ផ្នែកសំខាន់ៗនៃគោលនយោបាយឯកជនភាព Visa Checkout
អត្ថបទនេះផ្តល់នូវ សេចក្តីសង្ខេបអំពីរបៀប ដែលយើងធ្វើការគ្រប់គ្រងព័ត៌មានផ្ទាល់ខ្លួនរបស់លោកអ្នក។ យោងទៅលើគោលនយោបាយឯកជនភាព ពិស្តាររបស់យើងខាងក្រោម សម្រាប់ព័ត៌មានលម្អិត។
គោលនយោបាយឯកជនភាព
ព័ត៌មានដែលយើងប្រមូល
- ឈ្មោះ ព័ត៌មានទំនាក់ទំនង លេខប័ណ្ណទូទាត់ និងព័ត៌មានប្រតិបត្តិការប័ណ្ណ នៅពេលលោកអ្នកប្រើ Visa Checkout ។
- ព័ត៌មានបច្ចេកវិទ្យាអំពីកម្មវិធីរុករករបស់អ្នក និងចូលទៅកាន់ឧបករណ៍។
វិធីសំខាន់ៗដែលយើងប្រើប្រាស់ និងចែករំលែកព័ត៌មាន
- យើងខ្ញុំអាចទាក់ទងលោកអ្នកអំពី Visa Checkout ដើម្បីជម្រាបជូនពីការធ្វើបច្ចុប្បន្នភាពសេវាកម្ម និងលក្ខណៈពិសេសថ្មីៗរបស់ Visa Checkout ។
- យើងខ្ញុំចែករំលែកព័ត៌មានជាមួយអ្នកចេញប័ណ្ណទូទាត់របស់លោកអ្នក និងភាគីពាក់ព័ន្ធនៅក្នុងបណ្តាញទូទាត់ប័ណ្ណរបស់លោកអ្នក ដើម្បីដំណើរការប្រតិបត្តិការរបស់លោកអ្នក ដោយប្រើ Visa Checkout ។
- យើងខ្ញុំអាចចែករំលែកព័ត៌មានជាមួយស្ថាប័នហិរញ្ញវត្ថុ ដែលបានចេញផ្សាយប័ណ្ណរបស់អ្នក ដើម្បីធ្វើប្រតិបត្តិការសេវាកម្មផ្សេងទៀតដែលអាចរកបាននៅទូទាំង Visa Checkout ។
- យើងខ្ញុំចែករំលែកលេខប័ណ្ណទូទាត់របស់លោកអ្នកជាមួយនឹងអ្នកជំនួញ ដែលលោកអ្នកទូទាត់ជាមួយVisa Checkout និងអ្នកផ្តល់សេវាប្រតិបត្តិការរបស់ពួកគេ។
- យើងខ្ញុំចែករំលែកលេខប័ណ្ណទូទាត់របស់លោកអ្នកជាមួយនឹងអ្នកជំនួញ ដែលលោកអ្នកទូទាត់ជាមួយVisa Checkout និងអ្នកផ្តល់សេវាប្រតិបត្តិការរបស់ពួកគេ។
- ប្រសិនបើលោកអ្នកយល់ព្រម យើងអាចអញ្ជើញលោកអ្នកឱ្យចុះឈ្មោះថ្មីសម្រាប់សេវាកម្ម Visa ផ្សេងទៀត។
- យើងខ្ញុំប្រើព័ត៌មានរបស់លោកអ្នកដើម្បីផ្តល់ ធានាសន្តិសុខ ធ្វើប្រតិបត្តិការ និងពង្រឹង Visa Checkout ។
ជម្រើសរបស់លោកអ្នក
- សូមប្រឹក្សាជាមួយសេវាកម្ម ខ ឬគោលនយោបាយឯកជនភាពដែលអនុវត្ត ដើម្បីជ្រើសរើសសេវាបន្ថែមពីលើអ្វីដែលលោកអ្នកជាវ ឬដើម្បីចូលទៅកាន់ Visa Checkout ដែលធ្វើប្រតិបត្តិការដោយអ្នកចេញប័ណ្ណរបស់លោកអ្នក ឬភាគីទីបីផ្សេងទៀត ដូចជាការជូនដំណឹងផ្ទាល់ខ្លួនរបស់អ្នកចេញប័ណ្ណជាដើម។
- ដើម្បីបិទគណនី Visa Checkout របស់លោកអ្នក សូមអនុវត្តតាមសេចក្តីណែនាំក្នុងផ្នែកគាំទ្រអតិថិជននៃ Visa Checkout ។
មានសំណួរ?
