ទៅដល់មនុស្សគ្រប់គ្នា គ្រប់ទីកន្លែង

ការដាក់បញ្ចូលហិរញ្ញវត្ថុធ្វើឲ្យជីវភាពរបស់មនុស្សគ្រប់គ្នាកាន់តែប្រសើរឡើង។

ការដាក់បញ្ចូលហិរញ្ញវត្ថុ

បណ្ដាញសកលរបស់ Visa គឺជាវេទិកាដ៏អស្ចារ្យមួយក្នុងការលើកកម្ពស់​ការដាក់បញ្ចូលហិរញ្ញវត្ថុ។។ តាមរយៈការនាំយកប្រជាជនឲ្យចូលក្នុងប្រព័ន្ធហិរញ្ញវត្ថុ​ផ្លូវការ យើងធ្វើឲ្យជីវិតប្រសើរឡើង បង្កើតឱកាស និង​ពង្រឹងសេដ្ឋកិច្ច។

ទិដ្ឋភាពទូទៅ

ការដាក់បញ្ចូលហិរញ្ញវត្ថុគឺជាគំនិតដ៏សាមញ្ញមួយគឺការធ្វើឱ្យប្រជាជន និងអាជីវកម្មអាចមានលទ្ធភាពប្រើប្រាស់សេវាទូទាត់ប្រាក់ និងហិរញ្ញវត្ថុផ្សេងទៀតប្រកបដោយសុវត្ថិភាព ភាពងាយស្រួល និងតម្លៃសមរម្យ ព្រមទាំងអាចប្រើប្រាស់សេវា​ទាំងនេះដើម្បីបំពេញតម្រូវការប្រចាំថ្ងៃ និងគោលដៅ​រយៈពេលវែងទៀតផង។

សាមញ្ញ ប៉ុន្តែ​មិន​ងាយ​ស្រួលទេ។ បច្ចុប្បន្ននេះ មនុស្សពេញវ័យប្រហែលជាពាក់កណ្ដាលនៃពិភពលោក​ រស់នៅក្នុងសេដ្ឋកិច្ច​បែបក្រៅប្រព័ន្ធ ដោយដោះដូរជាសាច់ប្រាក់ទាំងស្រុង។ ដើម្បីក្លាយជាប្រជាជនម្នាក់ក្នុងចំណោមប្រជាជន ដែលគេ​ប៉ាន់ស្មានថាមានចំនួនជាងពីរប៊ីលាននាក់ គឺត្រូវប្រឈមមុខនឹងឧបសគ្គផ្នែកហិរញ្ញវត្ថុជាច្រើន ដែលធ្វើឱ្យជីវិត​មានហានិភ័យ ចំណាយច្រើន និងគ្មានប្រសិទ្ធភាព។ ការដាក់បញ្ចូលហិរញ្ញវត្ថុជួយប្រជាជនឱ្យផុតពីភាពក្រីក្រ បង្កើតបានប្រជាពលរដ្ឋដែលមានលទ្ធភាពធ្វើអាជីវកម្ម បង្កើតឱកាសអាជីវកម្ម និងជំរុញកំណើនសេដ្ឋកិច្ច។

ការទូទាត់បែបឌីជីថលគឺជា «ផ្លូវតភ្ជាប់» មួយឆ្ពោះទៅរកការដាក់បញ្ចូលហិរញ្ញវត្ថុ ដែលជាញឹកញាប់ ការទូទាត់បែបឌីជីថលទាំងនេះគឺជាផលិតផលផ្នែកហិរញ្ញវត្ថុផ្លូវការដំបូង ដែល​ប្រជាជនម្នាក់ប្រើប្រាស់។ Visa បានចំណាយពេល 60 ឆ្នាំចុងក្រោយនេះ ភ្ជាប់ទំនាក់ទំនងប្រជាជន និងស្ថាប័ន​រាប់រយលានទៅនឹងប្រព័ន្ធសកល ដែលដំណើរការ​ប្រតិបត្តិការ​ផ្នែកហិរញ្ញវត្ថុដោយល្បឿន​លឿន មានសុវត្ថិភាព និងមានទំនុកចិត្ត។ ជាមួយនឹង​ចំណេះដឹង និងសមត្ថភាពបច្ចេកទេស Visa គឺសក្តិសមបំផុតក្នុងការលើកកម្ពស់ការដាក់បញ្ចូលហិរញ្ញវត្ថុ។

