ប្រព័ន្ធផែនការធនធានសហគ្រាស (ERP) នៃសាជីវកម្មឈានមុខគេក្នុងតំបន់អាចព្យាករណ៍ និងវិភាគលំហូរសាច់ប្រាក់ភ្លាមៗដោយខ្លួនឯងបានត្រឹមតែ 65% ប៉ុណ្ណោះ ក្រៅពីនោះគឺតម្រូវឲ្យមានអន្តរាគមន៍ដោយដៃ ព្រោះមានការទាមទារឱ្យដាក់បញ្ចូលចំណាយមកពីប្រព័ន្ធជាច្រើន។ ដូច្នេះហើយ 92% នៃសាជីវកម្មឈានមុខគេក្នុងតំបន់មិនអាចទទួលបានរបាយការណ៍វិភាគ ដែលអាចផ្តល់ព័ត៌មានអំពីសាច់ប្រាក់នៅពេលវេលាជាក់ស្តែងភ្លាមៗទេ*។ (*1 ការស្រាវជ្រាវអំពី«សន្ទស្សន៍លំហូរសាច់ប្រាក់ឆ្នាំ 2014» របស់ Visa ធ្វើឡើងនៅខែ សីហា-កញ្ញា ដោយមានការចូលរួមពី CFOs / ហិរញ្ញិក មកពីសាជីវកម្មឈានមុខចំនួន 811 ក្នុងប្រទេសចំនួន 10 ដើម្បីបង្កើនការយល់ដឹងបន្ថែមអំពីបញ្ហាប្រឈមដែលស្ថាប័នអាចជួបប្រទះ ក្នុងការគ្រប់គ្រងលំហូរសាច់ប្រាក់ ការធានាពីភាពអាចមើលឃើញសាច់ប្រាក់ ព្រមទាំងការព្យាករណ៍។ ការស្រាវជ្រាវត្រូវបានធ្វើឡើងដោយសហគ្រាសឯករាជ្យដែលជំនាញខាងស្រាវជ្រាវទីផ្សារធនាគារ និងវិភាគ ហៅថា East & Partner។ ទិន្នន័យក្នុងតំបន់បង្ហាញពីរបកគំហើញនៅក្នុងប្រទេសអូស្រ្តាលី ហុងកុង ឥណ្ឌា ជប៉ុន ម៉ាឡេស៊ី និងសិង្ហបុរី។)
ប្រព័ន្ធគ្រប់គ្រងចំណាយជួយឲ្យអាជីវកម្មងាយមើលឃើញសាច់ប្រាក់ បង្កើត និងជម្រុញការត្រួតពិនិត្យ ដើម្បីគ្រប់គ្រងចំណាយរបស់អាជីវកម្ម។ វាជួយឲ្យអាជីវកម្មសម្រេចគោលដៅ ដូចជា កាត់បន្ថយចំណាយដែលពាក់ព័ន្ធនឹងអាជីវកម្ម រួមមាន ចំណាយលើទំនិញ និងសេវាដោយផ្ទាល់ ឬដោយប្រយោល សម្ហារៈការិយាល័យ និងចំណាយផ្សេងៗ ដែលមិនចាត់ចូលជាផលិតផលដែលផលិតដោយក្រុមហ៊ុន។ ដំណើរការនេះរួមបញ្ចូលការគ្រប់គ្រងចំណាយរបស់សហគ្រាស និងលទ្ធកម្ម ការគ្រប់គ្រងអនុលោមភាព និងការវិភាគលើការចំណាយ។