មានកង្វល់ ឬចង់ផ្តល់យោបល់អំពីឯកជនភាព? សូមទាក់ទង យើងខ្ញុំដោយប្រើព័ត៌មានទំនាក់ទំនងដែលបានផ្តល់ជូនខាងក្រោម។
គោលនយោបាយឯកជនភាពនៃ Visa Checkout
សូមស្វាគមន៍មកកាន់Visa Checkout ។ ដូចមានប្រើនៅក្នុងគោលនយោបាយឯកជនភាពនេះ "Visa", "យើង","យើងខ្ញុំ" ឬសព្វនាមប្រហាក់ប្រហែលសំដៅទៅលើក្រុមហ៊ុន សាខា និងបុត្រសម្ពន្ធនៃ Visa ដែលរួមបញ្ចូលទាំង ក្នុងចំណោមក្រុមហ៊ុនផ្សេងទៀត, Visa U.S.A. Inc., Visa Canada Corporation, Visa International Service Association, និង Visa Worldwide Pte. Limited.
Visa Checkout គឺជាឈ្មោះថ្មីសម្រាប់សេវាកម្មដែលបានស្គាល់ពីមុនមកថាជា V.me ដោយ Visa ហើយលោកអ្នកអាចបន្តមើលឃើញឈ្មោះទាំងពីរ ដែលបានប្រើក្នុងពេលមួយរយៈ។ សូមអានខាងក្រោមដើម្បីស្វែងយល់អំពីរបៀបដែលយើងប្រមូល ការពារ និងប្រើទិន្នន័យរបស់លោកអ្នក។
ប្រសិនបើលោកអ្នកចុះឈ្មោះថ្មីសម្រាប់សេវាកម្ម Visa Checkout បន្ថែម ឬសម្រាប់សេវាកម្មចូលទៅកាន់ Visa Checkout ដែលអ្នកចេញប័ណ្ណរបស់លោកអ្នក ឬភាគីទីបីផ្សេងទៀតដំណើរការ គោលនយោបាយឯកជនភាពបន្ថែម ឬផ្សេងទៀត (ដូចជា គោលនយោបាយឯកជនភាពអ្នកចេញប័ណ្ណរបស់លោកអ្នក) ពិពណ៌នាអំពីការអនុវត្តទិន្នន័យបន្ថែម ឬខុសគ្នា អាចត្រូវបានអនុវត្តចំពោះសេវាកម្មទាំងនោះ។ ដូចគ្នានេះ ផលិតផល Visa ផ្សេងទៀត និងគេហទំព័រក៏មានគោលនយោបាយឯកជនភាពផ្ទាល់ខ្លួនដែរ។ នេះគឺជាគោលនយោបាយឯកជនភាពដែលអនុវត្តចំពោះVisa Checkout ។
គោលនយោបាយឯកជនភាពនេះត្រូវបានធ្វើបច្ចុប្បន្នភាពចុងក្រោយនៅថ្ងៃទី 27 ខែមករា ឆ្នាំ 2015។
ព័ត៌មានដែលយើងប្រមូល
"ព័ត៌មានផ្ទាល់ខ្លួន"—ដែលហៅថា "ទិន្នន័យផ្ទាល់ខ្លួន"—គឺជាព័ត៌មានដែលអាចប្រើដើម្បីកំណត់អត្តសញ្ញាណលោកអ្នកថាជាបុគ្គលមួយរូប។ យើងខ្ញុំប្រមូលព័ត៌មានផ្ទាល់ខ្លួន រាល់ពេលលោកអ្នកប្រើសេវាកម្ម ឬមុខងារណាមួយនៃ Visa Checkout ដោយរួមបញ្ចូលទាំងមុខងារដែលអនុញ្ញាតឱ្យលោកអ្នកបន្តក្នុងនាមជាភ្ញៀវ។ ព័ត៌មានផ្ទាល់ខ្លួនដែលយើងប្រមូល រួមមានព័ត៌មានដែលលោកអ្នកផ្តល់ដោយផ្ទាល់ និងព័ត៌មានដែលអាចផ្តល់ដោយស្ថាប័នហិរញ្ញវត្ថុ ដែលចេញប័ណ្ណទូទាត់របស់លោកអ្នក ("អ្នកចេញប័ណ្ណ")។ ការប្រមូលព័ត៌មានផ្ទាល់ខ្លួនទាំងអស់ដែលបានពិពណ៌នានៅទីនេះគឺចាំបាច់សម្រាប់ការប្រើសេវា Visa Checkout របស់លោកអ្នក។ ព័ត៌មាននេះរួមមាន ៖
- ឈ្មោះរបស់លោកអ្នក
- ព័ត៌មានទំនាក់ទំនង (ដោយរួមបញ្ចូលទាំងអ៊ីម៉ែល ទូរស័ព្ទ និងអាសយដ្ឋានផ្ញើសំបុត្ររបស់លោកអ្នក)