ក្នុងឆ្នាំ 2015 Visa បានប្ដេជ្ញាចិត្តជា​សាធារណៈដើម្បីផ្ដល់គណនីទូទាត់ទៅឲ្យប្រជាជន​ ដែលមិនមានប្រាក់ក្នុងធនាគារចំនួន 500 លាននាក់​ផ្សេងទៀត ដើម្បីជាផ្នែកមួយនៃការអំពាវនាវរបស់ធនាគារ​ពិភពលោកសម្រាប់លទ្ធភាពទទួលបានសេវាហិរញ្ញវត្ថុសកលនៅឆ្នាំ 2020។ យើងពិតជារំភើបក្នុងការបន្តអនុវត្តគោលដៅនេះ ហើយយើងដឹងថាគោលដៅនេះ​គឺអាចសម្រេចបាន!

ថាមពលនៃការដាក់បញ្ចូលហិរញ្ញវត្ថុ

ផលិតផលរបស់យើងកំពុងតែធ្វើឲ្យជីវិត និងជីវភាពរស់នៅជុំវិញពិភពលោកមានភាពប្រសើរឡើង។

ការផ្ញើ + ការទទួលប្រាក់

នៅកន្លែងជាច្រើនក្នុងពិភពលោក ការយកប្រាក់​ទៅឲ្យមនុស្សម្នាក់ផ្សេងទៀតគឺមានហានិភ័យ ចំណាយច្រើន និងមិនងាយស្រួលឡើយ។​ Visa ផ្ដល់ជូននូវជម្រើសដ៏ឆាប់រហ័ស មានប្រសិទ្ធភាព និងអាចជឿទុកចិត្តបានសម្រាប់ការទូទាត់ផ្ទាល់ខ្លួន ដូចជាការផ្ញើប្រាក់ទៅផ្ទះ ឬបង់ថ្លៃសាលា។

ផលិតផលតាមបណ្ដាញទូទាត់ចល័ត mVisa របស់ Visa កំពុងយកឈ្នះកង្វះខាតចំនួនសាខារបស់ធនាគារ តាមរយៈ​ការជួយប្រជាជនឱ្យអាចចូលប្រើប្រាស់ប្រាក់របស់គេ ឬចាប់ផ្ដើម​ប្រតិបត្តិការនៅតាមទីតាំងអាជីវកម្ម ដែលមានផ្លាក Visa នៅក្នុងប្រទេសរវ៉ាន់ដា ប្រទេសអេហ្ស៊ីប ប្រទេសឥណ្ឌា និងប្រទេសកេនយ៉ា។

ផលិតផលទូទាត់ចល័ត mVisa របស់ Visa កំពុងយកឈ្នះកង្វះខាតចំនួនសាខារបស់ធនាគារ តាមរយៈការជួយប្រជាជនឱ្យអាចចូលប្រើប្រាស់ប្រាក់របស់គេ ដោយប្រើទូរស័ព្ទដៃដែលប្រើសេវាក្រុមហ៊ុនទូរស័ព្ទចល័តណាក៏បាន ហើយទូទាត់នៅតាមហាង ដែលមានផ្លាក mVisa នៅក្នុងប្រទេសឥណ្ឌា ប្រទេសកេនយ៉ា និងប្រទេសរវ៉ាន់ដា។

Four Chinese people standing outside looking at smart phone.

