ការទូទាត់ដោយមានការធានាគ្រាន់តែជាការចាប់ផ្តើម

ស្វែងរកធនាគារចេញម៉ាស៊ីនឆូតប័ណ្ណ ហើយក្លាយជាអ្នកជំនួញដែលទទួលយក Visa ។

ការទទួលយក Visa សម្រាប់អ្នកចេញវិក្កយបត្រ

គ្រប់គ្រងការទូទាត់ដោយមូលប្បទានប័ត្រ ឬ ACH អាចខាតបង់ធនធានជាច្រើន។ ផ្តល់ជូនអតិថិជននូវជម្រើសការទូទាត់ដ៏ធំទូលាយ ដោយទទួលយកការទូទាត់តាម Visa អាចធ្វើឱ្យមានបន្លាស់ប្តូរពិតៗដល់ប្រសិទ្ធភាព និងលំហូរសាច់ប្រាក់របស់លោកអ្នក។

Visa ធ្វើការយ៉ាងសកម្មដើម្បីអភិវឌ្ឍការទទួលយក និងធ្វើឲ្យអ្នកចេញវិក្កយបត្រមានភាពងាយស្រួល និងចំណាយតិចបំផុត។ ការទូទាត់វិក្កយបត្រតាមអ៊ីនធឺណិតគឺកំពុងមានការកើនឡើងជាខ្លាំង ហើយអតិថិជន (ជាពិសេស អតិថិជនវ័យក្មេង) មានការរំពឹងទុកខ្ពស់លើសមត្ថភាពរបស់កម្មវិធីចំពោះការទូទាត់ដដែលៗ និងការទាញអត្ថប្រយោជន៍ផ្សេងៗពីការប្រើប្រាស់ប័ណ្ណ Visa របស់ពួកគេ។ ជាការពិត 3 នាក់ក្នុងចំណោមអ្នកប្រើប្រាស់ចំនួន10 នាក់បានប្តូររបៀបទូទាត់វិក្កយបត្ររបស់គេក្នុងរយៈពេល 2 ឆ្នាំមកនេះ ហើយមូលហេតុចម្បងនោះគឺពួកគេស្វែងរកភាពងាយស្រួលក្នុងការទូទាត់។¹

អ្នកជំនួញអាចជ្រើសរើសទទួលយកការទូទាត់តាម Visa ដោយតម្លើងកម្មវិធីការទូទាត់ស្វ័យប្រវត្តិសម្រាប់វិក្កយបត្រដដែលៗ ឬដោយយកព័ត៌មានប័ណ្ណនៃការទូទាត់នីមួយៗតាមរយៈទូរស័ព្ទ ឬអ៊ីនធឺណិត។

¹ ប្រភព ៖ របាយការណ៍ Aite Group ៖ តើជនជាតិអាមេរិកបង់ប្រាក់ដោយរបៀបណា ៖ ទំហំ និងការព្យាករណ៍មធ្យោបាយ និងវិធីទូទាត់វិក្កយបត្រ ឆ្នាំ 2010-2013

សក្តានុពលក្នុងការបន្ថយចំណាយ និងបង្កើនចំណូល

ការទទួលយក visa មិនត្រឹមតែផ្តល់នូវអត្ថប្រយោជន៍ជាច្រើនដល់អតិថិជនប៉ុណ្ណោះទេ អ្នកចេញវិក្កយបត្រក៏ទទួលអត្ថប្រយោជន៍ដែរ ហើយនេះគឺជាយុទ្ធសាស្ត្រឈ្នះ-ឈ្នះយ៉ាងពិតប្រាកដ។

ជួយកាត់បន្ថយចំណាយដែលកើតឡើងដោយកំហុសគណនី។

ចូលរួមចំណែកទៅដល់ការពង្រឹងលំហូរសាច់ប្រាក់។ ការទូទាត់ដោយ Visa លឿនជាងការទូទាត់ដោយមូលប្បទានប័ត្រ។ អ្នកជំនួញដែលទទួលយក Visa ទទួលបានការទូទាត់ដែលមានការធានា (ក្នុងករណីពួកគេជ្រើសរើសច្បាប់អនុញ្ញាតដែលសាមញ្ញ) ជាធម្មតា ក្នុងរយៈពេលពី 24 ទៅ 48 ម៉ោងប៉ុណ្ណោះ។ បើប្រៀបធៀបនឹងមូលប្បទានប័ត្រ វាអាចប្រើពេលរហូតដល់ទៅប្រាំថ្ងៃដើម្បីទទួលបានការទូទាត់។

