាចធ្វើការផ្ទេរលក្ខខណ្ឌទាំងនេះ ដោយប្រតិបត្តិការនៃច្បាប់ ឬ បើមិនដូច្នោះទេ ដោយមិនមានការអនុញ្ញាតជាមុន ជាលាយលក្ខណ៍អក្សរដោយ Visa ឡើយ។ Visa រក្សាសិទ្ធិក្នុងការផ្ទេរលក្ខខណ្ឌទាំងនេះ និងសិទ្ធិ ព្រមទាំង កាតព្វកិច្ចទាំងនេះ ទៅភាគីទីបីដោយមិនមានការជូនដំណឹងទៅដល់លោកអ្នក ឬការអនុញ្ញាតពីលោកអ្នក។ ដោយភ្ជាប់ទៅនឹងប្រការខាងមុខ លក្ខខណ្ឌទាំងនេះនឹងត្រូវចងភ្ជាប់ តាមផលប្រយោជន៍ និងអាចអនុវត្តចំពោះលោកអ្នក និងសន្តតិជន និងអ្នកទទួលបន្តសិទ្ធិរបស់លោកអ្នក។

ដ ច្បាប់នាំចេញ

លោកអ្នកទទួលស្គាល់ថា ច្បាប់ និងបញ្ញតិ្តនៃសហរដ្ឋអាមេរិក និង ប្រទេសផ្សេងទៀតអាចកម្រិតនៃការនាំចេញ និងនាំចេញម្តងទៀងនៃ Visa Checkout ។ លោកអ្នកយល់ស្របថា លោកអ្នកនឹងមិននាំចេញ ឬ នាំចេញម្តងទៀតនៃ Visa Checkout នៅក្នុងទម្រង់ណាមួយ ឬទៅដល់បុគ្គលណាមួយមិនថានៅខាងក្នុង ឬ ក្រៅសហរដ្ឋអាមេរិក ដែលនឹងល្មើសច្បាប់សហរដ្ឋអាមេរិក និងច្បាប់នៃប្រទេសដទៃ។

ឋ អ្នករស់នៅក្នុងទីក្រុង Quebec តែប៉ុណ្ណោះ

លោកអ្នកបញ្ជាក់ថា លោកអ្នកជ្រើសរើសលក្ខខណ្ឌទាំងនេះ និង ឯកសារផ្សេងទៀតដែលពាក់ព័ន្ធដែលជាភាសាអង់គ្លេស Vous confirmez préférer que cette convention et les documents s'y rattachant soient rédigés en anglais.

ឌ ការនៅមានអានុភាព

ក្រៅពីការលុបចោលនៃលក្ខខណ្ឌទាំងនេះ លក្ខខណ្ឌដែលនៅមាននឹងត្រូវបន្តអនុវត្តចំពោះការប្រើប្រាស់ Visa Checkout ដោយលោកអ្នកមុននឹងធ្វើការលុបចោល។ ផ្នែកណាមួយនៅក្នុងលក្ខខណ្ឌទាំងនេះ ដែលតាមប្រភេទរបស់ប្រការទាំងនេះនឹងបន្តមានអានុភាពពីការលុបចោល នឹងនៅមានអានុភាពពីការលុបចោលនៃលក្ខខណ្ឌ ឬ ការប្រើប្រាស់ Visa Checkout រួមបញ្ចូលទាំង ៖ ផ្នែកទី 10 12 14 15 និង 19។

ឍ ទាក់ទងមកពួកយើង

ប្រសិនបើលោកអ្នកមានសំណួអំពី Visa Checkout សូមចូលទៅមើលផ្នែក FAQ នៅលើគេហទំព័រ។ ប្រសិនបើ FAQ មិនមានចំលើយរបស់លោកអ្នកទេ លោកអ្នកអាចទាក់ទងមកយើងដោយសារអេឡិចត្រូនិកដូចខាងក្រោម ដែលផ្អែកទៅលើដែនសមត្ថកិច្ចនៃទីកន្លែងដែលលោកអ្នករស់នៅ ៖

ប្រទេស អាហ្សង់ទីន ៖ ផ្ញើសារទៅកាន់ [email protected];
ប្រទេស អូស្ត្រាលី ៖ ផ្ញើសារទៅកាន់ [email protected];
ប្រទេស ប្រេស៊ីល ៖ ផ្ញើសារទៅកាន់ [email protected];
ប្រទេស កាណាដា (អង់គ្លេស) ៖ ផ្ញើសារទៅកាន់ [email protected];
ប្រទេស កាណាដា (បារាំង) ៖ ផ្ញើសារទៅកាន់ [email protected];
ប្រទេស ឈីលី ៖ ផ្ញើសារទៅកាន់ [email protected];
ប្រទេស ចិន ៖ ផ្ញើសារទៅកាន់ [email protected];
ប្រទេស កូឡុំប៊ី ៖ ផ្ញើសារទៅកាន់ [email protected];
ប្រទេស ហុងកុង ៖ ផ្ញើសារទៅកាន់ [email protected];
ប្រទេស ម៉ាឡេស៊ី ៖ ផ្ញើសារទៅកាន់ [email protected];
ប្រទេស ម៉ិកស៊ិច ៖ ផ្ញើសារទៅកាន់ [email protected];
ប្រទេស នូវែលហ្សេឡង់ ៖ ផ្ញើសារទៅកាន់ [email protected];
ប្រទេស ប៉េរូ ៖ ផ្ញើសារទៅកាន់ [email protected];
ប្រទេស សិង្ហបុរី ៖ ផ្ញើសារទៅកាន់ [email protected];
ប្រទេស អាហ្រ្វិកខាងត្បូង ៖ ផ្ញើសារទៅកាន់ [email protected];
សហរដ្ឋអាមេរិក ៖ ផ្ញើសារទៅកាន់ [email protected]; and
សហព័ន្ធអារ៉ាប់រួម ៖ ផ្ញើសារទៅកាន់ [email protected]

ធ្វើបច្ចុប្បន្នភាពចុងក្រោយបង្អស់ ៖ ថ្ងៃទី 27 ខែមករា ឆ្នាំ 2015