ការទូទាត់សម្រាប់តម្រូវការប្រចាំថ្ងៃ

ផលិតផលឌីជីថលរបស់ Visa កំពុងធ្វើឲ្យជីវិតប្រចាំថ្ងៃ​កាន់តែមានសុវត្ថិភាព និងងាយស្រួលជាងមុនសម្រាប់​ប្រជាជននៅជុំវិញពិភពលោក។ ផលិតផលរបស់យើងផ្ដល់ឲ្យប្រជាជននូវមធ្យោបាយដ៏ល្អ​ប្រសើរដើម្បីទូទាត់លើរបស់ចាំបាច់ ដូចជា អាហារ សម្លៀកបំពាក់ ឱសថ និងការដឹកជញ្ជូន។

Visa ធ្វើការយ៉ាងជិតស្និទ្ធជាមួយនឹងដៃគូដើម្បីផ្ដល់ជូននូវ​ផលិតផល ដែល​ត្រឹមត្រូវសម្រាប់ស្ថានការណ៍ផ្សេងៗ។ ឧទាហរណ៍ នៅក្នុងប្រទេសហ្វីលីពីនមានប័ណ្ណបង់ប្រាក់​ជាមុន​ដើម្បីទទួលបានជំនួយសង្គ្រោះបន្ទាន់ដល់ជន​រងគ្រោះដោយសារខ្យល់ព្យុះ។ នៅក្នុងប្រទេសនីហ្សេរីយ៉ា គណនីសន្សំមានតែម្ចាស់អាជីវកម្មជាស្ត្រីទេ។ យើងខ្ញុំកំពុងភ្ជាប់ទំនាក់ទំនងក្រុមសន្សំប្រាក់ដោយខ្លួនឯងទៅនឹង​ធនាគារនៅអ៊ូហ្គង់ដា និងកំពុងបង្កើត​ប័ណ្ណឥណទាន ដែលមានសុវត្ថិភាពសម្រាប់គ្រួសារជនជាតិ​ភាគតិច។

ទទួលបានការទូទាត់របស់រដ្ឋាភិបាល

រដ្ឋាភិបាលកំពុងប្រើផលិតផលបង់ប្រាក់ជាមុនរបស់ Visa ដើម្បីទូទាត់ប្រាក់បៀវត្សរ៍ ប្រាក់ឧបត្ថម្ភ និងប្រាក់ចូលនិវត្ត ដោយផ្លាស់ប្ដូរពីសាច់ប្រាក់ និងការផ្តល់ជំនួយជាសម្ភារៈ។ ការធ្វើដូច្នេះ រដ្ឋាភិបាលកំពុងតែធ្វើឱ្យការទូទាត់មានសុវត្ថិភាព និងប្រសិទ្ធភាពជាងមុន ដោយបង្កើតរដ្ឋាភិបាលលើអ៊ីនធឺណិតដែលមានតម្លាភាព និងណែនាំប្រជាជនឱ្យស្គាល់សេវាហិរញ្ញវត្ថុផ្លូវការនានា។

Visa កំពុងធ្វើការជាមួយរដ្ឋាភិបាលនៅក្នុងប្រទេសអេហ្ស៊ីប និងសាធារណរដ្ឋដូមីនី ក្នុងការបើកប្រាក់ឈ្នួល និងការគាំទ្រសុខមាលភាពសង្គមដល់គ្រួសារជាងប្រាំបីលានគ្រួសារ ដែលមានប័ណ្ណបង់ប្រាក់ជាមុនរបស់ Visa ។

Woman at window counter of neighborhood store in Brazil.