- ព័ត៌មានអំពីប័ណ្ណទូទាត់
នៅក្នុងករណីមួយចំនួន Visa Checkout អាចរួមបញ្ចូលជាមួយសេវាកម្ម ឬមុខងារផ្សេងទៀត ដែលផ្តល់ជូនដោយអ្នកចេញប័ណ្ណ ដូចជា សេវាកម្មជូនដំណឹងផ្ទាល់ខ្លួនរបស់អ្នកចេញប័ណ្ណ។ ក្នុងករណីបែបនេះ យើងខ្ញុំ និង អ្នកចេញប័ណ្ណធ្វើការប្រមូល និងចែករំលែកព័ត៌មាន (ដូចជា លេខទូរស័ព្ទដៃរបស់លោកអ្នក សម្រាប់សេវាកម្មជូនដំណឹង) ដែលត្រូវការ ដើម្បីធ្វើឱ្យលោកអ្នកអាចប្រើសេវាកម្មបានតាមរយៈគណនី Visa Checkout របស់លោកអ្នក។
យើងខ្ញុំប្រមូលព័ត៌មានផ្សេងទៀតអំពីការប្រើVisa Checkout របស់លោកអ្នក ដូចជា
- របៀបដែលលោកអ្នកប្រើសេវាកម្ម និងគេហទំព័រ Visa Checkout
- អាសយដ្ឋាន IP និងព័ត៌មានអំពីឧបករណ៍ដែលលោកអ្នកប្រើប្រាស់ដើម្បីចូលទៅកាន់ Visa Checkout
Visa Checkout អាចទទួលព័ត៌មានអំពីលោកអ្នកពីប្រភពផ្សេងទៀត ដូចជា
- ភាគីទីបីដែលត្រូវបានអនុញ្ញាតឱ្យផ្តល់ព័ត៌មានដល់យើងអំពីលោកអ្នក
- សេវាកម្ម Visa ផ្សេងដែលលោកអ្នកប្រើ ប្រសិនបើយើងត្រូវបានអនុញ្ញាតឱ្យធ្វើដូច្នេះ
យើងខ្ញុំប្រមូល ឬ ចងក្រងព័ត៌មានមិនផ្ទាល់ខ្លួនអំពីអ្នកប្រើ Visa Checkout ដូចជា លេខចុះឈ្មោះ និងព័ត៌មានក្រុមប្រជាសាស្ត្រក្រោមមូលដ្ឋានសរុប និងអនាមិក ។ យើងខ្ញុំអាចចែករំលែកព័ត៌មានមិនផ្ទាល់ខ្លួនជាមួយនឹងភាគីទីបីសម្រាប់ គោលដៅស្របច្បាប់ណាមួយ។
Visa Checkout ប្រើ cookies និងបច្ចេកវិទ្យាតាមដានវិបផ្សេងៗរបស់យើង ឬក្រុមហ៊ុនដែលផ្តល់សេវាកម្មបែបនេះមកយើងខ្ញុំសម្រាប់គោលដៅដែលបានពិពណ៌នាខាងក្រោម។ កម្មវិធី Browser អ៊ីនធឺណិតជាច្រើនអនុញ្ញាតឱ្យអ្នកប្រើប្រាស់ផ្ញើសញ្ញា «កុំតាមដាន» ទៅកាន់គេហទំព័រដែលពួកគេចូលមើល។ នាពេលបច្ចុប្បន្ន មិនមានការយល់ព្រមណាមួយទៅលើអត្ថន័យនៃ «កុំតាមដាន» ឬសញ្ញាប្រហាក់ប្រហែលទេ ហើយ Visa Checkout មិនមានយន្តការដើម្បីឆ្លើយតបនឹងសញ្ញាប្រភេទនេះឡើយ។ ភាគីផ្សេងទៀតអាចប្រមូលព័ត៌មានផ្ទាល់ខ្លួនអំពីសកម្មភាពតាមអ៊ីនធឺណិតរបស់លោកអ្នកតាមពេលវេលា និងតាមគេហទំព័រផ្សេងៗ នៅពេលដែលលោកអ្នកប្រើ Visa Checkout ដោយស្តិតក្រោមវិសាលភាពដែលពិពណ៌នានៅក្នុងគោលនយោបាយឯកជនភាពនេះប៉ុណ្ណោះ។
របៀបដែលយើងខ្ញុំប្រើព័ត៌មានដែលប្រមូលបាន
ជាបឋម យើងខ្ញុំប្រើព័ត៌មានដែលប្រមូលដើម្បីផ្តល់សេវាកម្ម Visa Checkout សម្រាប់លោកអ្នក និងសម្រាប់ការប្រើសេវាកម្ម។ ក្នុងនោះរួមមានការប្រើព័ត៌មានរបស់លោកអ្នកចំពោះ ៖
- បំពេញសំណើរបស់លោកអ្នក និងបំពេញប្រតិបត្តិការ ដោយរួមបញ្ចូលទាំងការផ្ញើសារ និងសេចក្តីជូនដំណឹងតាមអ៊ីម៉ែល
