Visa ស្របច្បាប់

© 1996-2023 Visa។ រក្សាសិទ្ធិគ្រប់យ៉ាង។

Visa អាចកែប្រែវិន័យទាំងនេះគ្រប់ពេលវេលា​តាមរយៈការធ្វើបច្ចុប្បន្នភាពលើការបិទផ្សាយនេះ។ លោកអ្នកត្រូវប្រកាន់ខ្ជាប់តាមការកែប្រែទាំងនេះ ដូច្នេះសូមឧស្សាហ៍ចូលមើលទំព័រនេះ ដើម្បីស្វែងយល់ពីវិន័យបច្ចុប្បន្ន។

សមាគមន៍សេវាកម្មអន្តរជាតិ Visa គ្រប់គ្រង www.Visa.com និងគេហទំព័រ​ពាក់ព័ន្ធសម្រាប់ព័ត៌មានផ្ទាល់ខ្លួន ការកម្សាន្ត និង​ភាពសប្បាយរីករាយរបស់លោកអ្នក។ សូមចូលមើល ទាញយក និងប្រើប្រាស់ទំព័រ Visa ដោយសេរី។ នៅពេលជាមួយគ្នានេះ សូមចំណាំថា លទ្ធភាពចូលទៅកាន់ Visa Site របស់លោកអ្នកស្ថិតក្រោមវិន័យ រួមទាំងច្បាប់ដែលត្រូវអនុវត្តខាងក្រោមផងដែរ។ តាមរយៈការចូលទៅកាន់ និងប្រើប្រាស់ Visa Site លោកអ្នកទទួលយក និងយល់ព្រមតាមវិន័យដោយគ្មានដែនកំណត់ ឬ​តម្រូវការអ្វីឡើយ ហើយទទួលស្គាល់ថា កិច្ចព្រមព្រៀងផ្សេងៗ​ដែលលោកអ្នកមានជាមួយនឹង Visa ត្រូវបានប្តូរតាមវិន័យនេះ​ នៅពេលមានជម្លោះកើតឡើង។ ប្រសិនបើលោកអ្នកមិនយល់ព្រមនឹងវិន័យទាំងនេះទេ សូមកុំប្រើ ​Visa​ Site។

បន្ថែមលើនេះទៀត សូមកត់សម្គាល់ថា គេហទំព័រ Visa U.S.A. មានគោលនយោបាយអំពីឯកជនភាព ដែលអនុវត្តជាក់លាក់សម្រាប់ប្រទេសនោះ។ នៅពេលចូលមើលគេហទំព័រសម្រាប់ប្រទេស ឬតំបន់ផ្សេង ឬគេហទំព័រដែលជាកម្មសិទ្ធិ ឬប្រតិបត្តិការដោយ Visa U.S.A. លោកអ្នកគួរតែអានគោលនយោបាយឯកជនភាពសម្រាប់គេហទំព័រជាក់លាក់នីមួយៗ ដោយទំព័រនីមួយៗអាចមានលក្ខខណ្ឌផ្សេងៗគ្នា។

