បណ្ដាល័យធនធាន​អាជីវកម្ម​ខ្នាតតូច

ការយល់ដឹងស៊ីជំរៅពីការចំណាយរបស់អាជីវកម្មខ្នាតតូច Visa បង្ហាញឱ្យឃើញទិន្នន័យចំណាយ និងការឆ្លើយតបទៅនឹងការ​ស្ទង់​មតិប្រចាំត្រីមាស​ដើម្បីផ្ដល់រូបភាពនៃទំនុកចិត្តផ្នែកសេដ្ឋកិច្ចរបស់ម្ចាស់អាជីវកម្ម​ខ្នាតតូចនៅសហរដ្ឋអាមេរិក។ អាជីវកម្មខ្នាតតូច និងអ្វីៗដែលអាជីវកម្មខ្នាតតូចទាំងនោះអាចទទួល​អត្ថប្រយោជន៍ពីការយល់ដឹងស៊ីជំរៅដែលបានចែករំលែកក្នុង​ព្រឹត្តិបត្រប្រចាំត្រីមាសនេះ។

លទ្ធផលនៃការស្ទង់មតិនៅត្រីមាសទី 4 ឆ្នាំ 2016 រួមមាន ៖

-  ចំនួនម្ចាស់អាជីវកម្មខ្នាតតូច ដែលរាយការណ៍​ពីមួយឆ្នាំទៅមួយ​ឆ្នាំ កើនឡើងលើប្រាក់ចំណូលនា​​ថ្ងៃឈប់សម្រាក ដែលបានកើនឡើងយ៉ាងខ្លាំងក្នុងឆ្នាំ 2016 ខណៈពេលចំនួនដែលរាយការណ៍ពីមួយឆ្នាំទៅមួយ​ឆ្នាំ បានធ្លាក់ថយចុះគួរឱ្យកត់សម្គាល់។ អ្វីដែលគួរឱ្យចាប់អារម្មណ៍នោះគឺ ក្រុមទាំងពីរបានលើកឡើងថាសេដ្ឋកិច្ចជាមូលហេតុនៃការផ្លាស់ប្តូរប្រាក់ចំណូលរបស់ពួកគេ។

-  ជាក្តីបារម្ភ​ម៉ាក្រូសេដ្ឋកិច្ចបន្ទាប់ពីប្រាំត្រីមាសជាប់ៗគ្នា ក្តីបារម្ភអំពីការធ្លាក់ចុះនៃទំនុកចិត្ត​អតិថិជនបានធ្លាក់ចុះគួរឱ្យកត់សម្គាល់ក្នុងត្រីមាសទី 4 ឆ្នាំ 2016។ ទោះជាយ៉ាងណា ក្តីបារម្ភអំពីអតិផរណា អត្រាការប្រាក់ និងការជ្រើសរើស និងរក្សាបុគ្គលិកល្អមាននិន្នាការ​កើនឡើង។

-  ម្ចាស់អាជីវកម្មខ្នាតតូចមានទំនុកចិត្តកាន់តែ​ច្រើនលើសេដ្ឋកិច្ចក្នុងស្រុករបស់ពួកគេ និងរំពឹងថា​ប្រាក់ចំណូលកើនឡើងក្នុងឆ្នាំ 2017។ បន្ថែម​លើ​នេះទៀត ​ម្ចាស់​អាជីវកម្មខ្នាតតូចដែលមានផែនការដើម្បីបង្កើនការប្រឹងប្រែងធ្វើទីផ្សាររបស់​ពួកគេ ដោយផ្តោតលើច្រកតាមអ៊ីនធឺណិតក៏មានចំនួនភាគរយខ្ពស់ដែរ។

ដើម្បីអានរបាយការណ៍ពិស្តារពីការយល់ដឹងស៊ីជំរៅនៃការចំណាយរបស់អាជីវកម្មខ្នាតតូច Visa ប្រចាំត្រីមាសទី 4 ឆ្នាំ 2016 ចុចទីនេះ 

ការយល់ដឹងស៊ីជំរៅពីការចំណាយរបស់អាជីវកម្មខ្នាតតូច Visa បង្ហាញឱ្យឃើញទិន្នន័យចំណាយ និងការឆ្លើយតបទៅនឹងការ​ស្ទង់​មតិប្រចាំត្រីមាស​ដើម្បីផ្ដល់រូបភាពនៃទំនុកចិត្តផ្នែកសេដ្ឋកិច្ចរបស់ម្ចាស់អាជីវកម្ម​ខ្នាតតូចនៅសហរដ្ឋអាមេរិក។ អាជីវកម្មខ្នាតតូច និងអ្វីៗដែលអាជីវកម្មខ្នាតតូចទាំងនោះអាចទទួល​អត្ថប្រយោជន៍ពីការយល់ដឹងស៊ីជំរៅដែលបានចែករំលែកក្នុង​ព្រឹត្តិបត្រប្រចាំត្រីមាសនេះ។

លទ្ធផលនៃការស្ទង់មតិនៅត្រីមាសទី​ 3 ឆ្នាំ 2016 រួមមាន ៖

-  ការទទួលយកឥណទាន និងឥណពន្ធ​បានហក់ឡើងខ្ពស់កាលពីឆ្នាំមុន ដោយមានកត្តាជំរុញដ៏សំខាន់មកពីតម្រូវការ​របស់អតិថិជន ល្បឿន និងភាពងាយស្រួល។ ក្នុងពេល 12 ខែមុន ការទទួលយកប័ណ្ណរបស់អាជីវកម្មដែលមានប្រាក់ចំណូល​តិចជាង 500K (2,000 លានរៀល) កើនឡើង​កាន់តែរហ័សជាងអាជីវកម្មផ្សេងទៀត។ គ្រឹះស្ថាន​ហិរញ្ញវត្ថុប្រហែលជាចង់រក្សា និងបង្កើន​កិច្ចប្រឹង​ប្រែងរបស់ពួកគេជុំវិញការអប់រំទស្សនិកជននេះអំពី​អត្ថប្រយោជន៍នៃការទទួលយកប័ណ្ណ។

-  ការឆ្លើយតបបង្ហាញពីសុទិដ្ឋិនិយមរបស់ម្ចាស់​អាជីវកម្មខ្នាតតូចចំពោះការធ្លាក់ចុះនៃប្រាក់ចំណូល និងប្រាក់ចំណេញ ខណៈពេលពួកគេនៅមានក្តីបារម្ភ​អំពី​ទំនុកចិត្ត​របស់អតិថិជន និងអតិផរណា។

-  អាជីវកម្មខ្នាតតូចរាយការណ៍ថា ពួកគេគ្រោងនឹង​ខ្ចីលុយតិចជាងមុន នៅក្នុងរយៈពេលខ្លី។ ប្រៀបធៀបទៅឆ្នាំមុន ការឆ្លើយតបបង្ហាញពី​ការពេញចិត្តកាន់តែច្រើនជាមួយនឹងលំហូរសាច់ប្រាក់ និងកិច្ចប្រឹងប្រែងប្រមូលរួមជាមួយនឹងផែនការដើម្បី​កំណត់ការវិនិយោគមូលធន។ ការផ្លាស់ប្តូរទាំងនេះបង្ហាញពីការថយចុះជាសក្តានុពល​លើតម្រូវការប្រាក់កម្ចី ដែលស្ថាប័នហិរញ្ញវត្ថុប្រហែលជាចង់​ពិចារណាលើយុទ្ធសាស្រ្តរបស់ពួកគេ។

-  ម្ចាស់អាជីវកម្មរាយការណ៍ពីកំណើនថ្មីៗលើ​ការយកចិត្តទុកដាក់ធ្វើទីផ្សារ និង​ការផ្សាយ​ពាណិជ្ជកម្ម ហើយពួកគេ​ក៏​បានប្រាប់ឱ្យដឹងថា កិច្ចប្រឹងប្រែង​ទាំងនោះមានប្រសិទ្ធភាពជាងមុនដែរ។

ដើម្បីអានរបាយការណ៍ពិស្តារពីការយល់ដឹងស៊ីជំរៅនៃការចំណាយរបស់អាជីវកម្មខ្នាតតូច Visa ប្រចាំត្រីមាសទី 3 ឆ្នាំ 2016 ចុចទីនេះ។

ការយល់ដឹងស៊ីជំរៅនៃការចំណាយរបស់អាជីវកម្មខ្នាតតូច Visa  បង្ហាញឱ្យឃើញទិន្នន័យចំណាយ និងការឆ្លើយតបទៅនឹងការ​ស្ទង់​មតិប្រចាំត្រីមាស​ដើម្បីផ្ដល់រូបភាពនៃទំនុកចិត្តផ្នែកសេដ្ឋកិច្ចរបស់ម្ចាស់អាជីវកម្ម​ខ្នាតតូចនៅសហរដ្ឋអាមេរិក។ អាជីវកម្មខ្នាតតូច និងអ្វីៗដែលអាជីវកម្មខ្នាតតូចទាំងនោះអាចទទួល​អត្ថប្រយោជន៍ពីការយល់ដឹងស៊ីជំរៅដែលបានចែករំលែកក្នុង​ព្រឹត្តិបត្រប្រចាំត្រីមាសនេះ។

លទ្ធផលនៃការស្ទង់មតិនៅត្រីមាសទី 2 ឆ្នាំ 2016 រួមមាន ៖

-   ក្នុងត្រីមាសទី 2 ឆ្នាំ 2016 ម្ចាស់អាជីវកម្មខ្នាតតូចបានបន្ដ​បង្ហាញចំណង់ចំណូលចិត្តដែលមានកើនឡើងបន្តិចម្តងៗ​ក្នុងការប្រើប័ណ្ណដើម្បីទូទាត់ការចំណាយអាជីវកម្ម។

-   ទិន្នន័យថ្មីទទួលបានពីអ្នកឆ្លើយសំណួរបង្ហាញថា Amazon ក្លាយជា​អ្នកផ្គត់ផ្គង់មួយក្នុងចំណោមអ្នកផ្គត់ផ្គង់កំពូលៗនៅទូទាំង​ឧស្សាហកម្ម ហើយក្តីបារម្ភអំពីការស្វែងរក​អ្នកផ្គត់ផ្គង់មានគុណភាពគឺធ្លាក់ចុះ។ និន្នាការទាំងនេះណែនាំអំពីកត្តាដែលម្ចាស់អាជីវកម្មខ្នាតតូចបង្កើនការប្រើប័ណ្ណអាចត្រូវបានជម្រុញដោយតម្លៃ​ដែលពួកគេ​​រកឃើញនៅអ្នកផ្គត់ផ្គង់តាមអ៊ីនធឺណិត ដែលប័ណ្ណ​គឺជាវិធីសាស្រ្តទូទាត់ដ៏សំខាន់។

-   ការឆ្លើយតបជុំវិញការផ្គត់ផ្គង់បុគ្គលិក​បង្ហាញពីសេចក្តីត្រូវការដែលផ្ទុយគ្នា ៖

     - ជារួម មានការធ្លាក់ចុះគួរឱ្យ​កត់សម្គាល់ចំពោះម្ចាស់អាជីវកម្មខ្នាតតូច​មួយចំនួន​ដែលលើកឡើងអំពីការភ័យបារម្ភ​ក្នុងការស្វែងរក និងការរក្សានិយោជិត និងអាជីវកម្មខ្នាតតូចមួយ​ចំនួន ដែល​មាន​គម្រោងបង្កើនប្រាក់បៀវត្សរ៍។ ទោះជាយ៉ាងណា ជិតមួយភាគបួននៃអ្នកឆ្លើយតបបានយល់ស្របថា ការជ្រើសរើសបុគ្គលិកមានបញ្ហាប្រឈមច្រើនជាងមុន បើប្រៀបធៀបទៅនឹងឆ្នាំ 2015 ហើយភាគច្រើននៃអ្នកឆ្លើយតបទាំងនោះបានដោះស្រាយនឹងបញ្ហាប្រឈម ដោយការផ្តល់ការប្រាក់បៀវត្សរ៍ខ្ពស់ជាងមុន និងអត្ថប្រយោជន៍ប្រសើរជាងមុន។

ដើម្បីអានរបាយការណ៍ពិស្តារពីការយល់ដឹងស៊ីជំរៅនៃការចំណាយរបស់អាជីវកម្មខ្នាតតូច Visa ប្រចាំត្រីមាសទី 2 ឆ្នាំ 2016  ចុចទីនេះ។

ការយល់ដឹងស៊ីជំរៅនៃការចំណាយរបស់អាជីវកម្មខ្នាតតូច Visa  បង្ហាញឱ្យឃើញទិន្នន័យចំណាយ និងការឆ្លើយតបទៅនឹងការ​ស្ទង់​មតិប្រចាំត្រីមាស​ដើម្បីផ្ដល់រូបភាពនៃទំនុកចិត្តផ្នែកសេដ្ឋកិច្ចរបស់ម្ចាស់អាជីវកម្ម​ខ្នាតតូចនៅសហរដ្ឋអាមេរិក។ អាជីវកម្មខ្នាតតូច និងអ្វីៗដែលអាជីវកម្មខ្នាតតូចទាំងនោះអាចទទួល​អត្ថប្រយោជន៍ពីការយល់ដឹងស៊ីជំរៅដែលបានចែករំលែកក្នុង​ព្រឹត្តិបត្រប្រចាំត្រីមាសនេះ។

លទ្ធផលនៃការស្ទង់មតិនៅត្រីមាសទី 2 ឆ្នាំ 2015 រួមមាន ៖

• ម្ចាស់អាជីវកម្មខ្នាតតូច ដែលបង្ហាញពីទំនុកចិត្តខ្ពស់លើ​កំណត់ត្រា នៃការរីកចម្រើនក្នុងរយៈពេលខ្លីបានរាយការណ៍​ថា ​ពួកគេគ្រោងចំណាយបន្ថែមលើនិយោជិត បង្កើនកម្រិត​សារពើភ័ណ្ឌ ធ្វើការវិនិយោគមូលធន និងបង្កើន​ការផ្សាយពាណិជ្ជកម្ម/ការធ្វើទីផ្សារ។

• ខណៈពេលម្ចាស់អាជីវកម្មខ្នាតតូចគ្រោងគាំទ្រកំណើនដែលបាន​រំពឹងតាមរយៈការខ្ចីប្រាក់ ការភ័យបារម្ភរបស់ពួកគេ​ក្នុងការទទួល​បាន​ហិរញ្ញប្បទាន លក្ខខណ្ឌទូទាត់ និងអតិផរណាគឺកំពុងកើនឡើងផងដែរ

• តម្លៃទាបជាង និង​រង្វាន់ប្រសើរជាង​គឺ​ជាហេតុផលសំខាន់ៗចំពោះ​ការកើនឡើងនៃការប្រើប្រាស់ប័ណ្ណ ហើយអាចជម្រុញការយល់ឃើញជាវិជ្ជមានកាន់តែ​ខ្លាំងឡើងរបស់​ម្ចាស់អាជីវកម្មខ្នាតតូចចំពោះធនាគាររបស់ពួកគេ

ដើម្បីអានរបាយការណ៍ពិស្តារពីការយល់ដឹងស៊ីជំរៅនៃការចំណាយរបស់អាជីវកម្មខ្នាតតូច Visa ប្រចាំត្រីមាសទី 2 ឆ្នាំ 2015 ចុច ទីនេះ។

ថ្ងៃទី 21 ខែកញ្ញា ឆ្នាំ 2015​ ពីអាជីវកម្ម Visa

ការយល់ដឹងស៊ីជំរៅនៃការចំណាយរបស់អាជីវកម្មខ្នាតតូច Visaបង្ហាញឱ្យឃើញទិន្នន័យចំណាយ និងការឆ្លើយតបទៅនឹងការ​ស្ទង់​មតិប្រចាំត្រីមាស​ដើម្បីផ្ដល់រូបភាពនៃទំនុកចិត្តផ្នែកសេដ្ឋកិច្ចរបស់ម្ចាស់អាជីវកម្ម​ខ្នាតតូចនៅសហរដ្ឋអាមេរិក។ អាជីវកម្មខ្នាតតូច និងអ្វីៗដែលអាជីវកម្មខ្នាតតូចទាំងនោះអាចទទួល​អត្ថប្រយោជន៍ពីការយល់ដឹងស៊ីជំរៅដែលបានចែករំលែកក្នុង​ព្រឹត្តិបត្រប្រចាំត្រីមាសនេះ។

លទ្ធផលនៃការស្ទង់មតិនៅត្រីមាសទី 4 ឆ្នាំ 2014 រួមមាន ៖

• ម្ចាស់អាជីវកម្មខ្នាតតូចកំពុងបង្ហាញគំនិតសុទិដ្ឋិនិយមកាន់តែច្រើនឡើងចំពោះការចំណាយជាច្រើនប្រភេទ ប៉ុន្តែក្តីបារម្ភ​លើសូចនាករសំខាន់ៗមួយចំនួន ដូចជាអតិផរណានៅតែបន្ត។
• ជាលើកដំបូងចាប់តាំងពីការស្ទង់មតិនេះបានចាប់​ផ្ដើម ម្ចាស់អាជីវកម្មខ្នាតតូច​បានលើកថា ប័ណ្ណឥណទាន​គឺជា​ទម្រង់ទូទាត់ដែលមានប្រសិទ្ធផលលើការទូទាត់ជាងមូលប្បទានបត្រ។

ដើម្បីអានរបាយការណ៍ពិស្តារពីការយល់ដឹងស៊ីជំរៅនៃការចំណាយរបស់អាជីវកម្មខ្នាតតូច Visa ប្រចាំត្រីមាសទី 4 ឆ្នាំ 2014 សូមចុចទីនេះ។

ថ្ងៃទី 3 ខែមីនា ឆ្នាំ 2015​ ពីអាជីវកម្ម Visa

ការយល់ដឹងស៊ីជំរៅនៃការចំណាយរបស់អាជីវកម្មខ្នាតតូច Visaបង្ហាញឱ្យឃើញទិន្នន័យចំណាយ និងការឆ្លើយតបទៅនឹងការ​ស្ទង់​មតិប្រចាំត្រីមាស​ដើម្បីផ្ដល់រូបភាពនៃទំនុកចិត្តផ្នែកសេដ្ឋកិច្ចរបស់ម្ចាស់អាជីវកម្ម​ខ្នាតតូចនៅសហរដ្ឋអាមេរិក។ អាជីវកម្មខ្នាតតូច និងអ្វីៗដែលអាជីវកម្មខ្នាតតូចទាំងនោះអាចទទួល​អត្ថប្រយោជន៍ពីការយល់ដឹងស៊ីជំរៅដែលបានចែករំលែកក្នុង​ព្រឹត្តិបត្រប្រចាំត្រីមាសនេះ។

លទ្ធផលនៃការស្ទង់មតិនៅត្រីមាសទី 3 ឆ្នាំ 2014 រួមមាន ៖

• ឥរិយា​បទរបស់ម្ចាស់អាជីវកម្មខា្នតតូច​កំពុងបង្ហាញ​ពីការប្រុងប្រយ័ត្នកាន់តែច្រើនជារួមអំពីការងើបឡើងវិញនូវសេដ្ឋកិច្ច និងការគ្រប់គ្រងការចំណាយ។
• ការទូទាត់តាមប័ណ្ណបន្ដធ្វើការបោះជំហានហួសសាច់ប្រាក់ និង​មូលប្បទានបត្រ ដោយប្រែក្លាយជាវិធីសាស្ដ្រទូទាត់ដែលគេពេញនិយម និងកាន់តែមានប្រសិទ្ធភាព។

ដើម្បីអានរបាយការណ៍ពិស្តារពីការយល់ដឹងស៊ីជំរៅនៃការចំណាយរបស់អាជីវកម្មខ្នាតតូច Visa ប្រចាំត្រីមាសទី 3 ឆ្នាំ 2014 ចុចទីនេះ។

ថ្ងៃទី 11 ខែមករា ឆ្នាំ 2015​ ពីអាជីវកម្ម Visa

ភាពចម្រុះ ៖ ធាតុផ្សំសំខាន់ក្នុងការកសាងក្រុមបំពេញការងារល្អ

ការបិទផ្សាយរបស់ប្លុកនេះត្រូវបានសរសេរសម្រាប់អាជីវកម្ម Visa ជាផ្នែកមួយនៃមូលបទខែកញ្ញាអំពី«ភាពចម្រុះក្នុងអាជីវកម្មខ្នាតតូច»។ ជារៀងរាល់ខែ អាជីវកម្ម Visa ផ្ដោតទៅលើប្រធានបទមួយ និងផ្ដល់ជូននូវគំនិតដែលអាចធ្វើបានសម្រាប់ការគ្រប់គ្រងអាជីវកម្ម និយោជិត អតិថិជនរបស់អ្នក និងខ្លួនអ្នកផ្ទាល់។ ចូលមើល​ទំព័រ ​​​Facebook ​​របស់​យើង ​ដែលជាប្រភពធនធានដ៏ល្អដោយអាជីវកម្ម Visa ដើម្បី​រក​ដំណោះស្រាយ​ដោយ​ប្រសិទ្ធភាព ព័ត៌មាន​ស៊ីជំរៅ និង​ធនធាន​ដែល​ជាទីទុកចិត្ត។

ក្រុមបំពេញការងារល្អត្រូវបានកំណត់ជាក្រុមមួយ ដែលធ្វើការ​ជាមួយ​គោលបំណងរួម គោលដៅរួម ការគោរពគ្នាទៅវិញទៅមក ការជឿជាក់ និងការប្ដេជ្ញា។ ក្រុមបំពេញការងារល្អមិនត្រឹមតែចូលរួមធ្វើការក្នុងក្រុមប៉ុណ្ណោះទេ​ពួកគេសហការគ្នា ដោយសមាជិកក្រុម​ធ្វើការរួមគ្នាជាអន្តរកម្មដើម្បីសម្រេចបានគោលដៅរួម តាមរយៈ​ការប្រើប្រាស់ឱ្យអស់លទ្ធភាពនូវជំនាញពិសេស ចំណេះដឹង និងសមត្ថភាពរបស់​សមាជិកម្នាក់ៗ។

ដើម្បីក្លាយជាក្រុមបំពេញការងារល្អ ត្រូវតែមានលក្ខណៈសម្បត្តិទាំងបួនខាងក្រោម ៖

• ការទំនាក់ទំនង
• ការចែករំលែក
• ការសហការ
• ភាពបត់បែន

លក្ខណៈពិសេសទាំងបួននេះវិវត្តទៅបាន ដោយផ្អែកលើសមត្ថភាពរបស់លោកអ្នក​ក្នុងនាមជាថ្នាក់ដឹកនាំ ដើម្បីបង្កើតបានក្រុមសាមគ្គីមួយ ដែល​សមាជិកក្រុមទុកចិត្តគ្នាទៅវិញទៅមក គោរពគ្នាទៅវិញ​ទៅមក ប្តេជ្ញាចំពោះគោលបំណងរួមរបស់ក្រុម និងយល់​ដឹងពីមូលហេតុ ពេលវេលា ទីកន្លែង​ និងរបៀប​ដែលពួកគេ​រួមចំណែកបន្ថែមតម្លៃទៅក្រុម។ នៅពេលក្រុមរបស់លោកអ្នកសម្តែងឱ្យឃើញពីលក្ខណៈពិសេសរបស់ក្រុមបំពេញការងារល្អទាំងបួននេះ ប្រតិបិត្តការការងារនឹងកាន់តែមានប្រសិទ្ធភាព និង​ប្រកបដោយផ្លែផ្កា។ ជម្លោះនឹងត្រូវបានកាត់បន្ថយ ហើយលទ្ធផលវិជ្ជមាន​ ដែលអាចវាស់វែងបាននឹងកើតឡើង។

ក្រុមបំពេញការងារល្អផ្តល់នូវអត្ថប្រយោជន៍ដែលអាចវាស់វែង​បានទៅដល់បុគ្គលិកនីមួយៗ និងក្រុមហ៊ុនទាំងមូល ហើយប្រសិទ្ធផល ប្រសិទ្ធភាព ផលិតភាព និងលទ្ធផលដែលប្រសើរជាងមុនក៏ផ្ទេរបន្តទៅដល់អតិថិជន អ្នកវិនិយោគ ដៃគូអាជីវកម្ម និងភាគីពាក់ព័ន្ធសំខាន់ៗដទៃទៀត។

ក្រុមការងារចម្រុះគឺជាក្រុមខ្លាំង

ពិចារណាលើនិយមន័យនៃក្រុមបំពេញការងារល្អ។ ដើម្បីឱ្យក្រុមមួយប្រតិបត្តិការងារបានដល់កម្រិតកំពូល សមាជិកត្រូវ​តែប្ដេជ្ញាលើគោលបំណងរួម ប៉ុន្ដែមិន​មានន័យថា ក្រុមនេះមានសុទ្ធបុរស និងស្រ្តី​"ដែលចេះតែយល់ស្របគ្រប់រឿង"នោះទេ។ វាមានន័យថាសមាជិកក្រុមផ្តល់អាទិភាពដល់គោលបំណង​របស់ស្ថាប័នលើគោលបំណងរបស់បុគ្គល និងធ្វើការ​ដោយសហការគ្នាដើម្បីសម្រេចបានសំណុំគោល​ដៅរួម និងច្បាស់លាស់មួយ។

សូមចំណាំថា ក្រុមបំពេញការងារល្អគឺត្រូវបានកំណត់ដោយ​ការទំនាក់​ទំនង​​បើកទូលាយ ជម្លោះបែបស្ថាបនា ការគោរពគ្នាទៅវិញ​ទៅមក ការជឿជាក់ និងឆន្ទៈក្នុងការលះបង់ការ​គ្រប់គ្រងជាបុគ្គលដើម្បីសម្រេចបានលទ្ធផលខ្ពស់​ជាសមូហភាព។ ក្រុមដែលបំពេញជាមួយបុរស និងស្រ្តី"ដែលចេះតែយល់ស្របគ្រប់រឿង​"មិនអាចប្រតិបត្តិការនៅកម្រិតខ្ពស់បំផុតបានឡើយ ព្រោះក្រុមនេះនឹងមិនមានជម្លោះបែបស្ថាបនា ឬទំនាក់ទំនង​បើកទូលាយ ប្រសិនបើគ្រប់គ្នាតែងតែយល់ស្របជានិច្ច (យ៉ាងហោចណាស់ខាងក្រៅ)។

ក្រុមខ្លាំងបំផុតរួមមានសមាជិកដែលមានបទពិសោធន៍​ខុសគ្នា ចំណេះដឹងលើផ្នែកខុសគ្នា របៀបធ្វើការខុសគ្នា និងវិធីគិតខុសគ្នា។ ក្រុមមួយដែលមានថ្នាក់ដឹកនាំបែបផ្តាច់ការ​មិនអាចបំពេញមុខងារក្នុងកម្រិតខ្ពស់នោះទេ ដូចគ្នាទៅនឹងក្រុមមួយ​ដែលមានសមាជិកប្រកបដោយជំនាញ​ជាក់លាក់ប្រហាក់ប្រហែលគ្នាដែរ ព្រោះក្រុមប្រភេទនេះនឹងមានចក្ខុវិស័យដូចផ្លូវរូងក្រោមដី។ ក្នុងក្រុមប្រភេទនេះមិនសូវមានការច្នៃបង្កើតថ្មី ការច្នៃប្រឌិតដែលអស្ចារ្យឡើយ ហើយគំនិតរកឃើញអ្វីថ្មីដើម្បីបង្កើនគុណប្រយោជន៍ក្នុងការប្រកួតប្រជែងរបស់អាជីវកម្មគឺមិនមានតែម្តង។

សរុបសេចក្តីមក ដើម្បីជម្រុញលទ្ធផលជាអតិបរមា អភិវឌ្ឍក្រុមបំពេញការងារល្អដែលមានសមាជិកចម្រុះ។ នោះគឺជាមធ្យោបាយតែមួយគត់ដែលលោកអ្នកអាចប្រាកដថា ក្រុមការងារអាចទទួលបានលទ្ធផលល្អបំផុត ដែលពួកគេអាចធ្វើទៅបាន។

អត្ថបទរបស់ប្លុកនេះបានឧបត្ថម្ភដោយអាជីវកម្ម Visa ហើយម្ចាស់ប្លុកបានទទួលសំណងពី Visa សម្រាប់ការចំណាយពេលវេលា ចែករំលែកទស្សនៈរបស់ពួកគេក្នុងការបិទផ្សាយនេះ។ ចំណាប់អារម្មណ៍ដែលបានបង្ហាញនៅទីនេះគឺជារបស់ម្ចាស់ប្លុកតែម្នាក់គត់ មិនមែនជារបស់ Visa ឡើយ។ ចូលទៅកាន់http://facebook.com/visasmallbiz​ ដើម្បីមើលទំព័រ Facebook ដែលកែប្រែឡើងវិញ ៖ ប្រភពធនធានដ៏ល្អដោយអាជីវកម្ម Visa។ ទំព័រនេះជាកន្លែងដែលម្ចាស់អាជីវកម្មខ្នាតតូចអាចចូលទៅមើលពីធនធានផ្នែកអប់រំ អានរឿងជោគជ័យរបស់ម្ចាស់អាជីវកម្មដ៏ទៃទៀត ភ្ជាប់ទំនាក់ទំនងជាមួយដៃគូ និងរកមើលនូវគន្លឹះដើម្បីជួយឱ្យអាជីវកម្មដំណើរការឲ្យកាន់តែមានប្រសិទ្ធភាព។ ជារៀងរាល់ខែ ទំព័រនឹងណែនាំពីគោលគំនិតថ្មីដែលនឹងផ្ដោតលើប្រធានបទសំខាន់ៗសម្រាប់ភាពជោគជ័យរបស់ម្ចាស់អាជីវកម្មខ្នាតតូច។ សម្រាប់គន្លឹះ ដំបូន្មាន និងព័ត៌មានបន្ថែមអំពីដំណោះស្រាយអាជីវកម្មខ្នាតតូច Visa សូម Follow @VisaSmallBiz និង​ចូលមើលhttp://visa.com/business។

ថ្ងៃទី 30 ខែកញ្ញា ឆ្នាំ 2014 ពីស្រ្តីធ្វើអាជីវកម្ម

ហេតុផលចំនួនបួនដែលក្រុមការងារចម្រុះវប្បធម៌នឹងជួយ​អាជីវកម្មរបស់លោកអ្នក

ការបិទផ្សាយរបស់ប្លុកនេះត្រូវបានសរសេរសម្រាប់អាជីវកម្ម Visa ជាផ្នែកមួយនៃមូលបទខែកញ្ញាអំពី«ភាពចម្រុះក្នុងអាជីវកម្មខ្នាតតូច»។ ជារៀងរាល់ខែ អាជីវកម្ម Visa ផ្ដោតទៅលើប្រធានបទមួយ និងផ្ដល់ជូននូវគំនិតដែលអាចធ្វើបានសម្រាប់ការគ្រប់គ្រងអាជីវកម្ម និយោជិត អតិថិជនរបស់អ្នក និងខ្លួនអ្នកផ្ទាល់។ ចូលមើលទំព័រ Facebook របស់យើង ប្រភពធនធានដ៍ល្អដោយអាជីវកម្ម Visa ដើម្បីរកដំណោះស្រាយប្រកបដោយប្រសិទ្ធិភាព ព័ត៌មានស៊ីជំរៅ និងធនធានដែលជាទីទុកចិត្ត។

ជាច្រើនឆ្នាំហើយ នៅពេលខ្ញុំបានផ្លាស់ប្តូរពីសហគ្រិនទោល (សហគ្រិនដែលធ្វើការយ៉ាងសស្រាក់សស្រាំ និងព្យាយាមធ្វើអ្វីមួយដោយខ្លួនឯង) "ទៅជាមានក្រុមការងារខ្លាំងពូកែជាងខ្ញុំ " ខ្ញុំបានយល់ពីអនុភាពក្នុងការមានសមាជិកក្រុម ដែលមានសមត្ថភាព។

ការពិត ខ្ញុំចង់និយាយអោយចំថា វាមានតម្លៃកាត់ថ្លៃមិនបាននោះទេ។ អាស្រ័យហេតុនេះ យើងជាសហគ្រិនតែងតែជ្រើសរើសសមាជិកក្រុមដែលធ្វើការលើភាពទន់ខ្សោយរបស់យើង ដូច្នេះយើងអាចមានពេលផ្ដោតលើភាពខ្លាំងរបស់យើងបាន។ ភាពខ្លាំងរបស់យើងម្នាក់ៗរួមបញ្ចូលបានធ្វើឱ្យយើងក្លាយជា ក្រុមការងារដ៏ខ្លាំងមួយ។

ប៉ុន្តែចុះការមានក្រុមការងារចម្រុះវប្បធម៌ដែលមានសមត្ថភាព​ខុសៗគ្នាវិញនោះ?

