របៀបទទួលយកការទូទាត់តាម mVisa

• លោកអ្នកអាចទទួលយកការទូទាត់តាម mVisa ដោយមិនចំណាយពេលវេលាច្រើន ឬថវិការអ្វីឡើយក្នុងការដំឡើងកម្មវិធី។

• ទោះបីអតិថិជនមិនមានកាបូបលុយ ឬប្រាក់ជាប់នឹងខ្លួនក៏ដោយ​ ក៏ពួកគេអាចទូទាត់ប្រាក់មកលោកអ្នកតាម​ mVisa បានដែរ​។

• វានាំមកនូវភាពងាយស្រួល​ និងរហ័សក្នុងការទូទាត់ប្រាក់សម្រាប់លោកអ្នក និងអតិថិជនរបស់លោកអ្នក។

• mVisa កាត់បន្ថយការធ្វើដំណើរទៅធនាគារដើម្បីដាក់ប្រាក់។​​ ការទូទាត់តាម​ mVisa នឹងផ្ទេរចូលទៅកាន់គណនីធនាគាររបស់លោកអ្នកដោយផ្ទាល់។

• លោកអ្នកនឹងមិនបារម្ភពីបញ្ហាចោរលួច ឬបាត់ប្រាក់ទៀតទេ។

• mVisa​ អនុញ្ញាតអោយលោកអ្នកចូលមើលពីប្រវត្តិនៃការលក់​​ និងប្រតិបត្តិការរបស់លោកអ្នកក្នុងពេលវេលាជាក់ស្តែង។

ដើម្បីឱ្យអាជីវកម្មអាចទទួលយកការទូទាត់តាម mVisa បានលោកអ្នកត្រូវការទូរស័ព្ទឆ្លាតវៃដែលភ្ជាប់អ៊ីនធឺណិត (2G, 3G ឬ 4G)​ ដោយមានតំឡើងកម្មវិធីរបស់អ្នកជំនួញ ដែលអាចប្រើmVisaបាន ។ ដើម្បីចុះឈ្មោះប្រើ mVisa

សូមទាក់ទងធនាគារចេញម៉ាស៊ីនឆូតប័ណ្ណរបស់លោកអ្នក។​

លោកអ្នកនឹងទទួលបានអត្តសញ្ញាណសម្គាល់ (ID) អ្នកជំនួញ mVisa ដែលលោកអ្នកអាចដាក់បង្ហាញនៅជិតបញ្ជរគិតប្រាក់ ក្នុងទម្រង់ជាកូដ QR ឬកូដជាលេខ។ លោកអ្នកក៏ត្រូវទាញយកកម្មវិធីទូរស័ព្ទ mVisa សម្រាប់អ្នកជំនួញទៅក្នុងទូរស័ព្ទឆ្លាតវៃដែរ។

លោកអ្នកក៏អាចបង្កើតកូដ QR​ តាមរយៈកម្មវិធីទូរស័ព្ទ mVisa អ្នកជំនួញ​​ សម្រាប់រាល់ប្រតិបត្តិការនីមួយៗក៏បាន។​ លេខកូដ QR សម្រាប់ប្រតិបត្តិការជាក់លាក់បែបនេះមានបញ្ចូលចំនួនទឹកប្រាក់​ ដែលត្រូវទូទាត់នៅក្នុងនោះ។​ នៅពេលដែលអតិថិជនស្កេនលេខកូដ​ QR នេះ​ ចំនួនទឹកប្រាក់ដែលត្រូវទូទាត់នឹងបង្ហាញដោយស្វ័យប្រវត្តិ។

កូដ mVisa QR គឺជាទំរង់នៃបារកូដ​ដែលមានអត្តសញ្ញាណអ្នកលក់តែមួយគត់របស់លោកអ្នក បង្កប់យ៉ាងមានសុវត្ថិភាពនៅក្នុងនោះ (លេខសម្គាល់អ្នកជំនួញ លេខគណនី) ។ អតិថិជនរបស់លោកអ្នកគ្រាន់តែស្កេនកូដ QR នេះជាមួយម៉ាស៊ីនស្កេន​ ដែលមាននៅក្នុងកម្មវិធី mVisa ដើម្បីអាចចាប់ផ្ដើមដំណើរការបង់ប្រាក់។

