កម្មវិធី Visa Contactless

Visa Contactless គឺជាលក្ខណៈពិសេសនៃការទូទាត់ ដែលអនុញ្ញាតឲ្យអតិថិជនប្រើប្រាស់ប័ណ្ណ Visa របស់ពួកគេ ឬឧបករណ៍ចល័តនៅម៉ាស៊ីនឆូតប័ណ្ណ (POS)។ អតិថិជនគ្រាន់តែគ្រវីប័ណ្ណ ឬឧបករណ៍ចល័តនៅខាងមុខឧបករណ៍អាន សុវត្ថិភាពនៅពេលបង់ប្រាក់ ជំនួសឲ្យការឆូត ឬប្រគល់ប័ណ្ណទៅឲ្យអ្នកគិតលុយ។

Visa Contactless នឹងជួយគាំទ្រដល់ការរីកចម្រើនទៅមុខនៃការទូទាត់ដែលមានមូលដ្ឋានចេញពីទូរស័ព្ទដៃពេលអនាគត។ អតិថិជនរបស់លោកអ្នកនឹងមិនចាំបាច់របូតសាច់ប្រាក់ និងកាក់ពីដៃ ដែលអាចបង្កើនល្បឿនបង់ប្រាក់ និងកាត់បន្ថយការរង់ចាំ។ លើសពីនេះទៅទៀត ដើម្បីបង្កើនល្បឿនដំណើរការទូទាត់ រាល់ប្រតិបត្តិការភាគច្រើនដែលស្ថិតនៅក្រោម $50 (200.000 រៀល) អ្នកជំនួញដែលចូលរួមកម្មវិធីនេះមិនតម្រូវឲ្យទាមទារហត្ថលេខានោះទេ ។

Visa Contactless ផ្តល់នូវការការពារសន្ដិសុខដូចគ្នានឹងសុវត្ថិភាព ដែលលោកអ្នកទទួលបានថ្ងៃនេះជាមួយផលិតផលទូទាត់ដទៃទៀតរបស់ Visa ។

បាទ/ចាស។ Visa Contactless ប្រើប្រាស់ស្រទាប់ការពារសុវត្ថិភាពជាច្រើនជាន់ដើម្បីការពារប្រតិបតិ្តការ ដោយរួមបញ្ចូលការប្រើលេខសម្ងាត់ និងដំណើរការបណ្តាញដ៏មានសុវត្ថិភាព។ អតិថិជនក៏ទទួលបាននូវទំនួលខុសត្រូវសូន្យ* ចំពោះការទិញតាមរយៈប័ណ្ណ Visa Contactless ឬឧបករណ៍ចល័តណា ដែលគ្មានការអនុញ្ញាត។ លើសពីនេះទៅទៀត នៅពេលបង់ប្រាក់ ប័ណ្ណមិនដែលចេញពីដៃរបស់អតិថិជនឡើយ ដែលធ្វើឱ្យអ្នកកាន់ប័ណ្ណមានការគ្រប់គ្រងបន្ថែម និងសុវត្ថិភាពស្ថានីយទូទាត់។

គោលនយោបាយទំនួលខុសត្រូវសូន្យរបស់ Visa អនុវត្តចំពោះ​ប័ណ្ណដែលចេញដោយសហរដ្ឋអាមេរិកតែប៉ុណ្ណោះ​ ហើយមិនអនុវត្តចំពោះប្រតិបត្តិការពាណិជ្ជកម្មមួយចំនួន ឬប្រតិបត្តិការដែលមិនត្រូវបានដំណើរការដោយ Visa ។ លោកអ្នកត្រូវតែជូនដំណឹងស្ថាប័នហិរញ្ញវត្ថុរបស់លោកអ្នកជាបន្ទាន់ ពីការ​ប្រើប្រាស់ដែលគ្មានការអនុញ្ញាត។ សម្រាប់ការដាក់កំហិត ការដាក់កម្រិតជាក់លាក់ និងព័ត៌មានលម្អិតផ្សេងទៀត សូមប្រឹក្សាជាមួយធនាគារចេញ​ប័ណ្ណរបស់លោកអ្នក។

ប័ណ្ណជាមួយ Visa Contactless ត្រូវការគ្រវីក្នុងចម្ងាយបីសង់ទីម៉ែត្រពីឧបករណ៍អានសុវត្ថិភាព និងតម្រង់ទិសឲ្យបានត្រឹមត្រូវមុននឹងអាន។ មានតែឧបករណ៍អានសុវត្ថិភាពរបស់អ្នកជំនួញដែលបានអនុញ្ញាតតែប៉ុណ្ណោះ ដែលអាចដំណើរការព័ត៌មានលើប័ណ្ណ Visa និងឧបករណ៍ចល័តជាមួយ Visa Contactless​ បាន។

បាទ/ចាស។ Visa, MasterCard, និង American Express នឹងផ្តល់នូវដំណោះស្រាយដែលគាំទ្រដល់បទដ្ឋានដូចគ្នាចំពោះប័ណ្ណហ្វ្រេកង់វិទ្យុ (RF)—ISO 14443 A/B។ សូមចំណាំថា លក្ខណៈបច្ចេកទេសលម្អិតនឹងខុសគ្នាទៅតាមម៉ាកយីហោទូទាត់ប្រាក់នីមួយៗ។ ដើម្បីស្វែងយល់បន្ថែមអំពីព័ត៌មានលម្អិតរបស់ Visa Contactless សូមទាក់ទងប្រតិបត្តិករគណនីរបស់លោកអ្នក ឬធនាគារចេញម៉ាស៊ីនឆូតប័ណ្ណរបស់លោកអ្នក។

ដើម្បីប្រើឧបករណ៍អានគ្មាន​ទំនាក់ទំនងខាងក្រៅ (PCRs) ដែលដោតចូលទៅក្នុងម៉ាស៊ីនឆូតប័ណ្ណធម្មតាដែលមានស្រាប់របស់លោកអ្នក ជាដំបូងកម្មវិធីទូទាត់នៅក្នុងស្ថានីយដែលមានស្រាប់ត្រូវតែកែប្រែជាមុនសិន ដើម្បីអាចប្រើជាមួយ PCR បាន។ ដើម្បីស្វែងយល់បន្ថែមអំពីលក្ខណៈពិសេសរបស់ស្ថានីយ សូមទាក់ទងប្រតិបត្តិករគណនី ឬធនាគារចេញម៉ាស៊ីនឆូតប័ណ្ណរបស់លោកអ្នក។