ខ្ញុំមានសេចក្តីរីករាយក្នុងការធ្វើការជាមួយសមាជិកក្រុម និងអ្នកធ្វើការឯករាជ្យមកពីជុំវិញពិភពលោក ហើយខ្ញុំគិតថា ក្រុមការងារបែបនេះបានបង្រៀនខ្ញុំឱ្យយល់ពីសកម្មភាពខ្លួនឯង និងរបៀបដែលខ្ញុំប្រាស្រ័យទាក់ទងពួកគេ។

ជាញឹកញាប់ យើងមើលស្រាលលើតម្លៃនៃការកសាងក្រុមការងារចម្រុះ ប៉ុន្តែមានហេតុផលជាច្រើន ដែលបង្ហាញពីសារៈសំខាន់របស់វា ហើយក៏ជាមូលហេតុដែលនឹងធ្វើឱ្យលោកអ្នកចង់ស្វែងរកក្រុមការងារប្រភេទនេះឥឡូវនេះ និងនាពេលអនាគត។ នៅលើកំពូលនៃអត្ថប្រយោជន៍​ទាំង​អស់​នៃការមានក្រុមចម្រុះមួយ ខ្ញុំនឹងអនុញ្ញាតឱ្យអ្នកចូលតាម​វិធីមួយចំនួនដែលខ្ញុំបានធ្វើដោយធ្វើការជាមួយក្រុមរបស់​ខ្ញុំ សាយភាយទូទាំងពិភពលោក សូម្បីកាន់តែងាយស្រួល។

តើអ្វីជាភាពចម្រុះវប្បធម៌?

មុនពេលយើងនិយាយពីរឿងសំខាន់នេះ យើងនាំគ្នាពិភាក្សាជាមុនសិនអំពីអ្វីទៅហៅថាភាពចម្រុះវប្បធម៌។ តាមនិយមន័យ ភាពចម្រុះវប្បធម៌សំដៅទៅដល់សហគមន៍មួយ ដែលមានតំណាងមកពីពូជសាសន៍ ជាតិសាសន៍ សញ្ជាតិ សាសនា និងទំនោរផ្លូវភេទខុសៗគ្នា។

ប្រសិនបើប្រៀបធៀបទៅកន្លែងធ្វើការរបស់លោកអ្នក ភាពចម្រុះវប្បធម៌សំដៅលើសមាជិកក្រុមដែលមកពីទ្វីបអាហ្រ្វិក កាណាដា និងនូវែលហ្សេឡង់ សមាជិកខ្លះជាអ្នកកាន់សាសនាព្រះពុទ្ធ ឬកាតូលិក ឬមិនកាន់សាសនាណាមួយ។ លោកអ្នកអាចមានសមាជិកក្រុមដែលមានស្បែកខ្មៅ ស ឬស្វាយ (ថាមិនត្រូវដែរ!) ឬស្រលាញ់ភេទដូចគ្នា។ អ្វីដែលសំខាន់នោះគឺលោកអ្នកទុកការរើសអើងនៅមួយកន្លែង ហើយបើកទ្វារទទួលយកសមាជិក ដែលមានលក្ខណៈសម្បត្តិខុសៗគ្នា។

មិនថាលោកអ្នកព្យាយាមយ៉ាងខ្លាំង ឬធ្វើដោយមិនដឹងខ្លួនដើម្បីរក្សាសមាជិកក្រុមឱ្យមានភាពដូចៗគ្នា លោកអ្នកប្រាកដជាខកខានក្នុងការទទួលអត្ថប្រយោជន៍ពីភាពចម្រុះវប្បធម៌។

ដូច្នេះតើវាជាអ្វី? តោះពិភាក្សា។

អត្ថប្រយោជន៍នៃភាពចម្រុះវប្បធម៌

ប្រសិនបើលោកអ្នកធ្លាប់លឺពាក្យមួយឃ្លាពីសៀវភៅ «ដើម្បីសម្លាប់សត្វចាប Mockingbird» "ដែលបានលើកឡើងថា យើងពិតជាមិនអាចយល់ពីមនុស្សម្នាក់បានឡើយ ដរាបណាយើងពិចារណាទស្សនៈរបស់គេ។ " បន្ទាប់ពីនេះ លោកអ្នកទំនងជា​ដឹងថា ខ្ញុំនឹងចង់និយាយអំពីអ្វី។ នៅពេលលោកអ្នកបង្កើតអាជីវកម្ម លោកអ្នកចង់អូសទាញឱ្យបានមនុស្សច្រើន ដើម្បីបង្កើនទស្សនិកជន ប៉ុន្តែតើលោកអ្នកអាចធ្វើបានដោយរបៀបណា ប្រសិនបើមិនបានពិចារណាថាអ្នកដទៃគិតយ៉ាងដូចម្តេចចំពោះលោកអ្នក?

ការបញ្ចូលភាពចម្រុះវប្បធម៌នឹងជួយលោកអ្នកទទួលបានគំនិតថ្មីប្លែក តាមរយៈបទពិសោធន៍ជីវិតខុសៗគ្នារបស់សមាជិកក្រុម។ បទពិសោធន៍ខុសគ្នាទាំងនេះហើយដែលមានតម្លៃមិនអាចកាត់ថ្លៃបាន។ វាជួយបំផុតគំនិតថ្មីៗ លើកកម្ពស់ការបើកចិត្តឱ្យទូលាយ និងជួយកាត់បន្ថយគំនិតវិនិច្ឆ័យនៅក្នុងក្រុម។

យោងតាមការសិក្សានានា ដែលបានធ្វើឡើងដោយស្ថាប័នមួយចំនួនដូចជា VEOHRC និងគណៈកម្មការសហភាពអឺរ៉ុប គេរកឃើញថាកន្លែងធ្វើការដែលមានចម្រុះវប្បធម៌មិនត្រឹមតែជួយបង្កើនផលិតកម្មប៉ុណ្ណោះទេ ថែមទាំងបង្កើនចំណូលទៀតផង។

វាល្អយ៉ាងណាសម្រាប់អាជីវកម្មល្អបែបនេះ!

ការស្រាវជ្រាវរបស់ពួកគេបានរកឃើញថា ភាពចម្រុះវប្បធម៌ធ្វើឱ្យអាជីវកម្មប្រសើរឡើងដោយកត្តាចំនួនបី ៖

• ការបង្កើតផលិតផល – ក្រុមការងារចម្រុះដែលធ្វើការជាមួយគ្នាយ៉ាងល្អមានសមត្ថភាព បង្កើតផលិតផលថ្មីៗសម្រាប់ទស្សនិកជនគោលដៅរបស់ពួកគេ ដោយពួកគេយល់ដឹងច្បាស់ និងចេះឱ្យតម្លៃទស្សនិកជនចម្រុះ។
• ប្រតិបត្តិការ – ក្រុមការងាររបស់លោកអ្នកកាន់តែមានភាពចម្រុះ កាន់តែធ្វើឱ្យលោកអ្នកងាយយល់ពីវប្បធម៌ខុសៗគ្នាដូចជា ថ្ងៃឈប់សម្រាក និងការអនុវត្តផ្សេងៗ។ ការយល់ដឹងពីភាពខុសគ្នាទាំងនេះនឹងធ្វើឱ្យសមាជិកក្រុមការងារទទួលអារម្មណ៍ថាមានការទទួលស្គាល់ និងការលាលែងពីការងារក៏កាត់បន្ថយដែរ។ ចំនួនផ្លាស់ប្តូរបុគ្គលិកថយចុះ និងបុគ្គលិកចូលរួមការងារកើនឡើង? បាទ/ចា៎ស ពិតមែនហើយ!
• ការធ្វើទីផ្សារ – ទស្សនិកជនរបស់លោកអ្នកជួនកាលអាចមានភាពចម្រុះដែរ ដូច្នេះហេតុអ្វីមិនបង្កើនទំនុកចិត្តពួកគេដោយបង្ហាញពីភាពចម្រុះរបស់ក្រុមការងារលោកអ្នក? ក្រុមការងារចម្រុះកាន់តែច្រើន ទស្សនិកជនក៏ឱ្យតម្លៃអាជីវកម្មរបស់លោកអ្នកកាន់តែខ្លាំងដែរ។

សម្របសម្រួលជាមួយ Google Hangouts និង Skype

ប្រសិនបើលោកអ្នកចង់ចែករំលែកគំនិតទៅវិញទៅមក ពិភាក្សាលើគម្រោងដែលនឹងមកដល់ ចង់ដឹងពីកិច្ចការរបស់សមាជិកម្នាក់ៗក្នុងមួយសប្តាហ៍ ការទំនាក់ទំនងគ្នានៅតាមអ៊ីនធឺណិតជាញឹកញាប់គឺចាំបាច់បំផុត។ ជាសំណាងល្អ យើងមានឧបករណ៍ទាក់ទងអស្ចារ្យ (និងឥតគិតថ្លៃ!) ចំនួនពីរគឺ Google Hangouts និង Skype។

ប្រសិនបើចង់និយាយទូរស័ព្ទជាក្រុម Google Hangouts ប្រហែលជាជម្រើសដ៏ល្អបំផុត។ លោកអ្នកអាចផ្ញើឯកសារឱ្យគ្នាទៅវិញទៅមក និងមើលឃើញសមាជិកទាំងអស់នៅលើអេក្រង់តែមួយ។ តើខ្ញុំបានប្រាប់ហើយឬនៅថា ក្នុងកម្មវិធីនោះមានរូបតុក្កតាដូចជា ស្នែងបីសាច និងម្កុដ ដែលយើងអាចយកមកពាក់លើវីដេអូខល ដើម្បីឱ្យបរិយាកាសប្រជុំប្រចាំសប្តាហ៍សប្បាយផង និងទទួលព័ត៌មានថ្មីៗពីអាជីវកម្មផង?

ចំណែក Skype វិញមានផ្ដល់ជូនតម្លៃហៅទូរស័ព្ធទាបបំផុត ដូច្នេះប្រសិនបើលោកអ្នកត្រូវការទូរស័ព្ទទៅសមាជិកក្រុមនៅក្រៅប្រទេស លោកអ្នកអាចហៅបានក្នុងតម្លៃទាប ឬប្រើប្រភេទសេវាឥតគិតថ្លៃ ហើយអាចឃើញមុខគ្នាទៀតផង។

ស្គាល់ពីម៉ោងក្នុងតំបន់របស់លោកអ្នក

ការធ្វើការក្នុងតំបន់ម៉ោងខុសគ្នានៅការិយាល័យអាចពិបាកធ្វើវីដេអូខល ប៉ុន្តែប្រសិនបើលោកអ្នកត្រូវហោះហើរជុំវិញពិភពលោកដូចខ្ញុំ ការចំណាំតំបន់ម៉ោងណាមួយ និងការសម្របសម្រួលជាមួយសមាជិកក្រុមគឺកាន់តែពិបាក។

ឧបករណ៍លើអ៊ីនធឺណិត ដែលអាចប្រាប់តំបន់ម៉ោងល្អបំផុតដែលខ្ញុំស្គាល់គឺ WorldTimeBuddy.com។ សេវាឥតគិតថ្លៃនេះអនុញ្ញាតឱ្យជ្រើសរើសបានដល់ទៅបួនតំបន់ម៉ោងខុសគ្នា ហើយគ្រាន់តែអូសមើលម៉ោង លោកអ្នក អាចឃើញពីពេលវេលារបស់សមាជិកក្រុមនីមួយៗ។

បើសិន លោកអ្នកចង់ចែករំលែកវាជាមួយក្រុមការងារ អាចចុច"តំណភ្ជាប់ជម្រើស «This View» " និងផ្ញើអ៊ីម៉ែលទៅសមាជិកក្រុមទាំងអស់នូវរូបភាពនៃតំបន់ម៉ោងនីមួយៗអមជាមួយនឹងម៉ោងប្រជុំ។

ឧបករណ៍ពិសេសមួយទៀតសម្រាប់កំណត់ពេលប្រជុំ ដែល​ខ្ញុំចង់ណែនាំខ្លាំងនោះគឺ timeanddate.com/meetings។ វាជាវិធីសាស្រ្តដ៏ល្អសម្រាប់ណាត់ម៉ោងប្រជុំតាមទូរស័ព្ទ ការប្រជុំការងារក្រុមជាដើម។ វាបានជួយខ្ញុំម្តង ជាពីរដង!

ចែករំលែកឯកសារមិនថាលោកអ្នកនៅកន្លែងណា

ឥឡូវនេះ លោកអ្នកបានរៀបចំកិច្ចការ បានប្រជុំ ហើយទាំងអស់គ្នាធ្វើការក្នុងតំបន់ម៉ោងត្រឹមត្រូវហើយ ប៉ុន្តែចុះបើលោកអ្នកត្រូវការចែករំលែកឯកសារជាមួយក្រុមវិញ តើត្រូវធ្វើដូចម្តេច? Dropbox និង Google Drive ធ្វើឱ្យការចែករំលែក​រូបភាព ឯកសារ រូបភាព និងវីដេអូកាន់តែងាយស្រួល។

Google Drive គឺឥតគិតថ្លៃសម្រាប់អ្នកមាន​គណនី Gmail។ លោកអ្នកអាចបង្កើតសឺមី សឺមីរង និងឯកសារប្រភេទណាមួយ ដូចជា Word Excel និង PowerPoint ជាដើម។ លោកអ្នកអាចចែករំលែកអ្វីក៏បាន និងអាចជ្រើសរើសកម្រិតចូលប្រើក្រុមចំពោះឯកសារជាក់លាក់ណាមួយ។

ប្រសិនបើលោកអ្នកចង់ឱ្យសមាជិកក្រុមអាចកែប្រែលើឯកសារ លោកអ្នកអាចអនុញ្ញាតឱ្យគេចូលកែ ឬត្រឹមតែអានបានប៉ុណ្ណោះ។

ស្រដៀងគ្នានេះដែរ Dropbox ផ្ដល់គណនីឥតគិតថ្លៃ អាចផ្ទុកទិន្នន័យរហូតដល់ទៅ 16GB ហើយវាជាកន្លែងផ្ទុកដោយ Cloud ដ៏ពិសេសដើម្បីរក្សាឯកសារ រូបភាព វីដេអូ ឬ PDFs។ ពីទីនេះ លោកអ្នកអាចចែករំលែកតំណភ្ជាប់ទៅនឹងឯកសារជាក់លាក់ណាមួយ ទៅឱ្យក្រុមការងារ ឬសូម្បីតែទស្សនិកជនរបស់លោកអ្នក។

ដូចដែលបានឃើញ ក្រុមការងារចម្រុះវប្បធម៌អាចផ្តល់អត្ថប្រយោជន៍ជាច្រើនដល់អាជីវកម្ម ដែលកំពុងលូតលាស់របស់លោកអ្នក។ ការបង្កើតក្រុមការងារដែលមានសមាជិកផ្ដល់ទស្សនៈ បទពិសោធន៍ និងចំណេះដឹងខុសគ្នា នឹងជួយលោកអ្នកបង្កើតផលិតផល និងសេវាកម្មល្អបំផុតសម្រាប់ទស្សនិកជន។

ការរៀបចំពេលវេលាឱ្យសមាជិកទាំងអស់បានមកជុំគ្នា ទោះបីជាស្ថិតនៅជ្រុងណានៃពិភពលោក គឺលែងជារឿងពិបាកហើយ។ ប្រសិនបើលោកអ្នកយកឧបករណ៍ដែលបានរៀបរាប់ខាងលើមកអនុវត្ត លោកអ្នក និងក្រុមការងារចម្រុះវប្បធម៌អាចបង្កើតព្យុះភ្លៀងដល់អន្តរវិប និងអាចផ្តល់ជូនទស្សនិកជននូវអ្វីដែលពួកគេកំពុងស្វែងរក។

អត្ថបទរបស់ប្លុកនេះបានឧបត្ថម្ភដោយអាជីវកម្ម Visa ហើយម្ចាស់ប្លុកបានទទួលសំណងពី Visa សម្រាប់ការចំណាយពេលវេលា ចែករំលែកទស្សនៈរបស់ពួកគេក្នុងការបិទផ្សាយនេះ។ ចំណាប់អារម្មណ៍ដែលបានបង្ហាញនៅទីនេះគឺជារបស់ម្ចាស់ប្លុកតែម្នាក់គត់ មិនមែនជារបស់ Visa ឡើយ។ ចូលទៅកាន់http://facebook.com/visasmallbiz​ ដើម្បីមើលទំព័រ Facebook ដែលកែប្រែឡើងវិញ ៖ ប្រភពធនធានដ៏ល្អដោយអាជីវកម្ម Visa។ ទំព័រនេះជាកន្លែងដែលម្ចាស់អាជីវកម្មខ្នាតតូចអាចចូលទៅមើលពីធនធានផ្នែកអប់រំ អានរឿងជោគជ័យរបស់ម្ចាស់អាជីវកម្មដ៏ទៃទៀត ភ្ជាប់ទំនាក់ទំនងជាមួយដៃគូ និងរកមើលនូវគន្លឹះដើម្បីជួយឱ្យអាជីវកម្មដំណើរការឲ្យកាន់តែមានប្រសិទ្ធភាព។ ជារៀងរាល់ខែ ទំព័រនឹងណែនាំពីគោលគំនិតថ្មីដែលនឹងផ្ដោតលើប្រធានបទសំខាន់ៗសម្រាប់ភាពជោគជ័យរបស់ម្ចាស់អាជីវកម្មខ្នាតតូច។ សម្រាប់គន្លឹះ ដំបូន្មាន និងព័ត៌មានបន្ថែមអំពីដំណោះស្រាយអាជីវកម្មខ្នាតតូច Visa សូម Follow @VisaSmallBiz និង​ចូលមើលhttp://visa.com/business។

ភាពចម្រុះវប្បធម៌គឺពិបាក...ប៉ុន្ដែវាមានតម្លៃ!

ការបិទផ្សាយរបស់ប្លុកនេះត្រូវបានសរសេរសម្រាប់អាជីវកម្ម Visa ជាផ្នែកមួយនៃមូលបទខែកញ្ញាអំពី«ភាពចម្រុះក្នុងអាជីវកម្មខ្នាតតូច»។ ជារៀងរាល់ខែ អាជីវកម្ម Visa ផ្ដោតទៅលើប្រធានបទមួយ និងផ្ដល់ជូននូវគំនិតដែលអាចធ្វើបានសម្រាប់ការគ្រប់គ្រងអាជីវកម្ម និយោជិត អតិថិជនរបស់អ្នក និងខ្លួនអ្នកផ្ទាល់។ ចូលមើល​ទំព័រ ​​​Facebook ​​របស់​យើង ​ដែលជាប្រភពធនធានដ៏ល្អដោយអាជីវកម្ម Visa ដើម្បី​រក​ដំណោះស្រាយ​ដោយ​ប្រសិទ្ធភាព ព័ត៌មាន​ស៊ីជំរៅ និង​ធនធាន​ដែល​ជាទីទុកចិត្ត។

វប្បធម៌គឺជាក្របខ័ណ្ឌទំនាក់ទំនងទាំងមូល ៖ ពាក្យពេចន៍ សកម្មភាព ឥរិយាបថ កាយវិការ សូរសំឡេង ការបញ្ចេញទឹកមុខ ការគ្រប់គ្រងពេលវេលា ទីតាំង និងសម្ភារៈ និងវិធីដែលគាត់ធ្វើការ លេងសប្បាយ ស្រលាញ់ និងការពារខ្លួនគាត់។ ទាំងអស់នេះ និងអ្វីៗផ្សេងទៀតគឺជាប្រព័ន្ធទំនាក់ទំនងមួយ ហើយដរាបណាយើងស្គាល់ពីឥរិយាបថនានាក្នុងបរិបទប្រវត្តិសាស្រ្ត សង្គម និងវប្បធម៌ ទើបយើងអាចយល់ពីបុគ្គលម្នាក់បាន។

                                     –Edward T. Hall

ក្នុងរយៈពេលប្រាំពីរខែមុននេះ ខណៈពេលដែលយើងប្រឹងប្រែងដើម្បីបើកដំណើរការឡើងវិញគេហទំព័ររបស់យើងនាពេលដ៏ខ្លីខាងមុខ ក្រុមរបស់ខ្ញុំ និងខ្ញុំស្គាល់ជាលើកដំបូងនូវអត្ថប្រយោជន៍នៃក្រុមការងារចម្រុះវប្បធម៌។ ទស្សនៈវិស័យខុសៗគ្នា ដែលបានកើតចេញនៃវប្បធម៌ផ្សេងគ្នាបានជួយយើងក្នុងការដុសខាត់ កែច្នៃ និងជំរុញដល់ការផ្សព្វផ្សាយសារសំខាន់ៗអំពីយីហោ និងអាជីវកម្មរបស់យើង។ ប៉ុន្ដែអត្ថប្រយោជន៍ទាំងនោះមិនបានមកដោយគ្មាន​ការតស៊ូនោះទេ...

ជាក់ស្តែងភាពចម្រុះវប្បធម៌ក្នុងក្រុមការងារសហគ្រិនអាចជាធនធានមិនអាចកាត់ថ្លៃបាន ឬទំនួលខុសត្រូវដែលពុំអាចព្យាបាលបាន អាស្រ័យលើឥរិយាបទ ការយល់ឃើញ និងការតស៊ូរបស់ភាគីពាក់ព័ន្ធទាំងអស់។

វាគឺជានិន្នាការរបស់មនុស្ស ដែលមើលទៅពិភពលោកតាមរយៈការបង្កើត"ដ្យាក្រាម"ឬចាត់ចូលប្រភេទណាមួយ ដែលបានគិតទុករួចជាស្រេច។ ជាទូទៅ យើងច្រើនមានអារម្មណ៍អព្យាក្រឹតអំពីទស្សនៈផ្ទាល់ខ្លួន ដោយមិនស្គាល់ថាវាគ្រាន់តែជាទស្សនៈ មួយក្នុងចំណោមទស្សនៈជាច្រើនទៀត ហើយយើងបែរជាចាត់ទុកវាជាទស្សនៈសកល សភាវគតិ និងពិតប្រាកដដោយមិនត្រូវការគេពន្យល់។ ហើយនេះជាអ្វីដែលយើងមានបញ្ហាក្នុងការទំនាក់ទំនងជាអន្តរវប្បធម៌ ៖ យើងច្រើនតែមិនខ្វាយខ្វល់ចំពោះទស្សនៈណាដែលប្រឆាំង ឬដែលគម្រាមកំហែងដល់យើង។

សហគ្រិនមិនគួរបណ្តោយខ្លួនជាមួយនិន្នាការមិនខ្វាយខ្វល់នេះទេ។ ដើម្បីក្លាយជាសហគ្រិនពិតប្រាកដក្នុងការគិតរបស់អ្នកគឺ​ដើម្បីឈានទៅរកស្ថានភាពនីមួយៗដោយបើកចំហ ការចង់ដឹងចង់លើដែលអាណិតអាសូរ ការច្នៃបង្កើតថ្មី និងចក្ខុវិស័យ​ដែលច្រើនតែអាចទៅរួចជានិច្ច។

ភាពចម្រុះវប្បធម៌គឺពិបាក...

យោងតាមបទពិសោធន៍របស់យើង ខាងក្រោមគឺជាគោលការណ៍ណែនាំមួយចំនួនដើម្បីបង្កើតភាពចម្រុះវប្បធម៌ ពង្រីកចក្ខុវិស័យ និងធ្វើឱ្យអាជីវកម្មរបស់លោកអ្នកកាន់តែប្រសើរឡើង ៖

1. ចូលរួមដោយការយល់ចិត្ត

ការបង្កើតថ្មីគឺជាការបង្ហាញពីភាពងាយរងគ្រោះ បំផុតអំពីខ្លួនយើង។ សម្រាប់អ្នកដែលធ្លាប់ចែករំលែកការបំផុសគំនិត ផ្ទាល់ខ្លួនជាសាធារណៈប្រាកដជាគាំទ្រគំនិតនេះ។ បន្ថែមទៅលើរូបភាព ដែលមនុស្សភាគច្រើន មានទម្លាប់ប្រឆាំងនឹងការផ្លាស់ប្តូរពីធម្មជាតិ ហើយលោកអ្នកមានវិធីយកឈ្នះ សមាសធាតុដែលបង្កភាពថ្នាំងថ្នាក់ និង ជម្លោះក្នុងគម្រោងដែលធ្វើការរួមគ្នា។

វាជាការចាំបាច់ក្នុងការដឹងថា យើងត្រូវតែប្រឈមជាមួយអ្វី ដែលសំខាន់ ហើយពាក់ព័ន្ធនឹងមនោសញ្ចេតនា នៅពេល សហការជាមួយអ្នក ដែលមានវប្បធម៌ខុសពីយើង។ ជាធម្មតាអារម្មណ៍ទាំងនេះមានទម្រង់ដូចទទួលបាន ការគំរាមកំហែង ឬការបំភិតបំភ័យ ហើយឥរិយាបថដែល កើតចេញពីអារម្មណ៍ទាំងនេះច្រើនតែព្យាយាមប្រយុទ្ធតបតទៅវិញ និងកង្វះខាត ការចង់ដឹងចង់ឃើញ។

យោងតាម Rogers និង Steinfatt អ្នកនិពន្ធ ទំនាក់ទំនងអន្តរវប្បធម៌ "ការយក​តួនាទី​នៃអ្នកដទៃ (ការ​យល់ចិត្ត) ជាធម្មតានាំទៅរក​ភាពខុសគ្នាសំខាន់ៗក្នុងការយល់ឃើញនៃស្ថានភាព។" តាមបទពិសោធន៍របស់ខ្ញុំ ការផ្លាស់ប្ដូរការយល់ឃើញដែលកើតចេញពីការយល់ចិត្ត គឺវិធីដ៏មានប្រសិទ្ធិភាពក្នុងការដោះស្រាយជម្លោះ​វប្បធម៌។ បញ្ហាប្រឈមគឺស្ថិតក្នុងការបង្កើតការគិត ដែល ងាយយល់ពីអារម្មណ៍អ្នកដទៃ។

វិធីដែលគួរចាប់ផ្ដើមដំបូងគេគឺអនុវត្តការស្រម៉ៃដល់បទ​ពិសោធន៍ដែលអ្នកដទៃធ្លាប់ឆ្លងកាត់។ បើកចិត្ដ​ទូលាយស្តាប់យោបល់អ្នកដទៃ ហើយព្យាយាម​សន្មតថាចេតនារបស់គេគឺក្នុងន័យស្ថាបនា និងមានទឹកចិត្តល្អផងដែរ។ ចងចាំថាបើសិនស្បែកជើងនៅនឹងជើងមួយទៀត​ លោកអ្នកប្រហែលជាចង់ពង្រីកអត្ថប្រយោជន៍​នៃ​ការសង្ស័យនោះ។

2. ឱបក្រសោបអ្នករិះគន់

អំឡុងពេលរៀបចំបើកដំណើរការគេហទំព័ររបស់យើង ក្រុមការងាររបស់ខ្ញុំ និងខ្ញុំបានចំណាយពេលចុងសប្តាហ៍ដ៏ឈឺចាប់ ដើម្បីកំណត់ប្រភេទទំព័រស្វាគមន៍ថ្មី។ យើងមានគ្នាបួននាក់ ធ្វើការច្រើនជាង 12 ម៉ោង ដើម្បីសរសេរ 171 តួអក្សរតែប៉ុណ្ណោះ! វាបានធ្វើឱ្យ​យើងតឹងចិត្តកាន់តែខ្លាំងដោយសារតែបីនាក់ក្នុងចំណោមគ្នាយើងបួននាក់បានយល់ព្រមលើគំនិតដំបូង (​បង្កើតឡើងត្រឹមតែមួយម៉ោង) ហើយចង់បន្ដទៅមុខជាមួយគំនិតនេះ។ ប៉ុន្ដែសមាជិកក្រុមយើងម្នាក់បានប្រឆាំងជាដាច់ខាត។

យើងបានដឹងច្បាស់ថា យើងគួរតែពិចារណាទស្សនៈប្រឆាំងនេះ ព្រោះប្រសិនបើគំនិតថ្មីនេះជួយដល់ ចក្ខុវិស័យរបស់យើងបានល្អមែននោះ មិត្តរួមក្រុមរបស់យើងក៏មិនមានបញ្ហាជាមួយវាដែរ។ យើងបានដឹងថា គំនិតច្រើនគឺអាចទៅរួច។ ប៉ុន្តែយើង​អស់កម្លាំងជាខ្លាំង ត្រូវប្រញាប់បញ្ចប់ការងារ និងយឹតជាងកាលវិភាគរួចទៅហើយ។ តើយើងចាត់ទុកថាវាល្អគ្រប់គ្រាន់ ហើយបន្ដធ្វើការទៅមុខទៀតបានឬអត់?