បង្កើតភាពងាយស្រួល

នៅពេលហាង និងអាជីវកម្មខ្នាតតូចជិតខាង​ផ្សេងទៀតផ្លាស់ប្ដូរ​ពីសាច់ប្រាក់ទៅជាឌីជីថលវិញ ហាង និង​អាជីវកម្មទាំងនោះផ្ដល់ជូននូវកន្លែងងាយស្រួល និង​ជឿទុក​ចិត្តសម្រាប់ប្រជាជនក្នុងការសិក្សា និងប្រើប្រាស់ការទូទាត់ និងការដាក់ប្រាក់​បែបឌីជីថល។

តាមរយៈភាពជាដៃគូជាមួយនឹងហាងនំបុ័ង (Bimbo) ធំបំផុតរបស់ពិភពលោក Visa កំពុងតែកែ​លម្អហាងតូចៗ (mom and pop) នៅផ្លូវកែង ចំនួន 70.000 នៅម៉ិកស៊ិក ដោយអនុញ្ញាតឲ្យហាងទាំងនោះទូទាត់ និងទទួលយកការទូទាត់ឌីជីថល មានដូចជាការបញ្ជា​ទិញខ្សែសង្វាក់ផ្គត់ផ្គង់។

ជំនួយទ្រទ្រង់របស់រដ្ឋាភិបាលសាធារណរដ្ឋដូមីនីក

Visa ផ្តល់ជូននូវបច្ចេកវិទ្យាប័ណ្ណបង់ប្រាក់ជាមុន ដើម្បីបង្កើន​ការដាក់បញ្ចូលហិរញ្ញវត្ថុ​តាមរយៈ​ជំនួយទ្រទ្រង់របស់រដ្ឋាភិបាល។

Farmers load hay on to a tractor in China.

តំបន់ដាក់បង្ហាញការដាក់បញ្ចូលហិរញ្ញវត្ថុនៃប្រទេសចិន

Visa ចាប់ដៃគូជាមួយរដ្ឋាភិបាល អង្គការក្រៅរដ្ឋាភិបាល សកលវិទ្យាល័យ និងស្ថាប័នហិរញ្ញវត្ថុដើម្បី​ឈានទៅដល់​ប្រជាពលរដ្ឋតាមទីជនបទប្រមាណ 5 លាននាក់​ជាមួយនឹង​សេវាកម្ម​ហិរញ្ញវត្ថុ។

សហការសម្រាប់ការដាក់បញ្ចូលហិរញ្ញវត្ថុ

Visa ទទួលបានជោគជ័យជាមួយនឹងដៃគូជាច្រើន​របស់យើង។ យើងខ្ញុំធ្វើការជាមួយនឹងក្រុមហ៊ុនឯកជន រដ្ឋាភិបាល និងអង្គការមិនរកប្រាក់ចំណេញ ដើម្បីអាចទៅឱ្យដល់សហគមន៍ដែលមិនទាន់ទទួលបានសេវាកម្មនៅជុំវិញពិភពលោក និងបង្កើតដំណោះស្រាយចាំបាច់សម្រាប់​ការដាក់បញ្ចូលហិរញ្ញវត្ថុ។

building icon

វិស័យឯកជន

អាជីវកម្មកំពុងតែដំណើរការខ្លាំងលើការច្នៃប្រឌិត និងការវិនិយោគដែលលើកកម្ពស់​ដល់ការទូទាត់បែបឌីជីថល និងធ្វើឱ្យមានការដាក់បញ្ចូលហិរញ្ញវត្ថុ។ Visa ធ្វើការជាមួយនឹងធនាគារ និងស្ថាប័នហិរញ្ញវត្ថុ អ្នកច្នៃប្រឌិតបច្ចេកវិទ្យា និងអ្នកលក់បន្តផ្សេងទៀត ដើម្បីបង្កើត ធ្វើតេស្ត និងវាស់ដំណោះស្រាយឌីជីថល​ដែលទៅដល់ប្រជាជន និងអាជីវកម្មដែលគ្មានប្រាក់​នៅធនាគារ និងមិនទាន់ទទួលបានសេវា។