លទ្ធភាពចូលមើល និងប្រើប្រាស់ Visa Site ស្ថិតក្រោមច្បាប់ និងបទបញ្ញតិ្តអន្តរជាតិ ប្រចាំសហព័ន្ធ ប្រចាំរដ្ឋ និងក្នុងមូលដ្ឋានដែលត្រូវអនុវត្តទាំងអស់។ ប្រសិនបើមិនបង្ហាញដោយពិស្តារទេ លោកអ្នកអាចទាញយក​ឯកសារនានា ដែលបង្ហាញនៅលើ Visa Site សម្រាប់​ការប្រើប្រាស់ផ្ទាល់ខ្លួនតែប៉ុណ្ណោះ មិនមែនសម្រាប់ជំនួញឡើយ។ លោកអ្នកមិនអាចចែកចាយ កែប្រែ ចម្លង បោះពុម្ព បញ្ជូន បង្ហាញ លក់ ផ្តល់អាជ្ញាប័ណ្ណ ប្រើប្រាស់ ប្រើប្រាស់ឡើងវិញ ឬ​បង្កើតអត្ថបទថ្មីដោយដកស្រង់ខ្លឹមសារ ឬឯកសារដែល​បង្ហាញ​នៅលើ Visa Site សម្រាប់គោលបំណងទូទៅ ឬគោលបំណង​ជំនួញ ដោយគ្មាន​ការយល់ព្រម​ជា​លាយលក្ខណ៍អក្សរដោយ Visa ឬ Visa ភាគីទីបីណាមួយដែលចាំបាច់នោះទេ។ លោកអ្នកត្រូវតែរក្សានូវសិទ្ធិ និងការជូនដំណឹងកម្មសិទ្ធិនានាចំពោះឯកសារដែលបានទាញយក និង/ឬឯកសារថតចម្លង។ រាល់ច្បាប់ចម្លងនៃឯកសារណាមួយពី Visa Site ដែលលោកអ្នកធ្វើ និងចែកចាយក្នុងគោលបំណងណាមួយ ត្រូវតែរួមបញ្ចូលវិន័យ​ទាំងនេះ។ លោកអ្នកមិនគួរចូលទៅកាន់ ឬប្រើប្រាស់ Visa Site ក្នុងរបៀបណាមួយ​ដែលអាច ឬមានបំណងបង្ក​ការខូចខាត​​ Visa Site ឬម៉ាស៊ីនមេ ឬបណ្តាញក្រោម Visa Site ឬជ្រៀតជ្រែក​ដល់ការប្រើប្រាស់របស់នរណាម្នាក់ និង​ភាពរីករាយរបស់ Site ឡើយ។

លោកអ្នកគួរតែសន្និដ្ឋានថា អ្វីៗគ្រប់យ៉ាងនៅលើ Visa Site ត្រូវបានរក្សាសិទ្ធិថតចម្លង ឬលើកលែងតែបានកត់ចំណាំ ហើយមិនត្រូវប្រើឡើយ លើកលែងតែដូចមានចែង​នៅក្នុង​វិន័យ ឬមាន​ការយល់ព្រម​ជាលាយលក្ខណ៍អក្សរ​ពី Visa ឬ Visa ភាគីទីបីដែលគិតថាចាំបាច់។ ប៉ាតង់មួយ ឬច្រើនអនុវត្តចំពោះតំបន់បណ្តាញ លក្ខណៈពិសេស និងសេវាកម្មនានាដែល​អាចរកឃើញបាននៅលើគេហទំព័រ ដោយគ្មាន​ដែនកំណត់៖ ប៉ាតង់សហរដ្ឋអាមេរិក លេខ 6,091,956 និងភាគី​បរទេស​ដែលឆ្លើយតបទាំងអស់។ Visa មិនធានា ឬតំណាងថា ការប្រើប្រាស់ឯកសារ​ដែលបង្ហាញនៅលើ Visa Site នឹងមិនបំពាន​សិទ្ធិភាគីទីបីឡើយ។ ផលិតផល សេវាកម្ម កម្មវិធី ឬបច្ចេកវិទ្យាណាមួយ​ដែលបង្ហាញនៅលើ Visa Site អាចស្ថិតក្រោម​​ទ្រព្យសម្បត្តិ​កម្មសិទ្ធិបញ្ញា (ដោយរួមបញ្ចូល ប៉ុន្តែ​មិនមានដែនកំណត់​ចំពោះសិទ្ធិថតចម្លង ពាណិជ្ជសញ្ញា ឬសិទ្ធិប៉ាតង់) ដែលជាកម្មសិទ្ធិរបស់ Visa។ សិទ្ធិប្រភេទណាក៏ដោយ​ដែលមិនមានបង្ហាញអាជ្ញាប័ណ្ណនៅទីនេះគឺរក្សាសិទ្ធិ​ដោយ Visa។