- ផ្ញើព័ត៌មានរដ្ឋបាលដល់លោកអ្នក ដូចជាការផ្លាស់ប្តូរចំពោះខ លក្ខខណ្ឌ និងគោលនយោបាយជាដើម
- វិភាគការប្រើ និងជាទូទៅលើកកម្ពស់សេវាកម្ម Visa Checkout
- ធានាសន្តិសុខរបស់សេវាកម្ម Visa Checkout ទប់ស្កាត់ការក្លែងបន្លំ និងដាក់គោលនយោបាយរបស់យើង
- ជួយតម្រូវតាមបុគ្គល
- បទពិសោធន៍ Visa Checkout របស់លោកអ្នក
- សេវាកម្ម Visa ផ្សេងដែលលោកអ្នកប្រើ
- ការផ្តល់ជូន និងការផ្សព្វផ្សាយដែលយើងផ្តល់ជូនលោកអ្នក
- ទាក់ទង លោកអ្នកអំពី Visa Checkout ដោយរួមបញ្ចូលទាំងលក្ខណៈពិសេស និងសេវាកម្មថ្មីៗ
- ទាក់ទង លោកអ្នកអំពីសេវាកម្ម Visa ផ្សេងទៀត ប្រសិនបើលោកអ្នកយល់ព្រម
- បំពេញ សកម្មភាពផ្សេងៗដោយមានការយល់ព្រមពីលោកអ្នក
- ធ្វើ ការវិភាគទិន្នន័យ និងសាវនកម្ម អភិវឌ្ឍផលិតផលថ្មី កំណត់ទំនោរប្រើប្រាស់ កំណត់ប្រសិទ្ធភាពនៃយុទ្ធនាការផ្សព្វផ្សាយ និងធ្វើប្រតិបត្តិការ និង ពង្រីកសកម្មភាពអាជីវកម្មរបស់យើងខ្ញុំ
របៀបដែលយើងចែករំលែកព័ត៌មានផ្ទាល់ខ្លួន
យើងខ្ញុំនឹងចែករំលែក ព័ត៌មានផ្ទាល់ខ្លួនរបស់លោកអ្នកតាមតែអ្វីដែលបានពិពណ៌នានៅក្នុងគោលនយោបាយនេះ និងគោលនយោបាយឯកជនភាពបន្ថែម សម្រាប់សេវាកម្ម Visa Checkout ផ្សេងទៀតប៉ុណ្ណោះ។ ជាពិសេស យើងខ្ញុំអាចចែករំលែក ព័ត៌មានផ្ទាល់ខ្លួនរបស់លោកអ្នក
- ជាមួយនឹងអ្នកជំនួញដែលអ្នកទូទាត់តាមរយៈ Visa Checkout និងអ្នកផ្តល់សេវាកម្មរបស់ពួកគេដើម្បីបំពេញប្រតិបត្តិការរបស់លោកអ្នក ដោះស្រាយជម្លោះ ជួយទប់ស្កាត់ការក្លែងបន្លំ និងផ្តល់សេវាកម្មអតិថិជន។ យើងខ្ញុំនឹងចែករំលែកលេខគណនីទូទាត់របស់លោកអ្នកតែជាមួយនឹងអ្នកជំនួញ និងអ្នកផ្តល់សេវាកម្មប្រតិបត្តិការរបស់ពួកគេប៉ុណ្ណោះ។ សូមកត់សម្គាល់ថា ភាគីទាំងនេះអាចមានគោលនយោបាយឯកជនភាពផ្ទាល់ខ្លួន ចំពោះរបៀបដែលពួកគេនឹងប្រើ និងបង្ហាញព័ត៌មានផ្ទាល់ខ្លួន។ យើងខ្ញុំសូមណែនាំលោកអ្នកឱ្យធ្វើការត្រួតពិនិត្យគោលនយោបាយឯកជនភាពនៃភាគី ដែលលោកអ្នកទាក់ទងដើម្បីស្វែងយល់អំពីការអនុវត្តរបស់ពួកគេ។
- ជាមួយនឹងអ្នកចេញប័ណ្ណរបស់លោកអ្នកដើម្បីដំណើរការប្រតិបត្តិការ, ធ្វើប្រតិបត្តិការសេវាកម្មរបស់អ្នកចេញប័ណ្ណដែលអាចចូលទៅដល់តាមរយៈ Visa Checkout, ដើម្បីធ្វើរបាយការណ៍អំពីរបៀបដែលលោកអ្នកប្រើប័ណ្ណទូទាត់នៅក្នុងVisa Checkout, និងដើម្បីអនុញ្ញាតឱ្យអ្នកចេញប័ណ្ណអាចផ្តល់សេវាកម្មអតិថិជន, ការវិភាគអំពីការប្រើប្រាស់, ការទប់ស្កាត់ការក្លែងបន្លំ, និងVisa Checkout ដែលទាក់ទងនឹងការធ្វើទីផ្សារ (ដោយផ្អែកលើការចង់បានរបស់លោកអ្នកជាមួយនឹងអ្នកចេញប័ណ្ណ)។ ការនេះអាចរួមបញ្ចូលទាំងព័ត៌មានអំពីថាតើលោកអ្នកបានដាក់ ឬយកប័ណ្ណចេញពី Visa Checkout ឬទេ ហើយថាតើលោកអ្នកបានជ្រើសរើសបិទគណនីVisa Checkout របស់អ្នកឬទេ។ វាមិនរួមបញ្ចូលព័ត៌មានអំពីរបៀបដែលលោកអ្នកប្រើប័ណ្ណទូទាត់នៅក្នុង Visa Checkout ដែលបានចេញដោយស្ថាប័នហិរញ្ញវត្ថុផ្សេងទៀតទេ។ សូមកត់សម្គាល់ថា អ្នកចេញប័ណ្ណរបស់លោកអ្នកអាចមានគោលនយោបាយឯកជនភាពផ្ទាល់ខ្លួនចំពោះការប្រើ និងបង្ហាញព័ត៌មានផ្ទាល់ខ្លួន។ យើងខ្ញុំសូំណែនាំឱ្យអ្នកត្រួតពិនិត្យគោលនយោបាយឯកជនភាពរបស់អ្នកចេញប័ណ្ណ ដើម្បីស្វែងយល់បន្ថែមអំពីការអនុវត្ត។
- ជាមួយនឹងក្រុមហ៊ុន និងអ្នកលក់ដែលជួយយើងខ្ញុំធ្វើអាជីវកម្ម។ យើងខ្ញុំតម្រូវថា ពួកគេការពារព័ត៌មានរបស់លោកអ្នក និងប្រើវាតែសម្រាប់គោលដៅនោះប៉ុណ្ណោះ។
- ដើម្បីផ្តល់ការដោះស្រាយមុខងារបំពេញស្វ័យប្រវត្តិ។ ប្រសិនបើលោកអ្នកវាយអាសយដ្ឋានផ្ញើសារ តួរអក្សរដែលលោកអ្នកបញ្ចូល និងអាសយដ្ឋាន IP របស់លោកអ្នកអាចផ្តល់ទៅឱ្យ និងផ្ទុកដោយ Google Inc ។ ការចាត់ចែងរបស់ Google នៃទិន្នន័យនោះនឹងត្រូវបានគ្រប់គ្រងដោយគោលនយោបាយឯកជនភាពរបស់ Google ដែលរកបាននាពេលបច្ចុប្បន្នតាម http://www.google.com/privacy/privacy-policy.html ។
- ដើម្បីអនុលោមតាមច្បាប់ ឬកាតព្វកិច្ចផ្នែកច្បាប់ផ្សេងៗ ដូចជាការឆ្លើយតបនឹងដីកា ដោយរួមបញ្ចូលទាំងច្បាប់ និងកាតព្វកិច្ចផ្នែកច្បាប់ផ្សេងទៀត ក្រៅពីប្រទេសដែលលោកអ្នករស់នៅ។
- ដើម្បីឆ្លើយតបនឹងសំណើពីសាធារណៈជន និងអាជ្ញាធររដ្ឋាភិបាល ដោយរួមបញ្ចូលទាំងសាធារណៈជន និងអាជ្ញាធររដ្ឋាភិបាល ខាងក្រៅប្រទេសដែលលោកអ្នករស់នៅ។
- ដើម្បីការពារសិទ្ធិ ឬទ្រព្យសម្បត្តិរបស់យើងខ្ញុំ ឬរបស់អ្នកប្រើប្រាស់យើងខ្ញុំ។
- ដើម្បីស៊ើបអង្កេត ទប់ស្កាត់ ឬចាត់វិធានការ ចំពោះសកម្មភាពដែលសង្ស័យថាមិនស្របច្បាប់ ការក្លែងបន្លំ ការគំរាមកំហែងចំពោះសុវត្ថិភាពផ្ទាល់ខ្លួនរបស់នរណាម្នាក់ ឬការបំពានលើខ និងលក្ខខណ្ឌនៃ Visa Checkout ។
- ជាមួយនឹងក្រុមហ៊ុនផ្សេងៗដែលត្រូវបានគ្រប់គ្រងដោយផ្ទាល់ ឬដោយមិនផ្ទាល់តាម Visa ដូចត្រូវបានអនុញ្ញាតដោយច្បាប់។
- សម្រាប់ប្រតិបត្តិការអាជីវកម្មដែលស្នើ ឬបំពេញ ពាក់ព័ន្ធនឹងការលក់ Visa (ឬគ្រប់ផ្នែក ឬផ្នែកខ្លះនៃអាជីវកម្មរបស់យើងខ្ញុំ)។
- ជាមួយនឹងការយល់ព្រមរបស់លោកអ្នក។
ជម្រើសរបស់លោកអ្នក