ប៉ុន្ដែយើងមិនបានបន្ត (លុះត្រាតែមានការសម្រេចចិត្ត​ជា​ឯកច្ឆន្ទ) ពីព្រោះយើងបានដឹងថា​ក្នុងនាមជាសមាជិកក្រុម បុគ្គលដែលលើកគំនិតប្រឆាំងគឺចង់បង្ហាញពីក្តីបារម្ភ។ យើងបានធ្វើការបន្ថែមចំនួន 12 ម៉ោងទៀត ដើម្បីពិភាក្សារិះរកគំនិតថ្មី ជាមួយការសន្ទនាក្តៅគគុក និងសឹងតែដំឡើងសម្លេងដាក់គ្នា រហូតទទួលបានទស្សនៈវិស័យចុងក្រោយ (យល់ស្របជាឯកច្ឆន្ទ) បានលេចឡើងពីផេះផង់នៃការតស៊ូក្នុងជម្លោះទាំងអស់នោះ។ ហើយវាជាទស្សនៈវិស័យដែលល្អឥតខ្ចោះ ដោយមានការយល់ស្របជារួមចំពោះប្រវែង សំឡេង និងសារដែលសក្តិសមបំផុត។ វាជារឿងដ៏គួរឱ្យសប្បាយរីករាយណាស់ ដែលយើងបានឆ្លងកាត់ការពិភាក្សា និងចេញជាលទ្ធផលប្រកបដោយសក្តានុពល។

ហើយនេះគឺជាតម្លៃនៃភាពចម្រុះនៅក្នុងក្រុមសហគ្រិនរបស់លោកអ្នក៖ មានភាពចម្រុះ មានការខ្វែងគំនិតគ្នា។ ដោយទទួលយកគំនិតប្រឆាំង លោកអ្នកបង្ហាញអំពីកម្រិតថ្មី លក្ខណៈពិសេស និងជំហានក្នុងការធ្វើឱ្យទស្សនិកជនអាចយល់ពីចក្ខុវិស័យ និងសាររបស់លោកអ្នក។ នៅពេលលោកអ្នកយល់ឃើញថា ការខ្វែងគំនិតគ្នាជាការប្រឆាំង និងការគំរាមកំហែង លោកអ្នកដកខ្លួនចេញពីការចង់ដឹងចង់ឃើញ ដែលជាសរសៃឈាមអាយុជីវិតនៃភាពជា​សហគ្រិន។ បើទោះបីជាត្រូវចំណាយពេលវេលាធ្វើការងារបន្ថែម និងមានភាពអាក់រអួលដោយសារគំនិតប្រឆាំងក្នុងក្រុមក៏ដោយ យើងទទួលស្គាល់ និងទទួលយកតម្លៃនៃគំនិតប្រឆាំងនេះ និងបង្កើតបានជាគំនិតថ្មីដែលកាន់តែខ្លាំងជាងមុន។

3. កុំយល់ខុសលើការអសមត្ថភាពទំនាក់ទំនង ដោយសារតែអវត្តមានគំនិតល្អ

ក្រៅពីជះឥទ្ធិពលដល់ការគិតរបស់យើង វប្បធម៌កំណត់ពី វិធីដែលយើងបង្ហាញគំនិតរបស់យើងទៅកាន់អ្នកដទៃ។ វាងាយស្រួលបំផុតក្នុងការមើលរំលងគំនិតមួយ ដែលមិនបានបង្ហាញដោយត្រឹមត្រូវ។ ប៉ុន្ដែការទំនាក់ទំនងគឺជាសំណុំជំនាញមួយ ហើយប្រសិនបើរបៀបបញ្ចេញគំនិតមួយមិនសមស្របតាមវិធីសាស្រ្តរបស់​នរណាម្នាក់ មិនមានន័យថាសមាជិកទាំងនោះមិនមាន​អ្វីដើម្បីរួមចំណែកដល់គម្រោងនោះទេ។

រឿងនេះបានកើតឡើងថ្មីៗ នៅពេលខ្ញុំចូលរួម Startup Weekend Terrence។ គោលបំណងនៃព្រឹត្តិការណ៍នេះគឺដើម្បីផ្តល់ឱកាសដល់សហគ្រិន​ដែលមានគំនិតថ្មី អាចទទួលបានជំនួយពីសហគមន៍សហគ្រិន/អ្នកជំនាញ ដើម្បីបើកដំណើរការអាជីវកម្មថ្មីរបស់ពួកគេ។ អ្នកចូលរួមនីមួយៗទទួលបានឱកាសបង្ហាញគំនិតរបស់ខ្លួន​ទៅកាន់​ក្រុមអ្នកបោះឆ្នោត ហើយអ្នកដែលមានសំឡេង​ឆ្នោតច្រើនបំផុតនឹងទទួលបានជំនួយពីអ្នកវិនិយោគ និងក្រុមអ្នកជំនាញដើម្បីជួយពួកគេដំណើរការអាជីវកម្មថ្មី។

ប្រសិទ្ធភាពនៃការធ្វើបទបង្ហាញនេះខុសគ្នាជាខ្លាំង ប៉ុន្តែយើងបានសម្គាល់ភ្លាមៗថា គំនិតដែល​បានធ្វើបទបង្ហាញបានល្អទទួលបានសំឡេងឆ្នោត/​ការចាប់អារម្មណ៍ច្រើនបំផុត ខណៈពេលគំនិតល្អបំផុត​មួយចំនួន​វិញមិនត្រូវបានគេមើលឃើញទេ (ជារឿយៗព្រោះតែអ្នកធ្វើ​បទបង្ហាញគឺជាអ្នកវិទ្យាសាស្រ្ត អ្នកបច្ចេកវិទ្យា ឬដែលមានជំនាញឯកទេស និង មិនមែន​​ជាអ្នកទីផ្សារ ឬវាគ្មិនសាធារណៈទេ)។ យើងបានសម្រេចបោះឆ្នោតឱ្យបុគ្គលម្នាក់​ ដែលធ្វើបទបង្ហាញមិនសូវល្អ​ ប៉ុន្តែមានគំនិត​ល្អដែលនឹងអាចទទួលបានជោគជ័យទៅថ្ងៃមុខ។ គាត់ត្រូវបានគេផ្តល់ឱកាសឱ្យទៅវគ្គបន្ទាប់ ហើយពេលបញ្ចប់កម្មវិធីនៅចុងសប្តាហ៍ គាត់បានទទួលការចាប់អារម្មណ័ច្រើនជាងគេ ចំពោះគំនិតថ្មីរបស់គាត់ ដែលអាចទទួលបានជោគជ័យជាងគំនិតដទៃទៀតនៅក្នុងកម្មវិធីទាំងមូល ។

នៅពេលមនុស្សមកពីវប្បធម៌ខុសគ្នាទំនាក់ទំនងគ្នា ឬធ្វើបទបង្ហាញក្នុងព្រឹត្តិការណ៍លំដាប់ពិភពលោក អត្ថន័យក្នុងសាររបស់គេត្រូវបានកែប្រែដោយស្វ័យប្រវត្តិ តាមរយៈឥរិយាបថវប្បធម៌របស់ពួកគេ។

                                                          –លោក Rogers និង Steinfatt អ្នកនិពន្ធ «ទំនាក់ទំនងអន្តរវប្បធម៌»

...ប៉ុន្ដែវាមានតម្លៃ!

ទោះបីវាជារឿងសំខាន់ ដែលត្រូវជ្រើសយកក្រុមសហគ្រិនផ្អែកលើមូលដ្ឋានចក្ខុវិស័យរួមក៏ដោយ ភាពស្រដៀងគ្នាច្រើន​ពេកអាចនឹងប៉ះពាល់ដល់​ការខិតខំដើម្បីភាពជោគជ័យរបស់លោកអ្នក។ យើងសូមទទួលស្គាល់ថា ក្រុមការងារដែលមានវប្បធម៌ដូចគ្នា អាចធ្វើឱ្យ ដំណើរការការងាររលូន រហ័ស និងមានប្រសិទ្ធផលច្រើនជាង ប៉ុន្តែនឹងខ្វះខាត គុណភាព និងលទ្ធភាពច្នៃប្រឌិតថ្មី។

តាមរយៈការបង្កើតភាពចម្រុះនៅក្នុងក្រុមការងារ ការទទួលយកគំនិតប្រឆាំង និងការធ្វើការដោយអត់ធ្មត់បំផុតចំពោះភាពខុសគ្នាទាំងនេះ លោកអ្នកនឹងសម្រេចបានទស្សនៈវិស័យរបស់លោកអ្នកបានយ៉ាងល្អបំផុត –ជាទស្សនៈវិស័យ ដែល ច្បាស់លាស់ជាងមុន ដែលដកស្រង់ចេញពីការរិះគន់ក្នុងន័យស្ថាបនា។ មានការអត់ធ្មត់ឆ្លងកាត់ឧបសគ្គទាំងនោះ លោកអ្នកនឹងទទួលជោគជ័យ!

អត្ថបទរបស់ប្លុកនេះបានឧបត្ថម្ភដោយអាជីវកម្ម Visa ហើយម្ចាស់ប្លុកបានទទួលសំណងពី Visa សម្រាប់ការចំណាយពេលវេលា ចែករំលែកទស្សនៈរបស់ពួកគេក្នុងការបិទផ្សាយនេះ។ ចំណាប់អារម្មណ៍ដែលបានបង្ហាញនៅទីនេះគឺជារបស់ម្ចាស់ប្លុកតែម្នាក់គត់ មិនមែនជារបស់ Visa ឡើយ។ ចូលទៅកាន់http://facebook.com/visasmallbiz​ ដើម្បីមើលទំព័រ Facebook ដែលកែប្រែឡើងវិញ ៖ ប្រភពធនធានដ៏ល្អដោយអាជីវកម្ម Visa។ ទំព័រនេះជាកន្លែងដែលម្ចាស់អាជីវកម្មខ្នាតតូចអាចចូលទៅមើលពីធនធានផ្នែកអប់រំ អានរឿងជោគជ័យរបស់ម្ចាស់អាជីវកម្មដ៏ទៃទៀត ភ្ជាប់ទំនាក់ទំនងជាមួយដៃគូ និងរកមើលនូវគន្លឹះដើម្បីជួយឱ្យអាជីវកម្មដំណើរការឲ្យកាន់តែមានប្រសិទ្ធភាព។ ជារៀងរាល់ខែ ទំព័រនឹងណែនាំពីគោលគំនិតថ្មីដែលនឹងផ្ដោតលើប្រធានបទសំខាន់ៗសម្រាប់ភាពជោគជ័យរបស់ម្ចាស់អាជីវកម្មខ្នាតតូច។ សម្រាប់គន្លឹះ ដំបូន្មាន និងព័ត៌មានបន្ថែមអំពីដំណោះស្រាយអាជីវកម្មខ្នាតតូច Visa សូម Follow ​@VisaSmallBiz​ និង​ចូល​មើល​http://visa.com/business។

ថ្ងៃទី 24 ខែកញ្ញា ឆ្នាំ 2014 ពី The Mogul Mom

4 វិធីដើម្បីបញ្ចូលប្រពៃណីវប្បធម៌ទៅក្នុងកន្លែងការងារ

ការបិទផ្សាយរបស់ប្លុកនេះត្រូវបានសរសេរសម្រាប់អាជីវកម្ម Visa ជាផ្នែកមួយនៃមូលបទខែកញ្ញាអំពី«ភាពចម្រុះក្នុងអាជីវកម្មខ្នាតតូច»។ ជារៀងរាល់ខែ អាជីវកម្ម Visa ផ្ដោតទៅលើប្រធានបទមួយ និងផ្ដល់ជូននូវគំនិតដែលអាចធ្វើបានសម្រាប់ការគ្រប់គ្រងអាជីវកម្ម និយោជិត អតិថិជនរបស់អ្នក និងខ្លួនអ្នកផ្ទាល់។ ចូលមើល​ទំព័រ ​​​Facebook ​​របស់​យើង ​ដែលជាប្រភពធនធានដ៏ល្អដោយអាជីវកម្ម Visa ដើម្បី​រក​ដំណោះស្រាយ​ដោយ​ប្រសិទ្ធភាព ព័ត៌មាន​ស៊ីជំរៅ និង​ធនធាន​ដែល​ជាទីទុកចិត្ត។

ភាពចម្រុះនៅកន្លែងការងាររបស់អាមេរិកកំពុងលូតលាស់ជាច្រើនរាល់ឆ្នាំ ហើយការិយាល័យជំរឿនសហរដ្ឋអាមេរិកបានព្យាករណ៍​ថា នៅឆ្នាំ 2050 នឹងគ្មានជនជាតិភាគតិចនៅក្នុង​ប្រទេសនោះទេ ហើយចន្លោះពីឆ្នាំ 2000 និង 2050 ជនអន្តោប្រវេសន៍ និងកូនរបស់ពួកគេនឹងមាន 83 ភាគរយនៃកំណើនក្នុងចំនួនប្រជាជនវ័យធ្វើការ។ កំលាំងពលកម្មពហុវប្បធម៌មានន័យថា ការិយាល័យជាច្រើននឹងត្រូវមានភារកិច្ចប្រមូលផ្តុំបុគ្គលិកដែលមានសាវតា និងវប្បធម៌ខុសគ្នា។ មានបួនវិធី ដើម្បីបញ្ចូលប្រពៃណីវប្បធម៌ទៅក្នុងកន្លែងការងារ។

ជំនួសឱ្យការចាត់ទុកភាពចម្រុះថាជាបញ្ហាប្រឈម ថ្នាក់ដឹកនាំអាជីវកម្មឆ្លាតវៃមើលឃើញវាជាឱកាសដ៏គួរ​ឱ្យរំភើបទៅវិញ។ នៅពេលបុគ្គលិកធ្វើការជាមួយគ្នា ពួកគេស្វែងយល់ពីវប្បធម៌របស់គ្នាទៅវិញទៅមក និងស្វែងយល់ថា ពួកគេអាចនាំបទពិសោធន៍ផ្ទាល់ខ្លួន​ពិសេសមករួមចំណែកដល់គម្រោងនីមួយៗ។ តាមរយៈការលើកទឹកចិត្តកសាងក្រុម អាជីវកម្មមួយអាច​ទទួលបានអត្ថប្រយោជន៍ពីការតាំងចិត្តខ្ពស់ជាងមុន និងការបំពេញការងារជារួមល្អប្រសើរជាងមុន។

មានវប្បធម៌ Potluck

សមាជិកម្នាក់ៗនៃក្រុមរបស់លោកអ្នកមានប្រពៃណីរៀងខ្លួន រួមមានការប្រារព្ធថ្ងៃឈប់សម្រាកណាមួយ ឬការទទួលទានអាហារពេលល្ងាចរៀងរាល់ថ្ងៃអាទិត្យជាដើម។ បង្កើតបរិយាកាសថ្មី ដោយ​ឱ្យបុគ្គលិកម្នាក់ៗនាំយកអាហារដែលតំណាងឱ្យ​វប្បធម៌​របស់ពួកគេមកកន្លែងការងារ។ សូម្បីបុគ្គលិកអាមេរិកអាចនាំយកអាហារ ដែលមានតែមួយគត់ប្រចាំតំបន់ណាមួយនៅសហរដ្ឋ​អាមេរិក។ នេះអាចជួយឱ្យបុគ្គលិកឃើញថា​សូម្បីមនុស្ស​ពីរនាក់ ដែលបានធំធាត់នៅក្នុងក្រុងដូចគ្នាក៏អាចមាន​ប្រពៃណីខុសគ្នា​ទំាងស្រុងដែរ។

​ប្រារព្ធថ្ងៃឈប់សម្រាកទាំងអស់

ការតុបតែងសម្រាប់បុណ្យណូអែលគឺជាផ្នែកមួយនៃការប្រារព្ធ​នៅការិយាល័យដ៏យូរអង្វែងមកហើយ ចុះសម្រាប់​ថ្ងៃឈប់សម្រាកនានាដូចជា Hanukkah, Kwanzaa, និងបុណ្យចូលឆ្នាំចិនវិញនោះ? បុគ្គលិកមួយចំនួនរបស់លោកអ្នកអាចមិនប្រារព្ធ​ពិធីបុណ្យណូអែល ដោយសារជំនឿ ឬ​ប្រវត្តិផ្ទាល់ខ្លួនរបស់ពួកគេ ដូច្នេះវាជាការសំខាន់ដែលត្រូវគិតទុកជាមុន នៅពេលលោកអ្នកកំណត់ថ្ងៃជប់លាងបុណ្យណូអែលប្រចាំ។ ទោះជាយ៉ាងណា បុណ្យណូអែលគឺជាមធ្យោបាយដ៏អស្ចារ្យក្នុងការជំរុញទឹកចិត្តផ្នែកសីលធម៌​ និងក្នុងការបង្កើតការរាប់អានគ្នា ដូច្នេះ​ការសម្រប​សម្រួលល្អអាចធ្វើឱ្យការប្រារព្ធជាជម្រើសមួយ ខណៈពេលដែលបន្ថែមពិធីបុណ្យមួយណាដែលគ្រប់គ្នាគោរពជឿ។

ជាគំរូល្អមួយ

ថ្នាក់ដឹកនាំក្រុមការងារគួរតែខិតខំដើម្បីជាគំរូដល់អ្នកដទៃក្នុង​ស្ថាប័ន ដូច្នេះការស្វែងយល់ឱ្យបានច្រើនតាមតែអាចធ្វើបានអំពីវប្បធម៌នីមួយៗ គឺដើម្បីធ្វើអន្តរកម្មជាមួយបុគ្គលិកបានល្អប្រសើរជាងមុន។ ក្នុងវប្បធម៌មួយចំនួន សកម្មភាពដូចជាការចាប់ដៃអាច​ត្រូវគេមើលឃើញថាខុសគ្នាទាំងស្រុងពីនៅសហរដ្ឋអាមេរិក ហើយយល់ដឹងអំពីអ្វីទាំងអស់នេះ អាចឱ្យលោកអ្នកស្គាល់ពីភាពខុសគ្នាទាំងនេះបាន។ នៅពេលនិយោជកម្នាក់គោរពជំនឿ និងប្រពៃណីរបស់បុគ្គលិកម្នាក់ បុគ្គលិកដទៃនឹងធ្វើតាម។

គោរពការទំនាក់ទំនងខាងផ្លូវចិត្ត

សាសនា និង​ការទំនាក់ទំនងខាងផ្លូវចិត្តអាចជាប្រធានបទ​ដ៏ស្មុគ្រស្មាញនៅក្នុងបរិយាកាសអាជីវកម្មមួយ ប៉ុន្ដែថ្នាក់ដឹកនាំអាជីវកម្មអាចដោះស្រាយបញ្ហាទាំងនេះបានយ៉ាងងាយស្រួល។ បញ្ហាកើតឡើងនៅពេលបុគ្គលិកម្នាក់មានអារម្មណ៍​ទើសចិត្ត​ដោយការទំនាក់ទំនងខាងផ្លូវចិត្តរបស់បុគ្គលផ្សេង ដូច្នេះវាជាការសំខាន់ដែលនិយោជកដឹងរបៀបដោះស្រាយ​បញ្ហាទាំងនេះ នៅពេលវាកើតឡើង។

ដោយសារតែកន្លែងការងារកាន់តែចម្រុះ មេដឹកនាំនឹងត្រូវទទួលខុសត្រូវជម្រុញបរិយាកាសការងារដែលមានការគោរព និងភាពអត់ឱន។ កន្លែងការងារចម្រុះវប្បធម៌ផ្តល់អត្ថប្រយោជន៍ដល់​អ្នករាល់គ្នា ដែលអាចឱ្យបុគ្គលម្នាក់ៗរីកចម្រើន នៅពេល​ពួកគេសិក្សាពីគ្នាទៅវិញទៅមក។ នៅពេលអាជីវកម្មធ្វើការរួមបញ្ចូលនូវប្រពៃណី និងវប្បធម៌ខុសៗគ្នាទៅក្នុងកន្លែងការងារ សមាជិកក្រុមការងារ​ស្វែងយល់ពីរបៀបគោរពភាពខុសគ្នាទាំងនេះ។ ការធ្វើបែបនេះជួយបង្កើនផលិតភាព និងជួយដល់​ការកសាងក្រុម​ទាំងមូល ហើយក៏ផ្តល់ដល់បុគ្គលិកនូវមូលហេតុក្នុងការចំណាយពេលពីការប្រឹងប្រែងធ្វើការ ដើម្បីអបអរសាទរថ្ងៃឈប់សម្រាកជាច្រើន។

អត្ថបទរបស់ប្លុកនេះបានឧបត្ថម្ភដោយអាជីវកម្ម Visa ហើយម្ចាស់ប្លុកបានទទួលសំណងពី Visa សម្រាប់ការចំណាយពេលវេលា ចែករំលែកទស្សនៈរបស់ពួកគេក្នុងការបិទផ្សាយនេះ។ ចំណាប់អារម្មណ៍ដែលបានបង្ហាញនៅទីនេះគឺជារបស់ម្ចាស់ប្លុកតែម្នាក់គត់ មិនមែនជារបស់ Visa ឡើយ។ ចូលទៅកាន់http://facebook.com/visasmallbiz​ ដើម្បីមើលទំព័រ Facebook ដែលកែប្រែឡើងវិញ ៖ ប្រភពធនធានដ៏ល្អដោយអាជីវកម្ម Visa។ ទំព័រនេះជាកន្លែងដែលម្ចាស់អាជីវកម្មខ្នាតតូចអាចចូលទៅមើលពីធនធានផ្នែកអប់រំ អានរឿងជោគជ័យរបស់ម្ចាស់អាជីវកម្មដ៏ទៃទៀត ភ្ជាប់ទំនាក់ទំនងជាមួយដៃគូ និងរកមើលនូវគន្លឹះដើម្បីជួយឱ្យអាជីវកម្មដំណើរការឲ្យកាន់តែមានប្រសិទ្ធភាព។ ជារៀងរាល់ខែ ទំព័រនឹងណែនាំពីគោលគំនិតថ្មីដែលនឹងផ្ដោតលើប្រធានបទសំខាន់ៗសម្រាប់ភាពជោគជ័យរបស់ម្ចាស់អាជីវកម្មខ្នាតតូច។ សម្រាប់គន្លឹះ ដំបូន្មាន និងព័ត៌មានបន្ថែមអំពីដំណោះស្រាយអាជីវកម្មខ្នាតតូច Visa សូម Follow @VisaSmallBiz និង​ចូលមើលhttp://visa.com/business។

ថ្ងៃទី 16 ខែកញ្ញា ឆ្នាំ 2014 ពី Smallbiztechnology.com

តើភាពចម្រុះមានន័យដូចម្ដេចក្នុងក្រុមហ៊ុនតូច (តាច)?

ការបិទផ្សាយរបស់ប្លុកនេះត្រូវបានសរសេរសម្រាប់អាជីវកម្ម Visa ជាផ្នែកមួយនៃមូលបទខែកញ្ញាអំពី«ភាពចម្រុះក្នុងអាជីវកម្មខ្នាតតូច»។ ជារៀងរាល់ខែ អាជីវកម្ម Visa ផ្ដោតទៅលើប្រធានបទមួយ និងផ្ដល់ជូននូវគំនិតដែលអាចធ្វើបានសម្រាប់ការគ្រប់គ្រងអាជីវកម្ម និយោជិត អតិថិជនរបស់អ្នក និងខ្លួនអ្នកផ្ទាល់។ ចូលមើល​ទំព័រ ​​​Facebook ​​របស់​យើង ​ដែលជាប្រភពធនធានដ៏ល្អដោយអាជីវកម្ម Visa ដើម្បី​រក​ដំណោះស្រាយ​ដោយ​ប្រសិទ្ធភាព ព័ត៌មាន​ស៊ីជំរៅ និង​ធនធាន​ដែល​ជាទីទុកចិត្ត។

ការមានកម្លាំងពលកម្មចម្រុះអាចជាការប្រឈមសម្រាប់​អាជីវកម្មខ្នាតតូច ជាពិសេសនៅក្នុងតំបន់មួយចំនួននៅ​សហរដ្ឋអាមេរិក ឬជាសកល។ ដើម្បីទទួលបានអត្ថប្រយោជន៍នៃភាពចម្រុះ លោកអ្នកអាចត្រូវ​តែពង្រីកការគិត។

ក្រុមហ៊ុនធំៗជាច្រើនត្រូវតែប្រព្រឹត្តតាមអាណត្តិសាជីវកម្ម ឬសូម្បីតែអាណត្តិភាពចម្រុះដែលកំណត់រដ្ឋាភិបាល។

វាក៏អាចកើតឡើងពីកម្លាំងពលកម្មដ៏ធំ ដែលងាយស្រួលក្នុងការសាបព្រោះល្បាយនៃ​បទពិសោធន៍ និងក្រុមការងារសម្បូរបែប។

ប៉ុន្ដែអាជីវកម្មឆ្លាតវៃ—នៃទំហំទាំងឡាយ—មិនបានចាត់ទុកភាព​ចម្រុះថាជាតម្រូវការមួយនោះទេ ប៉ុន្ដែជាឱកាស​ដើម្បីរីកលូតលាស់ និងទទួលបានជោគជ័យ។ សាវតា វប្បធម៌ និងការធំដឹងក្តី ដែលមានប្រភពខុសគ្នា​របស់បុគ្គលិកនីមួយៗគឺជាគុណសម្បត្តិយុទ្ធសាស្ត្រ ដែលលោកអ្នកអាចទទួលបានអត្ថប្រយោជន៍ជាច្រើន។

ប្រសិនបើគិតចំពោះចំណុចនេះ អាជីវកម្មខ្នាតតូចហាក់ដូចមានគុណវិបត្តិ។ ដើម្បីធ្វើឱ្យមានភាពចម្រុះ វាអាចជាការពិបាក ប្រសិនបើលោកអ្នកមាន​ហាង ដែលមានបុគ្គលិកត្រឹមប្រាំ ឬដប់នាក់។ ការធ្វើឱ្យបញ្ហាកាន់តែអាក្រក់ ម្ចាស់អាជីវកម្មខ្នាតតូច​ជាច្រើនធ្លាក់ទៅក្នុងអន្ទាក់នៃការជួលមនុស្សដែលពួកគេ​ចូលចិត្ត ហើយជាអ្នកដែលលក្ខណៈសម្បតិ្តដូចជាពួកគេដែរ។

វាកាន់តែក្លាយជាបញ្ហាប្រឈម នៅពេលដែលលោកអ្នកជ្រើសរើសបុគ្គលិកចេញពីក្រុមបេក្ខជនដែលមានលក្ខណៈសម្បតិ្តប្រហាក់ប្រហែលគ្នា។ ខ្ញុំបានរកឃើញនៅថ្ងៃនេះថា ក្នុងចំណោមប្រជាជនជាង 1,3 លាននាក់របស់រដ្ឋ Maine មានជនជាតិស្បែកសជាង 96%។

តើអាជីវកម្មខ្នាតតូចត្រូវធ្វើអ្វីខ្លះ?

សូមគិតឱ្យវែងឆ្ងាយជាងរឿងពូជសាសន៍។

ជនជាតិអាមេរិកភាគច្រើន នៅពេលពួកគេឮពី"ភាពចម្រុះ" តែងតែគិតថាជាភាព​ចម្រុះជាតិសាសន៍។ ហើយនោះគឺពិតជាផ្នែកមួយដ៏ធំរបស់វា។ តាមការពិតទៅ ពណ៌សម្បុរគឺនៅតែជាបញ្ហាធំនៅសហរដ្ឋអាមេរិក ដែលខ្ញុំបានធ្វើការនៅលើកថាខ័ណ្ឌនេះ​ប្រហែលដប់ប្រាំនាទី ដោយមានក្តីបារម្ភថា បញ្ហានេះត្រូវបានយល់ថាជាការបង្ហាញចំណាប់អារម្មណ៍ដែលមិនបានគិតអារម្មណ៍អ្នកដទៃ។

ខ្ញុំគ្មានចេតនាបែបនោះទេ។

ការធ្វើការក្នុងហាងតូចខ្លាំងមួយ ឬការដំណើរការអាជីវកម្ម​មួយនៅក្នុងផ្នែកដូចគ្នានៃពិភពលោក នាំឱ្យមានកង្វះខាតនៃទស្សនវិស័យពិសេសនៅក្នុង​អាជីវកម្មរបស់លោកអ្នក។ ដើម្បី​អភិវឌ្ឍន៍វិធីសាស្រ្តប្រកបដោយភាពរឹងមាំ និងសក្តានុពលក្នុងអាជីវកម្មគឺ សូមគិតឱ្យវែងឆ្ងាយជាងរឿងពូជសាសន៍។

• តើបុរស និងស្ដ្រីមានឱកាសដូចគ្នាក្នុងក្រុមហ៊ុនរបស់លោកអ្នក​ ដែរឬទេ?
• តើបរិយាកាសក្រុមហ៊ុនរបស់លោកអ្នកស្វាគមន៍អ្នកធ្វើការជាមួយគ្នាជាភេទទីបី ​ស្រឡាញ់ភេទដូចគ្នា និងទ្វេរភេទ ដែរឬទេ?
• តើមនុស្សគ្រប់គ្នាបានទៅព្រះវិហារតែមួយដូចដែលលោកអ្នកបានទៅ ឬតើលោកអ្នកជ្រើសរើសបុគ្គលិកចេញពីទីតាំងគោរពជំនឿខុសៗគ្នា រួមទាំងអ្នកដែលចាត់ទុកវិទ្យាសាស្ដ្រសំខាន់ជាងសាសនា ដែរឬទេ?
• តើនិយោជិតរបស់លោកអ្នកធ្លាប់បម្រើក្នុងយោធា ឬសកម្មភាពប្រយុទ្ធផ្សេងទៀត ដែរឬទេ?
• តើនិយោជិតទាំងអស់របស់លោកអ្នកធំឡើងក្នុងស្រុកកំណើតរបស់លោកអ្នក ឬលោកអ្នកមានសមាជិកក្រុមមកពីទូទាំងរដ្ឋ ប្រទេស ឬសកលលោក ដែរឬទេ?
• តើមាននរណាម្នាក់ធ្លាប់មានបទពិសោធន៍ធ្វើការនៅសាជីវកម្ម ដែរឬទេ? តើមាននរណាម្នាក់បានចូលរួមជាមួយនឹងក្រុមហ៊ុនទើបចាប់ផ្ដើមថ្មី​ពីមុន ដែរឬទេ? តើមាននរណាដំណើរការស្ថាប័នមិនរកប្រាក់ចំណេញ ដែរឬទេ?
• តើគ្រប់គ្នាសុទ្ធតែបញ្ចប់ការសិក្សាមហាវិទ្យាល័យ ដែរឬទេ? តើមាននរណាម្នាក់ជាសិស្សបញ្ចប់មហាវិទ្យាល័យ ដែរឬទេ?
• តើអ្នកមាននរណាម្នាក់មានបិទរូបស្ទីគឺលោក Obama ដែរទេ? តើមានអ្នកផ្សេងទៀតមានបិទរូបស្ទីគឺចោទប្រកាន់លោក Obama ដែរឬទេ?

លើសពីនេះទៀត តើលោកអ្នកមានវប្បធម៌ក្រុមហ៊ុន​ដែលស្វាគមន៍គំនិតថ្មីៗ ឬមួយក៏ពាក្យស្លោករបស់លោកអ្នក "គឺ«នេះជាវិធីដែលតែងតែធ្វើកន្លងមក»"?

តើលោកអ្នកធ្លាប់ប្ដូរវិធី ដែលបានធ្វើដោយផ្អែកលើការណែនាំពីបុគ្គលិកថ្មី...ដែលប្រហែលជាលោកអ្នកមិនសប្បាយចិត្តជាមួយ ដែរឬទេ?