រូបភាពរបស់មនុស្ស ឬកន្លែងដែលបានបង្ហាញលើ Visa Site គឺជា​ទ្រព្យសម្បត្តិ ឬមានការអនុញ្ញាតឲ្យប្រើប្រាស់ដោយ Visa។ យើងសូមហាមលោកអ្នក ឬភាគីទីបីចំពោះការប្រើប្រាស់រូបភាពទាំងនេះ លុះត្រាតែមានការអនុញ្ញាតនៅក្នុងវិន័យ ឬកន្លែងផ្សេងទៀតនៃ Visa Site។ ​ការប្រើប្រាស់ដែលមិនបានអនុញ្ញាត​ទៅលើរូបភាពណាមួយដែលអាចរំលោភបំពាន​ទៅលើសិទ្ធិថតចម្លង ច្បាប់ពាណិជ្ជសញ្ញា ច្បាប់នៃ​ឯកជនភាព និងសាធារណៈ បទបញ្ញតិ្ត និ​ង​លក្ខន្តិកៈ​។

ផលិតផល សេវាកម្ម កម្មវិធី ឬបច្ចេកវិទ្យាណាមួយ ដែលបាន​ពិពណ៌នានៅក្នុងឯកសារ ដែលបោះពុម្ពផ្សាយដោយ Visa នៅលើ Visa Site អាចស្ថិតក្រោម​ទ្រព្យសម្បត្តិ​កម្មសិទ្ធិបញ្ញាផ្សេង​របស់ Visa។ សិទ្ធិប្រភេទណាក៏ដោយ​ដែលមិនមានបង្ហាញអាជ្ញាប័ណ្ណនៅទីនេះគឺរក្សាសិទ្ធិ​ដោយ Visa។

ពាណិជ្ជសញ្ញា និងសិទ្ធិថតចម្លងមិនសន្មត់ថាជារបស់ Visa គឺជា​​ទ្រព្យសម្បត្តិ​របស់ម្ចាស់រៀងៗខ្លួនរបស់ពួកគេ។

ពាណិជ្ជសញ្ញា ឡូហ្គោ និងសញ្ញាសេវាកម្ម ទោះបីជាបាន​ចុះបញ្ជី ឬមិនបានចុះបញ្ជីក៏ដោយ (ដែលជារួមហៅថា "​ពាណិជ្ជសញ្ញា​") បង្ហាញនៅលើ Visa Site គឺជាពាណិជ្ជសញ្ញារបស់ Visa និងផ្សេងៗទៀត។ Three Bands Design និង It's Everywhere You Want To គឺជាពាណិជ្ជសញ្ញាដែល Visa បានចុះបញ្ជីនៅសហរដ្ឋអាមេរិក និងប្រទេសផ្សេងទៀត (ការបង្ហាញពាណិជ្ជសញ្ញានៅលើ Visa Site បង្ហាញពី​ការចុះបញ្ជី​កម្រិតរដ្ឋសហព័ន្ធនៅសហរដ្ឋអាមេរិក)។ គ្មានអ្វីនៅលើ Visa Site ដែលត្រូវបានសន្មតថា​ផ្តល់ដោយការបង្កប់ន័យ ការមិនទទួលបណ្តឹង ឬបើមិន​ដូច្នោះទេ អាជ្ញាប័ណ្ណ ឬសិទ្ធិប្រើពាណិជ្ជសញ្ញាណាមួយ ដែល​បង្ហាញនៅលើ Visa Site ដោយគ្មានការអនុញ្ញាតជា​លាយលក្ខណ៍អក្សរពី Visa ឬភាគីទីបីណា ដែលអាចមានកម្មសិទ្ធិលើពាណិជ្ជសញ្ញានោះទេ។ យើងហាមឃាត់ចំពោះ​ការប្រើប្រាស់ខុស​នៃពាណិជ្ជសញ្ញា ឬខ្លឹមសារ​ផ្សេងៗដែលបង្ហាញនៅលើ Visa Site ដោយមិនត្រឹមត្រូវ​។ Visa អនុវត្តយ៉ាងខ្លាំងក្លានូវសិទ្ធិ​ទ្រព្យសម្បត្តិ​កម្មសិទ្ធិបញ្ញារបស់ខ្លួន រួមទាំងតាមរយៈនីតិវិធីស៊ីវិល និងឧក្រិដ្ឋកម្ម។