ប្រសិនបើលោកអ្នកជាវ ឬចូលទៅសេវាកម្មផ្សេងតាមរយៈ Visa Checkout ដែលត្រូវបានធ្វើប្រតិបត្តិដោយអ្នកចេញប័ណ្ណរបស់លោកអ្នក ឬភាគីទីបីផ្សេងទៀត សេវាទាំងនោះអាចផ្តល់វិធីផ្សេងៗក្នុងការជ្រើសរើស។ សម្រាប់សេចក្តីណែនាំអំពីរបៀបធ្វើការជ្រើសរើសសេវាទាំងនោះ សូមប្រឹក្សាអំពីសេវាកម្ម ខ ឬគោលនយោបាយឯកជនភាពដែលអនុវត្ត។
លោកអ្នកអាចកំណត់រចនាសម្ព័ន្ធកម្មវិធី Browser ដើម្បីបដិសេធ cookies ទាំងអស់ ឬដើម្បីជូនដំណឹងដល់លោកអ្នកនៅពេលមាន cookie ។ កម្មវិធី Browser នីមួយៗគឺខុសគ្នា ដូច្នេះសូមចូលទៅកាន់ផ្នែកជំនួយនៃកម្មវិធី Browser របស់លោកអ្នកដើម្បីស្វែងយល់អំពីរបៀបផ្លាស់ប្តូរ cookie និងការចង់បានឯកជនភាពប្រភេទណាមួយរបស់លោកអ្នក។ ទោះជាយ៉ាងណា ប្រសិនបើលោកអ្នកបដិសេធ cookie ការប្រើVisa Checkout របស់លោកអ្នកអាចមិនរលូន។
លោកអ្នកអាចបិទគណនី Visa Checkout តាមរយៈការអនុវត្តតាមសេចក្តីណែនាំនៅក្នុងផ្នែកគាំទ្រអតិថិជននៃគេហទំព័រ Visa Checkout ។ នៅពេលគណនីរបស់លោកអ្នកបិទ នោះលោកអ្នកនឹងមិនអាចចូលទៅកាន់គណនីនេះនៅលើអ៊ីនធឺណិតទៀតបានទេ។ ទោះបីជាគណនីរបស់លោកអ្នកបិទ យើងខ្ញុំនៅតែអាចរក្សា និងប្រើព័ត៌មានផ្ទាល់ខ្លួនរបស់លោកអ្នកដើម្បីអនុវត្តតាមច្បាប់ ទប់ស្កាត់ការក្លែងបន្លំ ដោះស្រាយជម្លោះ ជួយដល់ការស៊ើបអង្គេតណាមួយ ដាក់ឱ្យអនុវត្តគោលនយោបាយរបស់យើង វិភាគ និងលើកកម្ពស់សេវាកម្ម និងចាត់វិធានការផ្សេងទៀតដូចបានអនុញ្ញាតដោយច្បាប់។ យើងខ្ញុំនឹងឈប់រក្សាព័ត៌មានផ្ទាល់ខ្លួន ឬដកយកមធ្យោបាយដែលព័ត៌មានផ្ទាល់ខ្លួនអាចជាប់ទាក់ទងជាមួយបុគ្គល ដូចតម្រូវដោយច្បាប់ដែលអាចអនុវត្តបាន។
របៀបដែល លោកអ្នកអាចចូលទៅកាន់ និងកែប្រែព័ត៌មានផ្ទាល់ខ្លួនរបស់លោកអ្នក
ប្រសិនបើលោកអ្នកមាន គណនីVisa Checkout លោកអ្នកអាចត្រួតពិនិត្យឡើងវិញ និងកែប្រែព័ត៌មានផ្ទាល់ខ្លួន បានគ្រប់ពេលតាមរយៈការឡកចូលគណនីរបស់លោកអ្នក។ ដើម្បីស្នើលទ្ធភាពចូលទៅកាន់ព័ត៌មានផ្ទាល់ខ្លួន ឬដើម្បីធ្វើការកែតម្រូវទៅលើព័ត៌មានផ្ទាល់ខ្លួន ដែលមិនអាចរកបានតាមរយៈគណនី សូមទាក់ទងយើងខ្ញុំដោយប្រើព័ត៌មានទំនាក់ទំនង ដែលបានផ្តល់ជូនខាងក្រោម។ យើងខ្ញុំអាចគិតប្រាក់ពីលោកអ្នកនូវតម្លៃសមហេតុផលសម្រាប់លទ្ធភាពចូលទៅកាន់ព័ត៌មានផ្ទាល់ខ្លួន។
ប្រសិនបើលោកអ្នកអាចបង្ហាញថា ព័ត៌មានដែលយើងមានអំពីលោកអ្នក (ប្រសិនបើមាន) មិនត្រឹមត្រូវ មិនពេញលេញ និងមិនមានបច្ចុប្បន្នភាព យើងខ្ញុំត្រូវតែចាត់វិធានការដ៏សមហេតុផលដើម្បីធានាថា វាត្រឹមត្រូវ ពេញលេញ និងមានបច្ចុប្បន្នភាព។
របៀបដែលយើងការពារព័ត៌មានផ្ទាល់ខ្លួនរបស់លោកអ្នក