សូមគិតឱ្យវែងឆ្ងាយជាងរឿងជាបុគ្គលិក។

នៅ flyte យើងមានបុគ្គលិកប្រចាំការប្រាំពីរ ឬប្រាំបីនាក់ ប៉ុន្ដែយើងបាន​អភិវឌ្ឍន៍ទំនាក់ទំនងការងារដ៏ល្អជាមួយអ្នកធ្វើការឯករាជ្យពូកែៗមួយចំនួន។

យើងចូលចិត្តគិតថា ពួកគេដូចជាសាច់ញាតិរបស់យើង។

កម្លាំងពលកម្មការងាររបស់លោកអ្នកអាចមានលើសពីបុគ្គលិក​របស់លោក​អ្នក។ វាអាចរួមទាំងអ្នកធ្វើការឯករាជ្យ ឬអ្នកសហការពីខាងក្រៅ។ លោកអ្នកអាចស្វែងរកភាពចម្រុះក្នុងក្រុម​ប្រឹក្សាផ្តល់យោបល់ ​ដែលលោកអ្នកបានរៀបចំដោយខ្លួនឯង ឬ​ក្នុងអ្នកណែនាំ​ ដែលលោកអ្នកស្វែងរកជំនួយពីគេ ឬសូម្បីតែគ្រូបង្វឹក​ដែលលោកអ្នកបានជួល។

ក្នុងស្ថានការណ៍លំបាក លោកអ្នកក៏អាចបង្កើតក្រុមផ្តោត​ដើម្បីជួយបំបែកក្រុមណាមួយដែលគិតថា លោកអ្នកអាចកំពុងរងគ្រោះជាមួយ។

គិតពីសកម្មភាពនានា។

ទោះបីជាសកម្មភាពខាងក្រៅបន្ថែមអាចមិនចម្រុះ​កម្លាំងពលកម្មរបស់លោកអ្នកក៏ដោយ វាពិតជាអាចជួយបណ្តុះគំនិតច្នៃប្រឌិត និងជំនាញ​ដោះស្រាយបញ្ហារបស់លោកអ្នក។

នៅពេលក្រោយ សូមគិតឱ្យបានឆ្ងាយជាងការទទួលអាហារជុំគ្នារបស់ក្រុមហ៊ុន និងឈានជើងចេញពីតំបន់ស្រណុកស្រួលរបស់លោកអ្នក។ នាំក្រុមការងាររបស់លោកអ្នកទៅមើលការសម្តែងរបាំតន្រ្តី។ ឬព្រឹត្តិការណ៍ NASCAR។ ឬការតាំងពិព័រណ៍សិល្បៈ។ ឬព្រឹត្តិការណ៍របស់អង្គការ Habitat for Humanity។ ឬល្បែងបាញ់ថាសដីឥដ្ឋ។ ឬការប្រកួតប្រកបពាក្យ។ ឬរោងមហោស្រពសហគមន៍។

កាន់តែពិសេស ប្រសិនបើមាននិយោជិតណាម្នាក់ចូលរួមក្នុងការសម្តែង។

គ្រាន់តែឱ្យក្រុមការងាររបស់លោកអ្នកទទួលបានបទពិសោធន៍ថ្មី និងបើកចិត្តឱ្យទូលាយចំពោះទស្សនៈពិភពលោកផ្សេងទៀត។

ការខ្ចប់។

ក្នុងចំណោមនេះ គ្មានអ្វីមួយដែលអាចចាត់ទុកជាវិធីជៀសវាងការជួលកម្លាំង​ពលកម្មចម្រុះនោះទេ។ ចំណុចសំខាន់គឺការជួលក្រុមការងារ"ដែលស្រដៀងនឹងអ្នក"អនុវត្តតាម​ច្បាប់នៃការបន្ថយការត្រឡប់មកវិញ។

ប្រសិនបើលោកអ្នកចង់មានអត្ថប្រយោជន៍ចំពោះការប្រកួតប្រជែង លោកអ្នកត្រូវការគំនិត និងទស្សនៈ​វិស័យថ្មីៗ។ ប្រសិនបើអ្នកតស៊ូស្វែងរកភាពចម្រុះ ដោយសារតែកម្លាំងពលកម្មតូច ឬក្រុមបេក្ខជន​​ដែលមានភាពខុសគ្នា អ្នកនឹងត្រូវគិតគូអំពីប្រភេទថ្មីៗនៃភាពចម្រុះ និងនិយមន័យធំជាងនៃកម្លាំងពលកម្មរបស់អ្នក។

លើសពីនេះទៀត លោកអ្នកអាចបង្កើនការគិត​ខុសៗគ្នា តាមរយៈ​បទពិសោធន៍ថ្មីៗដែលក្រុមការងាររបស់លោកអ្នកទទួលបាន។

អត្ថបទរបស់ប្លុកនេះបានឧបត្ថម្ភដោយអាជីវកម្ម Visa ហើយម្ចាស់ប្លុកបានទទួលសំណងពី Visa សម្រាប់ការចំណាយពេលវេលា ចែករំលែកទស្សនៈរបស់ពួកគេក្នុងការបិទផ្សាយនេះ។ ចំណាប់អារម្មណ៍ដែលបានបង្ហាញនៅទីនេះគឺជារបស់ម្ចាស់ប្លុកតែម្នាក់គត់ មិនមែនជារបស់ Visa ឡើយ។ ចូលទៅកាន់http://facebook.com/visasmallbiz​ ដើម្បីមើលទំព័រ Facebook ដែលកែប្រែឡើងវិញ ៖ ប្រភពធនធានដ៏ល្អដោយអាជីវកម្ម Visa។ ទំព័រនេះជាកន្លែងដែលម្ចាស់អាជីវកម្មខ្នាតតូចអាចចូលទៅមើលពីធនធានផ្នែកអប់រំ អានរឿងជោគជ័យរបស់ម្ចាស់អាជីវកម្មដ៏ទៃទៀត ភ្ជាប់ទំនាក់ទំនងជាមួយដៃគូ និងរកមើលនូវគន្លឹះដើម្បីជួយឱ្យអាជីវកម្មដំណើរការឲ្យកាន់តែមានប្រសិទ្ធភាព។ ជារៀងរាល់ខែ ទំព័រនឹងណែនាំពីគោលគំនិតថ្មីដែលនឹងផ្ដោតលើប្រធានបទសំខាន់ៗសម្រាប់ភាពជោគជ័យរបស់ម្ចាស់អាជីវកម្មខ្នាតតូច។ សម្រាប់គន្លឹះ ដំបូន្មាន និងព័ត៌មានបន្ថែមអំពីដំណោះស្រាយអាជីវកម្មខ្នាតតូច Visa សូម Follow ​@VisaSmallBiz​ និង​ចូល​មើល​http://visa.com/business។

ថ្ងៃទី 9 ខែកញ្ញា ឆ្នាំ 2014 ពីប្លុក Flyte

ការបិទផ្សាយរបស់ប្លុកនេះត្រូវបានសរសេរសម្រាប់អាជីវកម្ម Visa ជាផ្នែកមួយនៃមូលបទខែកញ្ញាអំពី«ភាពចម្រុះក្នុងអាជីវកម្មខ្នាតតូច»។ ជារៀងរាល់ខែ អាជីវកម្ម Visa ផ្ដោតទៅលើប្រធានបទមួយ និងផ្ដល់ជូននូវគំនិតដែលអាចធ្វើបានសម្រាប់ការគ្រប់គ្រងអាជីវកម្ម និយោជិត អតិថិជនរបស់អ្នក និងខ្លួនអ្នកផ្ទាល់។ ចូលមើល​ទំព័រ ​​​Facebook ​​របស់​យើង ​ដែលជាប្រភពធនធានដ៏ល្អដោយអាជីវកម្ម Visa ដើម្បី​រក​ដំណោះស្រាយ​ដោយ​ប្រសិទ្ធភាព ព័ត៌មាន​ស៊ីជំរៅ និង​ធនធាន​ដែល​ជាទីទុកចិត្ត។

វាជាពេលសម្រាប់អាជីវកម្មផ្លាស់ប្តូរការសន្ទនាអំពីភាពខុសគ្នា។

វាមិនគ្រប់គ្រាន់ក្នុងការនិយាយអំពីរបៀបទាក់ទាញ បង្កើតឱ្យមានការចូលរួម និងរក្សានូវក្រុមការងារ និងទស្សនវិស័យចម្រុះកាន់តែច្រើននោះទេ។ ជំនួសវិញ តោះចាប់ផ្តើមនិយាយអំពីមូលហេតុដែលយើង​ត្រូវការដើម្បីទុកភាពចម្រុះជាអាទិភាពចំពោះប្រាក់ចំណូល។ នេះគឺជាការក្រឡេកមើលមេរៀនភាពចម្រុះនៃអាជីវកម្មទាំងប្រាំមួយ​ដែលអាចធ្វើឱ្យប្រសើរឡើងដល់យីហោ វប្បធម៌​ក្រុមហ៊ុន និងប្រាក់ចំណូលរបស់លោកអ្នក។

1. តើចង់ពង្រើកឱកាសធ្វើទីផ្សារឬទេ? ពិចារណាលើភាពចម្រុះនៃអ្នកគាំទ្រធំបំផុតរបស់លោកអ្នក។

   សង្ឃឹមថា លោកអ្នកបានកំណត់មុខសញ្ញាអតិថិជន​គោលដៅ ប៉ុន្ដែខណៈពេលដែលអាជីវកម្មរីកលូតលាស់ លោកអ្នកនឹងរកឃើញគោលដៅលើសពីមួយ (ខ្ញុំដឹងថាលោក​អ្នកកំពុងគិតថា "ការស្វែងរកគោលដៅមួយដំបូងគឺពិបាកណាស់ទៅហើយ! ") ខ្ញុំយល់ ប៉ុន្ដែសូមតាមដានជាមួយខ្ញុំ។ នេះពិតជារឿងអស្ចារ្យ ពីព្រោះវាជម្រុញការលូតលាស់ថ្មី និងបង្ហាញពីសក្តានុពលទីផ្សារពិតរបស់លោកអ្នក។

   ឧទាហរណ៍ ផលិតផល និងសេវារបស់លោកអ្នក​ទំនងទាក់ទាញទៅគោលដៅចម្បង ប៉ុន្ដែ​ក៏​អាចមានគោលដៅទីពីរ និងទីបីទៀតផង។ អ្វីដែលសំខាន់ដែលត្រូវចាប់យកនៅទីនេះគឺ ៖ អ្នកទិញរបស់លោកអ្នកគឺជាក្រុមមនុស្សចម្រុះ ផ្នែកនីមួយៗមាន​សំណុំតម្រូវការ ជំនឿ និងការឱ្យតម្លៃរៀងៗខ្លួន។ របៀបដែលពួកគេចំណាយប្រាក់ និង​ប្រើប្រាស់ព័ត៌មានក៏ខុសគ្នាដែរ។

   នៅពេលលោកអ្នកនិយាយអំពីពីភាពចម្រុះក្នុងន័យពូជសាសន៍ ភេទ និងអាយុ ៖ "តើក្រុមហ៊ុនណាដែលនឹងមិនចង់បានចំណែកនៃការចំណាយប្រចាំឆ្នាំសរុបចំនួន $750 ប៊ីលានដែលរួមបញ្ចូល​ពីសហគមន៍អាហ្វ្រិក-អាមេរិក អាស៊ី-អាមេរិក និងអេស្ប៉ាញនៅសហរដ្ឋអាមេរិក? ហើយប្រសិនបើលោកអ្នករួមបញ្ចូលបន្ថែមកម្លាំងលូតលាស់នៃដុល្លារ​ពណ៌ផ្កាឈូក (របស់ក្រុមស្រឡាញ់ភេទដូចគ្នា) និងចំនួនប្រជាជនចូលនិវត្តន៍ វាជាចំនួនទឹកប្រាក់ដ៏ច្រើន។" (ប្រភព៖ Experience.com) នៅទីបំផុត ការ​ឱប​ក្រសោប​យកភាពចម្រុះនៃអ្នកប្រើប្រាស់​គោលរនឹងជួយលោកអ្នករកឃើញឱកាសទីផ្សារថ្មីៗ។ ជាលទ្ធផល លោកអ្នកនឹងពង្រីកយីហោ ក៏ដូចជាការច្នៃបង្កើតថ្មី ដែលជម្រុញដោយក្រុមអតិថិជន។

2. ការពិត ៖ កម្លាំងពលកម្មសហរដ្ឋអាមេរិកគឺកំពុងមានភាពចម្រុះច្រើនជាងមុន។ តើជាអាជីវកម្មខ្នាតតូចរបស់លោកអ្នកឬ?

   លទ្ធផលជំរឿនចុងក្រោយបំផុត​បង្ហាញថា ជនជាតិភាគតិច ដែលបង្កើតបានជាសហរដ្ឋអាមេរិក​កំពុងផ្លាស់ប្ដូរលឿនជាងអ្នកចូលរួមផ្សេងទៀត។ វាគ្មានអ្វីដែលគួរឱ្យភ្ញាក់ផ្អើលទេថា សេដ្ឋកិច្ចចម្រុះ​គឺជាសេដ្ឋកិច្ចដ៏រឹងមាំ។

   ជាការពិត "អាជីវកម្មដែលក្រសោបយកការផ្លាស់ប្តូរ​ប្រជាសាស្ត្ររបស់​ប្រទេសជាតិរបស់យើង​ប្រមូលអត្ថប្រយោជន៍សេដ្ឋកិច្ច​នៃភាពចម្រុះ និងកម្លាំងពលកម្មបញ្ចូលគ្នា។ អាជីវកម្មដែលជ្រើសរើសពីកម្លាំងពលកម្មចម្រុះគឺអាច​ល្អប្រសើរក្នុងការស្វែងរកទេពកោសល្យ​ល្អបំផុត និងឆ្លាតវៃដែលត្រូវការដើម្បីបំពេញការងារក្នុងសេដ្ឋកិច្ច ដែលមាន​ការប្រកួតប្រជែងកាន់តែខ្លាំងឡើង។ តាមរយៈការពាំនាំនូវសាវតា ជំនាញ និងបទពិសោធន៍​ផ្សេងៗគ្នារបស់យើង អាជីវកម្មុអាចបង្កើតបានដំណោះស្រាយដែលប្រកបដោយការច្នៃ​ប្រឌិតប្រសើរជាងមុន ដើម្បីទទួលបាន​ជោគជ័យក្នុងសេដ្ឋកិច្ចដែលមាន​ការប្រកួតប្រជែងកាន់តែខ្លាំង។" (ប្រភព៖ មជ្ឈមណ្ឌលសម្រាប់វឌ្ឍនភាពអាមេរិក) សម្រស់​នៃកិច្ចការនេះគឺលោកអ្នកអាចបន្តរក្សាយីហោ​របស់​លោកអ្នក និងនៅតែចាប់យកកត្តាជម្រុញសំខាន់ៗ ដែលនាំទៅរកភាព​ជោគជ័យ - ភាពចម្រុះគឺមួយក្នុងចំណោមកត្តាជម្រុញទាំងនោះ។

3. ធ្វើឱ្យរូបភាពអាជីវកម្មរបស់លោកអ្នកមានដំណើរការរស់វើកជាមួយនឹង «សកម្មភាពនៃភាពចម្រុះ» ដែលពង្រីកខ្លួនបានល្អហួសការចម្លងទីផ្សារ។​

   ជារឿងចម្លែកដែលអានក្រដាសផ្សព្វផ្សាយនៃការលក់ ដែលនិយាយអំពីរឿងមួយ ប៉ុន្តែមានដំណើរការអាជីវកម្ម ខុសគ្នាស្រឡះពីក្រដាសផ្សព្វផ្សាយទៅវិញ។ លោកអ្នកដឹងទេ... រូបថតដែលបានកែយ៉ាងល្អដោយមានក្រុមមនុស្សចម្រុះ (កំពុងធ្វើរឿងចម្រុះ) ដ៏សប្បាយរីករាយ និងច្បាប់ចម្លងដ៏ទាក់ទាញ ធ្វើឱ្យលោកអ្នកគិតថា "ពួកគេយល់ពីខ្ញុំ... ពួកគេពិតជាយល់ពីខ្ញុំ!"

   ប៉ុន្ដែ នៅពេលលោកអ្នកទៅដល់កន្លែងធ្វើអាជីវកម្មរបស់ពួកគេ ឬចូលមើលវត្តមានរបស់ពួកគេលើអ៊ីនធឺណិតគឺអ្វីៗខុសឆ្ងាយពី​ខិត្តប័ណ្ណដ៏ស្រស់​ស្អាត​ដែលពួកគេបានធ្វើទីផ្សារ​នៅពេលដំបូង។ សម្រាប់អ្នកប្រើប្រាស់ វាជាការបង្ហាញពីការផ្ដាច់ទំនាក់ទំនងដ៏ធំមួយ ដែលនាំទៅរកការមិនទុកចិត្ត និងការយល់ច្រឡំ។ ដូច្នេះ សូមធ្វើវាដើម្បីខ្លួនឯង និងដើម្បីប្រាក់ចំណូលរបស់លោកអ្នក ៖ ធានាថា ភាពចម្រុះមិនមានត្រឹមតែក្នុងទំព័រដែលទាក់ទាញទាំងនោះទេ។

4. ភាពចម្រុះអាជីវកម្មគឺដូចជា «គំនិតអាជីវកម្មល្អ» មួយ - ដែលវានឹងគ្មានតម្លៃ ប្រសិនបើគ្មានការអនុវត្តដែលមានបំណងត្រឹមត្រូវ។

   គំនិតអាជីវកម្មដ៏អស្ចារ្យគឺមានច្រើនសន្ធឹកសន្ធាប់ ប៉ុន្តែមិនមានការប្រតិបត្តិ។ យើងអាចនិយាយបានដូចគ្នាចំពោះកិច្ចប្រឹងប្រែង​លើភាពចម្រុះអាជីវកម្ម​។ ជឿខ្ញុំចុះ ៖ លោកអ្នកមិនអាចធ្វើជាអ្វីៗគ្រប់យ៉ាងសម្រាប់គ្រប់គ្នាបានឡើយ - យើងដឹងរឿងនេះច្បាស់ណាស់។ ប៉ុន្ដែលោកអ្នកអាចធ្វើឱ្យអស់ពីសមត្ថភាពដើម្បីបម្រើមូលដ្ឋាន​អតិថិជនដែលជាក្រុម «ចម្រុះ»។

   ដូចរឿងរ៉ាវភាគច្រើនក្នុងអាជីវកម្មដែរ ភាពចម្រុះអាចជារឿងធម្មតាប៉ុន្តែមានឥទ្ធិពល។ ចាប់ផ្ដើមដោយស្វែងយល់ពីនិយមន័យច្បាស់លាស់នៃ​ភាពចម្រុះ។ នៅពេលលោកស្រី Julie Kempf ដែជាស្ថាបនិក និងជាប្រធាននៃ JBK Associates ផ្តល់យោបល់ថា «បន្ថែមពីលើពូជសាសន៍ និងយែនឌ័រ វា​ក៏អាចរួមមានការពិចារណាលើអាយុ ជាតិសាសន៍ សាសនា ទំនោរផ្លូវភេទ សមត្ថភាពផ្លូវចិត្ត និងផ្លូវកាយ អត្តសញ្ញាណយែនឌ័រ ស្ថានភាពគ្រួសារ ភាសា និងរបៀបធ្វើការផងដែរ។ កិច្ចការដំបូងរបស់លោកអ្នកគួរតែកំណត់ភាពចម្រុះសម្រាប់អង្គភាព។ មិនមានដំណោះស្រាយមួយដែលត្រូវគ្រប់រឿងទាំងអស់ឡើយ។" បន្ទាប់មក កសាងទំនាក់ទំនងខាងក្រៅ និងសកម្មភាព​ខាងក្នុងដើម្បីបង្កើនការយល់ដឹងអំពីវប្បធម៌។ សំខាន់បំផុតនោះ ចាប់ផ្ដើមធ្វើទំនាក់ទំនងដោយ​ត្រឹមត្រូវជួយឱ្យ​យីហោ​របស់លោក​អ្នកទទួលបានចំណាប់អារម្មណ៍ជាវិជ្ជមាន។

5. វិធីសាស្រ្តល្អបំផុតគឺអាជីវកម្មដែលដឹកនាំដោយភាពចម្រុះនៅរាល់​មធ្យោបាយទំនាក់ទំនងជាមួយអ្នកប្រើប្រាស់នីមួយៗ។

   តោះនិយាយអំពីអ្វីដែលនៅក្នុងចិត្តរបស់លោកអ្នក – គឺអតិថិជន។ គ្រឹះនៃសារគឺជាវិធីសាស្រ្តក្នុងការនិយាយទៅកាន់អតិថិជន ហើយវាមានឥទ្ធិពលលើជំហរទីផ្សាររបស់លោកអ្នក។ ប្រសិនបើលោកអ្នកធ្លាប់ឮនរណាម្នាក់និយាយអំពីយុទ្ធសាស្ដ្រធ្វើ​ទីផ្សារ នេះគឺជាសមាសភាគដ៏ធំមួយ។ អ្វីដែលលោកអ្នកនិយាយ (សារ) ទៅកាន់ទស្សនិកជនគឺបង្ហាញពីកត្តាដែលធ្វើឱ្យលោកអ្នកខុសពីអាជីវកម្មដទៃ និងកត្តាដែលពួកគេគួរតែចាប់អារម្មណ៍។ ហើយនៅទីបំផុត អ្នកធ្វើទីផ្សារដ៏ជោគជ័យ (ខណៈពេលដែលប្រកាន់ខ្ជាប់យីហោរបស់ពួកគេ) ធ្វើទំនាក់ទំនងសារខុសគ្នាជាច្រើនទៅកាន់ទីផ្សារ ក្នុងពេលដំណាលគ្នា។

   ឧទាហរណ៍ ប្រសិនបើលក់ប្រដាប់ក្មេងលេងដោយផ្ទាល់ទៅកាន់អ្នកប្រើប្រាស់ លោកអ្នកមានអតិថិជនពីរក្រុម៖ មាតាបិតា និងកុមារ។ សារនីមួយៗត្រូវសម្របតាមអ្នកមានឥទ្ធិពលទាំងនោះ ដោយមិនឱ្យប្រទាំងប្រទើសគ្នាឡើយ។ ឬ ប្រសិនបើលោកអ្នកលក់ផលិតផលឱ្យទាំងបុរស និងស្ដ្រី សាររបស់លោកអ្នកគួរតែបំពេញតាមបំណងរបស់ក្រុមអតិថិជននីមួយៗ។ ប្រសិនបើលោកអ្នកមិនច្បាស់ថាតើ «រូងទន្សាយនៃភាពចម្រុះ» គួរទៅឱ្យបានឆ្ងាយប៉ុណ្ណានោះ សូមចាប់ផ្ដើមរកទិន្នន័យរបស់អតិថិជន ហើយស្វែងយល់ពីអតិថិជនដែលមានស្រាប់ បន្ទាប់មកកំណត់អាទិភាពដើម្បីបង្កើតសារគោលដៅឱ្យកាន់តែច្រើន។

   អ្នកប្រឹក្សាយោបល់ផ្នែកទីផ្សារជើងចាស់ លោកស្រី Diana Huff ពន្យល់ពីរបៀប ដែលលោកអ្នកអាចធ្វើឱ្យកិច្ចប្រឹងប្រែងធ្វើទីផ្សារមានប្រសិទ្ធភាពទ្វេដង៖ "ប្រសិនបើលោកអ្នកមានក្រុមគោលដៅពីរ ឬច្រើន វាជារឿងសមស្របដែលត្រូវ ការផ្សាយពាណិជ្ជកម្មប្រើសារផ្សេងៗគ្នា ហើយបោះពុម្ពផ្សាយវាជាពិសេសសម្រាប់ក្រុមនីមួយៗ " ឬ "ប្រើតំណភ្ជាប់នៅលើទំព័រដើមរបស់លោកអ្នកសម្រាប់បែងចែកក្រុមអតិថិជន។"

6. អាជីវកម្មដែលគិតអំពីភាពចម្រុះយល់ថា ប្រសិនបើចង់បម្រើទីផ្សារមួយ នោះលោកអ្នកត្រូវតែប្រើប្រាស់ទីផ្សារនោះ។

   ការបម្រើមូលដ្ឋានអតិថិជនចម្រុះមានអត្ថប្រយោជន៍យ៉ាងខ្លាំង ប៉ុន្ដែលោកអ្នកមិនអាចបម្រើពួកគេទេ ប្រសិនបើលោកអ្នកមិនមានទំនាក់ទំនងល្អជាមួយពួកគេ។ យោងទៅតាមក្រុមប្រឹក្សាធនធានមនុស្ស"​ការផ្សព្វផ្សាយដោយសកម្មជាមុន និងការប្រឹងប្រែងលើការជ្រើសរើសបុគ្គលិកដែលផ្តោតលើការបង្កើនភាពចម្រុះ អាចជួយស្ថាប័ន នៅពេលទំនាក់ទំនងជាមួយអតិថិជនថ្មី…"

   ការផ្តល់យោបល់របស់ពួកគេរួមមាន៖ ការទទួលពាក្យចេញ ការកសាងទំនាក់ទំនងជាមួយក្រុមវប្បធម៌ និង​អង្គភាព​ដែលធ្វើការជាមួយសហគមន៍ចម្រុះ ការលើកកម្ពស់​អាជីវកម្មរបស់អ្នកជាកន្លែងដែលអាចសម្រេចដើម្បី​ធ្វើការ និងការភ្ជាប់ជាមួយនឹងមូលដ្ឋានអ្នកស្ម័គ្រចិត្តនៃ​សហគមន៍របស់អ្នក។ ដូច្នេះ សូមសែ្វងរកវិធីសាស្រ្តដើម្បីប្រើទីផ្សារក្នុងតំបន់ និងវិធីសាស្រ្តក្នុងការជ្រើសរើសបុគ្គលិកដែលអាចផ្សព្វផ្សាយ និងបង្ហាញវត្តមានអាជីវកម្មរបស់លោកអ្នកទៅកាន់មនុស្សជាច្រើន។

 

នៅទីបំផុត ករណីអាជីវកម្មសម្រាប់ភាពចម្រុះ​បានផ្លាស់ទីឆ្ងាយហួសពីការទទួលយក។ យើងស្ថិតនៅផ្លូវបំបែក ដែល​ម្ចាស់អាជីវកម្ម​ជាច្រើនមានចម្ងល់អំពីរបៀបអនុវត្តជាក់ស្តែងដើម្បីបង្កើនប្រាក់ចំណូល និងកសាងសហគមន៍ដែលពួកគេធ្វើការ។ វាចាប់ផ្ដើមជាមួយមេរៀននៃភាពចម្រុះ និងបទពិសោធន៍ជាក់ស្តែងទាំងនេះ ដែលធ្វើឱ្យយើងអាចសម្គាល់កំហុស និងស្មោះត្រង់ចំពោះខ្លួនឯងក្នុងនាមជាអ្នកដឹកនាំ ដើម្បីកែប្រែកំហុសទៅថ្ងៃមុខ។

អត្ថបទរបស់ប្លុកនេះបានឧបត្ថម្ភដោយអាជីវកម្ម Visa ហើយម្ចាស់ប្លុកបានទទួលសំណងពី Visa សម្រាប់ការចំណាយពេលវេលា ចែករំលែកទស្សនៈរបស់ពួកគេក្នុងការបិទផ្សាយនេះ។ ចំណាប់អារម្មណ៍ដែលបានបង្ហាញនៅទីនេះគឺជារបស់ម្ចាស់ប្លុកតែម្នាក់គត់ មិនមែនជារបស់ Visa ឡើយ។ ចូលទៅកាន់http://facebook.com/visasmallbiz​ ដើម្បីមើលទំព័រ Facebook ដែលកែប្រែឡើងវិញ ៖ ប្រភពធនធានដ៏ល្អដោយអាជីវកម្ម Visa។ ទំព័រនេះជាកន្លែងដែលម្ចាស់អាជីវកម្មខ្នាតតូចអាចចូលទៅមើលពីធនធានផ្នែកអប់រំ អានរឿងជោគជ័យរបស់ម្ចាស់អាជីវកម្មដ៏ទៃទៀត ភ្ជាប់ទំនាក់ទំនងជាមួយដៃគូ និងរកមើលនូវគន្លឹះដើម្បីជួយឱ្យអាជីវកម្មដំណើរការឲ្យកាន់តែមានប្រសិទ្ធភាព។ ជារៀងរាល់ខែ ទំព័រនឹងណែនាំពីគោលគំនិតថ្មីដែលនឹងផ្ដោតលើប្រធានបទសំខាន់ៗសម្រាប់ភាពជោគជ័យរបស់ម្ចាស់អាជីវកម្មខ្នាតតូច។ សម្រាប់គន្លឹះ ដំបូន្មាន និងព័ត៌មានបន្ថែមអំពីដំណោះស្រាយអាជីវកម្មខ្នាតតូច Visa សូម Follow ​@VisaSmallBiz​ និង​ចូល​មើល​http://visa.com/business។

6 គោលការណ៍សម្រាប់ការកសាងវប្បធម៌អាជីវកម្ម​ទទួលជោគជ័យ

កមួយនៃមូលបទខែកញ្ញាអំពី«ភាពចម្រុះក្នុងអាជីវកម្មខ្នាតតូច»។ ជារៀងរាល់ខែ អាជីវកម្ម Visa ផ្ដោតទៅលើប្រធានបទមួយ និងផ្ដល់ជូននូវគំនិតដែលអាចធ្វើបានសម្រាប់ការគ្រប់គ្រងអាជីវកម្ម និយោជិត អតិថិជនរបស់អ្នក និងខ្លួនអ្នកផ្ទាល់។ ចូលមើលទំព័រ Facebook របស់យើង ដែលជាប្រភពធនធានដ៏ល្អដោយអាជីវកម្ម Visa ដើម្បីរកដំណោះស្រាយប្រកបដោយប្រសិទ្ធភាព ព័ត៌មានស៊ីជំរៅ និងធនធានដែលជាទីទុកចិត្ត។ស្រាយប្រកបដោយប្រសិទ្ធភាព ព័ត៌មានស៊ីជំរៅ និងធនធានដែលជាទីទុកចិត្ត។

ខ្ញុំកំពុងមើលឃើញពីការផ្លាស់ប្តូរថ្មីចំពោះការកោតសរសើរ និងការឱ្យតម្លៃវប្បធម៌ក្នុងអាជីវកម្មសព្វថ្ងៃ។ ប្រហែលវាគ្រាន់តែជាឧទាហរណ៍មួយអំពី«ការបំពេញចន្លោះ» ប៉ុន្ដែខ្ញុំចង់គិត​វាថាជា​បដិវត្តធម្មជាតិ​នៃ«សហគមន៍បណ្តាញសង្គមដែលរាលដាលមួយ» ដោយគ្រប់គ្នាទទួលអារម្មណ៍ថា អាជីវកម្មយល់ពីការចង់បានរបស់ពួកគេ ហើយរំពឹងធ្វើអន្តរកម្មជាមួយអាជីវកម្ម និងផលិតផលដែលពួកគេចូលចិត្ត។ ពួកគេជម្រុញទីផ្សារ ជាជាងការធ្វើឱ្យទីផ្សារដំណើរការយឺត។

