មិនថាលោកអ្នកកំពុងប្រើកុំព្យូទ័រលើតុ ទូរស័ព្ទចល័ត ឬឧបករណ៍ឌីជីថលផ្សេងទៀត Visa មានសេវាកម្មតាមរយៈគេហទំព័រអ្នកជំនួញដែលចូលរួមដែលផ្តល់ស្រទាប់ការពារបន្ថែមនៅពេលទិញទំនិញតាមអ៊ិនធឺណេត។ សេវាកម្មនេះជួយឲ្យធនាគារចេញប័ណ្ណរបស់លោកអ្នកដឹងថា វាពិតជារូបលោកអ្នក និងសំខាន់បំផុតនោះគឺ វាការពារលោកអ្នកពីការក្លែងបន្លំ។
អត្ថប្រយោជន៍ពីស្រទាប់ការពារបន្ថែមដែលទប់ស្កាត់ការប្រើប័ណ្ណរបស់លោកអ្នកដោយគ្មានការអនុញ្ញាតនៅពេលទិញទំនិញតាមអ៊ិនធឺណេត។
ទទួលបទពិសោធន៍នៃការផ្ទៀងផ្ទាត់ភាពត្រឹមត្រូវដែលមានលក្ខណៈសាមញ្ញនិងមានសុវត្ថិភាព ប្រសិនបើ និងនៅពេលដែលលោកអ្នកត្រូវបានស្នើសុំឱ្យផ្ទៀងផ្ទាត់អត្តសញ្ញាណរបស់លោកអ្នក*។
ទិញទំនិញដោយសុវត្ថិភាពនៅទូទាំងអ្នកជំនួញតាមអ៊ិនធឺណេត និងធនាគារចេញប័ណ្ណដែលចូលរួមនៅទូទាំងពិភពលោក ដោយសុវត្ថិភាពដោយមិនចាំបាច់ទាញយកកម្មវិធី ឬចុះឈ្មោះគណនីទេ។
រីករាយដោយស្ងប់ចិត្តដោយដឹងថាលោកអ្នកត្រូវបានការពារពីការគិតថ្លៃដែលមិនបានអនុញ្ញាតនៅពេលដែលប័ណ្ណ Visa របស់លោកអ្នកត្រូវបានបាត់បង់ លួច ឬប្រើប្រាស់ដោយលួចបន្លំតាមអ៊ិនធឺណេត ឬនៅក្រៅអ៊ិនធឺណេត។
*សម្រាប់ព័ត៌មានលម្អិតអំពីជម្រើសការផ្ទៀងផ្ទាត់ភាពត្រឹមត្រូវដែលមានសម្រាប់អ្នក សូមពិគ្រោះជាមួយធនាគារចេញប័ណ្ណរបស់លោកអ្នក។
**គោលនយោបាយទំនួលខុសត្រូវសូន្យរបស់ Visa មិនអនុវត្តទៅលើប័ណ្ណពាណិជ្ជកម្មជាក់លាក់ និងប្រតិបត្តិការប័ណ្ណបង់ប្រាក់ជាមុនដែលជាអនាមិក ឬប្រតិបត្តិការដែលមិនបានដំណើរការដោយ Visa ឡើយ។ ម្ចាស់ប័ណ្ណត្រូវតែយកចិត្តទុកក្នុងការការពារប័ណ្ណរបស់ពួកគេ និងជូនដំណឹងដល់ស្ថាប័នហិរញ្ញវត្ថុដែលចេញប័ណ្ណរបស់ខ្លួនភ្លាមៗអំពីការប្រើប្រាស់ដែលគ្មានការអនុញ្ញាតណាមួយ។ ទាក់ទងធនាគារចេញប័ណ្ណរបស់លោកអ្នកសម្រាប់ព័ត៌មានលម្អិតបន្ថែម។
បាន។ សេវាកម្មនេះត្រូវបានបង្កើតឡើងសម្រាប់ប័ណ្ណឥណទានផង និងប័ណ្ណឥណពន្ធផង នៅពេលធ្វើការទិញទំនិញតាមអ៊ិនធឺណេត។ នៅពេលលោកអ្នកប្រើប្រាស់ប័ណ្ណឥណពន្ធ Visa របស់លោកអ្នក នោះបទពិសោធន៍ប្រតិបត្តិការតាមអ៊ិនធឺណេតរបស់លោកអ្នកនឹងស្រដៀងគ្នានឹងប្រតិបត្តិការដោយប្រើប័ណ្ណឥណទានដែរ ពោលគឺលោកអ្នកមិនចាំបាច់វាយបញ្ចូលលេខកូដសម្គាល់ (PIN) របស់លោកអ្នកទេ។