Visa ប្រើ firewall និងកម្មវិធីស្រទាប់រន្ធសុវត្ថិភាព (secure socket layer) ដើម្បីជួយការពារព័ត៌មានផ្ទាល់ខ្លួនដែលយើងប្រមូលពីលោកអ្នក នៅពេលដែលកំពុងមានទំនាក់ទំនងជាមួយយើងខ្ញុំ។ គោលនយោបាយរបស់យើងរិតត្បិតលទ្ធភាពចូលទៅកាន់ព័ត៌មានផ្ទាល់ខ្លួនសម្រាប់និយោជិត និងអ្នកផ្តល់សេវាកម្មដែលត្រូវដឹងព័ត៌មាន ដើម្បីផ្តល់សេវាកម្មនេះជូនដល់លោកអ្នក។ យើងរក្សាការការពារផ្នែករាងកាយ ផ្នែកអេឡិចត្រូនិច និងផ្នែកនីតិវិធី ដែលអនុវត្តចំពោះច្បាប់ និងបទបញ្ញតិ្តអំពីឯកជនភាព និងសន្តិសុខទិន្នន័យ។
Visa គឺជាផ្នែកនៃបណ្តាញទូទាត់សកលជាមួយនឹងបណ្តាញបុត្រសម្ព័ន្ធ អ្នកផ្តល់សេវា និងភ្នាក់ងារដែលមានទីតាំងនៅក្នុង និងក្រៅប្រទេសដែលលោកអ្នករស់នៅ។ ជាលទ្ធផល ព័ត៌មានផ្ទាល់ខ្លួនអាចត្រូវបានដំណើរការ និងផ្ទុកដោយ Visa ឬបុត្រសម្ព័ន្ធ អ្នកផ្តល់សេវា និងភ្នាក់ងារដែលមានទីតាំងនៅសហរដ្ឋអាមេរិក សិង្ហបុរី និងប្រទេសផ្សេងទៀត។ សូមកត់សម្គាល់ថា ប្រទេសទាំងនេះអាចមានច្បាប់ និងតម្រូវការខុសៗគ្នាអំពីឯកជនភាព និងការប្រើប្រាស់ទិន្នន័យខុសពីកន្លែងដែលលោកអ្នករស់នៅ។ ព័ត៌មានផ្ទាល់ខ្លួនណាមួយដែលត្រូវបានផ្ទេរនៅខាងក្រៅប្រទេស ដែលលោកអ្នករស់នៅដោយ Visa ឬបុត្រសម្ព័ន្ធ អ្នកផ្តល់សេវា និងភ្នាក់ងាររបស់ខ្លួននឹងធ្វើ ប្រើ និងបង្ហាញដោយអ្នកទទួល ដោយអនុលោមតាមគោលនយោបាយឯកជនភាពនេះ។ ឈ្មោះ និងអាសយដ្ឋានរបស់បុត្រសម្ព័ន្ធ អ្នកផ្តល់សេវា និងភ្នាក់ងារដែលមានរាយនៅក្នុងសេចក្តីបន្ថែម 1 ចំពោះគោលនយោបាយឯកជនភាពនេះនឹងត្រូវបានធ្វើបច្ចុប្បន្នភាពដូចដែលត្រូវការ។
ការប្រែប្រួលចំពោះគោលនយោបាយឯកជនភាពនេះ
យើងអាចផ្លាស់ប្តូរគោលនយោបាយឯកជនភាពនេះនៅពេលណាមួយតាមរយៈការបិទផ្សាយគោលនយោបាយឯកជនភាពថ្មីៗក្នុងគេហទំព័រនេះ។ ការផ្លាស់ប្តូរនឹងមានប្រសិទ្ធភាព នៅពេលលោកអ្នកទទួលយកគោលនយោបាយឯកជនភាពថ្មី ឬ 30 ថ្ងៃ បន្ទាប់ពីកាលបរិច្ឆេទ"ត្រូវបានធ្វើបច្ចុប្បន្នភាពចុងក្រោយ" នៅក្នុងគោលនយោបាយឯកជនភាពថ្មី ដែលមកមុន។ ការប្រើ Visa Checkout បន្ទាប់ពីកាលបរិច្ឆេទ «ត្រូវបានធ្វើបច្ចុប្បន្នភាពចុងក្រោយ» គឺចាត់ទុកថាជាការទទួលយកគោលនយោបាយឯកជនភាពនេះ។
របៀបទាក់ទងមក Visa ពាក់ព័ន្ធនឹងកង្វល់ និង សំណួរអំពីឯកជនភាពរបស់លោកអ្នក
ប្រសិនបើលោកអ្នកមានសំណួរ ឬមតិយោបល់អំពីការអនុវត្តឯកជនភាពរបស់យើងខ្ញុំ ឬចង់អនុវត្តសិទ្ធិរបស់លោកអ្នកដោយអនុលោមតាមគោលនយោបាយឯកជនភាពនេះ សូម