«គុណតម្លៃរបស់លោកអ្នក នៅពេល​បង្កើតក្រុមហ៊ុនថ្មីមួយគឺជាគនឹ្លះ​ដើម្បីបង្កើតវប្បធម៌​ដ៏គួរឱ្យច្រណែន ដែលទាក់​ទាញអតិថិជនកាន់តែច្រើន» ដកស្រង់ពីក្នុងសៀវភៅរបស់ លោកស្រី Ann Rhoades ក្រោមចំណងជើងថា «កើតចេញពីគុណតម្លៃ»​។ ខ្ញុំក៏យល់ស្របអំណះអំណាងរបស់គាត់ ដែល ថាយើងត្រូវតែធ្វើវាឱ្យបានល្អពីដំបូង ពីព្រោះចំណាប់អារម្មណ៍ដំបូងគឺសំខាន់ណាស់ ហើយការផ្លាស់ប្ដូរគុណតម្លៃ និងវប្បធម៌​របស់លោកអ្នក​ក្រោមក្រសែភ្នែករបស់​អតិថិជន និងបុគ្គលិកគឺលំបាកខ្លាំងណាស់។

ខ្ញុំជឿជាក់លើវប្បធម៌នៃអាជីវកម្មទើបចាប់ផ្តើម ដែលបង្ហាញពីគុណតម្លៃ សុចរិតភាព ការយកចិត្តទុកដាក់លើអតិថិជន និងលទ្ធផល។ លោកស្រី Ann បង្ហាញអំពីគោលការណ៍គ្រឹះចំនួនប្រាំមួយ ដែលជាគន្លឺះក្នុងការបង្កើតវប្បធម៌អាជីវកម្ម ឬការផ្លាស់ប្តូរវប្បធម៌ដែលមានស្រាប់ដើម្បីពង្រឹងចំណូល ការពេញចិត្តរបស់អតិថិជន និងការបំពេញការងាររបស់បុគ្គលិក ៖

1. លោកអ្នកមិនអាចបង្ខំបង្កើតវប្បធម៌បានឡើយ លោកអ្នកអាចគ្រាន់តែអាចបង្កើតបរិយាកាសប៉ុណ្ណោះ។ វប្បធម៌នីមួយៗគឺជាចំណុចខ្ពស់បំផុតនៃភាពជាអ្នកដឹកនាំ គុណតម្លៃ ភាសា ដំណើរការរបស់ក្រុមការងារ ច្បាប់ និង​លក្ខខណ្ឌផ្សេងទៀត ល្អ ឬអាក្រក់ គឺសុទ្ធតែមានវត្តមាននៅក្នុង​អង្គភាព។ អ្នកដឹកនាំមិនអាច «បង្កើតវប្បធម៌» បានទេ ប៉ុន្តែអាចបង្កើត​បរិយាកាស​ ដែលសម្រួលឱ្យវប្បធម៌ដែលយើងចង់បាន អាចលេចឡើង និងរីកសាយភាយតែប៉ុណ្ណោះ។

2. លោកអ្នកស្ថិតនៅខាងក្រៅអ្វីដែលលោកអ្នកមាននៅខាងក្នុង។ សេវាកម្មដែលលោកអ្នកផ្ដល់ជូនអតិថិជននឹងមិនអាចអស្ចារ្យជាងសេវាកម្ម ដែលផ្ដល់ជូនដល់និយោជិតរបស់លោក​អ្នកឡើយ។ លោកអ្នកមិនអាចបង្ខំបុគ្គលិកឱ្យបម្រើអតិថិជនបានល្អឡើយ ប្រសិនបើលោកអ្នកមិនឱ្យតម្លៃបុគ្គលិក។ ជួលក្រុមការងារ​ដែលមានភាពចម្រុះស័ក្តិសមជាមួយនឹងវប្បធម៌ ​ដែលលោកអ្នកចង់បាន និងគោរពពួកគេក្នុងរបៀបដូចគ្នា។

3. ភាពជោគជ័យគឺការធ្វើរឿងត្រឹមត្រូវតាមរបៀបត្រឹមត្រូវ។ តាមរយៈការកំណត់គុណតម្លៃ និងឥរិយាបថរបស់លោកអ្នក​ដោយ​សកម្មភាពត្រឹមត្រូវ លោកអ្នកធ្វើឱ្យគ្រប់គ្នាងាយស្រួលក្នុងការសម្រេចចិត្តត្រឹមត្រូវលើរឿងសំខាន់ៗ។ ការផ្តល់សិទ្ធិអំណាច និងការអប់រំអ្នករាល់គ្នាឱ្យធ្វើការ​សម្រេចចិត្តត្រឹមត្រូវនៅឱកាសនីមួយៗ នាំឱ្យអតិថិជន​សប្បាយចិត្ត និងអាជីវកម្មទទួលបានជោគជ័យ។

4. បុគ្គលិកធ្វើការងារទៅតាមទឹកប្រាក់ ដែលនិយោជកផ្តល់ឱ្យ។ គុណតម្លៃដែលបង្ហាញក្នុងអាជីវកម្មនឹងមានចន្លោះប្រហោង ឬគ្មានន័យ ប្រសិនបើលោកអ្នកមិនផ្តល់ជូននូវទឹកប្រាក់ និងរង្វាន់លើកទឹកចិត្តចំពោះឥរិយាបថ ដែលស៊ីសង្វាក់គ្នាជាមួយនឹងគុណតម្លៃ។  វា​ត្រូវការការព្យាយាម និងភាពក្លាហាន​ដើម្បីជួល​មនុស្ស​ដែល​មានគុណតម្លៃទាំងនេះ និងកាត់បន្ថយបុគ្គលិកណាដែលបាត់បង់គុណតម្លៃទាំងនេះ។

5. បញ្ចូល = បញ្ចេញ។ អង្គភាពនឹងទទួលបានគុណតម្លៃពីអ្វីដែលលោកអ្នកហ៊ានដាក់បញ្ចូលដើម្បីបង្កើតគុណតម្លៃទាំងនោះ។ ផ្សព្វផ្សាយពីគុណតម្លៃឱ្យបានញឹកញាប់ ហើយប្រើការវាយតម្លៃលើលទ្ធផលការងារតាមរយៈរង្វាស់ផ្អែកលើគុណតម្លៃ វាស់វែងកម្រិតនៃការអនុវត្ត ការអភិវឌ្ឍន៍ភាពជាអ្នកដឹកនាំ និងការធ្វើផែនការចំពោះអ្នកបន្តវេន។

6. បរិយាកាសដែលអ្នកចង់បានអាចបង្កើតឡើងដោយភាពចម្រុះ គុណតម្លៃជាយុទ្ធសាស្ដ្រ និងទំនួលខុសត្រូវផ្នែកហិរញ្ញវត្ថុ។ សកម្មភាពប្រកបដោយមនសិការចាប់ផ្តើមជាមួយនឹងការកំណត់សំណុំនៃគុណតម្លៃ និងការជម្រុញភាពចម្រុះ អាចរៀបចំលក្ខខណ្ឌចាំបាច់សម្រាប់លើកទឹកចិត្តវប្បធម៌ដែលនឹងធ្វើឱ្យអាជីវកម្មទើបចាប់ផ្ដើមក្លាយជាអ្នកដឹកនាំមួយ។ គុណតម្លៃគឺសំខាន់បំផុតនៅពេលធ្វើការសម្រេចចិត្តដ៏លំបាក ប៉ុន្តែនោះក៏ជាពេលដែលប្រើប្រាស់វាដើម្បីបំភ្លឺផ្លូវឆ្ពោះទៅមុខ។

ក្រុមហ៊ុនដែលទើបតែចាប់ផ្តើមគឺជាអាជីវកម្មតែមួយគត់ដែលអាចកំណត់​វប្បធម៌ និងគុណតម្លៃពីដៃទទេ។ គុណតម្លៃចាប់ផ្តើម និងកើតចេញមកពីខ្លួនអ្នក ក្នុងនាមជាស្ថាបនិកអាជីវកម្ម។  គុណតម្លៃគឺមិនមែនជាអ្វីដែលលោកអ្នកប្រកាសលើសេចក្តីថ្លែងការណ៍បេសកកម្មឡើយ (ប្រសិនជាមាន)។ ពួកគេកំណត់វប្បធម៌តាមអ្វីដែលយើងជឿជាក់ និងគម្រោងជួរមុខក្នុងសកម្មភាពពីមួយថ្ងៃទៅមួយថ្ងៃ។

យុទ្ធសាស្រ្តជារឿងសំខាន់ ប៉ុន្ដែបើគ្មានវប្បធម៌ឈ្នះៗ និងគុណតម្លៃត្រឹមត្រូវដើម្បីជម្រុញវាទៅមុខ យុទ្ធសាស្រ្តនឹងមិនអាចនាំលោកអ្នកទៅកន្លែងណាបានឡើយ។ អ្នកដឹកនាំល្អក៏សំខាន់ដែរ ប៉ុន្ដែលោកអ្នកត្រូវការវប្បធម៌មួយ ដែលមានគុណតម្លៃវិជ្ជមានក្នុងការទាក់ទាញអ្នកដឹកនាំល្អ និងអាចប្រកួតប្រជែងដោយប្រសិទ្ធភាព។

អ្នកដឹកនាំជម្រុញគុណតម្លៃ គុណតម្លៃជម្រុញឥរិយាបថ ឥរិយាបថជម្រុញវប្បធម៌ វប្បធម៌ជម្រុញការបំពេញការងារ។ ការបំពេញការងារបានល្អប្រសើរបង្កើតអ្នកដឹកនាំថ្មីៗ។ នេះគឺជា«វដ្តឧត្តមភាពជម្រុញខ្លួនឯង» ដែលក្រុមហ៊ុនទើបចាប់ផ្តើមថ្មីនីមួយៗត្រូវការដើម្បីទទួលបានជោគជ័យ។ លោកអ្នកមិនអាចរង់ចាំឱ្យអ្វីទាំងអស់នេះកើតឡើងនោះទេ ដូច្នេះគួរបង្កើតវប្បធម៌អាជីវកម្មកាន់តែឆាប់តែល្អ។

អត្ថបទរបស់ប្លុកនេះបានឧបត្ថម្ភដោយអាជីវកម្ម Visa ហើយម្ចាស់ប្លុកបានទទួលសំណងពី Visa សម្រាប់ការចំណាយពេលវេលា ចែករំលែកទស្សនៈរបស់ពួកគេក្នុងការបិទផ្សាយនេះ។ ចំណាប់អារម្មណ៍ដែលបានបង្ហាញនៅទីនេះគឺជារបស់ម្ចាស់ប្លុកតែម្នាក់គត់ មិនមែនជារបស់ Visa ឡើយ។ ចូលទៅកាន់http://facebook.com/visasmallbiz​ ដើម្បីមើលទំព័រ Facebook ដែលកែប្រែឡើងវិញ ៖ ប្រភពធនធានដ៏ល្អដោយអាជីវកម្ម Visa។ ទំព័រនេះជាកន្លែងដែលម្ចាស់អាជីវកម្មខ្នាតតូចអាចចូលទៅមើលពីធនធានផ្នែកអប់រំ អានរឿងជោគជ័យរបស់ម្ចាស់អាជីវកម្មដ៏ទៃទៀត ភ្ជាប់ទំនាក់ទំនងជាមួយដៃគូ និងរកមើលនូវគន្លឹះដើម្បីជួយឱ្យអាជីវកម្មដំណើរការឲ្យកាន់តែមានប្រសិទ្ធភាព។ ជារៀងរាល់ខែ ទំព័រនឹងណែនាំពីគោលគំនិតថ្មីដែលនឹងផ្ដោតលើប្រធានបទសំខាន់ៗសម្រាប់ភាពជោគជ័យរបស់ម្ចាស់អាជីវកម្មខ្នាតតូច។ សម្រាប់គន្លឹះ ដំបូន្មាន និងព័ត៌មានបន្ថែមអំពីដំណោះស្រាយអាជីវកម្មខ្នាតតូច Visa សូម Follow ​@VisaSmallBiz​ និង​ចូល​មើល​http://visa.com/business។

ថ្ងៃទី 6 ខែកញ្ញា ឆ្នាំ 2014 ពី Startup Professionals Musings

គន្លឹះចំនួន 11 ដើម្បីទទួលបាន​មនុស្សស័ក្តិសមមកធ្វើការឱ្យលោកអ្នក - ការជួល & ការចែករំលែកកិច្ចការបែប​អ្នក​ជំនាញ

ការបិទផ្សាយរបស់ប្លុកនេះត្រូវបានសរសេរសម្រាប់អាជីវកម្ម Visa ជាផ្នែកមួយនៃមូលបទខែសីហាអំពី«ការជម្រុញទំនាក់ទំនង​អាជីវកម្មខ្នាតតូច»។ ជារៀងរាល់ខែ អាជីវកម្ម Visa ផ្ដោតទៅលើប្រធានបទមួយ និងផ្ដល់ជូននូវគំនិតដែលអាចធ្វើបានសម្រាប់ការគ្រប់គ្រងអាជីវកម្ម និយោជិត អតិថិជនរបស់អ្នក និងខ្លួនអ្នកផ្ទាល់។ ចូលមើល​ទំព័រ ​​​Facebook ​​របស់​យើង ​ដែលជាប្រភពធនធានដ៏ល្អដោយអាជីវកម្ម Visa ដើម្បី​រក​ដំណោះស្រាយ​ដោយ​ប្រសិទ្ធភាព ព័ត៌មាន​ស៊ីជំរៅ និង​ធនធាន​ដែល​ជាទីទុកចិត្ត។

សមត្ថភាពរបស់លោកអ្នកក្នុងការធ្វើឱ្យអាជីវកម្មឱ្យរីកចម្រើន​គឺពាក់ព័ន្ធដោយផ្ទាល់នឹងសមត្ថភាពជួលមនុស្សដែលស័ក្តិសម ចែករំលែកកិច្ចការប្រកបដោយប្រសិទ្ធភាព និងវិនិយោគពេលវេលាទៅក្នុងសកម្មភាព​ដែលបង្កើតប្រាក់ចំណូល។ ថ្ងៃនេះខ្ញុំនឹងចែករំលែកជាមួយលោកអ្នកនូវអ្វីដែលគួរធ្វើ មុនពេលជួលនរណាម្នាក់ និងរបៀបដែលធ្វើការ​ប្រកបដោយប្រសិទ្ធភាពជាមួយពួកគេ បន្ទាប់ពីជ្រើសរើសពួកគេ។

បើគិតត្រលប់ទៅកាលពីរៀននៅសកលវិទ្យាល័យ ខ្ញុំត្រូវបានចាត់ឱ្យអានសៀវភៅ «មួយនាទីអ្នកគ្រប់គ្រងជួបនឹងកិច្ចការល្អិតល្អោចដដែលៗ»។ ចំណុចសំខាន់មួយក្នុងចំណោមចំណុចសំខាន់ៗដែលបានពិភាក្សាគឺថាកិច្ចការនីមួយៗ​ក្នុងក្រុមហ៊ុនគួរតែត្រូវបានធ្វើនៅកម្រិត​ទាបបំផុតតាមដែលអាចធ្វើបាន។ មាន «កិច្ចការល្អិតល្អោចដដែលៗ» ជាច្រើនក្នុងអាជីវកម្ម វិធីសាស្រ្តដោះស្រាយនោះគឺត្រូវរកឱ្យឃើញនរណាម្នាក់នៅក្នុងអាជីវកម្មអាចដោះស្រាយ​កិច្ចការទាំងនោះបាន។

ប្រសិនបើលោកអ្នកជាម្ចាស់ ឬ CEO (នាយក​ប្រតិបត្តិ) នោះលោកអ្នកត្រូវការមាននរណាម្នាក់ផ្សេងទៀតធ្វើកិច្ចការល្អិតល្អោចដដែលៗទាំងនោះ ដែលកំពុងតែខ្ជះខ្ជាយពេលវេលារបស់លោកអ្នក។ ពេលវេលារបស់លោកអ្នកគួរតែចំណាយលើការបង្កើត​ផលិតផល មាតិកា និងប្រាក់ចំណូល។ ប្រសិនបើអ្នកជាក្រុមហ៊ុនមានតែម្នាក់ឯងនោះ លោកអ្នក​ប្រហែលជាកំពុងគិតថាត្រូវតែធ្វើអ្វីគ្រប់យ៉ាង។ ខុសហើយ។ សូម្បីតែពេលលោកអ្នកគិតថាមិនមានថវិកាគ្រប់គ្រាន់​ដើម្បីជួលជំនួយការពេញម៉ោង ឬក្រៅ​ម៉ោង លោកអ្នកអាចរកជំនួយពីអ្នកជំនាញសំខាន់ៗតាមគម្រោង​នីមួយៗបាន។ សម្រាប់ខ្ញុំ ខ្ញុំជួលអ្នកម៉ៅការ។ ខ្ញុំក៏ជួលសិស្សមហាវិទ្យាល័យមកធ្វើកម្មសិក្សា និងសូម្បីតែ​ក្មេងជំទង់ក្នុងភូមិរបស់ខ្ញុំក៏អាចធ្វើកិច្ចការ ដូចជា ធ្វើកាតាឡុក​សំបុត្រ គ្រប់គ្រងកិច្ចការលើបណ្តាញសង្គម និងអ្វីៗផ្សេង​ទៀត ដែល​ពួកគេអាចដោះស្រាយទៅតាម​កម្រិតចំណេះដឹង​របស់​ពួកគេ។​ ខ្ញុំឱ្យបុគ្គលិកដែលមានបទពិសោធន៍ច្រើនធ្វើ​កិច្ចការសំខាន់ ដូចជាចែកចាយសេចក្តី​ប្រកាសព័ត៌មាន លក់ ស្វែងរកអតិថិជនថ្មី បង្កើតទម្រង់ចូលរួមកម្មវិធី​ បិទផ្សាយលើប្លុករបស់ខ្ញុំជាដើម។

ទោះបីជាលោកអ្នកមាន​អារម្មណ៍​ថាអ្វីៗទាំងនេះមិនពាក់ព័ន្ធនឹងកម្រិតអាជីវកម្មបច្ចុប្បន្នក៏ដោយ សូមអានបន្ត។ នៅពេលលោកអ្នកត្រៀមរួចរាល់ហើយ លោកអ្នកនឹងអាចចែករំលែកកិច្ចការបែបអ្នកជំនាញ និងអាចប្រើពេលវេលាកាន់តែមានប្រសិទ្ធភាពជាងមុន​។

អ្វីដែលគួរធ្វើមុនពេលជ្រើសរើសបុគ្គលិកថ្មី ៖

1. សរសេរការរៀបរាប់ការងារលម្អិត។ សរសេរសម្រាប់លោកអ្នកឱ្យបានច្រើនដូចសរសេរសម្រាប់ការបិទ​ផ្សាយលើ Craigslist ឬលើ Facebook។ គិតពីសកម្មភាពប្រចាំថ្ងៃ ប្រចាំសប្តាហ៍ និងប្រចាំ​ខែ ដែលបុគ្គលនេះនឹងធ្វើលើមូលដ្ឋានទៀងទាត់មួយ។ គិតអំពីកិច្ចការដែលធ្វើតែម្តង ឬកិច្ចការបន្ថែម ដែលពួកគេ​នឹងចាត់ចែង។ តើអ្នកដែលមាន​ជំនាញលើការងារនោះត្រូវការពេលវេលាប៉ុន្មានម៉ោងក្នុងមួយសប្តាហ៍ ឬក្នុងមួយខែដើម្បីបញ្ចប់វា? តើលោកអ្នកអាចផ្តល់ទឹកប្រាក់ក្នុងកម្រិតជាការផ្លាស់ប្តូរ​សម្រាប់​ពេលវេលាទាំងនោះ? ប្រសិនបើលោកអ្នកមិនដឹងពីកន្លែង ដែលចាប់ផ្តើមជាមួយនឹង​កិច្ចការនេះ សូមរក្សាទិនានុប្បវត្ដិអំពីកិច្ចការទាំងអស់ដែលបានធ្វើ​រយៈពេលមួយសប្តាហ៍។ នៅចុងសប្តាហ៍នោះ សូមពិនិត្យមើល ហើយគូសសម្គាល់ «K» លើកិច្ចការដែលលោកអ្នកចង់បន្តធ្វើដោយខ្លួនឯង និងសរសេរ «D»លើកិច្ចការដែលអាចផ្ទេរឱ្យអ្នកផ្សេង។

2. ពិចារណាពីកិច្ចការដែលលោកអ្នកនឹងធ្វើជាមួយពេលវេលាដែលសល់ពីការចែករំលែកកិច្ចការទៅអ្នកដទៃ។ នេះគឺសម្រាប់លោកអ្នក។ លោកអ្នកត្រូវតែសកម្មជាមួយពេលវេលាថ្មីនេះ ដើម្បីឱ្យលោកអ្នកមានទឹកចិត្តធ្វើការ និងអនុញ្ញាតឱ្យជំនួយការបន្តកិច្ចការងារជាប់ជានិច្ច ។ សរសេរទុក។ ឧទាហរណ៍ ៖ តើលោកអ្នកនឹងធ្វើអ្វីជាមួយម៉ោងនោះរៀងរាល់ថ្ងៃច័ន្ទ ប្រសិនបើ​ជំនួយការឥឡូវនេះកំពុង​ធ្វើបច្ចុប្បន្នភាព​ប្លុក​របស់លោក​អ្នក?

3. សម្ភាស ហើយជ្រើសរើស។ ផ្នែកនេះគឺជាការសម្រេចចិត្តផ្ទាល់ខ្លួន។ អ្នកត្រូវតែជួលបុគ្គលដែលស័ក្តិសម ហើយមានតែលោក​អ្នកប៉ុណ្ណោះដែលអាចសម្រេចចិត្តលើការនោះបាន។ ដំបូន្មានតែមួយគត់របស់ខ្ញុំនៅទីនេះគឺ ការប្រឹងប្រែងធ្វើការ ការជម្រុញទៅមុខ និងការមានឆន្ទៈក្នុងការសិក្សាស្វែងយល់ ហើយទាំងនេះមានតម្លៃជាង​ប្រវត្តិការងារទៅទៀត។

4. សូមពិចារណាលើរយៈពេលសាកល្បង។ ខ្ញុំជួលបុគ្គលិកចុះកិច្ចសន្យាលើមូលដ្ឋានគម្រោងទោល​ដើម្បីមើលថាតើ ខ្ញុំអាចធ្វើការជាមួយពួកគេបានឬយ៉ាង​ណា។ ខ្ញុំចង់ឃើញបែបបទធ្វើការងាររបស់ពួកគេ និងរបៀបទំនាក់ទំនងរវាងគេនិងខ្ញុំ។ ខ្ញុំចង់ឃើញរបៀបដែលពួកគេដោះស្រាយបញ្ហា និងពេល (និងរបៀប) ដែលពួកគេស្នើសុំជំនួយ​ នៅពេលពួកគេជាប់គាំង។ ប្រសិនបើខ្ញុំចូលចិត្តអ្វីដែលខ្ញុំបានឃើញ ខ្ញុំនឹងជួលគេឱ្យធ្វើការ។

អ្វីដែលគួរធ្វើ នៅពេលលោកអ្នករកបានបុគ្គលដែលសក្តិសម​ដើម្បីទទួលខុសត្រូវលើការងារល្អិតល្អោចដដែលៗ ៖

មិនថាលោកអ្នកកំពុងប្រើប្រាស់ក្មេងនៅជិតខាង អ្នកម៉ៅការ ឬ VA នេះគឺជាគន្លឹះជំនួយសម្រាប់​ទំនាក់ទំនងឈ្នះ-ឈ្នះ៖

1. កំណត់កាលវិភាគទៀងទាត់ សូម្បីតែពេលពួកគេអាចធ្វើការ​ឆ្ងាយពីផ្ទះ (ឬការិយាល័យ) របស់លោកអ្នកក៏ដោយ ។ ខ្ញុំសួរបុគ្គលិកទាំងអស់របស់ខ្ញុំពីម៉ោងធ្វើការ ដើម្បីឱ្យខ្ញុំអាចដឹងពីពេលដែលខ្ញុំអាចហៅទូរស័ព្ទ និង«ម៉ោងធ្វើការ» របស់ពួកគេ។ ខ្ញុំក៏ចង់ឱ្យពួកគេចាត់ទុកកិច្ចការនេះដូចការងារពិតប្រាកដ​មួយដែរ មិនមែនគ្រាន់តែអ្វីមួយដែលពួកគេអាចធ្វើ« នៅពេលពួកគេមានពេលឡើយ»។ ជំនួយនៅម៉ោងធ្វើការ។

2. ប្រសិនបើបុគ្គលិកជាអ្នកក្នុងតំបន់ លោកអ្នកអាចអញ្ជើញពួកគេមកលេងផ្ទះ​យ៉ាងហោចណាស់ម្តងក្នុងមួយសប្តាហ៍ ឬមួយខែ ហើយឱ្យគេធ្វើការលើកុំព្យូទ័ររបស់លោកអ្នក (ប្រសិនបើពួកគេកំពុង​ធ្វើការងារការិយាល័យ) ការធ្វើបែបនេះអាចឱ្យលោកអ្នកឃើញពីរបៀបធ្វើការរបស់ពួកគេ ហើយអាចបង្កើត​បរិយាកាស​មួយ​ ដែលពួកគេមិនភ័យខ្លាចក្នុងការសួរ​សំណួរផ្សេងៗ។ វាក៏ជាគំនិតល្អសម្រាប់ស្វែងយល់ពីពេលវេលា​​​​​ ដែលពួកគេចំណាយលើការងារដដែលៗ ដើម្បីឱ្យលោកអ្នកអាចកំណត់ថវិកាតាមហ្នឹង។ ត្រូវប្រាកដជានិច្ចថា មានមនុស្ស ត្រឹមត្រូវធ្វើការងារដែលសក្តិសមនឹងគេនៅក្នុងអាជីវកម្មរបស់លោកអ្នក។

3. Google គឺជាត្បូងមានតម្លៃ។ រក្សាបញ្ជីសកម្មភាពរបស់ពួកគេ (ជាមួយកិច្ចការប្រចាំថ្ងៃ ប្រចាំសប្តាហ៍ និងប្រចាំខែ) លើ Google Drive ដែលលោកអ្នកអាចធ្វើបច្ចុប្បន្នភាពបានយ៉ាងលឿន ហើយបុគ្គលិក​របស់លោកអ្នកអាចមើលវាបានគ្រប់ពេលវេលា។ ជំនួសឱ្យការលុបកិច្ចការចោល ខ្ញុំបានផ្លាស់ទីវាទៅជួរ «ធ្វើរួច»។ ខ្ញុំចង់បន្តតាមដានប្រវត្តិកិច្ចការ។ «បញ្ជីកិច្ចការ» ដែលល្អលើអ៊ីនធឺណិតនឹងមានជួរឈរពិពណ៌នា កាលបរិច្ឆេទដល់កំណត់ កិច្ចការដែលបានបញ្ចប់ និងកំណត់សម្គាល់ ឬសំណួរ។ បញ្ជីកិច្ចការបែបនឹងផ្តល់ការណែនាំលម្អិតដល់បុគ្គលិក ហើយលោកអ្នកអាចមានកន្លែងមួយដើម្បីសរសេរចូលនូវកិច្ចការដែលចង់ឱ្យពួកគេធ្វើ។ ប្រសិនបើខ្ញុំប្រើប្រាស់អ៊ីម៉ែលដើម្បីប្រាប់ពួកគេពីអ្វីដែលត្រូវធ្វើ ពួកគេនឹងភ្លេច។ ប្រសិនបើខ្ញុំប្រើបញ្ជើក្នុងឯកសារ word នោះ បុគ្គលិកអាចធ្វើការលើបញ្ជីចាស់ៗ។ ក្រុមហ៊ុនខ្លះប្រើប្រាស់សូហ្វវែរសហការ និងកម្មវិធីមួយចំនួនដូចជា

4. មិត្តភក្តិរបស់ខ្ញុំឈ្មោះ Angella Johnson បានប្រាប់ឱ្យដឹងថា «បែងចែកកិច្ចការ កុំទុកវាចោល ហើយប្រញាប់ទៅធ្វើអ្វីផ្សេង។» ការចែករំលែកការងារគឺជាប្រគល់ការងារដោយប្រាប់ពីលទ្ធផលដែលចង់បាន ហើយប្រាកដថា អ្នកអនុវត្តយល់ច្បាស់ពីសារៈសំខាន់នៃកិច្ចការទាំងនោះ។ (ប្រសិនបើលោកអ្នកចង់បានព័ត៌មានបន្ថែមអំពីការចែករំលែងការងារដ៏មានប្រសិទ្ធភាព លោកអ្នកអាចចាប់អារម្មណ៍លើ អត្ថបទនេះ។)

5. ចំណាយពេលចែករំលែករូបភាពធំនេះ។ បង្ហាញនិយោជិតឱ្យយល់ពីអ្វីដែលការងាររបស់ពួកគេអាចជួយឱ្យក្រុមហ៊ុនដំណើរការ និងអភិវឌ្ឍទៅថ្ងៃមុខ។ បង្ហាញពួកគេឱ្យយល់ថា កិច្ចការរបស់គេអាចជួយបង្កើនប្រាក់ចំណូល និងជួយលោកអ្នកឱ្យអាចមានពេលវេលាធ្វើការងារសំខាន់ដទៃទៀត។ ជួយពួកគេឱ្យទទួលអារម្មណ៍ថា ពួកគេបានរួមចំណែកជាមួយអ្វីគម្រោងមួយដែលអស្ចារ្យ នោះពួកគេនឹងសប្បាយចិត្តក្នុងការធ្វើការឱ្យលោកអ្នក។

6. ស្វែងរកនូវអ្វីដែលអាចជម្រុញទឹកចិត្តពួកគេក្រៅពីទឹកប្រាក់។ តើពួកគេចង់បានការសរសើរ ឬសំបុត្រទៅមើលការប្រគុំតន្រ្តី? តើពួកគេចង់បានទឹកប្រាក់បន្ថែមសម្រាប់ការងារបន្ថែម ឬការទទួលស្គាល់ជាសាធារណៈ? បុគ្គលិកម្នាក់ៗចង់បានការកោតសរសើរច្រើនដូចពួកគេចង់បានប្រាក់បៀវត្សរ៍​ដែរ។

7. កំណត់ការរំពឹងទុក និងឱកាសផ្សេងៗសម្រាប់ទំនួលខុសត្រូវ និងត្រួតពិនិត្យលទ្ធផល។ ក្នុងអង្គភាពរបស់ខ្ញុំ យើងមានការប្រជុំបុគ្គលិកជាទៀងទាត់។ ខ្ញុំតាមដានកិច្ចការទាំងអស់ដើម្បីធានាថា យើងបានសម្រេចតាមគោលបំណង សាកសួរពីរវិធីសាស្រ្តនានាដើម្បីគ្រប់គ្រងគោលបំណងបានល្អជាងមុន ហើយបង្កើតគោលបំណងថ្មីដើម្បីអភិវឌ្ឃន៍ការបំពេញការងារ។ លោក Thomas Monson បាននិយាយថា «នៅពេលការបំពេញការងារ​ត្រូវបានគេវាស់វែង គេអាចបំពេញការងារបាន​ប្រសើរ​ជាងមុន។» ឱ្យតម្លៃដល់អាជីវកម្មរបស់លោកអ្នកដោយជួបជាមួយក្រុមការងារឱ្យបានទៀងទាត់។