ទេ។ ប័ណ្ណ Visa បច្ចុប្បន្នរបស់លោកអ្នកនឹងដំណើរការបាន ដរាបណាស្ថាប័នហិរញ្ញវត្ថុដែលចេញប័ណ្ណរបស់លោកអ្នកស្ថិតនៅក្នុងកម្មវិធី Visa Secure ។ សូមចូលទៅកាន់គេហទំព័ររបស់ធនាគារចេញប័ណ្ណរបស់លោកអ្នកសម្រាប់ព័ត៌មានបន្ថែម។
សេវាកម្មនេះដំណើរការដោយស្វ័យប្រវត្តិនៅកន្លែងទូទាត់ជាមួយនឹងអ្នកជំនួញដែលចូលរួម។ សូមចងចាំថា លោកអ្នកមិនចាំបាច់ទាញយក តម្លើងកម្មវិធីកុំព្យូទ័រ ឬក៏ចុះឈ្មោះគណនេយ្យ របស់លោកអ្នកអ្វីទាំងអស់ដើម្បីទទួលបានស្រទាប់ការពារបន្ថែមមួយជាន់ទៀតនេះ។ នៅពេលប្រើប្រាស់សេវាកម្មនេះ លោកអ្នកជួនកាលនឹងត្រូវបានស្នើសុំនៅកន្លែងទូទាត់ដើម្បីផ្ទៀងផ្ទាត់អត្តសញ្ញាណរបស់លោកអ្នក ប៉ុន្តែនេះគឺគ្រាន់តែដើម្បីធានាថា វាគឺជារូបលោកអ្នក និងការពារលោកអ្នកពីការក្លែងបន្លំ។
នៅពេលលោកអ្នកបញ្ចប់ប្រតិបត្តិការនេះ លោកអ្នកនឹងត្រូវបានស្នើសុំឲ្យផ្ទៀងផ្ទាត់អត្តសញ្ញាណ របស់លោកអ្នក ប្រសិនបើការបញ្ជាក់បន្ថែមត្រូវបានទាមទារ។ ប្រការសំខាន់នោះគឺត្រូវមានបម្រុងប្រយ័ត្នជាពិសេស នៅពេលធ្វើការទិញទំនិញតាមអ៊ិនធឺណេត។ ជំហានផ្ទៀងផ្ទាត់បន្ថែមនេះ នឹងជួយធានាថាបុគ្គលដែលកំពុងប្រើប្រាស់ប័ណ្ណនេះគឺជារូបលោកអ្នក។
ស្ថាប័នហិរញ្ញវត្ថុដែលចេញប័ណ្ណរបស់លោកអ្នកមានឧបករណ៍មួយចំនួនដែលអាចជួយផ្ទៀងផ្ទាត់អត្តសញ្ញាណរបស់លោកអ្នកបានដូចជាលេខសម្ងាត់តែមួយដង ឬជីវមាត្រ។ ប្រសិនបើលោកអ្នកជួបប្រទះជំហានបន្ថែមបែបនេះ សូមធ្វើតាមការណែនាំនៅលើអេក្រង់ទូរស័ព្ទរបស់លោកអ្នកដើម្បីផ្ទៀងផ្ទាត់អត្តសញ្ញាណរបស់លោកអ្នក។
ប្រសិនបើលោកអ្នកពិតជាជួបប្រទេះជំហានផ្ទៀងផ្ទាត់បន្ថែមនេះមែន នោះ Visa នឹងជួយបញ្ជូនព័ត៌មានទៅកាន់ស្ថាប័នហិរញ្ញវត្ថុរបស់លោកអ្នក ដើម្បីឲ្យពួកគេអាចផ្ទៀងផ្ទាត់អត្តសញ្ញាណរបស់លោកអ្នកបាន។ ស្លាកសញ្ញា Visa នេះគឺមានដើម្បីផ្តល់ជូនលោកអ្នកនូវទំនុកចិត្តថាការបញ្ជូនព័ត៌មានគឺមានសុវត្ថិភាពនិងអាចទុកចិត្តបាន។
ទេ។ ទោះបីជាស្លាកសញ្ញា Verified by Visa លែងត្រូវបានប្រើប្រាស់តទៅទៀតក៏ដោយ បច្ចេកវិជ្ជាដូចគ្នាត្រូវបានប្រើប្រាស់ដើម្បីជួយការពារលោកអ្នក។ តាមពិត សេវាកម្មនេះត្រូវបានកែលម្អបន្ថែមនាពេលថ្មីៗនេះដើម្បីធ្វើឲ្យប្រតិបត្តិការកាន់តែមានសុវត្ថិភាព និងធ្វើឲ្យបទពិសោធន៍របស់អ្នកប្រើប្រាស់កាន់តែមានភាពរលូន។