- ទូរស័ព្ទមកយើងខ្ញុំតាមលេខ 855.847.2032 (ពីសហរដ្ឋអាមេរិក ឬកាណាដា) ឬតាម +1 303.967.1041 (ទូរស័ព្ទដោយផ្ទាល់ជាអន្តរជាតិនៅទូទាំងពិភពលោក ដោយគិតតាមអត្រាហៅទូរស័ព្ទជាអន្តរជាតិ),
- សូមសរសេរមកកាន់យើងខ្ញុំតាមរយៈការផ្ញើលិខិតទៅ ៖ Visa Chief Privacy Officer, Global Privacy Office, P.O. Box 194607, San Francisco, CA, USA 94119-4607, ឬ
- ផ្ញើអ៊ីម៉ែលមកយើងខ្ញុំ។ សូមប្រើអាសយដ្ឋានត្រឹមត្រូវខាងក្រោមសម្រាប់ប្រទេសរបស់លោកអ្នក ៖
- អូស្ត្រាលី ៖ [email protected]
- អាហ្សង់ទីន ៖ [email protected]
- ប្រេស៊ីល ៖ [email protected]
- កាណាដា (អង់គ្លេស) ៖ [email protected]
- កាណាដា (បារាំង) ៖ [email protected]
- ឈីលី ៖ [email protected]
- ចិន ៖ [email protected]
- កូឡុំប៊ី ៖ [email protected]
- ហុងកុង ៖ [email protected]
- ម៉ាឡេស៊ី ៖ [email protected]
- ម៉ិកស៊ិច ៖ [email protected]
- នូវែហ្សេឡង់ ៖ [email protected]
- ប៉េរ៉ូ ៖ [email protected]
- សិង្ហបុរី ៖ [email protected]
- អាហ្វ្រិកខាងត្បូង ៖ [email protected]
- អារ៉ាប់រួម ៖ [email protected]
- សហរដ្ឋអាមេរិក ៖ [email protected]
ជម្លោះ
ប្រសិនបើលោកអ្នកមានការតវ៉ាអំពីការប្រព្រឹត្តរបស់យើងខ្ញុំចំពោះព័ត៌មានផ្ទាល់ខ្លួនរបស់លោកអ្នក សូមទាក់ទងប្រធានផ្នែកឯកជនភាព (Chief Privacy Officer) របស់យើងដោយប្រើព័ត៌មានទំនាក់ទំនង ដែលបានផ្តល់ជូនខាងលើ។ ប្រធានផ្នែកឯកជនភាព (Chief Privacy Officer) របស់យើងនឹងអង្គេតលើការតវ៉ារបស់លោកអ្នក ហើយខិតខំដោះស្រាយបញ្ហាដើម្បីឱ្យលោកអ្នកពេញចិត្ត។
ឧបសម្ព័ន្ធ 1
បុត្រសម្ព័ន្ធ អ្នកផ្តល់សេវា និង/ឬភ្នាក់ងារខាងក្រោមរបស់ Visa អាចដំណើរការ ឬផ្ទុក ព័ត៌មានផ្ទាល់ខ្លួនរបស់លោកអ្នកនៅក្នុងការតភ្ជាប់ជាមួយ Visa Checkout ៖
- Akamai Technologies, 150 Broadway, Cambridge, MA, USA 02142
- Amazon Services LLC, 410 Terry Avenue North, Seattle, WA, USA 98109
- EdgeCast Networks Inc., 2850 Ocean Park Blvd, Suite 200, Santa Monica, CA, USA 90405
- Google, Inc., 1600 Amphitheatre Parkway, Mountain View, CA, USA 94043
- Optimizely, Inc., 631 Howard Street, Suite 100, San Francisco, CA, USA 95105
- ThreatMETRIX, Inc., 5150 El Camino Real, Suite B-21, Los Altos, CA, USA 94022
- Unica Corporation, Reservoir Place North, 170 Tracer Lane, Waltham, MA, USA 02451