មិនមានសៀវភៅណែនាំពិតប្រាកដសម្រាប់ការជួលជំនួយ​ការ និងបុគ្គលិកឡើយ។ ដូចនឹងអាពាហ៍ពិពាហ៍ដែរ ប្រសិនបើលោកអ្នក​រំពឹងថា ត្រូវធ្វើតាមវិធីជាក់លាក់ណាមួយ នោះលោកអ្នកអាចនឹងខកចិត្ត។ ទោះជាយ៉ាងណា ប្រសិនបើលោកអ្នកដឹងថា ភាពជោគជ័យរបស់អាជីវកម្មមួយគឺអាស្រ័យលើ​កិច្ចការនីមួយៗត្រូវបានអនុវត្តនៅកម្រិតត្រឹមត្រូវ​ នោះលោកអ្នកនឹងអាចស្វែងរកមនុស្សដែលស័ក្តិសម​។

អត្ថបទរបស់ប្លុកនេះបានឧបត្ថម្ភដោយអាជីវកម្ម Visa ហើយម្ចាស់ប្លុកបានទទួលសំណងពី Visa សម្រាប់ការចំណាយពេលវេលា ចែករំលែកទស្សនៈរបស់ពួកគេក្នុងការបិទផ្សាយនេះ។ ចំណាប់អារម្មណ៍ដែលបានបង្ហាញនៅទីនេះគឺជារបស់ម្ចាស់ប្លុកតែម្នាក់គត់ មិនមែនជារបស់ Visa ឡើយ។ ចូលទៅកាន់http://facebook.com/visasmallbiz​ ដើម្បីមើលទំព័រ Facebook ដែលកែប្រែឡើងវិញ ៖ ប្រភពធនធានដ៏ល្អដោយអាជីវកម្ម Visa។ ទំព័រនេះជាកន្លែងដែលម្ចាស់អាជីវកម្មខ្នាតតូចអាចចូលទៅមើលពីធនធានផ្នែកអប់រំ អានរឿងជោគជ័យរបស់ម្ចាស់អាជីវកម្មដ៏ទៃទៀត ភ្ជាប់ទំនាក់ទំនងជាមួយដៃគូ និងរកមើលនូវគន្លឹះដើម្បីជួយឱ្យអាជីវកម្មដំណើរការឲ្យកាន់តែមានប្រសិទ្ធភាព។ ជារៀងរាល់ខែ ទំព័រនឹងណែនាំពីគោលគំនិតថ្មីដែលនឹងផ្ដោតលើប្រធានបទសំខាន់ៗសម្រាប់ភាពជោគជ័យរបស់ម្ចាស់អាជីវកម្មខ្នាតតូច។ សម្រាប់គន្លឹះ ដំបូន្មាន និងព័ត៌មានបន្ថែមអំពីដំណោះស្រាយអាជីវកម្មខ្នាតតូច Visa សូម Follow ​@VisaSmallBiz​ និង​ចូល​មើល​http://visa.com/business។

ថ្ងៃទី 28 ខែសីហា ឆ្នាំ 2014 ពី Startup Princess

ដំបូន្មានទំនាក់ទំនង...សម្រាប់អាជីវកម្មខ្នាតតូចរបស់លោក​អ្នក

ការបិទផ្សាយរបស់ប្លុកនេះត្រូវបានសរសេរសម្រាប់អាជីវកម្ម Visa ជាផ្នែកមួយនៃមូលបទខែសីហាអំពី«ការជម្រុញទំនាក់ទំនងអាជីវកម្មខ្នាតតូច»។ ជារៀងរាល់ខែ អាជីវកម្ម Visa ផ្ដោតទៅលើប្រធានបទមួយ និងផ្ដល់ជូននូវគំនិតដែលអាចធ្វើបានសម្រាប់ការគ្រប់គ្រងអាជីវកម្ម និយោជិត អតិថិជនរបស់អ្នក និងខ្លួនអ្នកផ្ទាល់។ ចូលមើល​ទំព័រ ​​​Facebook ​​របស់​យើង ​ដែលជាប្រភពធនធានដ៏ល្អដោយអាជីវកម្ម Visa ដើម្បី​រក​ដំណោះស្រាយ​ដោយ​ប្រសិទ្ធភាព ព័ត៌មាន​ស៊ីជំរៅ និង​ធនធាន​ដែល​ជាទីទុកចិត្ត។

ទំនាក់ទំនងគឺជាផ្នែកសំខាន់បំផុតនៃការស្ថាបនា​អាជីវកម្ម។

ខ្ញុំជឿជាក់ថា ការមានទំនាក់ទំនងល្អគឺកាន់តែសំខាន់ជាងប្រាក់ចំណូល ពីព្រោះការមានទំនាក់ទំនងដ៏រឹងមាំមួយនឹងធ្វើឱ្យការបំពេញការងារកាន់តែប្រសើរដែរ។

ឥឡូវនេះមុននឹងខ្ញុំចាប់ផ្តើមពន្យល់អំពី​ទំនាក់​ទំនងក្នុងអាជីវកម្ម ខ្ញុំនឹងបញ្ចូលការបដិសេធការ​ទទួល​ខុសត្រូវជាមុនសិន ៖ ខ្ញុំមិនល្អឥតខ្ចោះនោះទេ! ខ្ញុំធ្លាប់មានទំនាក់ទំនងដែលប្រែទៅជាជូរចត់ ហើយបើនិយាយថា ខ្ញុំបានរៀនច្រើនពីបទពិសោធន៍ទាំងនេះក៏មិនត្រូវដែរ។

ផ្ទុយទៅនឹងអ្វីដែលមនុស្សជាច្រើនមានជំនឿ (សូម្បីតែ​មនុស្សដែលខ្ញុំស្គាល់ជាច្រើន) ខ្ញុំអាចមានរបាំងការ​ពារ​ខ្លាំង​ក្នុងទំនាក់ទំនងរបស់ខ្ញុំ ហើយការការពារនោះគឺជា​យក្សដ៏​ធំនៅក្នុងទំនាក់ទំនង​អាជីវកម្មរបស់ខ្ញុំបច្ចុប្បន្ន។ វាមិនមែនបែបនេះរហូតទេ។ មានពេលខ្លះ ខ្ញុំនឹងចំណាយពេលពេញមួយថ្ងៃដើម្បីជួយអ្នកដទៃ ដោយនិយាយថា"បាទ/ចា៎ស"ទៅកាន់សំណើ​នីមួយៗដែលបានមកកាត់តុរបស់ខ្ញុំ និងភ័យខ្លាចពីអ្វី​ដែលគេនឹងគិតអំពីខ្ញុំ ប្រសិនបើខ្ញុំមិនអាចបំពេញសំណើគេបានមួយ។

ឥឡូវនេះខ្ញុំដឹងថា ការការពារថាមពលរបស់ខ្ញុំ អនុញ្ញាតឱ្យខ្ញុំធ្វើជាខ្លួនឯងបានយ៉ាងល្អនៅក្នុងទំនាក់ទំនងដែលខ្ញុំមានជាមួយ​សហគមន៍នេះ និងអតិថិជន​របស់ខ្ញុំ។ នៅពេលខ្ញុំចំណាយថាមពលធ្វើរឿងដែលខ្ញុំពិតជា​មិនចង់ធ្វើ សម្រាប់មនុស្សដែលខ្ញុំមិនចង់ធ្វើ​ឱ្យ ខ្ញុំខាតពេលវេលាយកចិត្តទុកដាក់លើទំនាក់ទំនង​ដែលសំខាន់ៗក្នុងជីវិតរបស់ខ្ញុំ។ ក្រៅពីគ្រួសាររបស់ខ្ញុំ និងមិត្តភក្តិជិតស្និទ្ធ ទំនាក់ទំនងដ៏​មានន័យបំផុតដែលខ្ញុំតែងតែធ្វើការលើការកសាង គឺអ្វីៗ​ជាមួយអតិថិជន បុគ្គលិក និងសហគមន៍របស់ខ្ញុំ។

លោកអ្នក + អតិថិជន

របៀបដែលលោកអ្នកគ្រប់គ្រងទំនាក់ទំនងអតិថិជន​ អាចធ្វើឱ្យលោកអ្នកទទួលបានជោគជ័យខ្លាំង ឬធ្វើឱ្យលោកអ្នក​ដាច់យ៉ៃ។ ខ្ញុំសឹងតែដាច់យ៉ៃក្នុងដំណាក់កាលដំបូងនៃអាជីវកម្មរបស់ខ្ញុំ។

ខ្ញុំបានផ្តល់ពេលវេលាផ្ទាល់ខ្លួនយ៉ាងច្រើនទៅដល់អតិថិជនរបស់ខ្ញុំ ហើយខ្ញុំបានបរាជ័យក្នុងការកំណត់ព្រំដែនលើពេលវេលា​ និងទំហំគម្រោងដែលខ្ញុំនឹងធ្វើការជាមួយ។ អតិថិជនតែងតែទទួលបានច្រើនជាងអ្វីដែលយើងបានព្រមព្រៀងក្នុងកិច្ចសន្យា ហើយជាធម្មតាគាត់មិនកោត​សរសើរសេវាកម្មបន្ថែមទាំងនោះទេ ហើយយូរៗទៅវាក៏ក្លាយជាការរំពឹងទុក ដែលមិនពិតប្រាកដទាល់តែសោះ។ មានមនុស្សពីរបីនាក់ដែលខ្ញុំបានធ្វើការជាមួយ​បានធ្វើឱ្យខ្ញុំល្វីងមុខ ហើយខ្ញុំមិនចង់​ជួបរឿងល្វីងមុខម្តងទៀតក្នុងអាជីវកម្មរបស់ខ្ញុំទេ។

គន្លឹះសំខាន់ៗរបស់ខ្ញុំសម្រាប់ទំនាក់ទំនងអតិថិជន៖ បណ្តុះបណ្តាលអតិថិជនរបស់លោកអ្នក។

ត្រឹមត្រូវហើយ បណ្តុះបណ្តាលអតិថិជនរបស់លោកអ្នក។ ការធ្វើបែបនេះគឺដើម្បីឱ្យភាគីម្នាក់ៗស្ថិតនៅលើទំព័រដូចគ្នា ចំពោះការរំពឹងទុកលើការងារដែលធ្វើរួមគ្នា និងការទំនាក់ទំនងតាំងពីចាប់ផ្តើមដំបូង។ បន្ទាប់ពីការរំពឹងទុកទាំងនោះត្រូវបានកំណត់រួច បេះដូងរបស់ខ្ញុំបើកទូលាយ ហើយខ្ញុំចូលរួមអស់ពីចិត្ត។

លោកអ្នក + និយោជិត

ទំនាក់ទំនងរវាងស្ថាបនិក/អ្នកគ្រប់គ្រង/ចៅហ្វាយនាយ និង​និយោជិតរបស់ពួកគេ​គឺជាប្រធានបទពិភាក្សាដ៏ក្តៅ​គគុក​នៅក្នុង​ក្រុមអ្នកមេគំនិតមួយចំនួនដែលខ្ញុំបានចូលរួម។ តើអ្វីទៅជាការជិតស្និទ្ធពេក? តើអ្វីទៅជាការជិតស្និទ្ធមិនគ្រប់គ្រាន់? តើអ្វីទៅជាការមិនសមរម្យ? ក្រុមការងាររបស់ខ្ញុំគឺជាគ្រួសារអាជីវកម្មរបស់ខ្ញុំ ហើយ​នៅពេល​ដែល​មាន​មនុស្សថ្មីចូលរួម​ក្នុងក្រុម ខ្ញុំបើកចិត្តឲ្យទូលាយ​តាំងពី​ពេលចាប់ផ្តើមដំបូង។

លោកអ្នក​ត្រូវតែទុកចិត្តមនុស្សដែលលោកអ្នក​ជួល។ ត្រូវតែ​ទូរស័ព្ទ ឬតាមវីដេអូរឹតតែប្រសើរ មុននឹងជួលនរណាម្នាក់។ នៅពេល​​លោកអ្នក​ធ្វើការសន្ទនាទល់មុខគ្នា លោកអ្នក​ទំនងជាអាចដឹងក្នុងចិត្តថាតើ​បុគ្គលនោះ​ស័ក្តិសមឬក៏អត់។ នៅពេលខ្ញុំសម្ភាសន៍នរណាម្នាក់ ចំណុចទាំងនេះគឺជាសញ្ញាសង្ស័យ ​ដែល​​អាច​នឹងធ្វើឲ្យ​បេក្ខជន​មិនទទួលបាន​ការងារ ៖

សញ្ញាសង្ស័យ #1 ៖ មកដល់យឺត

ប្រសិនបើ​នរណាម្នាក់​មក​សម្ភាសន៍​យឺតយ៉ាវ ឱកាសក្នុងការទទួលការងារគឺស្តួចស្តើងណាស់។ ជាការពិតណាស់​​ មាន​កាលៈទេសៈ​បន្ទាន់​ផ្សេងៗ​ដែលអាចកើតឡើង ហើយក្នុងករណីនោះ​គួរមាន​ការ​ជូនដំណឹង​ជាមុន។​ ការមកយឺត​ដោយ​គ្មាន​មូលហេតុសមស្រប​បង្ហាញ​ពី​ការ​ខ្វះការរៀបចំ និង​ការចង់បានមុខតំណែងនោះ។

សញ្ញាសង្ស័យ #2 ៖ "ខ្ញុំពិតជាចង់ធ្វើការងារពីផ្ទះ។"

ដោយសារ​យើង​ធ្វើការងារជាមួយ​ម្ចាស់​អាជីវកម្ម​ និង​មនុស្សផ្សេងៗទៀតតាមអ៊ីនធឺណិត យើង​ទទួល​បាន​ពាក្យសុំការងារជាច្រើន​ពី​មនុស្ស ​ដែល​ស្វែងរក​លទ្ធភាព​ធ្វើការ​ពី​ផ្ទះរបស់ពួកគេ។ នៅក្នុង​បទសម្ភាសន៍ ខ្ញុំ​អាចទទួលអារម្មណ៍ថា មនុស្សមួយចំនួនចង់ធ្វើការងារ​ពីផ្ទះ​ដោយគិតថា​ងាយស្រួល​ជាង​ការងារ​នៅការិយាល័យ ហើយ​នោះមិនមែនជា​ឥរិយាបថដែលខ្ញុំចង់បាននោះទេ។ បេក្ខជនណា​ដែល​សូម្បីតែបង្ហាញសញ្ញាថាគេចង់​ធ្វើការ​ងារ​ពីផ្ទះ​ និង​មិន​ខ្វាយខ្វល់ពីក្រុមហ៊ុន​ឬ​បេសកកម្ម គឺខ្ញុំពិចារណាគេឡើយ។

សញ្ញាសង្ស័យ #3 ៖ ដឹងតិចតួច​អំពីក្រុមហ៊ុនរបស់លោកអ្នក

ខ្ញុំតែងតែសួរសំណួរខ្លះៗអំពី​ក្រុមហ៊ុន និងបេសកកម្មរបស់យើង​ដើម្បី​ដឹងថា​តើ​បេក្ខជន​បាន​ធ្វើការស្រាវជ្រាវ​របស់ខ្លួន​ឬក៏អត់។ ខ្ញុំនៅតែឆ្ងល់ថា​ហេតុអ្វីបាន​ជា​មនុស្សជាច្រើន​មិន​ខ្វាយខ្វល់​ចង់​ដឹង​អំពីក្រុមហ៊ុន ​ដែល​ពួកគេ​កំពុងដាក់ពាក្យសុំធ្វើការ។ ប្រសិនបើ​បេក្ខជនដឹង​តិចតួច​អំពីក្រុមហ៊ុនរបស់ខ្ញុំ ខ្ញុំក៏មិនសូវ​យកចិត្តទុកដាក់លើបេក្ខជនរូបនោះដែរ។

គន្លឹះ​កំពូលរបស់ខ្ញុំសម្រាប់​ទំនាក់ទំនង​ជាមួយ​និយោជិត៖ ខ្ញុំបានរៀន​មិនយកចិត្តទុកដាក់លើ​មតិផ្ទុយគ្នា​ពីខាងក្រៅនៅលើ​ប្រធានបទនេះ និង​ងាកមកពឹងផ្អែកលើ​អព្ភន្តរញ្ញាណរបស់ខ្ញុំវិញ។ ខ្ញុំសូមណែនាំឲ្យលោកអ្នកធ្វើដូចគ្នា។

លោកអ្នក + សហគមន៍របស់លោកអ្នក

ក្រុមហ៊ុន She Takes on the World Inc. គឺជាសហគ្រាសសង្គម។ ខ្ញុំសូមបញ្ជាក់ចំណុចនេះឲ្យច្បាស់ ៖ សហគ្រាសសង្គម​មិនមែនមានន័យថា​​មិនស្វែងរកប្រាក់ចំណេញនោះទេ ថ្វីត្បិតមានមនុស្សជាច្រើន​សន្និដ្ឋានបែបនេះក៏ដោយ។ យើងខ្ញុំគឺជា​ក្រុមហ៊ុន​ស្វែងរកប្រាក់ចំណេញ​ផ្តោតលើ​ប្រាក់ចំណូលមាននិរន្តភាព និងអាចវាស់វែងបានក្នុងការបង្កើន​ប្រាក់ចំណេញរបស់យើង ដូច្នេះ​យើង​អាច​ប្រើ​ចំណែកនៃ​ប្រាក់ចំណេញនោះ​ធ្វើការលើ​កសសរមនុស្សធម៌ទាំងបីដូចជា ៖ ភាពជាសហគ្រិន ការអប់រំ និង​ការផ្តល់អំណាច។​

ឧទាហរណ៍ ជាមួយ​ភាពជោគជ័យរបស់ The Conquer Club និង The Concord ដែលជា​ការផ្តើមគំនិតដ៏ល្អិតល្អន់របស់ខ្ញុំ យើង​អាច​ជួយកសាង The Conquer Academy នៅក្នុង​ប្រទេសតង់សានីនៅរដូវក្តៅនេះ។​ ការបើកសាលារៀននេះ​គឺជា​ពេលវេលាមួយក្នុងចំណោមពេលវេលាដ៏រីករាយបំផុត​ក្នុងជីវិតរបស់ខ្ញុំ ហើយ​ខ្ញុំ​ទន្ទឹង​រង់ចាំ​ការ​ទៅ​លេងសាលារៀននេះនៅឆ្នាំ​ក្រោយ។ គម្រោងបែបនេះ​គឺជា​ "ហេតុ" និង​ជាមូលហេតុដែលយើង​ខិតខំធ្វើការ​យ៉ាងខ្លាំង​ដើម្បី​បន្ត​ធ្វើឲ្យក្រុមហ៊ុននេះ​រីកចម្រើន។

គន្លឹះសំខាន់ៗរបស់ខ្ញុំ​សម្រាប់​ទំនាក់ទំនង​សហគមន៍ ៖ ស្វែងរកវិធី​ដើម្បី​ដើរតួនាទីរបស់លោកអ្នក និងប្រើប្រាស់​អាជីវកម្មរបស់លោកអ្នក​ដើម្បី​ផ្តល់​ត្រឡប់ទៅវិញ​ក្នុង​រូបភាព​មួយ ​ដែល​សមស្រប​ទៅនឹង​គុណតម្លៃផ្ទាល់ខ្លួន និងគុណតម្លៃអាជីវកម្មរបស់លោកអ្នក។

ដំបូន្មានមួយក្នុងចំណោមដំបូន្មានល្អបំផុត​​អំពី​ទំនាក់ទំនង ​ដែលខ្ញុំ​បាន​ទទួល គឺ​មកពីការធ្វើជាសិស្សរបស់ A Course in Miracles។ មុខវិជ្ជានេះនិយាយអំពីការដែល​ទំនាក់ទំនង​មិនមែនជារឿងចៃដន្យ និង​ទំនាក់ទំនងនីមួយៗ​ផ្តល់​មេរៀន​ផ្សេងៗដែល​តម្រូវឲ្យយើងរៀនសូត្រ​មិនថា​វាជា​ទំនាក់ទំនង​ក្នុងជីវិតផ្ទាល់ខ្លួន ឬ​ក្នុងអាជីវកម្មរបស់យើងនោះទេ។

ទំនាក់ទំនងនីមួយៗ​គឺជា​កញ្ចក់ដ៏ធំមួយ ដូច្នេះ​ចូរក្រឡេកមើល​ដោយយកចិត្តទុកដាក់ទៅលើ​ការឆ្លុះបញ្ចាំង ​ដែលអ្នក​កំពុងឃើញ។

អត្ថបទរបស់ប្លុកនេះបានឧបត្ថម្ភដោយអាជីវកម្ម Visa ហើយម្ចាស់ប្លុកបានទទួលសំណងពី Visa សម្រាប់ការចំណាយពេលវេលា ចែករំលែកទស្សនៈរបស់ពួកគេក្នុងការបិទផ្សាយនេះ។ ចំណាប់អារម្មណ៍ដែលបានបង្ហាញនៅទីនេះគឺជារបស់ម្ចាស់ប្លុកតែម្នាក់គត់ មិនមែនជារបស់ Visa ឡើយ។ ចូលទៅកាន់http://facebook.com/visasmallbiz​ ដើម្បីមើលទំព័រ Facebook ដែលកែប្រែឡើងវិញ ៖ ប្រភពធនធានដ៏ល្អដោយអាជីវកម្ម Visa។ ទំព័រនេះជាកន្លែងដែលម្ចាស់អាជីវកម្មខ្នាតតូចអាចចូលទៅមើលពីធនធានផ្នែកអប់រំ អានរឿងជោគជ័យរបស់ម្ចាស់អាជីវកម្មដ៏ទៃទៀត ភ្ជាប់ទំនាក់ទំនងជាមួយដៃគូ និងរកមើលនូវគន្លឹះដើម្បីជួយឱ្យអាជីវកម្មដំណើរការឲ្យកាន់តែមានប្រសិទ្ធភាព។ ជារៀងរាល់ខែ ទំព័រនឹងណែនាំពីគោលគំនិតថ្មីដែលនឹងផ្ដោតលើប្រធានបទសំខាន់ៗសម្រាប់ភាពជោគជ័យរបស់ម្ចាស់អាជីវកម្មខ្នាតតូច។ សម្រាប់គន្លឹះ ដំបូន្មាន និងព័ត៌មានបន្ថែមអំពីដំណោះស្រាយអាជីវកម្មខ្នាតតូច Visa សូម Follow ​@VisaSmallBiz​ និង​ចូល​មើល​http://visa.com/business។

ថ្ងៃទី 28 ខែសីហា ឆ្នាំ 2014 ពី She Takes on the World

លំហាត់​កសាង​ក្រុមការងារ

លោកអ្នក​មិនចាំបាច់​ដំណើរការ​អាជីវកម្មខ្នាតតូចរបស់លោកអ្នក​តែម្នាក់ឯងនោះទេ។ យើងបាន​ដាក់បញ្ចូល​នូវ​ធនធាន​លំហាត់​នៃការកសាងក្រុម​ដើម្បីជួយលោកអ្នកដឹកនាំ ផ្ទេរអំណាច និង​លើកកម្ពស់​ថាមពល​និយោជិតរបស់លោកអ្នក។ យើងបានចាប់ដៃគូជាមួយ​ស្ថាបនិក និងនាយកប្រតិបត្តិ Michael Cardus របស់គេហទំព័រ www.Create-Learning.com ដែល​ធ្វើការងារជាមួយ​ក្រុមហ៊ុនទាំងខ្នាតតូច និងខ្នាតធំក្នុងការ​ប្រើប្រាស់​សក្តានុពល​ក្រុមរបស់គេឲ្យប្រសើរ និង​បាន​ពាំនាំ​យក​លំហាត់របស់គាត់ចំនួនពីរ​សម្រាប់លោកអ្នក៖

• The Coaching Wheel គឺជា​ធនធាន​សម្រាប់​ការសម្រេចចិត្ត​ប្រកបដោយប្រសិទ្ធភាព។ ប្រសិនបើលោកអ្នក​ និងក្រុមការងារ​ប្រើប្រាស់​ជំហាន​ក្នុងការធ្វើការសម្រេចចិត្តដូចគ្នា ទំនងជាអាច​នឹង​ឈាន​ដល់​ការសន្និដ្ឋាន និងគោលដៅដូចគ្នា។
• បណ្តាញ-សង្គម-ផ្តាច់-បណ្តាញ ជាធម្មតា​ភ្ជាប់​ទំនាក់ទំនងលោកអ្នក​ទៅ​កាន់​សមាជិកក្រុមការងារ​តាមរយៈ​ភាពដូចគ្នា​ដោយផ្អែកលើអាជីវកម្ម​និងរឿង​ផ្ទាល់ខ្លួន។ លោកអ្នក​អាច​ស្គាល់​សហការី​បានច្បាស់ជាងមុន ហើយការ​ធ្វើបែបនេះ​នឹង​នាំ​ឲ្យ​ក្រុមការងារ​កាន់តែមានភាពជិតស្និទ្ធ។

មើលលំហាត់ទាំងនេះ​នៅ ទីនេះ និង​មើលថាតើវា​អាច​ជាប្រយោជន៍​សម្រាប់ក្រុមការងាររបស់លោកអ្នកបាន​យ៉ាងណាខ្លះ។

ថ្ងៃទី 28 ខែសីហា ឆ្នាំ 2014 ពីអាជីវកម្ម Visa

ការជួលនិយោជិត​​សម្រាប់​ភាព​ជោគជ័យ ៖ រឿង 4 យ៉ាងដើម្បីស្វែងរក និងជៀសវាងក្នុងការជួលនិយោជិតថ្មី

ការបិទផ្សាយរបស់ប្លុកនេះត្រូវបានសរសេរសម្រាប់អាជីវកម្ម Visa ជាផ្នែកមួយនៃមូលបទខែសីហាអំពី«ការជម្រុញទំនាក់ទំនងអាជីវកម្មខ្នាតតូច»។ ជារៀងរាល់ខែ អាជីវកម្ម Visa ផ្ដោតទៅលើប្រធានបទមួយ និងផ្ដល់ជូននូវគំនិតដែលអាចធ្វើបានសម្រាប់ការគ្រប់គ្រងអាជីវកម្ម និយោជិត អតិថិជនរបស់អ្នក និងខ្លួនអ្នកផ្ទាល់។ ចូលមើល​ទំព័រ ​​​Facebook ​​របស់​យើង ​ដែលជាប្រភពធនធានដ៏ល្អដោយអាជីវកម្ម Visa ដើម្បី​រក​ដំណោះស្រាយ​ដោយ​ប្រសិទ្ធភាព ព័ត៌មាន​ស៊ីជំរៅ និង​ធនធាន​ដែល​ជាទីទុកចិត្ត។

ដើម្បីធានាថា ​​បេក្ខជនបន្ទាប់របស់លោកអ្នក​នឹងអាចក្លាយជា​សមាជិក​ក្រុមយូរអង្វែង វាជាការសំខាន់​ដែលលោកអ្នក​ត្រូវដឹង​ពី​អ្វីដែល​គួរស្វែងរក​ នៅពេលលោក​អ្នក​ពិនិត្យ​ប្រវត្តិរូបសង្ខេបទាំងនោះ។ នេះគឺជាចំណុចមួយចំនួន​ ដែលលោកអ្នក​គួរតែស្វែងរក និង​គួរចៀសវាង​ នៅពេល​ជួលនិយោជិតថ្មី។

សម្រាប់​អាជីវកម្មដែលកំពុងរីកចម្រើន ភាពជោគជ័យអាស្រ័យ​មួយភាគធំ​ទៅលើ​កម្លាំងការងារ និង​ការរក្សានូវ​មនុស្សដែលត្រឹមត្រូវ។ ប៉ុន្តែ​ថ្វីត្បិត​មាន​ឧបករណ៍ជាច្រើន​សម្រាប់​ម្ចាស់​អាជីវកម្មខ្នាតតូច និយោជក​ជាច្រើន​នៅតែ​ប្រព្រឹត្តកំហុស​ធ្ងន់ធ្ងរ ដោយ​ជួល​មនុស្សខុស។ ពេលវេលាសម្រាប់​ធ្វើការ​ស្រាវជ្រាវ និង​សម្ភាសន៍​បេក្ខជន​ផ្សេងៗគ្នា​ដើម្បី​ស្វែងរកមនុស្សត្រឹមត្រូវគឺ​សមនឹង​តម្លៃណាស់ ព្រោះ​វា​សន្សំសំចៃទឹកប្រាក់​រាប់រយពាន់​ដុល្លារ​ក្នុង​អាជីវកម្ម ​ដែល​អាច​ខាតបង់​ដោយសារ​ការ​បណ្តុះបណ្តាល​ឥតប្រយោជន៍​ និង​ការបាត់បង់ផលិតភាព​។

ពិចារណា​ប្រភេទការងារ

មុនពេល​ធ្វើការចាប់ផ្តើមស្វែងរកការងារ សូមដឹង​ឲ្យ​ច្បាស់​អំពី ប្រភេទ​បុគ្គលិកលក្ខណៈ ដែលលោកអ្នក​កំពុងស្វែងរក។ បើសិនវាជាមុខតំណែង​ ដែលត្រូវដើរច្រើនរៀងរាល់ថ្ងៃ បម្រើផ្នែកលក់ លោកអ្នក​ប្រហែលជា​ត្រូវ​មើល​បទពិសោធន៍​នៅលើ​ប្រវត្តិរូបសង្ខេប បុគ្គិលលក្ខណៈ​នៅក្នុងការសម្ភាសន៍ ភាពស្មោះត្រង់ និង​​អំណួតបន្តិចបន្តួចរបស់គេផងដែរ។ ចំពោះអ្នក​តំណាង​សេវា​អតិថិជន​នឹង​ត្រូវការ​រូបសម្បត្តិសមរម្យ អត់ធ្មត់​មានការអធ្យាស្រ័យ ព្រមទាំងលទ្ធភាព​ក្នុងការ​ដោះស្រាយ​ស្ថានភាព​តឹងតែង។ ប៉ុន្តែ​បើសិនជា​លោកអ្នក​កំពុងស្វែងរក​មនុស្ស​ដើម្បីដោះស្រាយ​ការទំនាក់ទំនងជាលាយលក្ខណ៍អក្សរ ឬ​ដោះស្រាយ​កិច្ចការ​ប្រចាំថ្ងៃ​សម្រាប់​អាជីវកម្ម លោកអ្នក​អាច​ស្វែងរក​ព័ត៌មាន ​ដែល​ត្រូវការ​នៅក្នុង​ប្រវត្តិរូបសង្ខេប ដោយ​ពិនិត្យរក​កំហុសតូចតាច​ ដែល​អាច​បង្ហាញថា​គេ​ជា​មនុស្សដែល​មិនយកចិត្តទុកដាក់​ដល់​ចំណុចលម្អិត។

ដោយសារ​ការជ្រើសរើសនិយោជិតខុស​អាច​ធ្វើឲ្យ​ខាតបង់ច្រើន អាជីវកម្ម​អាច​ពិចារណា​ការធ្វើ​តេស្ត​បេក្ខជន​មុន​ពេល​សម្រេច​ជ្រើសរើស ​ដើម្បី​កំណត់"ភាពស័ក្តិសម"។ ក្រុមហ៊ុន​គ្រប់គ្រង​ទេពកោសល្យ Caliper ផ្តល់​ការយល់ដឹងស៊ីជម្រៅ​ទៅលើ​បុគ្គលិកលក្ខណៈ​របស់​បេក្ខជន និង​ធ្វើការផ្គូផ្គង​ពួកគេ​ទៅនឹង​ការងារ​ជាក់លាក់ ​ដែលលោក​អ្នក​កំពុង​ជ្រើសរើស​ដើម្បី​កំណត់ថា​តើ​គេ​ "ស័ក្តិសម"ឬក៏អត់។ Carolyn Crummey ជាម្ចាស់​នៃ VirTasktic បានប្រើ​សេវា​នេះ​ជាច្រើន​ឆ្នាំមកហើយ ​នៅក្នុង​មុខតំណែងមុនរបស់​នាង​ជា​នាយក​ប្រតិបត្តិការប្រចាំ​ក្រុមហ៊ុន​តំណាង​ឲ្យ​ក្រុមហ៊ុន​ផលិតមួយ និង​បាន​ណែនាំ​ឲ្យ​អាជីវកម្មតូចៗ​ធ្វើ​ការ​វិនិយោគខ្លះៗមុន​នឹង​សម្រេច​ជួល​និយោជិត។ "យើងបានប្រើប្រាស់​តេស្ត Caliper ទៅលើ​គ្រប់​និយោជិត​ថ្មីទាំងអស់​ ​ចាប់ពី​ផ្នែកលក់ខាងក្រៅ​ ដល់​ផ្នែក​សេវា​អតិថិជន និងផ្នែករដ្ឋបាល ពីព្រោះ​ថ្វីត្បិតយើង​អាចមើលឃើញ​ពី​បទពិសោធន៍ចាស់ៗ និង​ការតេស្តជំនាញ​ក្តី យើង​មិនអាច​កំណត់​បុគ្គលិកលក្ខណៈរបស់ពួកគេ ដែលជា​ផ្នែក​ដ៏ស្មុគស្មាញ​នៃការ​ជ្រើសរើស​មនុស្សត្រឹមត្រូវ​សម្រាប់​មុខតំណែង​ការងារ​ឡើយ។ ការវិនិយោគតូចតាច ដែលយើងបានចំណាយដើម្បី​ធ្វើតេស្ត​គឺសមនឹងតម្លៃណាស់។ វា​មិនត្រឹមតែ​ជួយ​ឲ្យ​យើង​ចៀសវាង​ពីការ​ធ្វើកំហុស​ជ្រើសរើស​និយោជិតខុសជាច្រើន​ប៉ុណ្ណោះទេ វា​ក៏ជួយ​យើង​អភិវឌ្ឍន៍​មនុស្ស​ ដែលយើង​បាន​ជ្រើសរើស ព្រោះ​យើង​ដឹងពី​ចំណុចខ្លាំង និង​ចំណុចខ្សោយពិតប្រាកដរបស់គេ ហើយអាច​ប្រើប្រាស់​ព័ត៌មាននោះបាន។"

កុំ​ប្រញាប់កាត់សេចក្តី

ខណៈដែល​អ្នក​ជំនាញ​​បាន​ព្រមាន​ពីការ​ជួលមនុស្សណាម្នាក់​ ដែល​មាន គម្លាតការងារធំ ឬ​ផ្លាស់ប្តូរការងារ​ញឹកញាប់ នៅក្នុង​សេដ្ឋកិច្ចបច្ចុប្បន្ន អ្នក​គ្រប់គ្រងការជ្រើសរើស​និយោជិត​កំពុងជួបរឿងនេះ​កាន់តែញឹកញាប់ជាងមុន។ កុំ​ច្រានចោលបេក្ខជនទាំងនេះភ្លាមៗអី។ ផ្ទុយទៅវិញ ធ្វើការកំណត់​មូលហេតុ​នៃ​បញ្ហាការងារ​ទាំងនេះដើម្បីដោះស្រាយ​កង្វល់របស់លោកអ្នក។ តើ​បុគ្គលនេះ​ជា​មនុស្ស ដែល​លោតឆ័ត្រស្វែងរកលាភ ឬ​ក៏គេ​ជាមនុស្សដែល​កំពុងស្វែងរក​ឱកាស​ក្លាយជាផ្នែកមួយ​របស់​ក្រុមហ៊ុន​ចាប់ផ្តើមថ្មី (Startup) សម្រាប់​រយៈពេលវែង?