ជួយដល់ការកាត់បន្ថយប្រតិបត្តិការទូទាត់ និង ចំណាយលើការប្រគល់សាច់ប្រាក់។ ការសិក្សាមួយក្នុងឆ្នាំ 2012 បានរកឃើញថា 69% នៃអាជីវកម្មនៅអាមេរិក ដែលទទួលយកការទូទាត់ប័ណ្ណ និងត្រូវបានស្ទង់មតិទាំងអស់បានឃើញពីភាពប្រសើរឡើងក្នុងផ្នែកខ្លះនៃដំណើរការគ្រប់គ្រងសាច់ប្រាក់របស់ពួកគេ។ ² ការទទួលយក Visa កាត់បន្ថយពេលវេលា និងកិច្ចការរដ្ឋបាលព្រមទាំងអាចកាត់បន្ថយការហៅទូរស័ព្ទទៅសេវាបំរើអតិថិជនរបស់លោកអ្នក។

² ប្រភព ៖ ការស្ទង់មតិលើការគ្រប់គ្រងសាច់ប្រាក់របស់អាជីវកម្មខ្នាតតូច Visa ឆ្នាំ 2012

អតិថិជនកាន់តែពេញចិត្ត

ជួយរក្សាអតិថិជនបច្ចុប្បន្ន និងបង្កើនភក្តីភាព។ ដោយផ្តល់នូវជម្រើសទូទាត់ដែលអតិថិជនចង់បាន និងរំពឹងទុក អ្នកចេញវិក្កយបត្រអាចបង្ហាញអំពីការប្តេជ្ញាចិត្តក្នុងការបម្រើតម្រូវការអតិថិជនរបស់គេ។

ពង្រឹង និង កសាងទំនាក់ទនង។

តម្លើងការទូទាត់ស្វ័យប្រវតិ្ត និងដដែលៗ អ្នកចេញវិក្កយបត្រអាចឱ្យអតិថិជនទូទាត់កាន់តែងាយស្រួល ដោយអនុញ្ញាតឱ្យគេចុះឈ្មោះចូលរួមចំពោះការទូទាត់ដដែលៗ។

បង្កើនការពេញចិត្តដល់អតិថិជនវ័យក្មេងរបស់លោកអ្នក។ ម្នាក់ក្នុងចំណោមអតិថិជនវ័យ 13 ទៅ 35 ឆ្នាំពីរនាក់ជ្រើសយកការទូទាត់វិក្កយបត្រតាមអ៊ីនធឺណិត ជាមួយនឹងការជូនដំណឹងតាមរយៈសារអេឡិចត្រូនិច ស្របពេលដែលការទូទាត់តាមមូលប្បទានប័ត្របន្តធ្លាក់ចុះ។ ³ ការសិក្សាថ្មីៗដែលធ្វើឡើងដោយ Visa បានរកឃើញថា ចំនួន 64 % នៃអ្នកឆ្លើយតបគឺប្រើប្រាស់ប័ណ្ណឥណពន្ធ ឬប័ណ្ណឥណពន្ធសម្រាប់ការទូទាត់វិក្កយបត្រតាមផ្ទះ និងការចំណាយផ្ទាល់ខ្លួន។⁴

ធ្វើឲ្យការទូទាត់វិក្កយបត្រងាយស្រួលជាងមុន អតិថិជនពេញចិត្តក្នុងការទូទាត់វិក្កយបត្រជាមួយនឹង Visa ដោយសារតែ Visa លុបបំបាត់នូវភាពស្មុគ្រស្មាញក្នុងការសរសេរមូលប្បទានប័ត្រ ទិញតែម និងយកអ្វីផ្សេងៗទៀតតាមប្រៃសណីយ៍។

អតិថិជនពេញចិត្តនឹងអត្ថប្រយោជន៍បន្ថែមដោយការសន្សំពិន្ទុ ហើយប្រើប្រាស់ប័ណ្ណរង្វាន់សម្រាប់ទូទាត់វិក្កយបត្រ។ យ៉ាងហោចណាច់ 4 ក្នុងចំណោម 10 នាក់បាននិយាយថា គេនឹងធ្វើការផ្លាស់ប្តូរពីវិធីនៃការទូទាត់វិក្កយបត្ររបស់ពួកគេ ប្រសិនបើពួកគេទទួលបានរង្វាន់ពីការទូទាត់ជាមួយនឹងប័ណ្ណឥណពន្ធ ឬប័ណ្ណឥណទាន។⁵

³ ប្រភព ៖ ការសិក្សាអំពីចំណង់ចំណូលចិត្តពិតប្រាកដរបស់អតិថិជន LIMRA ឆ្នាំ 2011

⁴ ប្រភព ៖ ការសិក្សាលើការប្តេជ្ញាចិត្តប្រើប្រាស់ការទូទាត់វិក្កយបត្រ& Visa ខែវិច្ឆកា ឆ្នាំ 2011

⁵ ប្រភព ៖ របាយការណ៍ Aite Group ៖ តើជនជាតិអាមេរិកបង់លុយរបស់ពួកគេតាមរបៀបណា ៖ ទំហំ និងការព្យាករណ៍មធ្យោបាយ និងវិធីទូទាត់វិក្កយបត្រ ឆ្នាំ 2010-2013