ក្រៅពីព័ត៌មានផ្ទាល់ខ្លួនរបស់លោកអ្នក (ដែលបាន​ពន្យល់​នៅក្នុង គោលនយោបាយអំពីឯកជនភាព រាល់ទំនាក់ទំនង ឬឯកសារណាមួយ ដែលលោកអ្នកផ្ញើទៅ Visa Site ជាអេឡិចត្រូនិក ឬបើមិនដូច្នេះទេ រួមបញ្ចូល ទិន្នន័យ សំណួរ មតិយោបល់ សំណើ ឬ​ការបំពេញព័ត៌មានណាមួយ វាគឺជា ហើយនឹងត្រូវបានចាត់ទុកថា ជាព័ត៌មានមិនសម្ងាត់ និងមិនមែនជាកម្មសិទ្ធិនោះទេ លុះត្រាតែបានបង្ហាញ​នៅក្នុងគោលនយោបាយអំពីឯកជនភាព។ សូមកត់ចំណាំថា គេហទំព័ររបស់ Visa U.S.A. មាន​គោលនយោបាយអំពីឯកជនភាព ដែលអនុវត្ត​យ៉ាងជាក់លាក់ចំពោះប្រទេសនេះ និងអាចមានលក្ខខណ្ឌខុសពីគ្នា។

រាល់អ្វីៗដែលលោកអ្នកផ្ញើទៅ Visa Site ទាំងអស់ Visa អាចយកទៅប្រើប្រាស់ក្នុងគោលបំណង ដោយរួមបញ្ចូល ការផលិតឡើងវិញ ការបញ្ជូន ការបង្ហាញ ការបោះពុម្ព ការផ្សព្វផ្សាយ និងការបិទផ្សាយ។ ដោយដាក់បញ្ចូលឯកសារទៅកាន់ Visa.com លោកអ្នកផ្ទេរ និងអនុញ្ញាតឲ្យ Visa ប្រើប្រាស់ ព័ត៌មានទាំងនោះ ដោយលោកអ្នកមិនអាចប្តូរវិញ ហើយលោកអ្នកយល់ព្រមក្នុងការមិនទាមទារសិទ្ធិថតចម្លង "សិទ្ធិផ្នែកសីលធម៌" ឬសិទ្ធិផ្សេងទៀត ដែលអាចមាននៅក្នុងឯកសារទាំងនោះ។ Visa គឺប្រើបានដោយសេរី ដោយគ្មានកាតព្វកិច្ច​ណាមួយ នូវរាល់គំនិត ផ្នត់គំនិត បច្ចេកទេស ឬរបៀប ដែលមាននៅក្នុងការទំនាក់ទំនងដែលលោកអ្នកផ្ញើទៅ Visa Site សម្រាប់គោលបំណងអ្វីក៏ដោយ រួមបញ្ចូល ការអភិវឌ្ឍន៍ ការផលិតក្នុង​រោងចក្រផលិត​ និងធ្វើ​ទីផ្សារលើផលិតផល និងសេវាកម្ម។

តាមរយៈការប្រើ Visa Site លោកអ្នកអាចបំពេញព័ត៌មាន ឬ Visa អាចប្រមូលព័ត៌មានជាក់លាក់អំពីលោកអ្នក និងអំពីការប្រើប្រាស់ Visa Site របស់លោកអ្នក។ ស្ថិតក្រោមលក្ខខណ្ឌនៃគោលនយោបាយអំពីឯកជនភាព Visa មានសេរីភាពក្នុងការប្រើព័ត៌មាន​ប្រភេទនេះសម្រាប់គោលបំណងណាមួយ ដែលខ្លួនគិតថាសមរម្យ។ 