ស្វែងរកចំណង់ចំណូលចិត្ត

នៅក្នុងដំណើរការ​ពិនិត្យមើល​ប្រវត្តិរូបសង្ខេប និង​ការ​សម្ភាសន៍​បេក្ខជន​ សូមស្វែងរក​កម្រិត​ចំណង់ចំណូលចិត្ត​​ទៅលើ​អ្វីមួយ ​ដែល​បេក្ខជននោះបាន​ធ្វើក្នុងឆាក​ជីវិត។ មិនថាលោក​អ្នក​កំពុង​ជ្រើសរើស​អ្នក​ជំនាញ​ខាង​ធនធានមនុស្ស ឬ​អ្នកចាត់ការទីផ្សារ​នោះទេ លោកអ្នក​គួរតែ​ស្វែងរក​មនុស្ស​ ដែល​មាន​ចំណង់ចំណូលចិត្ត​ក្នុង​ផ្នែកនោះ។ លោកអ្នក​អាច​កំណត់​ចំណុចទាំងនេះបានដោយ​ចោទជាសំណួរ​នៅក្នុង​ការសម្ភាសន៍​អំពី​មុខតំណែង​ពីមុន​របស់​បេក្ខជននីមួយៗ។ ប្រសិនបើ​បេក្ខជនណាម្នាក់​មិនអាច​បកស្រាយ​បាន​ច្បាស់​អំពី​អ្វី ដែលគេធ្វើនៅក្នុង​មុខតំណែង​ពីមុនទេ សូមចាត់ទុកថា​នេះជា​ទង់ក្រហម។

កំណត់​ការចាប់អារម្មណ៍

កំហុសមួយដែល​និយោជកប្រព្រឹត្តគឺការសន្និដ្ឋានថា​ការសម្ភាសន៍ការងារ​គឺជា​ដំណើរការ​តែមួយផ្លូវ។ ដូចជាពេលលោកអ្នក​កំពុងសម្រិតសម្រាំង​បេក្ខជន​ដែល​ស័ក្តិសមសម្រាប់​ក្រុមការងារ បេក្ខជន​គួរតែ​មានការចាប់អារម្មណ៍លើ​អង្គភាពរបស់លោកអ្នក និងការងារ​ផងដែរ។  ក្នុងដំណើរការ​សម្ភាសន៍ បេក្ខជន​គួរតែបង្ហាញសញ្ញាថា​ គេ​បាន​ចំណាយពេលវេលា​ស្រាវជ្រាវ​ពី​ក្រុមហ៊ុន និង​ជឿជាក់​ទៅលើ​គំរូអាជីវកម្មរបស់លោកអ្នក។ បេក្ខជនក៏គួរតែសួរសំណួរ​ និង​បង្ហាញ​ពីការសម្រេចចិត្តថា​តើ​អាជីវកម្មរបស់លោកអ្នក​ជា​ជម្រើសត្រឹមត្រូវ​សម្រាប់​គេ​ ព្រមទាំងសម្រាប់លោកអ្នកផងដែរ។

ការចាត់ក្រុមការងារត្រឹមត្រូវ​គឺជាកត្តាសំខាន់​ដើម្បី​ទទួលបាន​ជោគជ័យ​ក្នុងអាជីវកម្មរបស់លោកអ្នក។ នៅពេលលោកអ្នក​ធ្វើការស្វែងរក​មនុស្សដែលត្រឹមត្រូវសម្រាប់​ចាត់ចូលក្នុងក្រុមការងារ ចូរចំណាយពេល​វេលា​ស្វែងយល់​ពី​បេក្ខជនដែលមានសក្តានុពលនោះ និង​ធ្វើ​ឲ្យប្រាកដថា ​និយោជិតមាន​ចំណង់ចំណូលចិត្ត​ធ្វើឲ្យ​អាជីវកម្មរីកចម្រើន​ដូចលោកអ្នកដែរ។

អត្ថបទរបស់ប្លុកនេះបានឧបត្ថម្ភដោយអាជីវកម្ម Visa ហើយម្ចាស់ប្លុកបានទទួលសំណងពី Visa សម្រាប់ការចំណាយពេលវេលា ចែករំលែកទស្សនៈរបស់ពួកគេក្នុងការបិទផ្សាយនេះ។ ចំណាប់អារម្មណ៍ដែលបានបង្ហាញនៅទីនេះគឺជារបស់ម្ចាស់ប្លុកតែម្នាក់គត់ មិនមែនជារបស់ Visa ឡើយ។ ចូលទៅកាន់http://facebook.com/visasmallbiz​ ដើម្បីមើលទំព័រ Facebook ដែលកែប្រែឡើងវិញ ៖ ប្រភពធនធានដ៏ល្អដោយអាជីវកម្ម Visa។ ទំព័រនេះជាកន្លែងដែលម្ចាស់អាជីវកម្មខ្នាតតូចអាចចូលទៅមើលពីធនធានផ្នែកអប់រំ អានរឿងជោគជ័យរបស់ម្ចាស់អាជីវកម្មដ៏ទៃទៀត ភ្ជាប់ទំនាក់ទំនងជាមួយដៃគូ និងរកមើលនូវគន្លឹះដើម្បីជួយឱ្យអាជីវកម្មដំណើរការឲ្យកាន់តែមានប្រសិទ្ធភាព។ ជារៀងរាល់ខែ ទំព័រនឹងណែនាំពីគោលគំនិតថ្មីដែលនឹងផ្ដោតលើប្រធានបទសំខាន់ៗសម្រាប់ភាពជោគជ័យរបស់ម្ចាស់អាជីវកម្មខ្នាតតូច។ សម្រាប់គន្លឹះ ដំបូន្មាន និងព័ត៌មានបន្ថែមអំពីដំណោះស្រាយអាជីវកម្មខ្នាតតូច Visa សូម Follow ​@VisaSmallBiz​ និង​ចូល​មើល​http://visa.com/business។

ថ្ងៃទី 27 ខែសីហា ឆ្នាំ 2014 ពី Smallbiztechnology.com

បេក្ខជន​ដែលត្រូវ​បាន​សម្ភាសន៍​គឺ​មាន​សញ្ញាសង្ស័យធំ - ហើយ​នេះ​ជា​មូលហេតុ!

ការបិទផ្សាយរបស់ប្លុកនេះត្រូវបានសរសេរសម្រាប់អាជីវកម្ម Visa ជាផ្នែកមួយនៃមូលបទខែសីហាអំពី«ការជម្រុញទំនាក់ទំនងអាជីវកម្មខ្នាតតូច»។ ជារៀងរាល់ខែ អាជីវកម្ម Visa ផ្ដោតទៅលើប្រធានបទមួយ និងផ្ដល់ជូននូវគំនិតដែលអាចធ្វើបានសម្រាប់ការគ្រប់គ្រងអាជីវកម្ម និយោជិត អតិថិជនរបស់អ្នក និងខ្លួនអ្នកផ្ទាល់។ ចូលមើល​ទំព័រ ​​​Facebook ​​របស់​យើង ​ដែលជាប្រភពធនធានដ៏ល្អដោយអាជីវកម្ម Visa ដើម្បី​រក​ដំណោះស្រាយ​ដោយ​ប្រសិទ្ធភាព ព័ត៌មាន​ស៊ីជំរៅ និង​ធនធាន​ដែល​ជាទីទុកចិត្ត។

លោកអ្នក​ប្រហែលជាធ្លាប់ឭពាក្យចាស់ថា ៖ ទីណាមានផ្សែង ទីនោះមានភ្លើង។ ជាការពិត វាមិនត្រឹមតែ​​ត្រឹមត្រូវ​ចំពោះភ្លើងឆេះព្រៃប៉ុណ្ណោះទេ...វាក៏ទាក់ទងទៅ "នឹងអ្វីដែលលោកអ្នកទទួលអារម្មណ៍ចម្លែក" ពីបេក្ខជន។ មិនត្រូវមើលរំលងគន្លឹះសំខាន់ៗ​ស្ដីពីរបៀបសម្គាល់​សញ្ញា​សង្ស័យ​​ទូទៅរបស់និយោជិត​ថ្មី ដែលទំនង​ជាបង្កមហន្តរាយ​​​។

ម្ចាស់អាជីវកម្មខ្នាតតូចភាគច្រើនយល់ពីសារៈសំខាន់ក្នុង​ការ​វាយ​តម្លៃ​និយោជិត​ថ្មី មុនពេលជួលអ្នកទាំងនោះ​មកធ្វើ​ការ។ នេះជាការបង្ហាញដ៏ត្រឹមត្រូវ ជាពិសេសប្រសិនបើលោកអ្នកធ្លាប់ជួបការលំបាក​ចំពោះការ​ធ្វើ​ការ​ជាមួយនិយោជិត ដែលរបាយការណ៍បំពេញការងារមិនសូវបានល្អជាបន្ដបន្ទាប់។ ការមានរយៈពេលសាកល្បងគឺល្អហើយ ប៉ុន្ដែវា​មិនគួរជំនួសឱ្យការ​​ខ្ជិលច្រអូសចំពោះការជួលមិនបានត្រឹមត្រូវតាំងពីដំបូងបានដែរ។

ប្រសិនបើលោកអ្នកចេះតែធ្វើៗទៅ ដោយសង្ឃឹមថាវានឹងគ្មានបញ្ហា ហើយចេះតែរើសមនុស្សមកបំពេញមុខតំណែងទំនេរនោះ សូមគិតឡើងវិញ។ យោងតាមមជ្ឈមណ្ឌលវឌ្ឍនភាពសហរដ្ឋ​អាមេរិក អាជីវកម្ម​ត្រូវចំណាយប្រហែលមួយ​ភាគ​ប្រាំចំពោះប្រាក់​បៀវត្សរ៍​របស់​និយោជិត​ដើម្បី​ដាក់​ជំនួស​និយោជិតនោះ។ ចំពោះអាជីវកម្មដែលសម្បូរ ​និយោជិត​ឈប់ និង​ចូលថ្មី​ច្រើន បញ្ហា​នេះ​អាច​បង្កើន​ដល់ការ​ចំណាយ​កាន់​តែ​ច្រើន។ "ការដកស្រង់ពីការសិក្សាមួយចំនួនបានបង្ហាញថា យើងត្រូវចំណាយច្រើន ពេលជំនួសនិយោជិតថ្មី ព្រោះនៅពេលនិយោជិតចាស់ឈប់ ផលិតភាពការងារថយចុះ ត្រូវចំណាយលើការជ្រើសរើស និងបណ្ដុះបណ្ដាលនិយោជិតថ្មី ហើយទំរាំនិយោជិតអាចសម្របខ្លួនក្នុងបរិយាកាសការងារ ផលិតភាពការងារក៏យឺតទៅតាមហ្នឹងដែរ។"

ចំណាយ និយោជិត​ឈប់ និង​ចូលថ្មី​ច្រើន គឺធំខ្លាំងណាស់។ ដូចដែលសហគ្រិន William G. Bliss & ប្រធានក្រុមហ៊ុន Bliss Associate Inc. (President of Bliss​ Associates Inc.) បានលើកឡើងថា "ការចំណាយលើ​ពេល​វេលា​ និង​ការបាត់បង់​ផលិត​ភាពការងារ មិនមែនមិនសំខាន់ស្មើនឹងការ​ចំណាយ​ ដែល​ពាក់ព័ន្ធ​នឹងការបង់ប្រាក់​ទៅអោយ អ្នក​លក់​សេវាកម្ម​ ដូច​ជាការផ្សព្វផ្សាយពាណិជ្ជកម្ម ឬជួលនិយោជិតបណ្តោះអាសន្នទេ។ ទាំងអស់នេះទើបជាការចំណាយយ៉ាងពិតប្រាកដរបស់នយោជក។"

អ្វីដែលល្អបំផុតនោះគឺត្រូវ​ជ្រើស​និយោជិត​ដែល​ស័ក្តិសមតាំង​ពី​ចាប់​ផ្តើម​ដំបូង។ ជាការពិត បេក្ខជ​ន​មួយ​ចំនួន​នឹង​បញ្ចេញ​លក្ខណៈ​សម្បត្តិ​មិនល្អតាំងពីដំបូង ដែល​ជាភស្តុតាង​បញ្ជាក់​ថា ពួកគេ​មិន​ស័ក្តិ​សម​នឹង​ក្រុមហ៊ុន​របស់លោកអ្នកឡើយ។ សូម​មើល​សញ្ញា​សង្ស័យ​សំខាន់ៗ​ទាំងបី ​អំឡុង​ពេល​ដំណើរ​ការ​ជ្រើស​រើស និងសម្ភាសន៍៖

1. សញ្ញាណទូទៅ ដែលបង្ហាញពីចំណុចអវិជ្ជមាន។

   ជាធម្មតា និយោជិតដែលមានភាពអវិជ្ជមានអាចបង្កអោយមានទំនាស់ និងបាត់បង់វិន័យនៅកន្លែងធ្វើការ។ ដូចដែល លោក Tim Gould នៅក្រុមហ៊ុន HR Morning បានណែនាំ "​ថាយើងមិន​ងាយញែក​បុគ្គលិកទាំងនេះចេញ​ពី​ក្រុមការងារបានទេ ប៉ុន្តែយូរៗទៅ ពួ​ក​គេអាច​ធ្វើបង្ក​ភាព​ខូចខាត​ជា​ច្រើន​។ ជារឿយៗ និយោជិតប្រភេទនេះមិនបង្កកំហុសធំៗ ដែល​ធ្វើអោយ​មាន​កា​រចាប់អារម្មណ៍មកលើពួកគេទេ។ ពួកគេតែងតែ​ធ្វើការងារ​របស់​គេ​បាន​ល្អ​ ដូច្នេះ ​ពួកគេ​មិន​ត្រូវទទួល​បាន​ការ​ស្តី​បន្តោស​ច្រើន​ពេក​ទេ។​ វាដូចទៅនឹងមេរោគក្នុងកម្មវិធីកំព្យូទ័រ​ដែរ​ ​បុគ្គលិកលក្ខណៈ ​​ដែល​មិនល្អរបស់ពួកគេ ធ្វើអោយគោលដៅបរាជ័យ ហើយជាពិសេស ប៉ះពាល់​ដល់​ចំណូល​ក្រុមហ៊ុន​ពីមួយ​សប្តាហ៍ទៅ​មួយ​សប្តាហ៍ ពីមួយឆ្នាំទៅមួយឆ្នាំ។"

   ភាពអវិជ្ជមានប៉ះពាល់ដល់ដំណើរការល្អ និង​បង្ក​បរិយា​កាស​បាត់​បង់​ជំនឿ​ចិត្ត ហើយធ្វើអោយអ្នកផ្សេងទៀតមានទស្សនៈទន់ខ្សោយ និងគ្មានវិជ្ជាជីវៈ។ ផ្ទុយមកវិញ បុគ្គលិ​ក​ជោគជ័យ​ដែល​មាន​ឥរិយាបថ​វិជ្ជ​មាន​ចេះកសាងទំនាក់ទំនងល្អ។ ស្របពេលដែល​ដើរតួជា​អ្នកចូលរួម​ដ៏មាន​តំលៃ​របស់ក្រុមហ៊ុន។ ខណៈពេលដែលភាពអវិជ្ជមាន​នៅ​កន្លែងធ្វើការជារឿងមួយទូទៅ ភាពអវិជ្ជមានរ៉ាំរ៉ៃជាសញ្ញាសង្ស័យដែលមិនត្រូវមើលរំលងនោះទេ។

2. ពួកគេមិនចេះទទួលស្គាល់កំហុស​​ទេ។

   អំឡុងពេលសម្ភាសន៍ សំនួរបើកជាសំនួរល្អបំផុត។ វាផ្តល់ឪកាសឱ្យបេក្ខជនបង្ហាញពីឧទាហរណ៍ជាក់លាក់ និងបទពិសោធន៍ការងារកន្លងមក។ ប្រសិនបើបេក្ខជនងាយនឹងបង្វែរកំហុសទៅអ្នកដទៃ ប៉ុន្តែ​មិន​ទទួល​យក​កំហុសរបស់ខ្លួន វានឹងបង្កជាបញ្ហានៅពេលខាងមុខ។ គ្មាននរណាម្នាក់​អាច​ធ្វើកា​រ​ងារ​ច្រើន​រយ​ជំពូក​ក្នុង​ពេល​តែមួយទេ។ ការបង្វែរកំហុសទៅអោយអ្នកដទៃដើម្បីបិទបាំងអត្តចរិតមិនល្អ និងបង្វែរការទទួលខុសត្រូវគឺមិនឆ្លើយតប​ទៅ​នឹង​វប្បធម៌​នៅ​កន្លែង​ការងារ​ទេ។

   ដូចដែលសហការី​របស់ Psychology Today លោកបណ្ឌិត Eilliot D. Choen ពន្យល់ថា "មួយក្នុងចំណោមការខ្វះខ្ជាយពេលវេលា គឺ ជាការបង្វែរ​កំហុសអោយអ្នកដទៃ។​​ វាជាមូលហេតុនៃការស្លាប់យ៉ាងសម្បើមក្នុងសង្រ្គាម ការប្រព្រឹត្តដែលបន្សល់នូវវិប្បដិសារីពីការបើកបរទទឹងទិស និងការប្រព្រឹត្តរឿងរ៉ាវផ្ទាល់ខ្លួន (ក្នុងសង្គម គ្រួសារ និងការងារ) ដូចជា មិនមានសុភមង្គល និងភាពតឹងតែងក្នុងចិត្តជាច្រើន។" ផ្ទុយទៅវិញ ការទទួលយកទំនួលខុសត្រូវចំពោះ​ការសម្រេចចិត្ត ​ដែលល្អ​ឬមិនល្អនៅ​កន្លែងធ្វើការ ជាសញ្ញាមួយនៃភាពចាស់ទុំ និង ការទទួល​ខុសត្រូវចំពោះទង្វើរបស់ខ្លួនឯង។ ដូច្នេះ​ប្រសិនបើនិយោជិតដែលលោកអ្នករើសបានថ្មីបង្ហាញពីទម្លាប់​បង្វែរ​ការទទួលខុសត្រូវអោយអ្នកដទៃ នោះលោកអ្នក​គួរ​គិត​គូរ​ស្វែងរក​បេក្ខជន​ថ្មី។​

3. យើងអាចមើលឃើញនូវ​កង្វះឆន្ទៈ និង មហិច្ឆតា​របស់​ពួកគេ​ច្បាស់ដូចថ្ងៃ។

   និយោជិតឆ្នើមស្ទុះស្ទារកការងារ​ដែ​លមានអត្ថន័យ និង​ដែលសម្បូរបញ្ហាប្រឈម​។ ពួកគេក៏ចង់បានឱកាសបណ្តុះបណ្តាល​​​ និងការអភិវឌ្ឍន៍ ដើម្បី​ពង្រឹង​សមត្ថភាព​ខ្លួនផ្ទាល់ និងជំនាញ។ យើងងាយសម្គាល់ឥរិយាបថវិជ្ជមាន ការគោរពក្រមសីលធម៌ការងារជាប់លាប់ និង សមិទ្ធផលដែលគួរអោយកត់សម្គាល់ ផ្ទុយទៅវិញ យើងមិនងាយសម្គាល់កង្វះមហិច្ឆតា ការមិនគោរពក្រមសីលធម៌ការងារ និង សមិទ្ធផលតិចតួចនោះទេ។

   ប្រសិន​បើបេក្ខជនគ្រាន់តែចង់ចាប់យកតួនាទីដែលទំនេរ សូម​គិតថា​វាជាសញ្ញា​សង្ស័យ។ ប៉ុន្ដែ​ សញ្ញាសង្ស័យបែបនេះ លោកអ្នក​អាច​បំភ្លេច​ចោល​ប្រសិនបើលោកអ្នកកំពុង​តែស្វែងរក​មនុស្ស​មក​បំពេញ​តួនាទី​នោះ​យ៉ាង​លំបាក។ ខណៈពេលដែលលោកអ្នកមិនចង់បាននិយោជិត ដែលនឹងមិនបំពេញការងារបានពេញលេញ និយោជិតដែលអ្នកចង់បានគួរមានឆន្ទៈក្នុងការទទួលយកទំនួលខុសត្រូវការងារ និង បញ្ហាប្រឈមនានា។

   ប្រសិនបើពួកគេនៅមិនស្ងៀម នៅពេលសួរសំនួរពីគំនិតថ្មី នៅ​កន្លែងការងារ ឬបើពួកគេងាយនឹងឆ្លើយថា ៖" ខ្ញុំមិនអាច​ធ្វើ​ដូច្នេះ​​បានទេ " ឬ "វាទៅមិនរួចទេ​ ​"ដោយ​មិនបានពិចារណាវែងឆ្ងាយ នោះវា​លើស​ពីសញ្ញាសង្ស័យធម្មតា។ ជាពិសេស នៅ​ពេលលោកអ្នក​ចង់​ជួល​និយោជិត​ដែលចេះជំនះឧបសគ្គ និងរិះរកវិធីសាស្ត្រច្នៃប្រឌិតជុំវិញខ្លួនឯង។ ប្រសិនបើនរណា​ម្នាក់​បង្ហាញ"នូវអាកប្បកិរិយា" ងាយចុះចាញ់ ពួកគេ​ទាំងនេះ​អាច​នឹង​បង្កបញ្ហានាពេលខាងមុខ ហើយធ្វើឱ្យនិយោជិត​ឯទៀត​ធ្លាក់ចុះ​សមត្ថភាព​តាម​ពួកគេ។

ជាចុងបញ្ចប់ មុននឹងអ្នកសម្រេចជ្រើសរើស លោកអ្នកត្រូវដឹង​ថា លោកអ្នក​បាន​បំពេញ​​កិច្ចការ​ចាំបាច់ដើម្បីជៀសពីបញ្ហានានា តាម​ដែល​អាច​ធ្វើទៅ​បាន​។ ហើយប្រសិនបើលោកអ្នកនៅតែគិតថា សញ្ញាសង្ស័យមិនធ្វើ​អោយ​មាន​ផល​ប៉ះពាល់​នោះទេ សូមពិចារណា​នូវការ​ចំណាយលើការ​​បញ្ចប់​ការងារ​និយោជិត ការជ្រើសរើស ការសម្ភាសន៍ ការជួល ការតម្រង់ទិស ការបណ្តុះបណ្តាល ការបាត់បង់ផលិតភាពការងារ ការមិន​ពេញចិត្ត​របស់​អតិថិជន អត្រាលក់ថយចុះ ការចំណាយរដ្ឋបាល និង ផ្សេងៗទៀត...