នៅពេលចុះឈ្មោះសម្រាប់mVisa លោកអ្នកនឹងទទួលបាននូវពត៌មានលម្អិតអំពីគណនី​ដើម្បីចុះឈ្មោះចូលទៅកម្មវិធីទូរស័ព្ទ mVisa អ្នកជំនួញ។ ផ្លាកព័ត៌មានអំពីអ្នកជំនួញ និងលេខកូដ QR នឹងត្រូវបានផ្ញើទៅជូនលោកអ្នក​ ដើម្បីដាក់បង្ហាញនៅក្នុងហាង​ និងនៅបញ្ជរគិតប្រាក់។ អតិថិជននឹងអាចស្កេនលេខកូដ QR នេះ ដើម្បីធ្វើការទូទាត់។

សម្រាប់ការទទួលយកការទូទាត់តាម mVisa ចំពោះការដឹកជញ្ជូនតាមផ្ទះ លោកអ្នកអាចបោះពុម្ពលេខកូដ​ QR លើវិក្កយបត្រ ឬនិយោជិតរបស់លោកអ្នកអាចកាន់កូដ QR នៅលើនាមប័ណ្ណ។ នៅពេលដែលអតិថិជនបង់ប្រាក់តាម mVisa លោកអ្នកនឹងទទួលបានការជូនដំណឹងពីការបង់ប្រាក់ទៅកាន់ទូរស័ព្ទរបស់លោកអ្នក។​លោកអ្នកអាចបញ្ចូនសារនេះបន្តទៅនិយោជិត​ដើម្បីអោយគេចែកចាយទំនិញ និងសេវាកម្មបាន។

សម្រាប់ការទូទាត់តាមរយៈកូដ QR «ឋិតិវន្ត»​ ៖

• ភាគច្រើនអតិថិជននឹងជ្រើសរើសការស្កេនកូដ QR «ឋិតិវន្ត»​​ ដែលដាក់បញ្ចូលជាមួយលេខសម្គាល់ mVisa អ្នកជំនួញ​ និងមានតាំងបង្ហាញនៅលើបញ្ជរគិតប្រាក់របស់លោកអ្នក។

• ពួកគេនឹងបញ្ចូលចំនួនទឹកប្រាក់ ដែលត្រូវទូទាត់ និងផ្ទៀងផ្ទាត់ភាពត្រឹមត្រូវជាមួយ mPIN របស់ពួកគេ ហើយបញ្ជាក់ការទូទាត់។

សម្រាប់ការទូទាត់តាមរយៈកូដ QR «ថាមវន្ត» ៖

• អតិថិជនក៏អាចស្កេនកូដ QR «ថាមវន្ត» ដែលបានបង្កើតឡើងជាពិសេស ដោយអ្នកជំនួញ និងបានដាក់បង្ហាញដល់អតិថិជននៅលើកម្មវិធីទូរស័ព្ទរបស់អ្នកជំនួញ អេក្រង់កុំព្យូទ័រ ឬបានបោះពុម្ពនៅលើវិក្កយបត្រ។

• កូដ QR «ថាមវន្ត» នឹងបញ្ចូលចំនួនទឹកប្រាក់ដែលត្រូវទូទាត់​ ដែលនឹងមានបង្ហាញដោយស្វ័យប្រវត្តិនៅពេលដែលកូដ QR នេះត្រូវបានស្កេន។

រាល់ការទូទាត់ដែលបានធ្វើតាម mVisa គឺត្រូវបានធានាសុវត្ថិភាពជាឌីជីថល។ ដើម្បីសុវត្ថិភាពបន្ថែមទៀត រាល់ប្រតិបតិ្តការ mVisa តម្រូវឱ្យមានការផ្ទៀងផ្ទាត់ និងការយល់ព្រមពីអតិថិជនរបស់លោកអ្នកមុននឹងអាចមានប្រតិបត្តិការបាន។ ប្រសិនបើគ្មានការផ្ទៀងផ្ទាត់ភាពត្រឹមត្រូវនេះទេ វាមិនអាចដំណើរការបង់ប្រាក់បានឡើយ។

ប្រសិនបើលោកអ្នកបាត់ទូរស័ព្ទដៃ សូមទាក់ទងធនាគារចេញម៉ាស៊ីនឆូតប័ណ្ណរបស់លោកអ្នកជាបន្ទាន់។

វាស្រដៀងនឹងប្រតិបត្តិការតាមប័ណ្ណឥណទាន និងឥណពន្ធដែរ។ លោកអ្នកអាចបញ្ជាការបង្វិលសងប្រាក់ចំពោះការទិញណាមួយ ជាមួយធនាគារចេញម៉ាស៊ីនឆូតប័ណ្ណរបស់លោកអ្នក។