ព័ត៌មាន និងសេវាកម្មដែលបានផ្តល់ ឬយោងនៅលើ Visa Site ត្រូវបានផ្តល់"ជា " អ្វីដែលមានស្រាប់ ហើយហានិភ័យទាំងស្រុង ដូចជាគុណភាពដែលពេញចិត្ត ការបំពេញការងារ សុក្រិតភាព និងកិច្ចខិតខំប្រឹងគឺជាការទទួលខុសត្រូវរបស់អ្នកប្រើប្រាស់។ នេះមានន័យថា ទោះបីជា Visa ខំ​ប្រឹងប្រែងដើម្បីរួមបញ្ចូលព័ត៌មាន​ត្រឹមត្រូវ និងថ្មីៗ នៅលើ Visa Site យើងមិនធានាអំពីសុក្រិតភាពរបស់ព័ត៌មានទាំងនោះឡើយ។ Visa មិនធ្វើការធានា បញ្ជាក់ ឬបង្កប់ន័យថា ព័ត៌មាន ឬសេវាណាមួយដែលផ្តល់ ឬយោងនៅលើ Visa Site អាចធ្វើពាណិជ្ជកម្មបាន ឬត្រឹមត្រូវ​ ព័ត៌មាន ឬសេវាប្រភេទនោះនឹងបំពេញតាមគោលបំណង ឬតម្រូវការពិសេសណាមួយ ឬព័ត៌មាន ឬសេវាកម្មប្រភេទនោះមិនបំពានលើសិទ្ធិភាគីទីបីនោះទេ។ Visa អាចជួនកាលបន្ថែម ផ្លាស់ប្តូរ ឬធ្វើឲ្យព័ត៍មានផ្សេងៗប្រសើរឡើងទាក់ទងនឹងផលិតផល សេវាកម្ម កម្មវិធី និងបច្ចេកវិទ្យា ដែលបានបង្ហាញនៅលើ Visa Site ដោយមិនចាំបាច់ធ្វើការជូនដំណឹងជាមុនឡើយ។ Visa មិនទទួលខុសត្រូវលើកំហុស ឬ​ការលុបចោលណាមួយនៅក្នុងខ្លឹមសារនៃ Visa Site ទេ។

ការប្រើប្រាស់ Visa Site របស់លោកអ្នកគឺស្ថិតក្នុង​ហានិភ័យ​ផ្ទាល់ខ្លួនរបស់លោកអ្នក។ ចំពោះវិសាលភាពអតិបរមាដែលអនុញ្ញាតដោយច្បាប់ Visa ក៏ដូចជាភាគីដែលពាក់ព័ន្ធក្នុង​ការបង្កើត ផលិត ឬចែកចាយ Visa Site ផ្សេងទៀតនឹងមិនទទួល​ខុសត្រូវ​លើ​ការខូចខាត​ដោយផ្ទាល់ មិនផ្ទាល់ ជាឧបទ្ទវហេតុ ជាលទ្ធផល ឬសងជំងឺចិត្ត (ដោយរួមបញ្ចូលទាំង អត្ថប្រយោជន៍ដែលបាត់បង់ តម្លៃសេវាកម្មជំនួស ឬឱកាសដែលបាត់បង់) កើតឡើងដោយរបៀបណាមួយ កើតចេញពីការប្រើប្រាស់របស់លោកអ្នក ឬត្រូវពឹងផ្អែកលើ Visa Site សូម្បីតែ Visa ទទួលដំណឹងពី​ការខូចខាត​ប្រភេទនេះក៏ដោយ។ ដោយគ្មានការកំណត់ដូចបានពិពណ៌នាខាងលើ Visa សន្មតថាគ្មានការទទួលខុសត្រូវ ហើយនឹងមិនទទួលខុស​ត្រូវ​លើ​​ការខូចខាត​ពាក់ព័ន្ធនឹង ឬបណ្តាលមកពីវីរុស ដែលអាច​ប៉ះពាល់ដល់ឧបករណ៍កុំព្យូទ័រ ឬ​ទ្រព្យសម្បត្តិ​ផ្សេងៗក្នុងពេលប្រើប្រាស់ ឬទាញយកទិន្នន័យនានាពី Visa Site។ Visa មិនអាច និងមិនធានាលទ្ធភាពចូលប្រើដោយមិនរអាក់រអួល ឬប្រកបដោយសុវត្ថិភាពនៅ Visa Site ទេ។

