ដោះស្រាយជម្លោះបានយ៉ាងឆាប់រហ័ស
សិក្សាជាមូលដ្ឋានអំពីរបៀបដោះស្រាយការគិតថ្លៃពីអ្នកជំនួញវិញ។
ការគិតថ្លៃពីអ្នកជំនួញវិញ សំដៅលើដំណើរការតម្លៃប្រាក់ដុល្លារត្រឡប់ (ទាំងមូល ឬដោយផ្នែក) នៃ ប្រតិបត្តិការ ហើយដំណើរការនេះធ្វើឡើងដោយអ្នកចេញប័ណ្ណទៅកាន់អ្នកទិញ និងជាទូទៅ ដោយ ធនាគាររបស់អ្នកជំនួញទៅកាន់អ្នកជំនួញ។ ការគិតថ្លៃពីអ្នកជំនួញវិញអាចត្រូវចំណាយច្រើន ដោយអ្នកជំនួញអាចខាតបង់ទឹកប្រាក់ពីប្រតិបត្តិការ ក៏ដូចជាទំនិញដែលពាក់ព័ន្ធ និងអាចត្រូវខាតបង់ថ្លៃចំណាយផ្ទៃក្នុងផ្សេងទៀតដែរ។
រៀបរាប់ពីគោលនយោបាយរបស់លោកអ្នកឱ្យបានច្បាស់នៅពេលធ្វើ ប្រតិបត្តិការ។ គោលនយោបាយគួរតែ មានបោះពុម្ពភ្ជាប់ជាមួយវិក្កយបត្រលក់ ឬត្រូវប្រាកដថា ព័ត៌មាន អំពីគោលនយោបាយមាននៅលើវិក្កយបត្រនៅក្បែរបន្ទាត់ហត្ថលេខារបស់អតិថិជន មុននឹងអតិថិជនចុះហត្ថលេខា។ សូមប្រាកដថា គោលនយោបាយគឺអាចអានបាននៅលើ វិក្កយបត្រលក់ទាំងអស់។ ការមិនបង្ហាញគោលនយោបាយនៅពេលធ្វើប្រតិបត្តិការអាចជា គុណវិបត្តិមួយ ប្រសិនបើអតិថិជនចង់ប្រគល់ទំនិញត្រឡប់មកវិញ។
ដាក់ វិក្កយបត្រលក់ និងវិក្កយបត្រឥណទានរបស់លោកអ្នកក្នុងពេលមួយថ្ងៃ ទៅប្រាំថ្ងៃនៃថ្ងៃធ្វើប្រតិបត្តិការ—កុំទុកវាជាដាច់ខាត។ ការខកខាន ដាក់បង្កាន់ដៃឱ្យទាន់ពេលវេលាអាចបណ្តាលឱ្យមានការគិតថ្លៃពីអ្នកជំនួញវិញដោយករណី «បង្ហាញឯកសាររាយការណ៍យឺត»។
វិក្កយបត្រលក់ដែលកត់ត្រាមិនត្រឹមត្រូវនឹងចាត់ទុកជាមោឃៈ ហើយប្រតិបត្តិការនោះនឹងដំណើរការបាន តែម្តងប៉ុណ្ណោះ។ ការវាយបញ្ចូលប្រតិបត្តិការដូចគ្នា ទៅក្នុងស្ថានីយលើសពីម្តង ឬ ការដាក់ទាំងច្បាប់ចម្លងវិក្កយបត្រអ្នកជំនួញ និងធនាគារជាមួយ អ្នកទិញ ឬការដាក់ប្រតិបត្តិការដូចគ្នាទៅកាន់ធនាគាររបស់អ្នកជំនួញលើសពីមួយ អាចបណ្តាលឱ្យមានការគិតថ្លៃពីអ្នកជំនួញវិញដោយករណី «ការធ្វើប្រតិបត្តិការស្ទួន»។
ប្រសិនបើការដឹកជញ្ជូនទំនិញរបស់ម្ចាស់ប័ណ្ណនឹងត្រូវ ពន្យារពេល ត្រូវជូនដំណឹងដល់ម្ចាស់ប័ណ្ណជាមុន អំពីថ្ងៃដឹកជញ្ជូនថ្មី ឬសេវាកម្មថ្មី ។
កុំដាក់ប្រតិបត្តិការទៅធនាគារ ដរាបណាលោកអ្នកបានចាប់ផ្តើមដឹកជញ្ជូនទំនិញដែលពាក់ព័ន្ធ។ ប្រសិនបើអតិថិជនឃើញប្រតិបត្តិការ នៅលើរបាយការណ៍ Visa ប្រចាំខែរបស់ពួកគេ មុនពេលទទួលបានទំនិញ អ្នកជំនួញអាចខាតបង់ពីការគិតថ្លៃដែលអាចបង្ការបាន។