ដំណោះស្រាយការផ្សព្វផ្សាយពាណិជ្ជកម្មរបស់ Visa

ដំណោះស្រាយកម្មវិធីផ្សាយពាណិជ្ជកម្ម​ Visa គឺជាស៊េរីផលិតផលថ្មី ដែលប្រើព័ត៌មានផ្អែកលើទិន្នន័យប្រតិបត្តិការដើម្បីជួយដល់អាជីវកម្ម ក្នុងការកំណត់គោលដៅ និងវាស់វែងលទ្ធផលយុទ្ធនាការផ្សព្វផ្សាយឌីជីថលឱ្យបានកាន់តែប្រសើរ។  ដំណោះស្រាយកម្មវិធីផ្សាយពាណិជ្ជកម្ម​ Visa ​បច្ចុប្បន្ន​មាន​ពីរ​ផលិតផល ៖ Visa Audiences ជួយ​អ្នកផ្សាយពាណិជ្ជកម្មពង្រឹង​ការកំណត់​គោលដៅ​អតិថិជន​របស់​ខ្លួន រីឯ Visa Ad Measurement ជួយអ្នកផ្សាយ​ពាណិជ្ជកម្មវាស់វែង​លទ្ធផលយុទ្ធនាការ​ផ្សព្វផ្សាយទាំង​តាម​អ៊ីនធឺណិត និង​ខាងក្រៅ។​ 

 ជាឧទាហរណ៍ សម្រាប់អ្នកលក់រាយ ដែលចង់ផ្សព្វផ្សាយ​ការលក់តាមរដូវកាលអាចជ្រើសរើសគោលដៅ  អតិថិជនបាន ដោយផ្អែកលើការរួមបញ្ចូលតាមប្រជាសាស្រ្ត និងទិន្នន័យឥរិយាបទទិញ កន្លងមក។ ក្នុងស្ថានភាពនេះ គេអាចប្រើ Visa Audiences បានតាមរយៈ អ្នក​ផ្តល់សេវាប្រព័ន្ធផ្សព្វផ្សាយឌីជីថល ដើម្បីជ្រើសយកអ្នកទិញញឹកញាប់ក្នុងប្រភេទដូចគ្នានឹងអតិថិជនគោលដៅ រួចការផ្សាយពាណិជ្ជកម្មឌីជីថលនឹងត្រូវបានផ្សព្វផ្សាយទៅក្រុមនេះនៅទូទាំងបណ្ដាញ និងឧបករណ៍ជាច្រើន។ Visa Ad Measurement កំណត់ ពីវិធីសាស្រ្ត​ផ្សព្វផ្សាយពាណិជ្ជកម្មណាដែលបង្កើនការទិញតាម​អ៊ីនធឺណិត ឬនៅក្នុងហាង។ លទ្ធផលទាំងនេះជួយ  បង្ហាញពីប្រសិទ្ធ​ភាព​ផ្សព្វផ្សាយ​ពាណិជ្ជកម្ម និងអនុញ្ញាត​ឲ្យអ្នកផ្សព្វផ្សាយកែតម្រូវ​ការផ្តល់ជូននានា –  ទាំងក្នុងពេលពេលវេលាជាក់ស្តែង ឬក្រោយយុទ្ធនាការ – ទៅតាមការច្នៃប្រឌិត និ​ង​/ឬ បណ្តាញ។

Visa បង្ហាញតែទិន្នន័យប្រតិបត្តិការ (សហរដ្ឋអាមេរិកតែប៉ុណ្ណោះ) ដែលត្រូវ​បាន​ ប្រមូលជារួម​ និង​មិនបង្ហាញអត្តសញ្ញាណ។ គ្មានអត្តសញ្ញាណបុគ្គលណាម្នាក់ត្រូវបានបង្ហាញក្នុង  ទិន្នន័យប្រតិបត្ដិការនេះទេ។ គ្មានព័ត៌មាន​ចំណែកទីផ្សារ​របស់អ្នកជំនួញ​ត្រូវ​បាន​បង្ហាញឡើយ ​ហើយ ក៏គ្មានទិន្នន័យប្រតិបត្តិការ​អ្នកជំនួញ​ណាម្នាក់​ត្រូវ​បាន​ប្រើ​ប្រាស់ ​ដោយ​គ្មាន​ការ​យល់​ព្រមជាមុន​ពី​អ្នកជំនួញ​ដែរ។​

Visa មិន​តម្រូវ​ឲ្យអ្នកប្រើប្រាស់ត្រូវតែចូលរួមកម្មវិធីនេះទេ​ ព្រោះការកំណត់គោលដៅ និង​ការវាស់វែង​ទាំងអស់​ ប្រើប្រាស់ទិន្នន័យ​  ចំណាយ​របស់  Visa ដែល​ត្រូវ​បាន​បង្កើត​ឡើង​ដោយកម្រិត​ជារួម​ និង  មិនកំណត់អត្តសញ្ញាណ។ Visa គាំទ្រដល់​ជម្រើសអ្នកប្រើប្រាស់ដែលមិន​ចង់ចូលរួមផ្តល់ទិន្នន័យ​ដោយ​ការផ្ដល់​​ នូវតំណភ្ជាប់​នៅលើគេហទំព័ររបស់ Visa.com។

ក្រុមអតិថិជនដែលត្រូវបានរួមបញ្ចូល និងបង្កើតរួចជាស្រេច  គឺ​អាចរកបាននៅតាម​ប្រព័ន្ធផ្សព្វផ្សាយ​ដែលចូលរួមនៅគ្រប់ទីកន្លែង។  Visa សហការជាមួយបណ្ដាញ ការផ្លាស់ប្តូរ, DSPs និងអ្នកបោះពុម្ពផ្សាយ  នៅក្នុងកិច្ចខិតខំប្រឹងប្រែង​ដើម្បី​ធានាថាកម្មវិធី Audiences និង Measurement របស់យើង​គឺអាចរកបាន សឹងតែនៅគ្រប់ទីកន្លែងអ្នកផ្សាយពាណិជ្ជកម្មឌីជីថលប្រើប្រាស់ប្រព័ន្ធផ្សព្វផ្សាយ។

Visa Audiences​ មានផ្ដល់ជូនដោយអ្នកផ្តល់សេវាប្រព័ន្ធផ្សព្វផ្សាយ​ ដោយមិនត្រូវការ​អនុវត្ត ឬពេលវេលាច្រើនដើម្បីចាប់ផ្ដើមនោះ​ទេ។​  ប្រសិន​បើ​លោក​អ្នក ត្រូវ​ការ​អតិថិជនប្រភេទណាមួយ​ ​ឬចង់សាកសួរអំពី​អ្នកផ្ដល់សេវាកម្ម​ប្រព័ន្ធ​ផ្សព្វផ្សាយ  សាកសួរទាក់ទងនឹងកម្មវិធី​ Measurement ឬ​សំណួរ​ផ្សេងៗ​ទៀតសូមទាក់ទងមក​ យើង​ នៅថ្ងៃនេះ។