យើងបានធ្វើការជាមួយសហព័ន្ធកាហ្វេរបស់ប្រទេសកូឡុំប៊ី Tarjeta Cafetera និង Banco de Bogotá​ដើម្បីចាប់ផ្ដើមប័ណ្ណឥណពន្ធដែលអាចបញ្ចូលប្រាក់ឡើងវិញបាន ដូច្នេះកសិករអាចទទួលបានការទូទាត់ប្រមូលផល និងប្រាក់ឧបត្ថម្ភរបស់រដ្ឋាភិបាល ដោយពុំចាំបាច់​ធ្វើដំណើរឆ្ងាយទៅទីប្រជុំជន។ នៅប្រទេសឥណ្ឌា យើងកំពុងជួយសេវាហិរញ្ញវត្ថុ Janalakshmi ឲ្យកែប្រែប្រាក់កម្ចីដែលបានដកប្រើពី​សាច់ប្រាក់ទៅជាប័ណ្ណ Visa សម្រាប់អតិថិជនជាស្ត្រីចំនួន 5,5 លាននាក់ ព្រមទាំងផ្ដល់ការបង្ហាត់​ផ្នែកហិរញ្ញវត្ថុ និងការសន្សំប្រាក់។

financial institution icon

រដ្ឋាភិបាល

រដ្ឋាភិបាលគឺជាដៃគូដ៏សំខាន់សម្រាប់លើកកម្ពស់ការដាក់​បញ្ចូលហិរញ្ញវត្ថុ។ រដ្ឋាភិបាលកំណត់អាទិភាព និងគោលនយោបាយជាតិ ដែលមានឥទ្ធិពលដោយផ្ទាល់ទៅកាន់ប្រជាពលរដ្ឋ និងអាជីវកម្មជាច្រើនតាមរយៈប្រាក់ឈ្នួល អត្ថប្រយោជន៍សង្គម និងការទូទាត់ផ្សេងទៀត។

Visa កំពុងគាំទ្ររបៀបវារៈរបស់រដ្ឋាភិបាលអេហ្ស៊ីបដើម្បី​ផ្លាស់ប្ដូរសេដ្ឋកិច្ច​ប្រើសាច់ប្រាក់ ដោយផ្លាស់ការបើកប្រាក់បៀវត្សរ៍របស់មន្ត្រីរដ្ឋាភិបាលជិតប្រាំពីរលាននាក់ ឱ្យទៅជាការបើកតាម​ប័ណ្ណបង់ប្រាក់ជាមុនរបស់ Visa ។ Visa ក៏បានបង្កើតផែនការសកម្មភាពដើម្បីពង្រឹង​ការផ្ដល់ជូនប្រាក់ឧបត្ថម្ភ​ឌីជីថល​លើអាហារ និងនំបុ័ងដល់ 22 លានគ្រួសារ។ នៅក្នុងប្រទេសចិន Visa កំពុងធ្វើការជាមួយអ្នកឧបត្ថម្ភរបស់រដ្ឋាភិបាល ដើម្បីទៅឱ្យដល់ប្រជាជនដែលមិនទទួលបានសេវាចំនួន 10 លាននាក់នៅឆ្នាំ 2020 តាមរយៈការស្រាវជ្រាវ ឧត្តមានុវត្ត ការបណ្ដុះបណ្ដាល និងការច្នៃប្រឌិតផលិតផល តាមរយៈ «តំបន់បង្ហាញការដាក់បញ្ចូលហិរញ្ញវត្ថុ» នៅក្នុងខេត្តភាគខាងជើងចំនួនបី។

magnify icon

ស្ថាប័នមិនរកប្រាក់ចំណេញ

Visa ផ្ដល់មូលនិធិដល់ស្ថាប័នមិនរកប្រាក់ចំណេញ ផ្ដល់សម្បទានដើម្បីបង្កើតកម្មវិធី និងចែករំលែកគំនិតស្ដីពីឧស្សាហកម្ម ក្នុងគោលបំណងស្វែងរកវិធីច្នៃប្រឌិតថ្មី ដើម្បីអាចទៅឲ្យ​ដល់ប្រជាជន ដែលនៅក្រៅប្រព័ន្ធអេកូឡូស៊ីហិរញ្ញវត្ថុ។ ដៃគូសំខាន់ៗរបស់យើងខ្ញុំមួយចំនួនមានដូចខាងក្រោម។