Visa មិនបានត្រួតពិនិត្យគេហទំព័រទាំងអស់ ដែលមានដាក់នៅលើតំណភ្ជាប់ទៅ Visa Site ឡើយ ហើយតំណភ្ជាប់ទាំងនេះមិនបង្ហាញពីការយល់ស្រប ឬការគាំទ្ររបស់ Visa ទៅលើឯកសារណាមួយ ដែលមាននៅក្នុងគេហទំព័រទាំងនោះទេ។ Visa មិនទទួលខុសត្រូវលើខ្លឹមសារនៃគេហទំព័រ​ ដែលមានតំណទៅ Visa Site ឡើយ។ ការតភ្ជាប់របស់លោកអ្នក និងការប្រើតំណភ្ជាប់ប្រភេទនេះគឺជាទំនួលខុសត្រូវរបស់លោកអ្នក។ 

ព័ត៌មានភាគច្រើននៅលើ Visa Site អាចអនុវត្តជា​អន្តរជាតិ ប៉ុន្តែព័ត៌មានខ្លះអាចអនុវត្តចំពោះប្រទេស ឬតំបន់ជាក់លាក់តែប៉ុណ្ណោះ។ ឧទាហរណ៍ ប្រសិនបើលោកអ្នកឃើញការបង្ហាញខាងក្រោមណា ដែលមានទំនាក់ទំនងទៅនឹងព័ត៌មាននៅលើ Visa Site។

"ព័ត៌មាននៅលើទំព័រនេះអាចអនុវត្តចំពោះអាជីវកម្មនៅសហរដ្ឋអាមេរិក។"

ដូច្នេះ ព័ត៌មាននៅលើទំព័រនោះអាចអនុវត្តចំពោះអាជីវកម្ម ​ដែលធ្វើប្រតិបត្តិការនៅសហរដ្ឋអាមេរិកតែប៉ុណ្ណោះ។ ទោះបីជា Visa ព្យាយាមតាមសមត្ថភាពរបស់ខ្លួន ក្នុងការដាក់សេចក្តីថ្លែងការណ៍បញ្ជាក់ថា ព័ត៌មានណាសម្រាប់ប្រទេស - និង/ឬតំបន់ណាក៏ដោយ ព័ត៍មាននោះមិនធានា ឬតំណាងថា ព័ត៌មានដែលគ្មានសេចក្តីថ្លែងបញ្ជាក់អាចអនុវត្តបានជាអន្តរជាតិឡើយ។ លោកអ្នកគួរតែពិនិត្យមើលថាតើ ព័ត៌មាននៅលើ Visa Site ប្រភេទណា​ដែលលោកអ្នក ឬស្ថាប័នរបស់លោកអ្នកអាចអនុវត្តបាន។ ទោះបីជាលោកអ្នកអាចចូលមើលព័ត៌មានជាក់លាក់សម្រាប់សហរដ្ឋអាមេរិកក្តី នេះមិនបញ្ជាក់ថា ព័ត៌មានប្រភេទនោះអាចអនុវត្ត ឬនឹងអនុវត្តបានក្នុងប្រទេស ឬតំបន់ដែលស្ថិតនៅក្រៅសហរដ្ឋអាមេរិកឡើយ។