អត្ថបទរបស់ប្លុកនេះបានឧបត្ថម្ភដោយអាជីវកម្ម Visa ហើយម្ចាស់ប្លុកបានទទួលសំណងពី Visa សម្រាប់ការចំណាយពេលវេលា ចែករំលែកទស្សនៈរបស់ពួកគេក្នុងការបិទផ្សាយនេះ។ ចំណាប់អារម្មណ៍ដែលបានបង្ហាញនៅទីនេះគឺជារបស់ម្ចាស់ប្លុកតែម្នាក់គត់ មិនមែនជារបស់ Visa ឡើយ។ ចូលទៅកាន់ http: //facebook.com/visasmallbiz ដើម្បីមើលទំព័រ Facebook ដែលកែប្រែឡើងវិញ ៖ ប្រភពធនធានដ៏ល្អដោយអាជីវកម្ម Visa។ ទំព័រនេះជាកន្លែងដែលម្ចាស់អាជីវកម្មខ្នាតតូចអាចចូលទៅមើលពីធនធានផ្នែកអប់រំ អានរឿងជោគជ័យរបស់ម្ចាស់អាជីវកម្មដ៏ទៃទៀត ភ្ជាប់ទំនាក់ទំនងជាមួយដៃគូ និងរកមើលនូវគន្លឹះដើម្បីជួយឱ្យអាជីវកម្មដំណើរការឲ្យកាន់តែមានប្រសិទ្ធភាព។ ជារៀងរាល់ខែ ទំព័រនឹងណែនាំពីគោលគំនិតថ្មីដែលនឹងផ្ដោតលើប្រធានបទសំខាន់ៗសម្រាប់ភាពជោគជ័យរបស់ម្ចាស់អាជីវកម្មខ្នាតតូច។ សម្រាប់គន្លឹះ ដំបូន្មាន និងព័ត៌មានបន្ថែមអំពីដំណោះស្រាយអាជីវកម្មខ្នាតតូច Visa សូម Follow ​@VisaSmallBiz​ និង​ចូល​មើល​http://visa.com/business។

ថ្ងៃទី 19 ខែសីហា ឆ្នាំ 2014 ពីទស្សនាវដ្តី YFS

របៀប​បង្កើន​ប្រាក់​ចំណូល និង​ទទួល​បាន​សេរីភាព​​មកវិញ​ដោយ​បញ្ចេញ​កិច្ចការរបស់ស្ថាប័នទៅខាងក្រៅគឺទៅឱ្យមនុស្សដែលស័ក្តិសម។

ការបិទផ្សាយរបស់ប្លុកនេះត្រូវបានសរសេរសម្រាប់អាជីវកម្ម Visa ជាផ្នែកមួយនៃមូលបទខែសីហាអំពី«ការជម្រុញទំនាក់ទំនងអាជីវកម្មខ្នាតតូច»។ ជារៀងរាល់ខែ អាជីវកម្ម Visa ផ្ដោតទៅលើប្រធានបទមួយ និងផ្ដល់ជូននូវគំនិតដែលអាចធ្វើបានសម្រាប់ការគ្រប់គ្រងអាជីវកម្ម និយោជិត អតិថិជនរបស់អ្នក និងខ្លួនអ្នកផ្ទាល់។ ចូលមើល​ទំព័រ ​​​Facebook ​​របស់​យើង ​ដែលជាប្រភពធនធានដ៏ល្អដោយអាជីវកម្ម Visa ដើម្បី​រក​ដំណោះស្រាយ​ដោយ​ប្រសិទ្ធភាព ព័ត៌មាន​ស៊ីជំរៅ និង​ធនធាន​ដែល​ជាទីទុកចិត្ត។

ម្ចាស់អាជីវកម្មជាច្រើនមានបុគ្គលិកលក្ខណៈប្រភេទ A ហើយខ្ញុំក៏ដូច្នេះដែរ។ យើ​ង​ចង់​គ្រប់​គ្រង​អ្វី​ៗទាំងអស់​គ្រប់ពេលវេលា។ រឹតតែអាក្រក់ជាងនេះ គឺយើងគិតថាគ្មាននរណាម្នាក់អាចធ្វើការបានល្អដូចយើងនោះទេ។ ជាអកុសល ការគិតបែបនេះ ធ្វើអោយលោកអ្នកមិនអាចរីកចម្រើន និង​ដាក់កម្រិត​មិនអោយចំណូលរបស់លោកអ្នកកើនឡើង។

ហេតុផលធំមួយចំនួនទៀត ដែលយើងមិនជួលគេធ្វើឱ្យ គឺយើងមិនមានលទ្ធភាពគ្រប់គ្រាន់។ ជាការពិត ប្រសិនបើលោកអ្នកចំណាយប្រាក់ជួលនរណាម្នាក់ចំនួន $15 (6ម៉ឺនរៀល) ទៅ $50 (20ម៉ឺនរៀល) ក្នុងមួយម៉ោង ហើយលោកអ្នក​មានពេលវេលារកចំណូលបានគុណនឹងពីរនៃប្រាក់ ដែលបាន​ចំណាយជួលគេ អត្រា​ចំណូល​របស់លោកអ្ន​ក​នឹង​កើនឡើង​ជាមិន​ខាន​។ នេះជារឿងពិតដែលកើតឡើងមកលើខ្ញុំ។ នៅពេលដែលខ្ញុំជួលគេធ្វើការងារកាន់តែច្រើន ខ្ញុំរកចំណូលបានកាន់តែច្រើន ព្រោះខ្ញុំមានពេលវេលាច្រើន​ដើម្បីផ្តោតទៅលើកិច្ចការ ដែលខ្ញុំអាចធ្វើបានល្អបំផុត។ ហើយ ប្រសិនបើលោកអ្នកពិតជាមិនមានលទ្ធភាពទេ ​ឱកាសនៅតែមាន​ដើម្បីស្វែង​រកសេវាកម្មផ្សេងៗទៀតជានិច្ច។

ការពិតនោះគឺថា លោកអ្នកមិនមែនជាវីរបុរសនោះទេ។ លោកអ្នកមិនអាចធ្វើវាបានទាំងអស់ទេ ហើយវានឹង​ដល់ចំនុច​មួយ​ដែលលោកអ្នកមិនទទួលបានចំណូលលើសកម្រិត​មួយ ព្រោះលោកអ្នក​បាន​ប្រឹង​ប្រែងអស់ពីលទ្ធភាពផ្ទាល់ខ្លួនហើយនោះ។ នៅពេលខ្ញុំប្តូរពីធ្វើការងារទាំងអស់​ដោយខ្លួនឯង ​​ទៅ​ជា​ជួល​​គេឱ្យ​ធ្វើ​ការងារ​ដែលខ្ញុំត្រូវការ អ្វីៗទាំងអស់បានផ្លាស់ប្តូរ។ ចំណូលរបស់ខ្ញុំមានអត្រាកើនឡើងថេរ ទៅតាម​បរិមាណ​ដែល​ខ្ញុំ​ជួល​​គេឱ្យ​ធ្វើការងារ ពីមួយឆ្នាំទៅមួយឆ្នាំ។

ការសំរេច​ចិត្ត​អំពីកិច្ចការអ្វី ដែលត្រូវអោយគេធ្វើជំនួស

អត្ថប្រយោជន៍ដ៏ធំមួយនៃការជួលសេវា​ពី​ខាង​ក្រៅ​ គឺលោកអ្នក​អាច​ប្រើ​ប្រាស់​ជំនាញរបស់មនុស្សជាច្រើន ដែលត្រូវការ​ដើម្បី​បំពេញ​កិច្ចការ​របស់លោកអ្នក។ ខ្ញុំធ្វើការជាមួយក្រុមអ្នកម៉ៅការដែលមានសមាជិក 14 នាក់។ អ្នកខ្លះធ្វើការជាមួយខ្ញុំជាប់លាប់ ហើយអ្នកខ្លះទៀតធ្វើតាមគម្រោង។ ខ្ញុំមានជំនួយការដោយប្រយោលជាច្រើន​ អ្នករចនាគេហទំព័រ អ្នកជំនាញព៌ត័មានវិទ្យា និងអ្នកជំនាញបច្ចេកវិទ្យាពីរនាក់ ដែលពួកគេ​អាចដោះស្រាយបញ្ហាគេហទំព័រ និងបង្កើតលេខកូដគេហទំព័រ នៅពេលចំបាច់។ ពីព្រោះខ្ញុំបោះពុម្ពផ្សាយសៀវភៅជាច្រើន ខ្ញុំធ្វើការជាមួយ​ក្រុមអ្នកកែសម្រួល ក្រុមអ្នករចនាសៀវភៅ និង អ្នក​ជំនាញ​ធ្វើលិបិក្រម​សៀវភៅ។ ខ្ញុំក៏ធ្វើការជាមួយ​​អ្នកសរសេរពាណិជ្ជកម្ម អ្នកស្រាវជ្រាវ និង អ្នកកាន់បញ្ជី។ ជាការពិត អ្នកកាន់បញ្ជីជាមនុស្សដំបូងដែលខ្ញុំជួល នៅពេល​ខ្ញុំក្លាយ​ជា​សហគ្រិន​កាលពី​ 11 ឆ្នាំមុន។ ខ្ញុំតែងតែមិនចូលចិត្តធ្វើការពាក់ព័ន្ធនឹងការគិតលេខ ហើយវាជាការល្អ ដែលមាននរណាម្នាក់ទៀតមកជួយធ្វើការងារនេះជំនួសខ្ញុំ។

ប្រសិនបើលោកអ្នកត្រូវការជំនួយក្នុងការសម្រេចចិត្តថាការងារណាសម្រាប់ជួលសេវា​ពី​ខាងក្រៅ​ សូមលោកអ្នកពិចារណាចំនុចខាងក្រោម ៖

• កិច្ចការ ដែលលោកអ្នកខ្លាចក្រែង ឬមិនពេញចិត្តធ្វើ (នេះជាការកាត់​បន្ថយ​សម្ពាធ​​ដ៏ល្អមួយ)
• កិច្ចការដែលអ្នកដទៃអាចធ្វើជំនួសលោកអ្នកបានយ៉ាងងាយស្រួល (ដូចជាការងាររដ្ឋបាលសាមញ្ញៗ)
• ការគ្រប់គ្រងមាតិការបស់គេហទំព័រ
• ការគ្រប់គ្រងកាលវិភាគ
• ការចេញវិក្កយបត្រ ការដឹកជញ្ជូន និងការទទួលទំនិញ
• សេវាអតិថិជនតាមរយៈទូរស័ព្ទ គេហទំព័រ​ ឬអ៊ីម៉ែល
• ការគ្រប់គ្រងប្រព័ន្ធផ្សព្វផ្សាយសង្គម
• កិច្ចការដែលលោកអ្នកគិតថា អ្នកផ្សេងទៀតមិនអាចធ្វើកើត!

ការពិតគឺថា ប្រ​សិនជាលោកអ្នកអាចធ្វើការងារនេះបាន អ្នកផ្សេងទៀតក៏អាចធ្វើការងារ​នេះបានដែរ។ ប្រសិនបើលោកអ្នកមិនអាចរកអ្នកមានជំនាញដែលចង់បានទេ លោកអ្នកចំបាច់ត្រូវចំណាយពេលវេលាបណ្តុះបណ្តាលបេក្ខជនដែល​ស័ក្តិសមម្នាក់ ហើយមិនចាំបាច់ខ្លាចបាត់បង់ការគ្រប់គ្រងការងារនោះទេ។

ការជ្រើសរើសបុគ្គលិក និងការគ្រប់គ្រងមនុស្សដែលស័ក្តិសមនឹងការងារ

ខ្ញុំដឹងថា លោកអ្នកត្រូវតែ​ច្បាស់លាស់អំពី​អ្វី ដែលត្រូវ​ការពី​និយោជិត​ដែលលោក​អ្នក​សម្រេច​ចិត្តជ្រើសរើសឱ្យធ្វើការ។ ខ្ញុំបានឆ្លងកាត់ជំនួយការប្រយោលរាប់មិនអស់នៅក្នុងឆ្នាំដំបូងនៃការប្រើសេវាខាងក្រៅ ព្រោះខ្ញុំបានព្យាយាមដាក់របស់មានរាងការ៉េឲ្យចូលក្នុងរន្ធមានរាងមូលជាច្រើនលើកច្រើនសារ។ ខ្ញុំត្រូវចាប់ផ្តើមកំណត់នូវតួនាទី និងការងារផ្សេងៗដែល​ពាក់​ពន្ធ័​ បន្ទាប់មក​ផ្គូផ្គង​ចំណុច​ទាំង​នោះ​ជា​មួយ​នឹងមនុស្ស ដែលមានជំនាញ​ស្រាប់។ ការដែលរកឃើញនូវចំណុចទាំងនោះគឺជាអ្នកផ្លាស់ប្តូរហ្គែម។

លោកអ្នកក៏មានតួនាទីសំខាន់ទៅលើ​ភាពជោគជ័យ​នៃ​បុគ្គល​ដែលបានជួលមកដែរ ព្រោះលោកអ្នកត្រូវតែជាអ្នកដឹកនាំ ហើយ​​មេ​​ដឹក​នាំដ៏ល្អម្នាក់ គឺផ្តល់សេចក្តីណែនាំ និងការរំពឹង​ទុក​ច្បាស់​​លាស់​។ យកល្អ លោកអ្នកគួរតែចងក្រងជាឯកសារនូវដំណើរការ​របស់លោក​អ្នក។ ខ្ញុំបានរក្សាឯកសារទាំងអស់ដែលក្តោបនូវអ្វីៗគ្រប់យ៉ាងរាប់​តាំងពីរបៀបនិយាយទូរស័ព្ធជាមួយអតិថិជន រហូតដល់​បញ្ជីដែល​ពន្យល់​​អំពីជំហានផ្សេងៗ ដែល​ពាក់ពន្ធ័​នឹង​មាតិកា​​​បង្ហោះចូលក្នុងគេហទំព័ររបស់ខ្ញុំ។ បញ្ជូនព័ត៌មាននេះបន្តទៅកាន់និយោជិតដែលជួលមកថ្មី នឹង​ធ្វើឱ្យជីវិតអ្នកទាំងពីរមានភាពងាយ​ស្រួល។

បន្ទាប់មក លោកអ្នកត្រូវពិនិត្យមើលលទ្ធផល និងកែ​សម្រួល​ទៅតាមហ្នឹង។ ខ្ញុំចូលចិត្តគ្រប់គ្រងមនុស្សទៅតាមវិធី ដែលខ្ញុំចង់អោយគេ​គ្រប់គ្រងខ្ញុំដូច្នោះដែរ។ នេះមានន័យថាខ្ញុំសរសើរ និងអរគុណពួកគេដែលធ្វើការបាន​ល្អ ខ្ញុំនឹងដោះស្រាយបញ្ហាឱ្យបានច្បាស់លាស់ និងយ៉ាង​ស្ងៀម​​ស្ងាត់ ហើយខ្ញុំមិនគ្រប់គ្រងពួកគេល្អិតល្អន់ពេកដែរ។ ប្រសិនបើការងាររបស់អ្នកម៉ៅការតម្រូវឱ្យមានការ​ត្រួតពិនិត្យពីខ្ញុំច្រើនពេកដើម្បីឲ្យច្បាស់ថាគេធ្វើការបានត្រឹម​ត្រូវ នោះជាសូចនាករយ៉ាងធំបញ្ជាក់ថា ម្នាក់នោះ​មិនត្រូវ​លក្ខណៈសម្បត្តិសម្រាប់ក្រុមការងារខ្ញុំទេ។ នៅក្នុងករណីនោះ វាជាការប្រសើរបំផុតដែលត្រូវបញ្ចប់​កុង​ត្រា ហើយជួលអ្នកផ្សេងទៀតមកធ្វើការ។

ត្រូវធ្វើឱ្យវាកើតឡើង (លោកអ្នកអាចអរគុណខ្ញុំនៅពេល​ក្រោយ!)

ចំណុចសំខាន់បំផុតគឺថា អាជីវកម្មរបស់ខ្ញុំនឹងមិន​មានវត្តមាន​ដូច​សព្វថ្ងៃនេះទេ ប្រសិនបើគ្មានក្រុមនិយោជិត​ដ៏អស្ចា​រ្យ ​ដែលចាំ​ជួយ​​ឱ្យកិច្ចការទាំងអស់អាចទៅរួច។ ការពិតទៅ ខ្ញុំបានឆ្លងកាត់ការបាត់បង់ដ៏ធំមួយ (ស្វាមី​របស់​ខ្ញុំបានបាត់បង់ជីវិតដោយគ្មានការព្រៀងទុក) ហើយ​ប្រ​សិន​បើគ្មានវត្ត​មាន​ក្រុមរបស់ខ្ញុំទេ ម្ល៉េះអាជីវកម្ម​របស់​ខ្ញុំ​​ដួលរលំ​បាត់ទៅ​ហើយ។ ជំនួយការរបស់ខ្ញុំបានមកទទួលការងារពីខ្ញុំ​ ដូច្នេះហើយទើបខ្ញុំអាចយកពេលសម្រាកលំហែដើម្បីព្យាបាលរបួស​ផ្លូវ​ចិត្ត។ ខ្ញុំមិនចង់ទាំងគិតថា តើខ្ញុំត្រូវគ្រប់គ្រងរបៀបណា​ប្រសិន​បើ​ពុំមានវត្តមានពួកគេនោះ។

ត្រូវចាំថា ភាគច្រើនយើងបានបោះជំហានចូលមក​ក្នុ​ង​ភាពជាសហគ្រិនដើម្បីស្វែងរកសេរីភាព និងសន្តិសុខ​ផ្នែ​ក​​ហិរញ្ញវត្ថុ​ ប៉ុន្តែបើលោកអ្នកត្រូវចងភ្ជាប់ទៅនឹងអាជីវកម្ម​ហា​ក់​ដូចជាអ្នកធ្វើការអោយគេធម្មតានោះ លោកអ្នកនឹងគ្មាន​សេរី​ភាព​​ទាល់​​​តែ​​សោះ​ ហើយចំណូលរបស់លោកអ្នកនឹងកើល ​នៅពេល​ណា​មួយ​មិន​ខាន។ ការជួលនិយោជិតមកជួយនឹងផ្តល់មកលោកអ្នកវិញនូវសេរីភាពដែលសមនឹងទទួល ហើយជួយលោកអ្នកឱ្យ​បង្កើនប្រាក់ចំ​ណូល​​ក្នុង​​ដំណើរ​ការ​នោះផងដែរ។

ដើម្បីស្វែងរកអ្នកម៉ៅការដែលមានបទពិសោធន៍ សូម​សាក​​សួរជុំវិញរកការណែនាំ ឬចូលមើល ៖ Elance.com, Odesk.com ឬ IVAA.org។

អត្ថបទរបស់ប្លុកនេះបានឧបត្ថម្ភដោយអាជីវកម្ម Visa ហើយម្ចាស់ប្លុកបានទទួលសំណងពី Visa សម្រាប់ការចំណាយពេលវេលា ចែករំលែកទស្សនៈរបស់ពួកគេក្នុងការបិទផ្សាយនេះ។ ចំណាប់អារម្មណ៍ដែលបានបង្ហាញនៅទីនេះគឺជារបស់ម្ចាស់ប្លុកតែម្នាក់គត់ មិនមែនជារបស់ Visa ឡើយ។ ចូលទៅកាន់http://facebook.com/visasmallbiz​ ដើម្បីមើលទំព័រ Facebook ដែលកែប្រែឡើងវិញ ៖ ប្រភពធនធានដ៏ល្អដោយអាជីវកម្ម Visa។ ទំព័រនេះជាកន្លែងដែលម្ចាស់អាជីវកម្មខ្នាតតូចអាចចូលទៅមើលពីធនធានផ្នែកអប់រំ អានរឿងជោគជ័យរបស់ម្ចាស់អាជីវកម្មដ៏ទៃទៀត ភ្ជាប់ទំនាក់ទំនងជាមួយដៃគូ និងរកមើលនូវគន្លឹះដើម្បីជួយឱ្យអាជីវកម្មដំណើរការឲ្យកាន់តែមានប្រសិទ្ធភាព។ ជារៀងរាល់ខែ ទំព័រនឹងណែនាំពីគោលគំនិតថ្មីដែលនឹងផ្ដោតលើប្រធានបទសំខាន់ៗសម្រាប់ភាពជោគជ័យរបស់ម្ចាស់អាជីវកម្មខ្នាតតូច។ សម្រាប់គន្លឹះ ដំបូន្មាន និងព័ត៌មានបន្ថែមអំពីដំណោះស្រាយអាជីវកម្មខ្នាតតូច Visa សូម Follow ​@VisaSmallBiz​ និង​ចូល​មើល​http://visa.com/business។

ពង្រឹង​ទំនាក់​ទំនង​តាមរយៈ​ការចែករំលែកការងារ

ការបិទផ្សាយរបស់ប្លុកនេះត្រូវបានសរសេរសម្រាប់អាជីវកម្ម Visa ជាផ្នែកមួយនៃមូលបទខែសីហាអំពី«ការជម្រុញទំនាក់ទំនងអាជីវកម្មខ្នាតតូច»។ ជារៀងរាល់ខែ អាជីវកម្ម Visa ផ្ដោតទៅលើប្រធានបទមួយ និងផ្ដល់ជូននូវគំនិតដែលអាចធ្វើបានសម្រាប់ការគ្រប់គ្រងអាជីវកម្ម និយោជិត អតិថិជនរបស់អ្នក និងខ្លួនអ្នកផ្ទាល់។ ចូលមើល​ទំព័រ ​​​Facebook ​​របស់​យើង ​ដែលជាប្រភពធនធានដ៏ល្អដោយអាជីវកម្ម Visa ដើម្បី​រក​ដំណោះស្រាយ​ដោយ​ប្រសិទ្ធភាព ព័ត៌មាន​ស៊ីជំរៅ និង​ធនធាន​ដែល​ជាទីទុកចិត្ត។

បង្កើត​បញ្ជី Twitter ដើម្បី​បង្កើត​ទំនាក់​ទំនង​ដែលក្លាយជា​ការ​លក់

ការបិទផ្សាយរបស់ប្លុកនេះត្រូវបានសរសេរសម្រាប់អាជីវកម្ម Visa ជាផ្នែកមួយនៃមូលបទខែសីហាអំពី«ការជម្រុញទំនាក់ទំនងអាជីវកម្មខ្នាតតូច»។ ជារៀងរាល់ខែ អាជីវកម្ម Visa ផ្ដោតទៅលើប្រធានបទមួយ និងផ្ដល់ជូននូវគំនិតដែលអាចធ្វើបានសម្រាប់ការគ្រប់គ្រងអាជីវកម្ម និយោជិត អតិថិជនរបស់អ្នក និងខ្លួនអ្នកផ្ទាល់។ ចូលមើល​ទំព័រ ​​​Facebook ​​របស់​យើង ​ដែលជាប្រភពធនធានដ៏ល្អដោយអាជីវកម្ម Visa ដើម្បី​រក​ដំណោះស្រាយ​ដោយ​ប្រសិទ្ធភាព ព័ត៌មាន​ស៊ីជំរៅ និង​ធនធាន​ដែល​ជាទីទុកចិត្ត។

ការកសាង និងការរក្សាទំនាក់ទំនងគឺជាគន្លឹះសំខាន់នៃ​យុទ្ធ​សាស្ត្រទទួលបានជោគជ័យនៃអាជីវកម្មខ្នាតតូច។ ជាការពិត ការបង្កើតទំនាក់ទំនងល្អអាចផ្តល់មកលោក​អ្នកនូវគុណសម្បត្តិក្នុងការប្រកួតប្រជែងផ្តាច់គេ។

សំណាងល្អ ការ​កសាង​ និងការរក្សាទំនាក់ទំនងជា​មួយ​អតិថិជនបច្ចុប្បន្ន ​និងអតិថិជនគោលដៅរបស់លោកអ្នក មិនត្រូវ​ការ​ចំណាយច្រើននោះទេ។ ឧទាហរណ៍ លោកអ្នកអាចប្រើបញ្ចីក្នុង Twitter​ ដើម្បី Follow ប្រភេទមាតិកា ឬនរណាម្នាក់ និងចូលរួមក្នុង​កិច្ច​សន្ទនាដែលពាក់ព័ន្ធ។

ខាងក្រោមនេះជាវិធីទាំងប្រាំយ៉ាង ដែលលោកអ្នកអាចចាប់ផ្តើម​ប្រើបញ្ជីក្នុង Twitter ដើម្បីកសាងទំនាក់ទំនង ដែលអាច​ក្លាយជាការលក់។

1. ភ្ជាប់​ទំនាក់ទំនងជាមួយ​អតិថិជន​គោលដៅ

   ដើម្បី​ចាប់​ផ្ដើម សូមបង្កើត​បញ្ជីអ្នក​ប្រើប្រាស់ Twitter ដែល​ត្រូវ​គ្នា​នឹង​ព័ត៌មាន​ផ្ទាល់​ខ្លួន​អតិថិជន​គោលដៅរបស់លោក​អ្នក។ លោកអ្នក​មិន​ចាំបាច់ Follow ​ពួកគេទេ ហើយ​ពួកគេ​ក៍​មិន​ចាំបាច់​ Follow លោក​អ្នក​ដែរ ដើម្បី​ Add ​ពួកគេទៅ​បញ្ជី Twitter សាធារណៈ ឬឯកជន។

   លោកអ្នក​អាច​តាមដានធ្វីត​ដែល​បោះ​ផ្សាយ​ដោយ​អ្នក​ប្រើប្រាស់​ក្នុង​បញ្ជី​នេះ ហើយ​ចូល​ទៅ​ក្នុងការ​សន្ទនា​តាម​ដែល​សមស្រប។ កុំលក់! ជំនួសមកវិញ ចូរព្យាយាម​បន្ថែម​ព័ត៌មាន​សំខាន់ទៅ​ក្នុងការ​សន្ទនា ហើយ​លោកអ្នកនឹង​ចាប់​ផ្ដើម​កសាង​ទំនាក់​ទំនង​ជា​មួយ​អតិថិជនគោលដៅ​ដែល​អាច​ប្រែក្លាយ​ទៅ​ការ​លក់នៅ​ពេល​ក្រោយ។

2. ធ្វើការ​សន្ទនា​ទៅវិញ​ទៅមក​ជា​មួយ​អតិថិជន​បច្ចុប្បន្ន។

   លោកអ្នក​ក៍​អាច​បង្កើត​បញ្ជី Twitter អតិថិជន​បច្ចុប្បន្ន​​ និងតាមដាន​សំណួរ​របស់​ពួកគេ ការ​ណែនាំ​អតិថិជន​បន្ត ។ល។

   ត្រូវ​ប្រាកដថា​ បានឆ្លើយទទួលនូវអ្វីដែល​អតិថិជន​បច្ចុប្បន្ន​បាននិយាយ​ជាវិជ្ជមានអំពីអាជីវកម្មរបស់លោកអ្នក! ទោះ​បី​ជាពួកគេ​មិន​បញ្ចូល​ឈ្មោះ​ Twitter​ របស់លោក​អ្នកក៏ដោយ លោកអ្នកនៅតែអាច​ឃើញ​ធ្វីតរបស់​ពួកគេ​ ប្រសិន​បើ​លោកអ្នកដាក់គេបញ្ចូលក្នុងបញ្ជី​ Twitter​ ​តូចមួយដែលងាយ​គ្រប់គ្រង ។

3. តាមដាន​ដៃគូប្រកួត​ប្រជែង

   កុំខ្លាច​ក្នុង​ការ​បង្កើតបញ្ជី Twitter ឯកជនដើម្បី​តាម​ដាន​ដៃគូ​ប្រកួត​ប្រជែង​របស់លោកអ្នក។ លោកអ្នកអាចនឹងឃើញ​ឱកាសគួរឱ្យសម្គាល់!

   ចូររក្សា​បញ្ជី Twitter ដែល​លោកអ្នក​ប្រើប្រាស់​សម្រាប់​តាមដាន​ជា​ឯកជន ហើយរក្សាបញ្ជី​ដែល​ប្រើ​​ដើម្បី​សម្គាល់អ្នកដទៃ​ជា​សាធារណៈ។

4. ស្ដាប់ និង​ទំនាក់ទំនងជា​មួយទស្សនិកជនជាច្រើន​​តាម​បែប​​ទី​ផ្សារ​ពី​មាត់​មួយ​ទៅ​មាត់​មួយ។

   ត្រូវ​ចាំថា បញ្ជី Twitter អាច​ប្រើប្រាស់​ដើម្បី​បង្កើត​ទំនាក់​ទំនង​ជា​មួយ​​មនុស្ស​ជាច្រើនប្រភេទ។ ឧទាហរណ៍ ទំនាក់ទំនងរបស់​លោកអ្នក​តាមរយៈបញ្ជី Twitter ដែលមាន​​សមាជិកសំខាន់​ៗមកពី​សហគមន៍​ក្នុង​តំបន់​ អ្នក​មាន​ឥទ្ធិពល​លើអតិថិជន​គោល​ដៅ​តាម​អ៊ីនធឺណិត ឬ​អ្នក​កាសែត​​ដែល​សរសេរ​អំពី​ប្រភេទ​នៃ​ផលិត​ផល ឬ​សេវាកម្ម​នៃ​អាជីវកម្ម​​របស់លោកអ្នកជាដើមអាចបង្កើតការធ្វើ​ទី​ផ្សារ​ពី​មាត់​មួយ​ទៅ​មាត់​មួយ ដែល​ប្រែកា្លយទៅជាការ​លក់។

5. ជាវ​ទៅកាន់​បញ្ជី​ដែល​បាន​បង្កើត​ដោយ​អ្នក​ប្រើប្រាស់ Twitter ផ្សេងៗ

   លោកអ្នក​អាច Follow ​បញ្ជី​សារធារណៈ ដែល​បាន​បង្កើត​ដោយ​​អ្នក​ប្រើប្រាស់​ Twitter ផ្សេងបាន​ ដោយគ្រាន់តែ​​ចូលទៅទំព័រ​​ព័ត៌មាន​ផ្ទាល់​ខ្លួន​របស់​ពួកគេ ហើយ​ជ្រើសរើសយក​បញ្ជី​ដែល​ពួកគេ​បាន​បង្កើត។ ពេល​ដែល​​រកឃើញ​បញ្ជី​ដែល​​ពេញ​ចិត្ត លោកអ្នក​មិន​ចាំ​បាច់​បង្កើតបញ្ជី​ថ្មីនោះ​ទេ។ គ្រាន់​តែ​ចុច​ប៊ូតុង​ជាវ លោកអ្នក​នឹង​អា​ច​តាមដាន​បញ្ជីនោះបាន។

   សូម​ចាំ​​ថា ពេល​ដែលលោក​អ្នក​ជាវ​ទៅ​បញ្ជីណាមួយ វា​បង្ហាញ​ឡើង​ជា​សារធារណៈលើ​ទំព័រព័ត៌មានផ្ទាល់​ខ្លួន Twitter របស់លោកអ្នក។ ប្រសិន​បើលោក​អ្នក​មិន​ចង់​ឱ្យគេដឹងពី​អ្វី​ដែលបាន​ជាវក្នុងបញ្ជី​ជាក់​លាក់​ណាមួយ លោកអ្នក​ត្រូវ​តែ​បង្កើតបញ្ជី​ផ្ទាល់​ខ្លួន​ហើយ​ដាក់​វា​ជា​ឯកជន។

   តើលោក​អ្នក​ប្រើ​បញ្ជី Twitter យ៉ាងដូចម្តេចដើម្បីកែប្រែ​ទំនាក់​ទំនង​ឱ្យ​ទៅ​ជា​ការ​លក់​សម្រាប់​អាជីវកម្មខ្នាតតូច? បញ្ចេញ​មតិ​ខាង​ក្រោម និង​ចែក​រំលែក​គន្លឹះ​របស់​លោកអ្នក។

អត្ថបទរបស់ប្លុកនេះបានឧបត្ថម្ភដោយអាជីវកម្ម Visa ហើយម្ចាស់ប្លុកបានទទួលសំណងពី Visa សម្រាប់ការចំណាយពេលវេលា ចែករំលែកទស្សនៈរបស់ពួកគេក្នុងការបិទផ្សាយនេះ។ ចំណាប់អារម្មណ៍ដែលបានបង្ហាញនៅទីនេះគឺជារបស់ម្ចាស់ប្លុកតែម្នាក់គត់ មិនមែនជារបស់ Visa ឡើយ។ ចូលទៅកាន់http://facebook.com/visasmallbiz​ ដើម្បីមើលទំព័រ Facebook ដែលកែប្រែឡើងវិញ ៖ ប្រភពធនធានដ៏ល្អដោយអាជីវកម្ម Visa។ ទំព័រនេះជាកន្លែងដែលម្ចាស់អាជីវកម្មខ្នាតតូចអាចចូលទៅមើលពីធនធានផ្នែកអប់រំ អានរឿងជោគជ័យរបស់ម្ចាស់អាជីវកម្មដ៏ទៃទៀត ភ្ជាប់ទំនាក់ទំនងជាមួយដៃគូ និងរកមើលនូវគន្លឹះដើម្បីជួយឱ្យអាជីវកម្មដំណើរការឲ្យកាន់តែមានប្រសិទ្ធភាព។ ជារៀងរាល់ខែ ទំព័រនឹងណែនាំពីគោលគំនិតថ្មីដែលនឹងផ្ដោតលើប្រធានបទសំខាន់ៗសម្រាប់ភាពជោគជ័យរបស់ម្ចាស់អាជីវកម្មខ្នាតតូច។ សម្រាប់គន្លឹះ ដំបូន្មាន និងព័ត៌មានបន្ថែមអំពីដំណោះស្រាយអាជីវកម្មខ្នាតតូច Visa សូម Follow ​@VisaSmallBiz​ និង​ចូល​មើល​http://visa.com/business។

ស្ថាបនិក​អាជីវកម្ម​ខ្នាតតូច​ទាំង​អស់​ត្រូវ​ការ​ទីប្រឹក្សា

ការបិទផ្សាយរបស់ប្លុកនេះត្រូវបានសរសេរសម្រាប់អាជីវកម្ម Visa ជាផ្នែកមួយនៃមូលបទខែសីហាអំពី«ការជម្រុញទំនាក់ទំនងអាជីវកម្មខ្នាតតូច»។ ជារៀងរាល់ខែ អាជីវកម្ម Visa ផ្ដោតទៅលើប្រធានបទមួយ និងផ្ដល់ជូននូវគំនិតដែលអាចធ្វើបានសម្រាប់ការគ្រប់គ្រងអាជីវកម្ម និយោជិត អតិថិជនរបស់អ្នក និងខ្លួនអ្នកផ្ទាល់។ ចូលមើល​ទំព័រ ​​​Facebook ​​របស់​យើង ​ដែលជាប្រភពធនធានដ៏ល្អដោយអាជីវកម្ម Visa ដើម្បី​រក​ដំណោះស្រាយ​ដោយ​ប្រសិទ្ធភាព ព័ត៌មាន​ស៊ីជំរៅ និង​ធនធាន​ដែល​ជាទីទុកចិត្ត។